പത്രത്തിൽ നിന്നും ആദിയുടെ photo കിട്ടിയപ്പോൾ മുതൽ അച്ചുന്റെ മനസ്സ് വല്ലാതെ അസ്വസ്ഥം ആയിരുന്നു.... എന്താണ് ചെയ്യുന്നത് എന്നോ എന്താണ് പറയുന്നത് എന്നോ അച്ചുനു തന്നെ ഒരു അറിവും ഇല്ല.... എപ്പോഴും അവന്റെ മുഖം മാത്രം മിഴിവോടെ മനസ്സിൽ തെളിഞ്ഞു വരും.... 

'' എന്താ എനിക്ക് സംഭവിക്കുന്നെ..? ആഹ് ഫോട്ടോ കണ്ടപ്പോ മുതൽ മനസ്സ് പിടിച്ചാൽ നിൽക്കുന്നില്ല.... എന്തോ വല്ലാത്ത ആഗ്രഹം അയാളെ ഒന്ന് നേരിൽ കാണാൻ.... എന്താ അങ്ങനെ..? '' 

ബെഡിൽ ഇരുന്ന് പത്രം മുമ്പിൽ വച്ച് അച്ചു സ്വയം പറഞ്ഞു കൊണ്ടേ ഇരുന്നു.... ചോദ്യങ്ങൾക്ക് ഉള്ള ഉത്തരം എല്ലാം അവൾ കണ്ടെത്തിയത് ഒരാളിൽ ആയിരുന്നു... '' ആദിരുദ്ര് ''.... 

'' എന്താ എന്റെ മനുഷ്യ നിങ്ങൾ എനിക്ക് നൽകിയത് ? എന്റെ ഉറക്കം വരെ നിങ്ങളേ കണ്ട ആഹ് നിമിഷം പോയി... ഹോ... ന്ത്‌ കഷ്ട... '' 

തലക്ക് അടിച്ചു സ്വയം അവൾ പറഞ്ഞു 

'' ആരോടേലും ഇത് ഒന്ന് തുറന്ന് പറയണം. അല്ലാതെ ശരിയാവില്ലാ... '' 

മനസ്സിൽ ഉറപ്പിച്ച് അച്ചു ടേബിളിൽ ഇരുന്ന ഫോൺ എടുത്ത് കുറച്ച് നേരം ഇരുന്നു.... പിന്നെ വേഗം തന്നെ കോൺടാക്ട് ലിസ്റ് ൽ നിന്നും ദിയയുടെ നമ്പർ ൽ കാൾ ചെയ്തു... 


കുറേ നേരം try ചെയ്തിട്ടും ദിയ കാൾ അറ്റൻഡ് ചെയ്തില്ല...  അത് ദിയക്ക് നല്ല പോലെ ദേഷ്യം ഉളവാക്കി. പിന്നെയും അവസാന ശ്രമം എന്നോണം ഒന്നുംകൂടെ വിളിച്ചു 

'' ആരുടെ അമ്മുമ്മേനെ കെട്ടിക്കാൻ ആടി ശവമേ നീ പോയേ.... എത്ര പേരായി മനുഷ്യൻ  വിളിക്കുന്നു '' 

ഫോൺ എടുത്ത പാടെ അച്ചു ഒരു അറ്റാക്ക് ആയിരുന്നു 

'' ഒ... എന്റെ അച്ചു... നി ഇങ്ങനെ ടെറോർ ആവാതെ... ഒന്ന് കൂൾ ആവ്. ഞാൻ മുത്തശ്ശിയുടെ അടുത്തായിരുന്നു. അതാ കാൾ കേൾക്കാഞ്ഞേ '' 

'' മ്മ്... ശെരി '' 

'' അല്ല എന്താണ് മൊത്തത്തിൽ ഒരു പന്തികേട് '' 

അച്ചുന്റെ സംസാരം കെട്ട് ദിയ ചോദിച്ചു 

'' അത് പിന്നെ... '' 

