ഗോകുൽ എന്തെങ്കിലും പ്രശ്നങ്ങൾ
സോൾവ് ചെയ്യാൻ പോകുമ്പോളെല്ലാം
ദേവ..അവന്റെ നെറ്റിയിൽ ചെറുചുംബനം
നൽകാറുണ്ട്... കാരണം അവളുടെ സഹോദരന് കൊടുക്കുന്ന ചുംബനത്തിന്
എന്തൊരു മാന്ത്രികശക്തി ഉണ്ട്....

അവൾ അവന്റെ അരികിൽ നിന്നും എണിറ്റു സ്വാസികയുടെ അടുത്തേക്ക് ചെന്നു...ദേവ പറഞ്ഞത് കേട്ട് സ്വാസിക ഞെട്ടി.....

തുടർന്നു വായിക്കുക.....

\"ദേവ.... നീ... എന്താ പറഞ്ഞത്....\'

\"ഞാൻ പറഞ്ഞത് സ്വാസിക കേൾക്കാത്തപോലെ അഭിനയിക്കുക ആണോ... അതോ ഞാനെങ്ങനെ ഈ കാര്യം അറിഞ്ഞുവെന്നാണോ നീ ആലോചിക്കുന്നത്...എനിക്കറിയണം സത്യം എന്തെന്ന്....\"

\"ഞാൻ പറയാം.. എല്ലാ കാര്യങ്ങളും...എന്തായാലും ഇന്ന് പറയാൻ കഴിഞ്ഞത് ഭാഗ്യം... ഇന്ന് അവരുടെ സൗഹൃദം പുനർജനിച്ചാൽ ഏറ്റവും കൂടുതൽ സന്തോഷിക്കുന്നത് ഞാൻ ആയിരിക്കും....\"

\"ഹ്മ്മ്മ്...\"

സ്വാസിക ബാലക്കണിയിലേക്ക് ചെന്നു.. പിന്നാലെ ദേവുവും... സ്വാസിക ദൂരെ നോക്കി പറയാൻ തുടങ്ങി.... അഗ്നിയുടെയും ഗോകുലിന്റെയും മനുവിന്റെയും സിദ്ധുവിന്റെയും സൗഹൃദത്തെ പറ്റി....

2 YEARS AGO.....

എന്തോ വല്ലാതെ മടിയോടെ ആണ് ഞാൻ SSB കോളേജിലെത്തിയത്.. അന്ന് തീപ്പൊരി പാറും ക്യാമ്പസ് ആയിരുന്നു..
ക്ലാസ്സിലേക്ക് നടക്കുമ്പോളാണ് എന്റെ അരികിലേക്ക് മൂന്ന് ചെറുപ്പക്കാർ വന്നത്...അവർ എന്നോട് സംസാരിക്കാൻ
തുടങ്ങി...ആ മൂന്നുപേരാണ് അഗ്നിദേവ്.. സിദ്ധാർഥ് വർമ,മാനവ് മഹാദേവൻ... എനിക്ക് ആദ്യദിവസം തന്നെ കിട്ടിയ സൗഹൃദം..പിന്നീട് ഞങ്ങളുടെ കൂട്ടത്തിലേക്ക് ഗൗതവും വന്നു...ഞങ്ങൾ അഞ്ചു പേരും അന്നുമുതൽ സൃഹുത്തുക്കൾ ആയി.. ഞങ്ങളുടെ സൗഹൃദം ദിവസങ്ങൾ കഴിയും തോറും വളർന്നുകൊണ്ടിരുന്നു.. ക്ലാസ്സിലും ഡിപ്പാർട്മെന്റിലും കോളേജിലും ഞങ്ങളുടെ സൗഹൃദം ചർച്ചവിഷയമായി..പക്ഷേ ആ സൗഹൃദം അധികം നാൾ നീണ്ടു നിന്നില്ല...ഞങ്ങളുടെ സൗഹൃദത്തിന് അവസാനമായത്,കോളേജിൽ നടന്ന ഒരു പരിപാടിയുടെ അന്നാണ്..

