സ്വാസികയുടെ വീട്ടിലെത്തിയതും മൂവരും
പരസ്പരം ഒന്ന് നോക്കിയശേഷം കൊല്ലിങ് ബെൽ അടച്ചു...വാതിൽ തുറന്നുവന്ന ആളെ കണ്ടതും മൂവരും ഞെട്ടി....

തുടർന്ന് വായിക്കുക....

അഗ്നിയുടെ മുഖത്തു ഭയം സ്ഥാനം പിടിച്ചു.. ആ ഭയം മറച്ചുവെച്ചുകൊണ്ട്
അഗ്നി അയാളോടായി ചോദിച്ചു.

\"അങ്കിൾ എന്താ ഇവിടെ...\"

\"അതെന്ത് ചോദ്യമാണ് അഗ്നി മോനെ..എന്റെ
കൂട്ടുകാരന്റെ വീട്ടിലേക്ക് വരാതെയിരിക്കാൻ പറ്റുമോ..\" വിശ്വ ഒരു പുച്ഛത്തോടെ ചോദിച്ചു...

\"ഞാനൊന്ന് എന്റെ മകന്റെ സുഖവിവരം തിരക്കാൻ വന്നതാ...\"

\"ഹ്മ്മ്..\"

വിശ്വയേട്ടാ അവരെ പുറത്തു നിർത്താതെ
അകത്തേക്ക് കൂട്ടികൊണ്ട് വാ... ഗോകുലിന്റെ മുറിയിലേക്ക് പോകും വഴിക്ക്
ഭാമ വിശ്വയോടെയായി വിളിച്ചു പറഞ്ഞു...

വിശ്വ അവർക്ക് ഗോകുലിന്റെ മുറി കാണിച്ചുകൊടുത്തു...ആ മുറിയിലേക്ക് അടുക്കും തോറും അഗ്നിയുടെ മനസിൽ
ചെറിയ ഭയം സ്ഥാനം പിടിച്ചു....

അഗ്നി ആ റൂമിലേക്ക് പ്രവേശിച്ചതും അവന്റെ
മനസിൽ ചെറിയ കുറ്റബോധം തോന്നി..ഗോകുലിന്റെ അടുത്തിരിക്കുന്ന
സ്വാസിക അഗ്നിയെയും കൂട്ടരെയും കണ്ടതും അവർക്ക് ഒരു പുഞ്ചിരി നൽകാൻ ശ്രമിച്ചുവെങ്കിലും പരാജയപ്പെട്ടു...

തനിക്ക് അരികിൽ തന്റെ പ്രിയപ്പെട്ടവർ ആരോ ഉണ്ടെന്ന് മനസിലായതും കണ്ണടച്ച്
കിടന്നിരുന്ന ഗോകുൽ കണ്ണ് തുറന്നു... തന്റെ മുമ്പിൽ നിൽക്കുന്നവരെ കണ്ടതും മൂവർക്കും ഒരു പുഞ്ചിരി നൽകി...അച്ചു എന്ന് വിളിച്ചു തന്റെ ഒരു കൈ അവർക്കുനേരെ നീട്ടി..ഗോകുലിന്റെ വിളി കേട്ടതും അഗ്നി അവന്റെ അരികിലേക്ക് ചെന്നു...

\"എന്നോട്... ദേഷ്യം ഉണ്ടോ... ഗോകുൽ.. നിന്നെ ഇങ്ങനെ കിടപ്പിൽ ആക്കിയതിന്...\"

\"എന്റെ അച്ചു. ചെയ്‍തത് തന്നെയാ ശരി..സ്നേഹിക്കുന്ന പെണ്ണിനെ പറ്റി
ആരെങ്കിലും എന്തെങ്കിലും പറഞ്ഞാൽ അവളെ സ്നേഹിക്കുന്ന ഏതൊരുവനും ചെയ്യുന്നത് തന്നെയാ നീ ചെയ്‍തത്...എനിക്ക് അതിന് നിന്നോട് ദേഷ്യമില്ല...\"

ഇതുപറഞ്ഞ് നേരെ നോക്കിയപ്പോളാണ്
ഗോകുൽ സിദ്ധുവിനെയും മനുവിനെയും
കണ്ടത്...ഇവരുടെ പേര് വിളിച്ചതും രണ്ടുപേരും ഓടി ഗോകുലിന്റെ അടുത്ത് ചെന്ന് ഇരുന്നു...

