മൂവരും എന്തോ പറയുന്നതിന് മുമ്പ് \"അതേ.. അവരാണ് നമ്മളെ പിരിച്ചത്.. നമ്മളുടെ
സൗഹൃദം വളർന്നതിന്റെ കാരണത്താൽ...\" ഇത് പറഞ്ഞ് റൂമിൽ കേറി വരുന്നവരെ
കണ്ടതും ദേവ ഒഴികെ ബാക്കിയുള്ളവർ ഞെട്ടി....

തുടർന്ന് വായിക്കുക....

അവരുടെ ചുണ്ടുകൾ മെല്ലെ മൊഴിഞ്ഞു..
\"ലച്ചു അല്ലു\" എന്ന്...

ഒരിക്കലും പ്രതീക്ഷിച്ചിരുന്നില്ല.. ഇങ്ങനെയൊരു കൂടിക്കാഴ്ച...പക്ഷേ എന്തോ ഓർമ്മ വന്നതോടെ അഗ്നിയുടെയും സിദ്ധുവിന്റെയും മനുവിന്റെയും മുഖം വാടി...
അവർ ഗോകുലിന്റെ അടുത്ത് നിന്നും എണിറ്റു പുറത്തേക്ക് പോകാൻ തുടങ്ങി. റൂമിന്റെ വാതിൽ കടക്കാൻ തുടങ്ങുമ്പോളേക്കും അഗ്നിയുടെ കൈയിൽ പിടി വീണിരുന്നു...തന്റെ കൈയിൽ പിടിച്ചു നിൽക്കുന്നവന്റെ കൈ വിടിച്ച് അവിടെ നിന്നും പോകാൻ തുടങ്ങിയതും അച്ചു വിളി കേട്ടതും അവൻ തിരിഞ്ഞു നോക്കാതെ നിന്നു...

അച്ചു എന്ന് ദയനിയതോടെ വിളിക്കുന്ന അല്ലുവിന്റെ ശബ്ദം കേട്ടതും അവൻ വേറെ എവിടെയോ നോക്കി നിന്നു...അച്ചു തന്നെ നോക്കുന്നില്ല എന്ന് കണ്ടതും അല്ലു പറയാൻ തുടങ്ങി..

\"അച്ചു... സോറി ഡാ... അന്ന് പ്രവീണും ഗൗതവും അങ്ങനെ പറഞ്ഞപ്പോ വിശ്വസിച്ചുപോയി....ആദ്യം വിശ്വസിക്കാൻ എനിക്കും ലച്ചുവിനും കഴിഞ്ഞില്ല.. പക്ഷേ,... അവർ.... കാണിച്ച ഒരു വീഡിയോ കണ്ടപ്പോളാണ് ഞങ്ങൾ വിശ്വസിച്ചത്...പിന്നീടാണ് ഞങ്ങൾ
സത്യം തിരിച്ചറിഞ്ഞത്.. നിങ്ങളോട് വന്ന് 
സംസാരിക്കാൻ പലപ്പോളും ഞങ്ങൾ തീരുമാനിച്ചതാ. പക്ഷേ എന്തോ ഞങ്ങളെ നിങ്ങളുടെ അടുത്തേക്ക് വരാൻ തടഞ്ഞിരുന്നു..നിങ്ങളോട് ഞങ്ങൾ സംസാരിച്ചുവെന്ന് അറിഞ്ഞാൽ പ്രവീൺ 
വെറുതെയിരിക്കില്ല എന്ന് ഞാൻ മനസിലാക്കി.. പിന്നീട് അങ്ങോട്ട് കാത്തിരിപ്പ്
ആയിരുന്നു..സത്യങ്ങൾ എല്ലാവരോടും വിളിച്ചു പറയണം എന്ന് തീരുമാനിച്ചു... അങ്ങനെയിരിക്കെ ഒരു ദിവസം 
അപ്രതീക്ഷിതമായാണ് ദേവ എന്റെ അടുത്തേക്ക് വന്നത്..ദേവയുടെ കൂടെ എന്റെ സഹോദരൻ കാർത്തിയും ഉണ്ടായിരുന്നു..\"

\"അപ്പോ കൃഷ്ണയുടെ കൂടെ ഉണ്ടായിരുന്ന കാർത്തിക് നിന്റെ അനിയൻ ആണോ...\" ഗോകുൽ അല്ലുവിനോട് ചോദിച്ചതും അതിന്
മറുപടി ആയി അല്ലു തലയാട്ടുക മാത്രമാണ് ചെയ്തത്...