ഞങ്ങളുടെ ഒരു ഡാൻസ് ഉണ്ടായിരുന്നു ആ പരിപാടിക്ക്.. പക്ഷേ ഞങ്ങളുടെ ഡാൻസിന്റെ പേര് വിളിച്ചപ്പോ അഗ്നിയും മനുവും സിദ്ധുവും ഉണ്ടായില്ല...അത് ഗോകുലിനും എനിക്കും സങ്കടമായി..അന്ന് കോളേജിലെ പലരും ഞങ്ങളെ അപമാനിച്ചു...കോളേജ് മുഴുവൻ ഞങ്ങളെ അപമാനിച്ചപ്പോ ഞങ്ങളുടെ മനസ് വേദനിച്ചു.. അന്ന് ആദ്യമായി ഞങ്ങൾ തോറ്റു എല്ലാവരുടെയും മുന്നിൽ വെച്ച് ...രണ്ടുദിവസം ഞങ്ങൾ കോളേജിൽ പോയില്ല... ആ രണ്ടുദിവസത്തിനുശേഷം കോളേജിൽ
എത്തിയപ്പോ ഞാനും ഗോകുലും
കണ്ടിരുന്നു ബൈക്കിൽ ചാരി കൂട്ടുകാരുമായി വർത്താനം പറയുന്ന
അഗ്നിയെ... വർധിച്ച ദേഷ്യത്തോടെ ഗോകുൽ പിന്നിൽ നിന്നും അഗ്നിയെ
ചവിട്ടി വീഴ്ത്തി...മനുവും സിദ്ധുവും ഞാനും ഗോകുലിനെ മാറ്റാൻ ശ്രമിച്ചുവെങ്കിലും അവൻ ഞങ്ങളിൽ നിന്നും കൂതറി മാറി അഗ്നിയെ തല്ലാൻ തുടങ്ങി.. ഒടുവിൽ വേദന സഹിക്കാൻ പറ്റാതെ ആയപ്പോ അഗ്നിയും അവനെ തല്ലി..രഞ്ജിത് സാർ വന്നാണ് ഇവരെയും അകറ്റിയത്..

സസ്പെൻഷൻ കിട്ടി പോകുന്നതിനുമുമ്പ് ഗോകുൽ അഗ്നിയോട് പറഞ്ഞു...
അവളുടെ മനസ് ആ ഓർമയിലേക്ക് പോയി....

\"ഒന്ന് നിൽക്കുമോ മിസ്റ്റർ അഗ്നിദേവ്....\"

\"എന്ത് വേണം ഗോകുലിനു...\"

\"ഒരു കാര്യം പറഞ്ഞ് ഞങ്ങൾ ഇപ്പോ പോകും...\"

\"ഹ്മ്മ്....\"

\"ഈ നിമിഷം മുതൽ ഗോകുലും സ്വാസികയും വേറെ.. നിങ്ങളും വേറെ...നിങ്ങളുമായുള്ള സൗഹൃദം
ഇവിടെ വെച്ച് അവസാനിക്കുക ആണ്...ഇനി ഞങ്ങളുടെ പിന്നാലെ വരരുത്....\"

\"ഗോകുൽ.. സ്വാസിക.. ഞങ്ങൾ പറയുന്നത് കേൾക്കാനുള്ള മനസ് കാണിക്കാമോ plz...\"മനു ഗോകുലിന്റെ കൈപിടിച്ചു പറഞ്ഞുവെങ്കിലും ആ കൈ തട്ടിമാറ്റി ഞങ്ങൾ അവിടെ നിന്നും നടന്നുനീങ്ങി... അവിടെയിരുന്ന കരയുന്ന അഗ്നിയെ കണ്ടതും ഞങ്ങളുടെ നെഞ്ചം പിടിഞ്ഞുവെങ്കിലും അതൊന്ന് വക വെക്കാതെ ഞങ്ങൾ കോളേജിൽ നിന്നും പോയി...