എന്തൊ വിളിക്കുന്നതിന് മുൻപ് വരെ പറയാൻ ഇരുന്നത് എല്ലാം മറന്ന് പോയ പോലെ അച്ചൂന് തോന്നി

'' മ്മ്... ബാക്കി പോരട്ടെ '' 

'' അത്... ഞാൻ ഒരു കാര്യം പറയട്ടെ നിന്നോട്... '' 

അൽപ്പം മടിച്ചു ആണ്  അച്ചു ചോദിച്ചത് 

'' best... നിനക്ക് ഒരു കാര്യം പറയാൻ ആണോ നി ഇത്രയും ബിൽഡപ്പിടുന്നെ.... ഒന്ന് പറ പെണ്ണെ കളിക്കതെ '' 

ദിയയുടെ വാക്കുകൾ കേട്ട് അച്ചു ശ്വാസം ഒന്ന് ആഞ്ഞ് വലിച്ച് വിട്ടു 

'' എനിക്ക് ഒരാളെ ഇഷ്ടാ... ആളെ ഞാൻ നേരിട്ട് കണ്ടിട്ടില്ല...  കുറച്ചു ദിവസം മുൻപ് പണ്ടത്തെ ഒരു പത്രത്തിൽ നിന്ന് കണ്ടയാ... അപ്പോ മുതൽ മനസ്സിന് വല്ലാത്ത ഒരു ഇത്... എന്താ എനിക്ക് പറ്റിയെന്നു അറിഞ്ഞുടാ... ഒത്തിരി ഇഷ്ടാടാ എനിക്ക് അയാളെ '' 

കണ്ണും അടച്ചു ഒറ്റ ശ്വാസത്തിൽ അച്ചു പറഞ്ഞ് നിർത്തി 

'' പത്രത്തിലോ...... ! വല്ല ചരമ കോളത്തിലും ഉള്ള ആളാണോ അതോ കാണ്മാനില്ല എന്ന ഹെഡിങ് ഉള്ളയാലോ...? ഇതിലേതാ '' 

ആദ്യം ഞെട്ടൽ ആയിരുന്നു പ്രകടം ആയത് എങ്കിലും പിന്നെ അത് അൽപ്പം ഗൗരവം ഉള്ളതായിരുന്നു 

'' ഇത് രണ്ടും അല്ല... അഭിനന്ദനങ്ങൾ എന്നും പറഞ്ഞ് ആണ് കണ്ടേ '' 

'' എന്റെ അച്ചു നിനക്കെന്താ പ്രാന്താനൊ..? പത്രത്തിൽ കണ്ട ഒരാളെ സ്നേഹിക്കാൻ. നിനക്ക് വേറെ ആളെ കിട്ടാഞിട്ടനൊ '' 

'' എനിക്ക് അയാളെ ഇഷ്ടാ അത്രേ എനിക്കിപ്പോ അറിയൂ '' 

'' ok fine... I can understand. ഇത് ഏത് വർഷത്തെ ആണ് പത്രം ? '' 

'' ഒരു.... 7,8 വർഷം ആയി കാണും '' 

അച്ചുന്റെ മറുപടി കെട്ട് ദിയക്ക് നല്ലോണം ദേഷ്യം വന്നിരുന്നു 

'' 7 , 8 വർഷം ആൾ ആണേൽ അങ്ങേരിപ്പോ കെട്ടി പിള്ളേരും ആയി കാണും അപ്പോഴ അവളുടെ ഒരു പ്രേമം '' 

'' അങ്ങനെ ഒന്നും ഇണ്ടാവില്ല... '' 

ദേഷ്യത്തോടെ പറഞ്ഞ ദിയയുടെ വാക്കുകൾക്ക് പരിപാവത്തോടെ അച്ചുവും മറുപടി നൽകി 

'' അയാളുടെ പേരെന്താ ? '' 

'' ആദിരുദ്ര്.... '' 

അവന്റെ പേര് ഉച്ചരിക്കുമ്പോൾ തന്നെ അവളിൽ പേരറിയാതൊരു വികാരം വന്ന് ചേർന്നു... 