അൽപം നേരം എല്ലാവരുടെയും ഇടയിൽ മൗനം സ്ഥാനം പിടിച്ചു...

\"ദേവാശി.... എനിക്കറിയണം നിന്റെ ലക്ഷ്യം എന്തെന്ന്...!!!! \" അഗ്നി അവളോടായി
ദേഷ്യത്തോടെ ചോദിച്ചു...അവന്റെ ദേഷ്യം കണ്ട് ബാക്കിയുള്ളവർ ഞെട്ടി...

ഒരു ചിരിയോടെ ദേവ പറഞ്ഞു തുടങ്ങി...

     എന്റെ ഏറ്റവും വലിയ ആഗ്രഹം ആയിരുന്നു..SSB കോളേജിൽ പഠിക്കണം എന്ന്... ഇതുവരെ ആരിൽ നിന്നും കേൾക്കാത്ത, നേരിട്ട് കാണാത്ത SSB കോളേജുമായി എനിക്കെന്തോ ബദ്ധം
തോന്നി...SSB കോളേജിൽ കിട്ടാൻ വേണ്ടി ഞാൻ നന്നായി പഠിച്ചു..എന്റെ സൃഹുത്തുക്കളിൽ നിന്നും ഞാൻ SSB കോളേജിനെ പറ്റി അറിഞ്ഞു... ഇന്ത്യയിലെയും കേരളത്തിലെയും
പല ബിസിനസ്‌ പ്രമുഖരുടെ മക്കൾ പഠിക്കുന്ന കോളേജ്, ആർട്സ് സ്പോർട്സ് തുടങ്ങിയവയിൽ 
മുന്നോട്ട് നിൽക്കുന്ന കോളേജ്...അങ്ങനെയിരിക്കെ ഞാൻ പ്ലസ് ടുവിൽ നിന്നും ടൂർ പോയ അന്നാണ്
ഞാനാദ്യമായി നിങ്ങളെ കണ്ടത്...ആദ്യമായി കണ്ടതും നിങ്ങളുമായി എനിക്ക് വല്ലാത്തൊരു ആത്മബദ്ധം തോന്നി...അന്ന് അവിടെ നിന്നും ഞാൻ പോകുന്നതുവരെ നിങ്ങളെ
നോക്കി നിന്നു....അപ്പോളാണ് നിങ്ങളുടെ കോളേജിലെ ഒരു ചേച്ചി വന്ന് എന്നോട് സംസാരിച്ചത്...അത് മറ്റാരും അല്ലായിരുന്നു.. നിങ്ങളുടെ ഇപ്പോളെത്തെ മിഥില മിസ്സ്‌ ആയിരുന്നു.. എന്റെ മിഥുചേച്ചി..അന്ന് മുതൽ ഞാനും  മിഥു ചേച്ചിയും സൃഹുത്തുക്കളായി...ദിവസങ്ങൾ പോയികൊണ്ടിരുന്നു..