ഇതുകണ്ടുകൊണ്ടാണ് ദേവ അങ്ങോട്ടേക്ക് വന്നത്..

\"ദേവേട്ടാ...\"

ദേവയുടെ സ്വരം കേട്ടതും അഗ്നി ഗോകുലിൽ നിന്നും അകന്നു ഇരുന്നു..

\"ദേവ്വേട്ടാ...എനിക്ക് ഒരു കാര്യം അറിയാനുണ്ട്... എനിക്ക് മാത്രമല്ല ഇവർക്കും..\"

\"എനിക്ക് മനസിലായി നീ  ചോദിക്കാൻ പോകുന്നത്.. അത് പറയാൻ തന്നെയാ ഞാൻ ഇവിടേക്ക് വന്നത്.ഞാനിനി ആ കാര്യം തുറന്ന് പറഞ്ഞില്ല എങ്കിൽ എനിക്ക് ഗോകുലിനെയും സ്വാസികയേയും നക്ഷ്ടപ്പെടും...\"

\"ദേവേട്ടൻ പറ \" ദേവ പറഞ്ഞതും അവൾക്ക് ഒരു പുഞ്ചിരി നൽകിയശേഷം അഗ്നി പറഞ്ഞു തുടങ്ങി തങ്ങളുടെ ജീവിതം മാറ്റി മറച്ച ആ ദിവസത്തെ പറ്റി...

അന്ന് പ്രാക്ടീസ് കഴിഞ്ഞ് ഞങ്ങൾ വീട്ടിലേക്ക് പോകുമ്പോളാണ് എനിക്കൊരു കോൾ വന്നത്.

\"ഹലോ..അഗ്നിദേവ് അല്ലേ.. മംഗലത്ത് വീട്ടിലെ സഹദേവന്റെ മകൻ...\"

\"അതേല്ലോ.. ആരാ വിളിക്കുന്നത് എനിക്ക്
മനസിലായില്ല...\"

\"ഞാൻ PGM ഹോസ്പിറ്റലിൽ നിന്നാണ്  വിളിക്കുന്നത്.. നിങ്ങളുടെ സഹോദരി ഇവിടെ ഐസിയുവിൽ അഡ്മിറ്റ് ആണ്..സൊ നിങ്ങൾ എത്രയും പെട്ടന്ന് ഇവിടെ എത്തണം...\" ഇത്രമാത്രം പറഞ്ഞ് അയാൾ
കോൾ കട്ടാക്കി... എന്ത് ചെയ്യണമെന്നറിയാതെ നിൽക്കുമ്പോളാണ് മനുവും സിദ്ധുവും പറഞ്ഞത് ആശുപത്രിയിൽ പോകാം എന്ന്... ഞാൻ അവർ പറഞ്ഞതുകേട്ട് ആശുപത്രിയിലേക്ക്
ചെന്നു..അപ്പോളാണ് ഞങ്ങൾക്ക് മനസിലായത് ഞങ്ങളെ ആരോ ചതിച്ചുവെന്ന കാര്യം..PGM ഹോസ്പിറ്റലിന്റെ പേര് പറഞ്ഞ് ഞങ്ങളെ വിളിച്ചു വരുത്തിയത്
ഒരു ഇടിഞ്ഞു പൊളിഞ്ഞ കെട്ടിടത്തിലേക്ക് ആണ്..അവിടെയെത്തിയതും ഞങ്ങളുടെ
തലയിൽ ആരോ അടിച്ചു... പിന്നീട് കണ്ണ് തുറന്ന് നോക്കിയപ്പോ കണ്ടത് ഞങ്ങളെ
കസേരയിൽ കേട്ടിയിരിക്കുന്ന ഞങ്ങളെ ആണ്...ഞാനും മനുവും കൂടി കൈയിലെ കേട്ട് അഴിക്കാൻ നോക്കിയെങ്കിലും പരാജയപ്പെടുക ആണ് ചെയ്തത്..
ഞങ്ങളുടെ കൈയിൽ ഉണ്ടായിരുന്ന
വാച്ച് പോലും ഉണ്ടായില്ല. കണ്ണ് തുറന്ന് നോക്കിയപ്പോ..