'' മ്മ്... പേരൊക്കെ കൊള്ളാം, ആളെവിടാ '' 

'' നമ്മുടെ നാട്ടിൽ തന്നെയാ... അഹ് പത്രത്തിൽ ആൾടെ അച്ഛന്റെം അമ്മേന്റെം ഒക്കെ പേര് കൊടുത്തിട്ടുണ്ട്. വീട്ടുപേരും... നമുക്ക് ഒന്ന് പോയി അന്വേഷിച്ചലൊ '' 

 ആകാംഷയോടെ അച്ചു ചോദിച്ചു...  ദിയ മറുപടി ഒന്നും പറഞ്ഞില്ല 

'' അച്ചു നീ ശെരിക്കും ആലോചിച്ചട്ടാണോ ? '' 

അൽപ്പ നേരത്തിന് ശേഷം ദിയ അവളോട് ചോദിച്ചു

'' അതെ... എന്തായാലും ഇത്രയും വർഷം കൊണ്ട് ആൾ നല്ലോരു ജോബ് നേടി കാണും അതെനിക്ക് ഉറപ്പാ... എന്തൊ കല്യാണം ഒന്നും കഴിഞ്ഞ് കാണില്ല എന്ന് മനസ്സ് പറയുന്നു... നി എന്റെ ഒപ്പം നിക്കുവോ ? '' 

'' നിന്നല്ലേ പറ്റു.... ചങ്കായി പോയില്ലേ... കൂടെ നിൽക്കുന്നത് സ്നേഹം കൊണ്ടൊന്നും അല്ല.. മനസ്സിലായല്ലോ '' 

'' ഒ... മനസ്സിലായി മാഡം... '' 

കളിയോടെ അച്ചു പറഞ്ഞു.... അങ്ങനെ കുറേ നേരം അവർ രണ്ടാളും അഹ് സംസാരം തുടർന്നു... അവസാനം നാളെ മുതൽ മിഷൻ ആദിരുദ്ര് സ്റ്റാർട് ചെയ്യാം എന്ന തീരുമാനത്തിൽ അവർ ഫോൺ കട് ആക്കി... 

ഫോൺ കട്ട്‌ ചെയ്ത് അച്ചു ബെഡിൽ നീണ്ടു നിവർന്ന് ഒന്ന് കെടന്നു. എന്തോ ആലോചിച്ച് അവളുടെ ചുണ്ടിൽ ഒരു പുഞ്ചിരിവിരിഞ്ഞു... അതെ ചിരിയോടെ ചെരിഞ്ഞ് കിടന്ന് അവൾ മറു വശത്തായി വച്ച ആദിയുടെ ഫോട്ടോ അടങ്ങിയ പേജ് കയ്യിലെടുത്ത് അവന്റെ ഫോട്ടോയിലൂദെ തഴുകി...

'' അറിയില്ല രുദ്രേട്ടാ ഞാൻ എപ്പോഴാ നിങ്ങളെ പ്രണയിച്ചു തുടങ്ങിയതെന്ന്... പക്ഷെ ഇപ്പോ ഒന്നെനിക്കരിയം, ഞാൻ ഒരുപാട്...ഒരുപാട് രുദ്രേട്ടനെ പ്രണയിക്കുന്നോണ്ട്. '' പുഞ്ചിരിയോടെ നിൽക്കുന്ന ആദിയുടെ ഫോട്ടോയിൽ അച്ചു ചുണ്ടുകൾ ചേർത്ത്  അതിനെ നെഞ്ചോട് ചേർത്ത്  കിടന്നു 






'' അമ്മേ ഞാൻ ഇറങ്ങുവാ കേട്ടോ '' 

രാവിലെ പാടത്തേക്ക് പോകാൻ നേരം അടുക്കളയിലേക്ക് നോക്കി ആദി വിളിച്ച് പറഞ്ഞ്  അഴയിൽ കിടന്ന തോർത്തും എടുത്തു 