SSB കോളേജിൽ എനിക്ക് സീറ്റ്‌ കിട്ടിയെന്ന് അറിഞ്ഞതും എനിക്ക് തുള്ളിച്ചാടാൻ ആണ് തോന്നിയത്...
ആദ്യം അച്ഛനും അമ്മയും എന്നെ വിടാൻ
താൽപ്പര്യം ഇല്ലായിരുന്നു..ഒടുവിൽ ഞാൻ അച്ഛന്റെയും അമ്മയുടെയും കാൽ പിടിച്ചാണ് നമ്മളുടെ കോളേജിലേക്ക് വിട്ടത്.. അച്ഛന്റെ ഏതൊരു കൂട്ടുകാരൻ ഇവിടെയുണ്ടെന്ന് അറിഞ്ഞപ്പോളാണ്
അച്ഛന് സന്തോഷമായത്..അങ്ങനെ ഞാൻ വണ്ടി കേറി.. SSB കോളേജിന്റെ മണ്ണിലേക്ക്...അന്ന് റെയിൽവേ സ്റ്റേഷനിൽ എത്തിയപ്പോ എന്നെ
കാത്തു നിൽക്കുന്ന മിഥു ചേച്ചിയെ കണ്ടതും ഞാൻ ഞെട്ടിയെങ്കിലും അങ്കിലിന്റെ മകൾ ആണെന്ന് അറിഞ്ഞതും എന്റെ സന്തോഷം ഇരട്ടിയായി...

കോളേജിലെത്തിയപ്പോൾ ഞാനാദ്യം നോക്കിയത് നിങ്ങളെ ആയിരുന്നു.. പക്ഷേ....അഗ്നിയെയും മനുവിനെയും
സിദ്ധുവിനെയും മാത്രമാണ് കണ്ടത്..നിങ്ങളുടെ കണ്ണിൽ ഞാനാദ്യമായി കണ്ടപ്പോൾ ഉണ്ടായിരുന്ന
കണ്ണിലെ തിളക്കം ഇല്ലായിരുന്നു...നിങ്ങളുടെയിടയിൽ എന്ത് സംഭവിച്ചത് എന്നറിയാൻ എന്താ വഴി എന്ന് ആലോചിച്ചപ്പോളാണ് എന്റെ അടുത്തേക്ക് കാർത്തിക് വന്നത്...അവന്റെ ശ്രദ്ധ നിങ്ങളിലാണെന്ന്
മനസിലായതും എനിക്ക് അവനോട് ചോദിക്കാൻ ഭയം തോന്നിയെങ്കിലും രണ്ടും കല്പ്പിച്ച് ഞാനവനോട് ചോദിച്ചു.. അവന്റെ മറുപടി കേട്ട് ഞാൻ ഞെട്ടി..ഒരിക്കലും വിചാരിച്ചില്ല നിങ്ങൾ പിരിയുമെന്ന്..പക്ഷേ ഞങ്ങൾക്ക് നിങ്ങൾ പിരിഞ്ഞതിന്റെ കാരണം അറിയണം എന്ന് തോന്നിയതുകൊണ്ട് ഞങ്ങൾ ആരുമറിയാതെ നിങ്ങളെ വാച്ച് ചെയ്യുന്നുണ്ടായി..ഒടുവിൽ കാർത്തിക്ക്
നിങ്ങളുടെ കോളേജിൽ മുമ്പ് ഉണ്ടായ
ഒരു സാറിനെ കണ്ടെത്തി...അങ്ങനെ ആ
സാർ പറഞ്ഞത് ഞങ്ങൾക്ക് കിട്ടിയ
ഒരു കച്ചിതുരുമ്പ് ആയിമാറി...