എന്ത് ചെയ്യണം എങ്ങനെ രക്ഷപെടും എന്ന് ഓർത്ത് ഇരിക്കുകയാണ് ചെയ്തത്..ആദ്യമായി കോളേജിൽ ഏറ്റെടുത്ത പരിപാടി നന്നായി ചെയ്യാൻ പറ്റാത്തതിന്റെ സങ്കടം ഉണ്ടായി.. പിറ്റേന്ന് രാത്രി ആണ് ഞങ്ങളെ വിട്ടത്.. ആ രാത്രി നിങ്ങളെ കാണാൻ വന്നതാ.. പക്ഷേ അപ്പോളും ആരൊക്കെയോ ഞങ്ങളെ ഫോളോ ചെയ്തു...അന്ന് നിങ്ങളുടെ അരികിലേക്ക് വരാൻ സാധിച്ചില്ല..ഒരുദിവസം മുഴുവൻ അവർ ഞങ്ങളുടെ pirake ഉണ്ടായി..കോളേജിലെത്തുമ്പോ നിങ്ങളോട് സംസാരിക്കാം എന്ന് കരുതിയാണ് കോളേജിലേക്ക് വന്നത്..പക്ഷേ ഞങ്ങൾക്ക്
പറയാനുള്ളതുപോലും നിങ്ങൾ കേൾക്കാൻ സമ്മതിച്ചില്ല...പക്ഷേ നിങ്ങൾ തമ്മിൽ ഞങ്ങളുമായി ഒരു ബന്ധവും ഇല്ലെന്ന് പറഞ്ഞപ്പോ വിഷമമായിയെങ്കിലും അന്ന് നമ്മളെ ആരാ അകറ്റിയത് എന്ന് കണ്ടുപിടിച്ചു നിങ്ങളുടെ
മുന്നിൽ വന്ന് നിൽക്കാൻ തീരുമാനിച്ചിട്ടാണ് അന്ന് കോളേജിൽ നിന്നും ഇറങ്ങിയത്...

കോളേജിൽ നിന്നും നേരെ പോയത് സിദ്ധുവിന്റെ വീട്ടിലേക്ക് ആണ്.. അവിടെ ഞങ്ങൾ സ്റ്റേ ചെയ്തു.. ഞങ്ങൾ വീട്ടിൽ പറഞ്ഞത് ഒരു ട്രിപ്പ്‌ പോകുന്നുവെന്നാണ്.. ആരും ഞങ്ങളെ കണ്ടുപിടിക്കാതെയിരിക്കാൻ വേണ്ടി ഫോൺ
ഓഫ്‌ ചെയ്തു വെച്ചു...

ഞങ്ങൾക്ക് എവിടെ നിന്നും അന്വേഷിച്ചു തുടങ്ങണം എന്നറിയാതെ ഞങ്ങൾ ഇരുന്നു.. അപ്പോളാണ് ഞങ്ങളുടെ അടുത്തേക്ക്
വന്ന് സിദ്ധുവിന്റെ അമ്മ ഒരുകാര്യം പറഞ്ഞത്..ആദ്യം ഞങ്ങൾക്ക് അത് ഉൾകൊള്ളാൻ പറ്റിയില്ല...പിന്നീട് ആലോചിച്ചപ്പോ ശരിയാണെന്നു തോന്നി.. അങ്ങനെയാണ് ഞങ്ങൾ മൂവരും മാറിയത്... അസുരൻ ആയി മാറുമ്പോൾ നമ്മളുടെ നാശം കണ്ട് ചിരിക്കുന്നവർ ആയിരിക്കും നമ്മളുടെ ശത്രു... എന്ന് സിദ്ധുവിന്റെ അമ്മ പറഞ്ഞത് അനുസരിച്ചാണ് ഞങ്ങൾ ഒരുപാട് മാറിപോയത്....
പിന്നീട് അങ്ങോട്ട് ഞങ്ങൾ അഭിനയിക്കാൻ തുടങ്ങി...
തിരികെ കോളേജിലേക്ക് വന്നപ്പോ നിങ്ങൾ പ്രവീണിന്റെ കൂടെ ചേർന്നു..നമ്മൾ പിരിഞ്ഞതും നിങ്ങളെ പ്രവീണിന്റെ കൂടെ ചേർത്തിയപ്പോൾ
എനിക്കൊരു സംശയം തോന്നി..

അഗ്നി ബാക്കി പറയുന്നതിനു മുമ്പ് മനു ഇടയിൽ കേറി പറഞ്ഞു....