എല്ലാം പറഞ്ഞുകേട്ടതും ദേവ ഞെട്ടി നിന്നു...
ഒരു നിമിഷം ദേവയുടെ മുഖം ശ്രദ്ധിച്ചശേഷം
സ്വാസ് പറഞ്ഞു തുടങ്ങി...

അന്ന് ഗോകുൽ ഇല്ലാത്തതുകൊണ്ട് ഞാൻ ഒറ്റക്ക് ആണ് നടന്നത്...അപ്പോളാണ് എന്റെ അടുത്തേക്ക് ലച്ചുവും ദീപിയും നന്ദുവും വന്നത്... അന്ന് മുതൽ ഞാൻ ഇവരുടെ സൃഹുത്ത് ആയി മാറി..ഗോകുൽ സസ്പെൻഷൻ കഴിഞ്ഞ് വന്നതും അവന്റെ കൂടെ പ്രവീണും ഗൗതവും അല്ലുവും ഉണ്ടായിരുന്നു.. പിന്നീട് ഞങ്ങൾ ഒരു ഗാങ് ആയി മാറി...

കോളേജിൽ തിരികെ എത്തിയ അഗ്നിയും സിദ്ധുവും മനുവും ഏറെ മാറി...ക്ലാസ്സിൽ ആരോടും മിണ്ടാതെ ആയി.. മൂന്നുപേരും മാത്രം ആരോടും അധികം മിണ്ടില്ല.. അഗ്നി ആണ് ഏറെ മാറിയത്.. അവനു ദേഷ്യം
കൂടി..അവന്റെ പ്രിയപെട്ടവരെ വേദനിപ്പിച്ചാൽ അവൻ React ചെയ്യും....ഈ രണ്ടര വർഷത്തിനുള്ളിൽ ഒരുപാട് തല്ല് ഉണ്ടാക്കി.. ഒരുപാട് സസ്പെൻഷൻ വാങ്ങി
കൂട്ടി..

പിന്നീട് കോളേജിൽ ഞങ്ങൾ പരിപാടി അവതരിപ്പിക്കുമ്പോളേല്ലാം ഞങ്ങളുടെ കൂടെ പ്രവീണും ഗാങ്ങും ഉണ്ടാകാറുണ്ട്...ഞങ്ങളുടെ പരിപാടി ഉള്ള ദിവസം  അഗ്നിയും മനുവും സിദ്ധുവും കോളേജിൽ ഉണ്ടാകാറില്ല ...

എല്ലാം പറഞ്ഞുനിർത്തിയതും സ്വാസ് കരഞ്ഞുപോയി...

\"സ്വാസിക... നിങ്ങൾക്കൊന്ന് അവരോട് ചോദിക്കാമായിരുന്നു... അന്ന് എന്താ യഥാർത്ഥത്തിൽ സംഭവിച്ചത് എന്ന്.. എന്റെ
മനസ് പറയുന്നു അവർ കുറ്റമൊന്നും ചെയ്തിട്ടില്ല എന്ന്...അന്ന് എന്താ സംഭവിച്ചത് എന്ത് ആണെന്ന് നിങ്ങൾ വരുമ്പോ ചോദിച്ചു മനസിലാക്കണം...\"

\"ഹ്മ്മ്...\"

\"എന്റെ സംശയം ശരിയാണെങ്കിൽ നിങ്ങളെ തെറ്റിക്കാൻ വേണ്ടി ആരോ കളിച്ചു.. അതാരാ എന്ന് കണ്ടുപിടിച്ചു  നിങ്ങൾ അപമാനിതർ ആയപോലെ അവരെയും അപമാനിക്കണം.. അതാണ് അവർക്ക് കൊടുക്കേണ്ടത്....\"