പിന്നെ ഞങ്ങൾ കൃഷ്ണയിൽ നിന്നുമറിഞ്ഞു അഗ്നിയെയും മനുവിനെയും സിദ്ധുവിനെയും
പറ്റി.. കോളേജ് ഹീറോ ആയിരുന്ന അഗ്നി
കോളേജ് തല്ലിപ്പോളി സ്റ്റുഡന്റ് ആയ കഥ
ആ സാറിൽ നിന്നും ഞങ്ങൾ അറിഞ്ഞു.. പിന്നെ പ്രവീണിനെ പറ്റിയും....പ്രവീണിനെ പറ്റി അറിഞ്ഞ കാര്യങ്ങൾ ഞങ്ങളെ ഞെട്ടിച്ചു കളഞ്ഞ ഒന്നാണ്... ഒടുവിൽ ഞാൻ പറഞ്ഞത് അനുസരിച്ച് കാർത്തിക്ക് അല്ലു ചേട്ടന്റെ മുറിയിൽ കേറി അവിടെയെല്ലാം നോക്കി.. ഒടുവിൽ കാർത്തിക്ക് കണ്ടെത്തി. അല്ലുവിന്റെ അലമാരിയിൽ ഇരിക്കുന്ന പെൻഡ്രൈവ്..അതായിരുന്നു ഞങ്ങൾക്ക് കിട്ടിയ വലിയ തെളിവ്...അതെന്റെയും കാർത്തിക്കിന്റെയും ഫോണിലേക്ക് ആക്കി
പിന്നെ ഒരു കോപ്പി രഞ്ജിത്ത് സാറിനും മിഥില മിസ്സിനും ആ തെളിവുകൾ ഞങ്ങൾ കൈമാറി.. കോളേജിൽ ആരും അറിയാതെയിരിക്കാൻ ഞങ്ങൾ ശ്രദ്ധിച്ചു...

അന്ന് ഗോകുലേട്ടൻ അഗ്നിയേട്ടനോട് എന്തോ
പറഞ്ഞതും അഗ്നിയേട്ടൻ ഗോകുലിനെ തല്ലിയത് ഞാനും കാർത്തിയും കണ്ടിരുന്നു..അപ്പോളാണ് നിങ്ങളെ തന്നെ നോക്കി നിൽക്കുന്ന പ്രവീണിനെയും ഗൗതത്തെയും കണ്ടത്... ഇവരുടെയും മുഖത്ത് ഒരു ചിരിയുണ്ടായി..അപ്പോളാണ് ഞങ്ങൾ മനസിലാക്കിയത് ഇവർക്കും നമ്മൾ ആരും തിരിച്ചറിയാത്ത ഒരു മുഖം ഉണ്ടെന്ന്...

എല്ലാം പറഞ്ഞു കഴിഞ്ഞതും ദേവ എല്ലാവരുടെയും മുഖത്തേക്ക് നോക്കി.. അവരുടെയെല്ലാം മുഖത്തു ഞെട്ടൽ സ്ഥാനം പിടിച്ചിരുന്നു... എനിക്ക് ചോദിക്കാനുള്ളത് ഗോകുലേട്ടനോട് ആണ്.. അന്ന് ഇവരുടെ മുമ്പിൽ വെച്ചല്ലേ  അങ്ങനെയൊക്കെ പറഞ്ഞത്...എന്റെ ഇച്ചേട്ടൻ ഒരിക്കലും എന്നോട് മോശമായി സംസാരിക്കില്ല എന്ന് എനിക്കറിയാം.. പിന്നെ ആര് പറഞ്ഞിട്ടാണ് എന്നോട് മോശമായി സംസാരിച്ചത്...\"

\"അത്.... അത്... പ്രവീൺ പറഞ്ഞിട്ടാണ്
...\"

\"പ്രവീൺ എന്ത് പറഞ്ഞുവെന്ന്..\" അഗ്നി ഗോകുലിന്റെ ഷർട്ടിൽ പിടിച്ചുകൊണ്ട് ചോദിച്ചു...അവന്റെ ദേഷ്യം കണ്ട് എല്ലാവരും ഉമ്മനീർ ഇറക്കാൻ മറന്നുകൊണ്ട് ഇരുന്നു...

അഗ്നിയുടെ മുഖഭാവം കണ്ടതും ഗോകുൽ ആ ദിവസം ഓർത്ത് പറഞ്ഞു തുടങ്ങി...

\"അന്ന് ഞാൻ ദേവയോട് മറുപടി പറയാൻ പോകുന്നുവെന്ന് അറിഞ്ഞപ്പോ പ്രവീണും ഗൗതവും ഞെട്ടി..\"

\"നീ എന്താ പറഞ്ഞത്...\" അഗ്നി

അഗ്നി ചോദിച്ചതും ഗോകുൽ അൽപ്പനേരം മൗനമായി ഇരുന്നു..