ആ സംശയം വിട്ടേക്കാം എന്നാണ് ഞാനും സിദ്ധുവും അഗ്നിയോട് പറഞ്ഞു... പക്ഷേ ഞങ്ങളെപ്പോലും അറിയിക്കാതെ അവൻ ആ പലതും ചെയ്തു.. ഒടുവിൽ അവന്റെ സംശയം ശരിയാണെന്നു മനസിലായത് കൊണ്ടാണ് അന്ന് നിങ്ങളുടെ പ്രോഗ്രാമിന്റെ ടൈമിൽ കോളേജിൽ നിന്നും ഇറങ്ങി പോയത്...

അന്ന് ഗൗതത്തെ തല്ലിയത് കൊണ്ടാണ്
ഞങ്ങൾക്ക് നമ്മളെ പിരിച്ചത് ആരെന്ന്
മനസിലാക്കി.. പക്ഷേ ഞങ്ങൾക്ക് വേണ്ടത് തെളിവ് ആയിരുന്നു..ആ തെളിവ് കിട്ടാൻ വേണ്ടി ഞങ്ങൾ ഒരുപാട് ശ്രമിച്ചു...അന്ന് നീ ദേവയോട് മോശമായി
സംസാരിച്ചതിന് അഗ്നി നിന്നെ തല്ലിയപ്പോ നമ്മളെ പിരിച്ചവന്റെ മുഖത്തു കൊല്ലചിരി
ഉണ്ടായി...

മനു പറഞ്ഞ് കഴിഞ്ഞതും സിദ്ധു പറയാൻ തുടങ്ങി..

   കൂടുതലായി അവനെ പറ്റി ഞങ്ങൾ അന്വേഷിച്ചു..ഒടുവിൽ ഞങ്ങൾക്ക്  ഇന്നലെയാണ് അവനെപറ്റിയുള്ള
കൂടുതൽ തെളിവുകൾ കിട്ടിയത്...

നമ്മളെ പിരിച്ചത് ആരാ അച്ചു...സ്വാസികയും
ഗോകുലും ഒരേസ്വരത്തിൽ പറഞ്ഞു...

അപ്പോളും ഒരു സംശയം ഉണ്ടല്ലോ.. നിങ്ങളുടെ കൂട്ടത്തിലെ രണ്ടുപേർ മിസ്സിംഗ്‌ ആണലോ.. അതിലൊരാൾ ഗോകുലിന്റെയും സ്വാസികയുടെയും ബാല്യകാലസൃഹുത്ത്....എന്നെ കാണാൻ ഗോകുലേട്ടൻ വരുമ്പോളെല്ലാം ഏട്ടന്റെ കൂടെ അവനും ഉണ്ടാകാറുണ്ട്.. കോളേജിലെത്തിയപ്പോലും നിങ്ങളുടെ കൂട്ടത്തിൽ ആറാമൻ ആയി അവനും ഉണ്ടായിരുന്നു.. നിങ്ങൾ പറഞ്ഞ കഥയിൽ അവനെ പറ്റി പറഞ്ഞില്ലാലോ
അവൻ..എവിടെ.. 7TH ഗാങ് എന്നത് എങ്ങനെ 5  പേരുള്ള ഗാങ് ആയി മാറി...ദേവയുടെ സ്വരം കേട്ടതും അഞ്ചുപേർ ഞെട്ടി അവളെ തന്നെ നോക്കി നിന്നു.

അഞ്ചുപേരും പരസ്പരം ഒന്ന് നോക്കി...

നിനക്കെങ്ങനെ...അറിയാം... അഗ്നി അവളോടായി ചോദിച്ചുവെങ്കിലും ദേവ ഒരു പുഞ്ചിരി മാത്രമാണ് നൽകിയത്...

\"ദേവ.. പറഞ്ഞത് ശരിയാ.. ഞങ്ങൾ ഏഴുപേരുടെ ഗാങ് ആയിരുന്നു.. പക്ഷേ
ഞങ്ങൾ 2nd sem എക്സാം കഴിഞ്ഞ് വന്നതുകൂടി അവർ ഞങ്ങളുടെ ഫ്രണ്ട്ഷിപ്
അവസാനിപ്പിച്ചു...\" സിദ്ധു

\"അവർ  നിങ്ങൾ ആയിട്ടുള്ള ഫ്രണ്ട്ഷിപ് അവസാനിപ്പിക്കാൻ കാരണം എന്തായിരുന്നുവെന്ന്
നിങ്ങൾ പറയണം....\" ദേവ

\"അതിന്റെ കാരണം എന്തെന്ന് അറിയില്ല... \" അഗ്നിയും മനുവും പറഞ്ഞു...