'' ചായ കുടിക്കാൻ വരില്ലേ ആദിയെ നിയ്യ് '' 

നേര്യതിൽ കൈ തുടച്ച് അങ്ങോട്ടേക്ക് വന്ന ഭാമ അവനോടായി ചോദിച്ചു 

'' അഹ് അമ്മേ വരും, ന്ന ഞാൻ അങ്ങ് ഇറങ്ങുവാ '' 

അത്രയും പറഞ്ഞ്  അവൻ പുറക് വശത്തുകൂടെ തന്നെ പാടത്തേക്ക് ഇറങ്ങി. ആദി കണ്മറയുന്നത് വരെ നോക്കി നിന്ന് ഭാമ അകത്തേക്ക് തിരികെ കയറി പോയി 






'' ആഹാ കുറേ ആയല്ലോ ബാബു ചേട്ടാ കണ്ടിട്ട്... ഇവിടെ ഒന്നും ഇല്ലായിരുന്നോ ? '' 

തോട്ടത്തിലെ കള പറിക്കുന്ന സമയത്ത് അതിലെ പോയ ബാബുവിനോട് ആദി സ്നേഹത്തോടെ ചോദിച്ചു... മങ്ങിയ ഒരു അയാളുടെ മുഖത്ത് തെളിഞ്ഞു 

'' എന്താ ബാബു ചേട്ടാ... എന്തേലും പ്രശ്നം ഉണ്ടോ ? മുഗം വല്ലാതെ ഇരിക്കുന്നു ''

''മോളുടെ ഓപ്പറേഷൻ അടുത്തു മോനെ... പൈസ ഇനിയും കുറച്ചു കൂടെ വേണം. എല്ലാവരോടും ചോദിച്ചു, പക്ഷെ 50,000 രൂപ ഒന്നും ഒരാൾക്കും അങ്ങനെ വെറുതെ തരുവാൻ കഴിയില്ലലോ. അത്കൊണ്ട് ഇണ്ടേലും ആൾക്കാർ ഇല്ലന്നെ പറയു '' 

വിഷാതം നിറഞ്ഞ ചിരിയോടെ അദ്ദേഹം പറഞ്ഞു തീർത്തപ്പോൾ ഒരുതുള്ളി കണ്ണുനീർ കൂടെ നിലമ്പതിച്ചു

'' എയ്... എന്താ ചേട്ടാ ഇത്... '' 

എങ്ങനെ സമാധാനിപ്പിക്കണം എന്ന് ആദിക്കും ഒരറിവും ഇല്ലായിരുന്നു 

'' അവസാനം നോക്കിട്ട് ഒറ്റ വഴിയേ ഞാൻ കാണുന്നുള്ളു കുഞ്ഞേ, ശേഖർ സാർ... അദ്ദേഹത്തോട് ചോദിച്ച കിട്ടിയാലോ '' 

'' അഹ്... നല്ല കാര്യായി. എന്താ ചേട്ടാ ചേട്ടൻ ഒന്നും അറിയാത്ത പോലെ... അറുത്ത കയ്ക്ക് ഉപ്പ് തേക്കാത്ത ആളാ അയാൾ. അയാളോട് തന്നെ പോയി ചോദിച്ച് എന്തിനാ നാണം കേടാണെ ? '' 

'' പിന്നെ ഞാനെന്താ മോനെ വേണ്ടേ ? മോളെ അങ്ങനെ കിടത്തിയാ.... അവൾ അല്ലേ എനിക്ക് ആകേ ഒള്ളു. കണ്ണ് അടയുന്ന വരെ അവളെ കാണണം എന്ന എനിക്ക് '' 

'' വിഷമിക്കതെ... എല്ലാത്തിനും വഴി ഉണ്ടാക്കാം. നമ്മുടെ കാവേരിക്ക് ഒന്നും വരില്ല. '' 