\"ഞാൻ പറയാം അഗ്നി.. ഇവൻ എന്താ പറഞ്ഞത് എന്ന്...\" അല്ലു ഇടയിൽ കേറി പറഞ്ഞു...

\"എന്ന പറ..\" അഗ്നി  ഗോകുലിന്റെ മുഖത്തേക്ക് നോക്കി കൈകെട്ടി നിന്നുകൊണ്ട് ചോദിച്ചു..

അല്ലു പറയാൻ തുടങ്ങി...

ഞങ്ങൾ എന്തോ വർത്താനം പറഞ്ഞിരിക്കുമ്പോളാണ് ഗോകുൽ ഞങ്ങളുടെ അടുത്തേക്ക് വന്നതും ഞാനാദ്യം ശ്രദ്ധിച്ചത് അവന്റെ കണ്ണിലെ തിളക്കത്തെ ആണ്...

\"എന്താണ് മോനെ.. ഒരു കള്ളലക്ഷണം..\" ഗൗതം

\"അപ്പോ എന്താ ഗോകുൽ നിന്റെ കണ്ണിൽ
ഇതുവരെ കാണാത്ത ഒരു തിളക്കം...\" പ്രവീൺ

\"ഞാനവളോട് എന്റെ ഇഷ്ടം തുറന്ന് പറയാൻ
പോകുക ആണ്..\" ഗോകുൽ

\"ശരിക്കും..\" അല്ലു

\"അതേടാ.. ഞാൻ തീരുമാനിച്ചു...അവളോട് എന്റെ ഇഷ്ടം പറയാൻ..\"

\"അല്ല.. ഗോകുൽ നിനക്ക് ഒന്നുകൂടി ആലോചിച്ചിട്ട് പറഞ്ഞാൽ മതിയില്ലേ...\"  പ്രവീൺ

\"ഞാൻ എന്ത് ആലോചിക്കണം എന്നാണ് നീ പറയുന്നത്..\"ഗോകുൽ

\"നിന്റെ സ്റ്റാറ്റസും അവളുടെ സ്റ്റാറ്റസും എന്തെന്ന് ഓർത്ത് നോക്ക്..അപ്പോ അറിയാം നിങ്ങൾ തമ്മിലുള്ള അന്തരം..പിന്നെ അതുമാത്രമല്ല.. നിന്നെ പ്രണയിക്കുന്നത് പണം കണ്ടിട്ട് ആണെങ്കിലോ...\" പ്രവീൺ

\"നീ എന്താ പറഞ്ഞുവരുന്നത്...\" ഗോകുൽ

\"ഞാൻ പറഞ്ഞത് മനസിലായില്ലേ നിനക്ക്.. നിന്നെ ദേവ പ്രണയിച്ചത് പണം കണ്ടിട്ട് ആകും...ഇനി അഥവാ Time പാസ്സ് ആണെങ്കിലോ അവൾക്ക്.. അതുകൊണ്ട് നീ ആലോചിച്ചിട്ട് മതി അവളോട് മറുപടി പറയുന്നത്....\"

പ്രവീൺ ഇങ്ങനെ പറഞ്ഞതുകൊണ്ട് ഗോകുലിനു സംശയം ആയി.. അവൻ ഒന്നും
മിണ്ടാതെ ഞങ്ങളുടെ അടുത്ത് നിന്നും പോയയതും പ്രവീൺ പറഞ്ഞത് കേട്ട് ഞങ്ങൾ ഞെട്ടി...