ദേവ ശ്രദ്ധിച്ചത് സിദ്ധുവിനെ മാത്രമാണ്...
അവന്റെ മുഖത്തെ പതർച്ച കണ്ടതും
ദേവ അവനെ നോക്കി...

ദേവയുടെ നോട്ടം കണ്ടതും സിദ്ധു  പതറിയെങ്കിലും ദീർഘനിശ്വാസം എടുത്ത്
പറയാൻ തുടങ്ങി...

     \"ഞങ്ങളുടെ കൂട്ടത്തിലെ ഏറ്റവും സൈലന്റ് ആയവർ ആയിരുന്നു.. മിത്രലക്ഷ്മി എന്ന ലച്ചുവും അലോക് എന്ന
അല്ലുവും...സ്വാസുവും ഗോകുലും വരാത്ത ദിവസം ലീവ് കഴിഞ്ഞ് ഞങ്ങൾ മൂന്ന് പേർ എത്തിയപോ കണ്ടത് ഞങ്ങളെ
കണ്ടിട്ടും കാണാത്തപോലെ ഇരിക്കുന്ന ലച്ചു വിനെയും അല്ലുവിനെയും ആണ്..ഇവരോട് ഞാൻ എന്ത് പറ്റി എന്ന് ചോദിച്ചപ്പോളും
ഒന്നും പറഞ്ഞില്ല..അപ്പോളാണ് ഇവരെ വിളിക്കാൻ വേണ്ടി ഗൗതവും പ്രവീണും
വന്നത്...ഇവരും പ്രവീൺ വിളിച്ചപ്പോ അവരുടെ അടുത്തേക്ക് ചെന്നതും പ്രവീണും ഗൗതവും എന്തോ പറഞ്ഞതും അല്ലുവും 
ലച്ചുവും ഞങ്ങളെ മൂവരെയും ദേഷ്യത്തോടെ നോക്കി.. ഒടുവിൽ തങ്ങളുടെ സ്ഥലത്തിരിക്കുന്ന ബാഗ് എടുത്ത് അല്ലുവും
ലച്ചുവും എണിറ്റു പോയി...അവർ ക്ലാസ്സിലേക്ക് തിരികെ വന്നതും എന്നെ മാറ്റിനിർത്തി പറഞ്ഞു.. മോശ സ്വഭാവമുള്ളവരുടെ കൂടെ നടക്കാൻ അവർക്ക് താല്പര്യമില്ലയെന്നും നിങ്ങൾ ആയിട്ടുള്ള സൗഹൃദം അവസാനിപ്പിക്കാൻ പോകുകയാണ് എന്ന് പറഞ്ഞ് ഇവരും പോയി... തോളിൽ കൈസപർശം അറിഞ്ഞപ്പോൾ ഞാൻ തിരിഞ്ഞു നോക്കിയതും കണ്ടു എന്റെ മുഖത്തേക്ക് 
നോക്കിനിൽക്കുന്ന അഗ്നിയെയും മനുവിനെയും...പറയാതെ തന്നെ എന്റെ നിറഞ്ഞ കണ്ണുകളിലും നിന്നും അഗ്നിയും മനുവും കാര്യം മനസിലാക്കി...പിന്നീട് ക്ലാസ്സിൽ ഇരിക്കാൻ തോന്നിയില്ല...

എല്ലാം പറഞ്ഞു കഴിഞ്ഞതും സ്വാസുവും
ഗോകുലും കരയുക ആയിരുന്നു.. കണ്ണീർ
തുടച്ചുകൊണ്ട് ഇവരും ചോദിച്ചു...

\"അപ്പോ നമ്മളെ പിരിച്ചത് പ്രവീണും ഗോകുലും ആണോ...\"

മൂവരും എന്തോ പറയുന്നതിന് മുമ്പ് \"അതേ.. അവരാണ് നമ്മളെ പിരിച്ചത്.. നമ്മളുടെ
സൗഹൃദം വളർന്നതിന്റെ കാരണത്താൽ...\" ഇത് പറഞ്ഞ് റൂമിൽ കേറി വരുന്നവരെ
കണ്ടതും ദേവ ഒഴികെ ബാക്കിയുള്ളവർ ഞെട്ടി....

തുടരും......