അയാളുടെ കയ്യിൽ പിടിച്ചു ആദി വാക്ക് കൊടുത്തു 

'' പേടിക്കാതെ ബാബുവേട്ടാ... ഞാൻ അല്ലേ പറയുന്നെ.. '' തൃപ്തി വരാത്ത പോലുള്ള അയാളുടെ മുഖത്ത് നോക്കി ആദി ഒരിക്കൽ കൂടെ പറഞ്ഞു. ഒരു ചിരിയോടെ അദ്ദേഹം അവന് മുമ്പിൽ നിന്ന് നടന്നു നീങ്ങി.. അദ്ദേഹത്തെ നോക്കി നിന്ന് പിന്നീട് ആദി അവന്റെ പണിയിലെക്ക് തന്നെ തിരിഞ്ഞു


'' അമ്മേ... ഞാൻ ഇറങ്ങുവാ. അച്ഛ ഞാൻ പോയിട്ട് വരാട്ടോ '' 

സ്റ്റെപ് ഇറങ്ങുന്നതിന് ഇടയിൽ അച്ചു വിളിച്ചു പറഞ്ഞു 

'' കാർ ഉണ്ട് മോളെ, അതിൽ പോയാൽ മതി ''

ശേഖർ അവൾക്ക് ആടതെക്ക് വന്ന് പറഞ്ഞു... ഒരു പുഞ്ചിരിയോടെ അത് നിരസിച്ച് അച്ചു അയൽക്കൊരു ഉമ്മയും നൽകി പുറത്തേക്ക് പോയി


ഒരുപാട് നാളുകൾക്ക് ശേഷം ഇന്നാണ് അച്ചു അവളുടെ നാട് ശെരിക്കും ഒന്ന് കാണുന്നത്... അതിന് വേണ്ടി തന്നെയാണ് രാവിലെ അംബത്തിലേക്ക് അവൾ ഇറങ്ങിയതും. അമ്പലത്തിൽ പോകുമ്പോൾ നടന്നു പോകാൻ ആണ് അവൾക്ക് എന്നും ഇഷറ്റം. 

അമ്പലത്തിൽ എത്തി അച്ചു ചെരുപ്പ് ഒരു മൂലക്ക് ഊരി വച്ച്  ഇടത് കയ് കൊണ്ട് പാവാട അൽപ്പം പൊക്കി വലത് കൈ നെഞ്ചോട് ചേർത്ത് പ്രാർത്ഥിച്ച് കൊണ്ട് അകത്തേക്ക് കയറി. നടയിൽ നിന്ന് കണ്ണുകൾ അടച്ച് പ്രാർത്ഥിക്കുമ്പോൾ ഉള്ളിൽ ആദ്യം തെളിഞ്ഞത് ആദിയുടെ മുഖം ആയിരുന്നു. 

എന്റെ ഉണ്ണി കണ്ണാ.... അഹ് പത്രാത്തിൽ ആളെ കണ്ടപ്പോ തുടങ്ങിയതാ ഈ അസുഖം. എല്ലാം തുടങ്ങുന്നതും അവസാനിക്കുന്നതും അഹ് മുഖം ഓർത്ത് കൊണ്ട് ആണ്... ആദ്യം ഒക്കെ ചുമ്മ ഒരു infection ആണെന്ന കരുതിയെ, പക്ഷെ ഇത് അതല്ല. അസ്തിക്ക് പിടിച്ചെന്ന തോന്നണേ.... പ്ലീസ് കണ്ണാ.... അഹ് ആളെ ഒന്ന് എനിക്ക് കാണിച്ചു തന്നു കൂടെ. 

മനസ്സ് തുറന്ന് പ്രാർത്ഥിക്കുമ്പോൾ മനസ്സ് നിറയെ ആദി മാത്രം ആയിരുന്നു 

'' കുട്ടി..... മനസ്സിലായില്ല. എവിടെ നിന്നാ ? '' 

തിരുമേനിയുടെ ശബ്ദം ആണ് അച്ചുനെ  ഉണർത്തിയത്. 