\"അവനെന്താ പറഞ്ഞത്..\" സിദ്ധു

      \"അവന്റെ പ്രണയം ഞാൻ നുള്ളികളയും...
കാരണം ഞാൻ പറഞ്ഞത് കേട്ട് നിൽക്കുന്ന കളിപാവ ആണ് അവൻ..അന്ന് ഗോകുലിനെ
അവരിൽ നിന്നും പിരിച്ചത് ഞാൻ പ്ലാൻ ചെയ്തത് പോലെ ആണ്...ഇന്നും ഞാനാണ് അതിന്റെ പിന്നിൽ എന്ന് അവനു അറിയില്ല...
ഇനി അവൻ സത്യം അറിഞ്ഞാലും എന്റെ കളിപ്പാവ ആയി മാറിയിട്ടുണ്ടാകും...പിന്നെ ഇപ്പോ അവൻ തിരികെ വരും.. പക്ഷേ അവനെന്റെ വാക്ക് വിശ്വസിച്ച് അവളെ അവഗണിക്കും.. എനിക്കും വേണ്ടത് അത് തന്നെയാ...ദേവയെ പറ്റി മോശമായി പറഞ്ഞുവെന്ന് അഗ്നിയറിഞ്ഞാൽ അവൻ ഗോകുലിനെ തല്ലും എന്നൊരു ഉറപ്പ് ഉണ്ടായി...ആ നിമിഷം ഞാൻ മനസിലാക്കി പ്രവീണിന്റെ ലക്ഷ്യം അഗ്നിയെയും ഗോകുലിനെയും തമ്മിൽ അടിപ്പിക്കാൻ ആണെന്ന്...എനിക്ക് എന്ത് ചെയ്യണം എന്നറിയാതെ നിൽക്കുമ്പോളാണ് ദേവ എന്റെ അരികിൽ വന്നതും എന്നോട് എന്തോ രഹസ്യം പറഞ്ഞ് അവൾ പോയി...
ദേവയെ ഗോകുൽ കണ്ട് സംസാരിക്കുന്നതിൽ പലതും  പ്രവീൺ പറഞ്ഞതിൽ നിന്നും ഏറെ മാറ്റം വരുത്തിയാണ് അവളോട് പറഞ്ഞത്...\"

അല്ലു പറഞ്ഞു കഴിഞ്ഞതും അഗ്നിയുടെ മുഖത്തെ ഭാവം കണ്ടതും അല്ലു പറയാൻ തുടങ്ങി...

    ദേവ ഗോകുലിനോട് പറഞ്ഞ കാര്യം കേട്ടതും പ്രവീണും ഗൗതത്തിനും ഷോക്കിങ് ആയിരുന്നു.. കാരണം ഒരിക്കൽപോലും
വിചാരിക്കാത്ത കാര്യമാണ് ദേവ അന്ന് പറഞ്ഞത്.. അതോടെ പ്രവീണിനും ഗൗതത്തിനും നിങ്ങളോട് ദേഷ്യം തോന്നി...
ആ ദിവസം നിങ്ങൾ രണ്ടുപേരും തമ്മിൽ അടികൂടി ചാകുമെന്നാണ് പ്രവീൺ കരുതിയത്..അവന്റെ പ്ലാൻ എല്ലാം പരാജയപ്പെട്ടു എന്ന് തോന്നിയപ്പോൾ
അവർ പുതിയ പ്ലാൻ ഉണ്ടാക്കി.. അത് മറ്റൊന്നും അല്ലായിരുന്നു കോളേജിൽ വരുന്ന സ്വാസികയേയും ഗോകുലിനെയും ദേവയെയും ചേർത്ത് നുണ കഥകൾ
പ്രചരിപ്പിക്കുക എന്നതായിരുന്നു അവന്റെ ലക്ഷ്യം..

അപ്പോളാണ് സ്വാസ് മിഥില മിസ്സിനെ വിളിച്ചുകൊണ്ടുപോകുന്നത് ഞങ്ങൾ കണ്ടത്..എന്നോട് ഒന്നും പറയാതെ ഇവർ ആ ക്ലാസ്സ്‌ റൂമിലേക്ക് ചെന്നു.. ഞാൻ അവിടെ എത്തുമ്പോളേക്കും കണ്ടത് കരഞ്ഞുപോകുന്ന സ്വാസികയെ ആണ്.. പിന്നീട് ഞാൻ നോക്കിയപ്പോ കണ്ടു, പ്രവീണിന്റെയും ഗൗതത്തിന്റെയും മറ്റൊരു മുഖം...മിഥില മിസ്സിനെ കാമകണ്ണുകളിലൂടെ
നോക്കുന്ന ഗൗതത്തെയും പ്രവീണിനെയും...
ആ നിമിഷം തന്നെ എന്റെ മനസ് പറഞ്ഞതുകേട്ട് ഞാൻ മിഥില മിസ്സിനോട്
സംശയം ചോദിക്കാനുണ്ടെന്ന് പറഞ്ഞതും
ഇവരും പോയി... 

