ക്ലാസിലേക്ക് തിരികെ നടന്ന ചാരുവിന് ചുറ്റും ഒരു നൂറു ചോദ്യങ്ങൾ നിൽക്കുന്നതായി അവൾക്ക് തോന്നി .

                      ***

രാത്രി ബുക്കുകൾ മറിച്ച് എന്തോ ആലോചിച്ചു കൊണ്ട് ഇരിക്കുക ആയിരുന്നു ചാരു .

" ചാരൂ... ദേ നിൻ്റെ ഫോൺ ബെല്ലടിക്കുന്നു."

ചാരുവിൻ്റെ ഫോണും കൈയ്യിൽ എടുത്ത് അമ്മ സ്റ്റഡി റൂമിലേക്ക് കയറി.

"ആരാ അമ്മേ.. ?" 

" സന മോളാ... ദാ ... പിടിക്ക്."

അമ്മ ചാരുവിൻ്റെ കൈയ്യിൽ ഫോണും കൊടുത്ത് പുറത്തേക്ക് ഇറങ്ങി. ഫോൺ ടേബിളിന് പുറത്ത് വച്ച് ചാരു അവളുടെ ബ്ലുട്ടൂത് ഹെഡ് സെറ്റ് കണക്ട് ചെയ്ത് ചെവിയിൽ വച്ചു.

" പറഞ്ഞോ സന..." 

ചാരു കോൾ അറ്റൻഡ് ചെയ്തു.

" എടാ... നി ബിസി ആണോ?"

" അല്ല... എന്തു പറ്റി?"

" നീ എന്നെ ഒന്ന് ഹെൽപ് ചെയ്തേ പറ്റൂ... നാളത്തെ എക്സാമിൻ്റെ ഒരു ടോപ്പികും എനിക്ക് അറിയില്ല. "

" അല്ല... അതിനു നാളെ ഏതാ എക്സാം?🤔"

 " ബെസ്റ്റ് ... നിനക്ക് അതും ഓർമ്മ ഇല്ലേ ചാരു?"

"സീരീസ് എക്സാം അല്ലെ... അത് എന്തെങ്കിലും ഒക്കെ എഴുതാം. നീ ഏതാ subject എന്ന് പറയ്."

"Basics ആടീ... നമ്മുടെ സിദ്ധാർഥ് സാറിൻ്റെ."

സന അത് പറഞ്ഞു നിർത്തിയപ്പോഴാണ് ചാരു അവളുടെ ബുക്ക് സിദ്ധാർഥിൻ്റെ കയ്യിൽ ആണെന്ന കാര്യം ഓർത്തത്. അഞ്ചു നിമിഷത്തെ നിശ്ശബ്ദതക്ക് ശേഷം ചാരു പറഞ്ഞു.

" Ok. അതിൽ എന്താ നിനക്ക് doubt...?

സന അവളുടെ സംശയങ്ങൾ ഓരോന്നായി ചാരുവിനോടു പറഞ്ഞു. എല്ലാം ശ്രെദ്ധയോടെ കേട്ടിരുന്ന ചാരുവിന് ബുക്കിൽ നോക്കാതെ അതിനു ഉത്തരം നൽകാൻ ആകുമായിരുന്നില്ല.

" സന ... എടാ എൻ്റെ കയ്യിൽ നോട്ട് ഇല്ലാ... നിനക്കറിയാല്ലോ... എൻ്റെ നോട്ട് സിദ്ധാർഥ് സാറിൻ്റെ കയ്യിലാ...ഒന്ന് നോക്ക കൂടി ചെയ്യാതെ ഞാൻ എങ്ങനാടാ നിനക്ക് പറഞ്ഞു തരണേ.?"

ചാരു അവളുടെ നിസ്സഹായാവസ്ഥ പറഞ്ഞു നിർത്തി. 

" ശോ... ഇപ്പൊ എന്താ ചെയ്യാ... എങ്ങനെ എങ്കിലും എനിക്ക് ഇതൊന്ന് പറഞ്ഞു താ ചാരൂ...നിനക്ക് അറിയാല്ലോ എവിടെ എങ്കിലും എന്തെങ്കിലും ഡൗട്ട് തോന്നി തുടങ്ങിയാൽ ഞാൻ അവിടെ നിക്കാറാ പതിവ്. പിന്നെ ഒരു അക്ഷരം കൂടി പഠിക്കാൻ എന്നെ കൊണ്ട് പറ്റില്ല..."