\"ഹ്മ്മ്..\"

\"ചേച്ചി ഇപ്പോ ഗോകുലേട്ടന്റെ മുറിയിലേക്ക് ചെല്ല്... അവർ വരുമ്പോ സ്വാസികയും ഗോകുലിന്റെ കൂടെ ഉണ്ടാകണം...അവർക്ക് പറയാനുള്ളത് സമാദാനത്തോടെ കേൾക്കണം...\"

\"ഹ്മ്മ്...\"

\"ഇപ്പോ ചേച്ചി ചെന്നോ.. എനിക്ക് ഒരു കോൾ ചെയ്യാനുണ്ട്...ആ കോൾ ചെയ്തിട്ട് വരാം ഞാൻ...\"

\"ഹ്മ്മ്..\"എന്ന് മൂളികൊണ്ട് സ്വാസിക ഗോകുലിന്റെ മുറിയിലേക്ക് ചെന്നു..
അവൾ പോയതും ദേവ ഫോൺ എടുത്ത് ഒരു നമ്പറിൽ വിളിച്ചു അയാളോട് എന്തൊക്കെയോ പറഞ്ഞ് കോൾ കട്ടാക്കിയതും അവളുടെ മുഖത്ത് വിജയച്ചിരി ഉണ്ടായിരുന്നു...

എന്നാൽ ഇതേസമയം ഗോകുലിന്റെയും 
സ്വാസികയുടെയും മനസിൽ ചെറുഭയം ഉണ്ടായിരുന്നു.. വർഷങ്ങൾക്കുശേഷം അവരോട് എന്ത് സംസാരിക്കണം എന്നോ എന്ത് ചോദിക്കണം എന്നറിയാതെയുള്ള
നിസ്സഹായ അവസ്ഥ ആയിരുന്നു ഇവർക്കും....

ഇതേസമയത്തു വിശ്വ അങ്കിൾ പറഞ്ഞത് അനുസരിച്ച് സ്വാസികയുടെ വീട്ടിലേക്ക് പോകുകയാണ് അഗ്നിയും സൃഹുത്തുക്കളും...

\"അഗ്നി.. ഇപ്പോ എന്താ ഗോകുൽ നമ്മളെ
കാണണം എന്ന് പറഞ്ഞത്..\" മനു

\"ഇനി നമ്മളോട് പ്രതികാരം ചെയ്യാൻ ആണോ..\" സിദ്ധു

\"അറിയില്ല... പക്ഷേ അന്ന് ആ പ്രോഗ്രാമിൽ നിന്നും മാറ്റി നിർത്തിയത് ആരാ ആണെന്നും എന്തായിരുന്നു അവരുടെ ലക്ഷ്യം എന്നും ഇന്ന് ഗോകുലും സ്വാസികയും അറിയണം... ഇനി എന്ത് വേണമെന്ന് അവർ തീരുമാനിക്കട്ടെ....അവരുടെ തീരുമാനം നമ്മൾക്ക് അനുകൂലം ആണെങ്കിൽ ഇന്ന് നമ്മൾ അഞ്ചു പേരിന്റെയും സൗഹൃദം പുനർജനിക്കും.. അല്ലെങ്കിൽ എന്നേക്കുമായി നമ്മളും അവരും ആയിട്ടുള്ള സൗഹൃദം ഒരു
ഓർമയായി അവശേഷിക്കും....\"

അഗ്നി ഇത് പറഞ്ഞ് കാർ ഡ്രൈവിങ്ങിൽ ശ്രദ്ധിച്ചു...

സ്വാസികയുടെ വീട്ടിലെത്തിയതും മൂവരും
പരസ്പരം ഒന്ന് നോക്കിയശേഷം കൊല്ലിങ് ബെൽ അടച്ചു...വാതിൽ തുറന്നുവന്ന ആളെ കണ്ടതും മൂവരും ഞെട്ടി....

തുടരും......