എല്ലാം പറഞ്ഞ് കഴിഞ്ഞതും അല്ലു തലയുർത്തി നോക്കിയതും തന്റെ 
മുമ്പിൽ നിൽക്കുന്നവരെ കണ്ടതും അല്ലു ഒന്നും മിണ്ടാതെ അവരെ ആഞ്ഞുപുണർന്നു...

ഇത് കണ്ട സ്വാസികയുടെയും ദേവയെയുടെയും ലച്ചുവിന്റെയും മുഖത്തു ചിരി സ്ഥാനം പിടിച്ചു..

\"അല്ല സത്യങ്ങൾ എല്ലാം തിരിച്ചറിഞ്ഞില്ലേ
ഇനി എന്താ പ്ലാൻ...\"എന്ന സ്വരം കേട്ടതും എല്ലാവരും വാതിലിന്റെ അവിടേക്ക് നോക്കി.. അപ്പോളാണ് തങ്ങളുടെ അടുത്തേക്ക് വരുന്ന സ്വാസികയുടെയും ഗോകുലിന്റെയും അച്ഛൻമാർ അവരുടെ അടുത്തേക്ക് വന്നു...

\"മക്കൾ എല്ലാവരും ഒന്നിച്ചപ്പോ വളരെ സന്തോഷമായി..എന്നും മക്കൾ സന്തോഷത്തോടെ ജീവിക്കുന്നത് കാണാനാണ് ഞങ്ങൾക്ക് സന്തോഷം..\" വിശ്വ അഗ്നിയെയും ഗോകുലിനെയും ചേർത്ത് പിടിച്ചുകൊണ്ട് പറഞ്ഞു...

\"മക്കളോട് എനിക്ക് പറയാനുള്ളത് ഇത്രമാത്രം നമ്മളെ കുറച്ചു ആരെങ്കിലും മറ്റുള്ളവരോട് മോശമായി സംസാരിച്ചാൽ
അത് സത്യം ആണോ എന്നറിയാതെ React ചെയ്യരുത്...സത്യാവസ്ഥ എന്തെന്ന് അറിയാതെ react ചെയ്താൽ ചിലപ്പോ നമ്മളുടെ പ്രിയപ്പെട്ടവർ ആയിട്ടുള്ള സൗഹൃദം
എന്നേക്കുമായി നക്ഷ്ടപെടും...\" വിജയൻ പറഞ്ഞത് അവിടെയുള്ളവരുടെ ഹൃദയത്തിൽ ആണ് കൊണ്ടത്...

അപ്പോളും അഗ്നിയുടെ മനസിൽ വലിയയൊരു അഗ്നിപർവതം രൂപപ്പെട്ടിരുന്നു..
തങ്ങളുടെ സന്തോഷം ഇല്ലാതാക്കിയവരെ 
തീർക്കാൻ അഗ്നി തീരുമാനിച്ചു..അവന്റെ മുഖഭാവം ശ്രദ്ധിച്ചുനിന്ന ദേവക്കും മനുവിനും സിദ്ധുവിനും മനസിലായി അവന്റെ മനസിലെ ചിന്ത എന്ത് ആണെന്ന്..

ദേവ സിദ്ധുവിനെ നോക്കിയതും അവൻ ഒന്നുമില്ല എന്ന അർത്ഥത്തിൽ തലയാട്ടിയതും
ദേവക്ക് ആശ്വാസം തോന്നിയെങ്കിലും അവളുടെ മനസിൽ അഗ്നി എന്താണ് ചെയ്യാൻ പോകുന്നതുവെന്ന് ഓർത്ത് ഭയം  ഉണ്ടായിരുന്നുവെങ്കിലും അത് പുറമേ കാട്ടാതെ അവൾ നിന്നു...