" നീ... വിഷമിക്കാതെ ഞാൻ ഒന്ന് നോക്കട്ടെ..."

ചാരു സനയുടെ പരീക്ഷാ ഭയത്തെ കുറക്കാൻ ശ്രമിച്ചു.

" ചാരു... നിൻ്റെ ബുക്ക് സാറിൻ്റെ കയ്യിൽ അല്ലേ , നീ സാറിൻ്റെ ഒന്ന് വിളിക്കോടാ...? എന്നിട്ട് സാറിനോട് ചോദിക്ക്. സാർ ആകുമ്പോ കറക്ട് പറഞ്ഞു തരും." 

" ഞാനോ... സാറിനെയോ...നീ ഒന്ന് പോയെ. എനിക്ക് എങ്ങും വയ്യ..." 

" ഓ.. അല്ലേലും ഞാൻ പറഞ്ഞാ നീ കേൾക്കില്ലല്ലോ...😒" 

" എൻ്റെ പൊന്നു സനാ... നീ ഇനി അതിൽ പിടിച്ചു കയറണ്ടാ ... ഞാൻ വിളിച്ചു ചോദിക്കാം... പക്ഷേ എൻ്റെ കയ്യിൽ സാറിൻ്റെ നമ്പർ ഇല്ല."

" എടീ... നമ്പർ നമ്മുടെ ഓഫീഷ്യൽ ക്ലാസ് ഗ്രൂപ്പ് ഇല്ലേ... അതിൽ ഉണ്ട്. നീ ശ്രേദ്ധിച്ചില്ലാരുന്നോ നമ്മുടെ പുതിയ ടീച്ചേഴ്സിനെ എല്ലാം അതിൽ Add ആക്കിയിട്ടുണ്ട്."

" ആവോ.. ഞാൻ കണ്ടില്ല. ങാ നീ എന്തായാലും വെച്ചോ. ഞാൻ നോക്കട്ടെ."

" ശെരി... വേഗം വേണേ."

സന കോൾ കട്ട് ആക്കി.ഫോണിൽ വാട്ട്സ്ആപ് ഓപ്പൺ ആക്കി ചാരു ഗ്രൂപ്പിൽ കയറി നമ്പർ നോക്കാൻ തുടങ്ങി.Unknown ആയി കിടന്ന അഞ്ചു നമ്പറിൽ നിന്ന് സിദ്ധാർഥിൻ്റെ നമ്പർ കണ്ടെത്താൻ ചാരുവിന് അധികം സമയം വേണ്ടി വന്നില്ല.അവൾ സിദ്ധാർഥിൻ്റെ നമ്പർ ഫോണിൽ സേവ് ചെയ്ത് വാട്ട്സ്ആപ്പിൽ തിരികെ കയറി. കോൺടാക്ട്സിൽ നിന്നും അവൾ സിദ്ധാർഥിൻ്റെ പേര് തിരഞ്ഞു.നാലോ , അഞ്ചോ മാസം മാത്രം പ്രായം വരുന്ന ഒരു കുഞ്ഞിനെ കയ്യിൽ എടുത്ത് നിൽക്കുന്ന ഒരു ഫോട്ടോ ആയിരുന്നു സിദ്ധാർഥ് പ്രൊഫൈൽ ഫോട്ടോ ആക്കി ഇട്ടിരുന്നത്. അപ്പോഴും ചാരു ശ്രദ്ധിച്ചത് സിദ്ധാർഥിൻ്റെ മനോഹരമായ ആ ചിരി തന്നെ ആണ്.

' എന്താ ചെയ്യാ...സാറിന് മെസ്സേജ് ഇടണോ.🤔'

അപ്പോഴും ചാരുവിന് രണ്ടു മനസ്സ് തന്നെ ആയിരുന്നു.

' മെസ്സേജ് ഇടാം ... ഇട്ടില്ലേ സന എന്നോട് പിണങ്ങും അത് ഉറപ്പാ... ങാ ... സാരല്ലാ ഡൗട്ട് ചോദിക്കാനല്ലെ.'

ചാരു കീബോടിൽ ടൈപ്പ് ചെയ്തു.

" Good Evening sir ...😊"