'' ഞാൻ അമ്പാട്ടെ ശേഘർ ന്റെ മോൾ ആണ്. 2 വർഷം ആയി പുറത്ത്‌ ആയിരുന്നു അതാ കാണാത്തെ. ഇപ്പോ ക്ലാസ് കഴിഞ്ഞ് വന്നായ ''

പുഞ്ചിരിയോടെ പറഞ്ഞ് അച്ചു പ്രസാദം വാങിച്ചു 

'' അയ്യോ അറിഞ്ഞില്യാ ട്ടോ കുട്ട്യേ.... കുറേ ആയില്ലേ കണ്ടിട്ട് അതാ. ആട്ടെ ന്താ ഇപ്പോ പടിക്കണേ ? '' 

'' MBA  ഇപ്പോ എക്സാം കഴിഞ്ഞു '' 

'' ആണോ... അല്ല കാര്യമായി ഭാഗവനോട് എന്തൊ പറഞ്ഞല്ലോ...  എന്തായാലും കണ്ണൻ കൈ വിടില്ല. കേൾക്കും പ്രാർത്ഥന '' 

തിരുമേനി  പറഞ്ഞതിന് തെളിഞ്ഞ പുഞ്ചിരി ആയിരുന്നു അച്ചുന്റെ മറുപടി. 


'' വല്യ തിരുമേനി ഇന്ന് ആദിയെ കണ്ടില്ലലോ ? അല്ലേ വരേണ്ടത് അല്ലേ ? 

ചെത്തി പൂവും തുളസി ഇലയും കൂട്ടി കോർത്ത പൂമാല വാഴ ഇലയിൽ കൊണ്ട് വന്ന് നടക്ക് വച്ച് കൊണ്ട് മറ്റൊരു തിരുമേനി ചോദിച്ചു. ആദി എന്ന പേര് കേട്ടതും  തന്റെ ഹൃദയം പതിന് മടങ്ങ് മിടിക്കുന്നത് അച്ചു അറിഞ്ഞു. എന്തിനോ വേണ്ടി അവർ പറയുന്നത് അവൾ ചെവി കൂർപ്പിച്ച് ശ്രദയോടെ കേട്ടു 

'' ഹാ... വല്ല തിരക്കും ഉണ്ടാകും. അല്ലാച്ചാ വരേണ്ടത് അല്ല്യേ?  '' 

'' അതെ... വന്നോളും '' 

അത്രയും പറഞ്ഞ്  അഹ് തിരുമേനി പോയി. 

'' ആരെ കുറിച്ച ഈ പറയുന്നെ ? '' 

അവർ പറഞ്ഞ ആൾ താൻ അന്വേഷിച്ച് നടക്കുന്ന ആൾ തന്നെ ആണോ എന്ന് അറിയാൻ അവളുടെ ഉള്ളം തുടിച്ചു.  

'' അത് മോൾക്ക് അറിയാൻ വഴിയില്ല. വൃന്ദാവനം വീട്ടിലെ ദത്തന്റെയും ഭാമയുടെയും മൂത്ത മകനാ. പേര് ആദിരുദ്ര്. ആദി ഒന്നിടവിട്ട ദിവസം ഇങ്ങോട്ട് വരാലുള്ളയ, ഇന്നിപ്പോ വന്നില്ല. അതാ '' 

തിരുമെനിയുദെ വായിൽ നിന്ന് താൻ അന്വേഷിച്ച് നടക്കുന്ന ആളാണെന്ന് അറിഞ്ഞപ്പോ അവൾക്ക് ഒത്തിരി സന്തോഷം തോന്നി അത് ഉള്ളിൽ അടക്കി അവനെ പറ്റി കൂടുതൽ അറിയാൻ അവൾക്ക് അതിയായ ആഗ്രഹം തോന്നി

'' ഒ... അല്ല ഇയാൾക്ക് ഇപ്പോ എന്താ ജോലി ? ''