എന്നാൽ ഇതേസമയം ഗ്രൂപ്പ്‌ കോൾ ചെയ്യുക ആയിരുന്നുകാർത്തിക്ക്... ഇതേകാര്യം തന്നെ കൃഷ്‌ണയോടും അമ്മുവിനോടും ശിവഹരിയോടും പറഞ്ഞതും അവർ ഞെട്ടിയെങ്കിലും അവരുടെയെല്ലാം മനസിൽ 
സത്യങ്ങൾ എല്ലാം കലങ്ങി തെളിഞ്ഞുവെന്ന
ആശ്വാസം ഉണ്ടായിരുന്നു...

എന്നാൽ ഇതേ സമയം ഇതൊന്നും അറിയാതെ തന്റെ ഫ്ലാറ്റിൽ ഡിജെ പാർട്ടി നടത്തുക ആയിരുന്നു പ്രവീൺ അവന്റെകൂടെ ഗൗതവും ഉണ്ട്.കേരളത്തിലെ പേരുകേട്ട ക്രിമിനൽസും അവന്റെ കൂടെ ആ പാർട്ടിയിൽ പങ്കെടുത്തു.. എന്നാൽ പ്രവീൺ അഗ്നിയെയും കൂട്ടരെയും തട്ടിക്കൊണ്ടുപോകാൻ പറഞ്ഞ ഗുണ്ടകൾ
ആരും പ്രവീൺ നടത്തുന്ന പാർട്ടിയിൽ ഉണ്ടായിരുന്നില്ല...അവരെ കാണാത്തതുകൊണ്ട് പ്രവീൺ അവരെ തിരക്കി പോയിയെങ്കിലും നിരാശ ആയിരുന്നു
ഫലം...

അപ്പോളും ആരും അറിഞ്ഞിരുന്നില്ല...
അഗ്നി എന്ന ചെകുത്താനെ പറ്റി.... തന്റെ ശത്രുക്കളെ ഇല്ലാതെയാക്കുന്ന സ്വഭാവവും ഉണ്ടെന്ന്... അന്ന് പ്രവീൺ
തങ്ങളെ ഇല്ലാതെയാക്കാൻ വേണ്ടി പറഞ്ഞ് എൽപ്പിച്ച ഗുണ്ടകൾ ആരും
തന്നെ ജീവിച്ചിരിപ്പില്ല...ഇനി അടുത്തത്
തങ്ങൾ ആണെന്ന് അറിയാതെ പ്രവീണും
ഗൗതവും ആ ഡിജെ പാർട്ടി അടിച്ചുപൊളിക്കുക ആയിരുന്നു..

നാളെ തങ്ങളുടെ പതനത്തിന്റെ ആരംഭം എന്നറിയാതെ ഗൗതവും പ്രവീണും ഉറക്കത്തിലേക്ക് വഴുതിവീണു...

തുടരും....


NB  എന്തിനാ കഥക്ക് റേറ്റിംഗ് കുറയക്കുന്നത്.. കഥ ഇഷ്ടമാകുന്നില്ലേ...കഥ ബോറിങ് ആണോ ? ഒരു എഴുത്തുക്കാരിക്ക് വേണ്ടത് വായനക്കാരുടെ സപ്പോർട്ട് ആണ്...

4.6,4.7, 4.8, 4.9 എന്ന റേറ്റിംഗ് നമ്പേഴ്സ് കാണുമ്പോൾ മനസിൽ സങ്കടം തോന്നുന്നുണ്ട്...

സൊ ഇനി കഥ പോസ്റ്റ്‌ ചെയ്യുന്നത് രണ്ടുദിവസം കൂടുമ്പോൾ ആയിരിക്കും...

LIKE SHARE COMMENT