തിരുമേനിക്ക് സംശയം തോന്നാത്ത വിദം അവൾ ചോദിച്ചു 

'' അത് ഒന്നും പറയാതെ ഇരിക്കുവാ മോളെ നല്ലത്. ആദി കുറേ പോയി പഠിച്ചയ... എന്തോ വല്യ പണിയും കിട്ടിയതാ. പക്ഷെ ന്താ ചെയ്യ വിധി എന്നൊന്ന് ഉണ്ടല്ലോ. അതല്ലേ നമ്മുടെ ജീവിതം തന്നെ മാറ്റുന്നെ '' 

ദീർഘ നിശ്വാസത്തോടെ അദ്ദേഹം പറഞു. അച്ചു മനസ്സിലാവാതെ അദ്ദേഹത്തെ നോക്കി 

'' ദത്തൻ മരിച്ചപ്പൊ എല്ലാ ചുമതലയും ആദിക്ക് അല്ലേ. ദത്തൻ ഉണ്ടാക്കിയത് എല്ലാം ഇന്നും ഒരു കുറവും വരാതെ നോക്കുവാ അഹ് കുട്ടി. ദത്തന് കൃഷി പണി ആയിരുന്നു. അത് അന്യം നിന്ന് പോകതെ ഇപ്പോ നോക്കി നടത്തുന്നത് ആദി മോനാ. '' 

'' അ...അപ്പോ ജോലി ? '' 

'' അത് ദത്തൻ മരിച്ച് കഴിഞപ്പൊൽ പെങ്ങളേം അമ്മേനേയും ഒറ്റക്ക് ആക്കാൻ വയ്യാതോണ്ടും അച്ഛൻ ഉണ്ടാക്കിയത് ഒന്നും നശിക്കാതെ ഇരിക്കാൻ വേണ്ടിയും ഉണ്ടായിരുന്ന നല്ല പണി നിർത്തി പോന്നു. ഇപ്പോ കുറേ വർഷം ആയി ഇവിടെ കൃഷി നോക്കി നടത്തുവാ '' 

തിരുമെനി പറഞ്ഞത് ശ്രദ്ധയോടെ അവൾ കേൾക്കുമ്പോൾ അവളുടെ മനസ്സിൽ അവനുള്ള സ്ഥാനം ഒന്നും കൂടെ ഉയരുകയാണ് ചെയ്തത്. അവനോടുള്ള പ്രണയം ഒന്നും കൂടെ ആഴത്തിൽ അവളിലേക്ക് പതിഞ്ഞു. 

'' എങ്കിൽ ഞാനങ്ങ് നീങ്ങട്ടെ മോളെ.. കാണാം ഇനിയും '' 

'' ശെരി തിരുമേനി... '' പുഞ്ചിരിയോടെ പറഞ്ഞ് അവൾ തിരിഞ്ഞ് നടന്നു. അമ്പലത്തിൽ നിന്ന് ഇറങ്ങാൻ നേരം ഒരിക്കൽ കൂടെ അവൾ തിരിഞ്ഞ് നിന്ന് പ്രാർത്ഥിച്ചു


പെങ്ങൾക്കും അമ്മക്കും വേണ്ടി അത്രയും നല്ലോരു ജോലി ഉപേക്ഷിച്ച് അച്ഛന്റെ കൃഷി നോക്കി നടത്തുന്ന നിങ്ങൾ കുടുംബത്തെ അത്രക്ക് സ്നേഹിക്കുന്നുണ്ടായിട്ട് അല്ലേ രുദ്രേട്ടാ... അഹ് കുടുംബത്തിന്റെ ഭാഗമാവൻ, രുദ്രേട്ടന്റെ പാതിയാവൻ ഞാനിപ്പോ വല്ലാതെ കൊതിക്കുവാ 

മനസ്സിൽ പുഞ്ചിരിയോടെ അവനെ ഓർക്കുമ്പോൾ അവളുടെ അധരങ്ങളിലും ഉണ്ടായിരുന്നു അവനായി പ്രണയത്തിൽ ചാലിച്ച നറു പുഞ്ചിരി... 




തുടരും... 


സപ്പോർട്ട് ചെയ്യണേ ഗയ്‌സ് 😍😁 

കമന്റ്‌ മറക്കരുത് ട്ടോ.... 😁