ഓർമ്മകളുടെ നിശാഗന്ധി
നിലാവുള്ള ആ രാത്രിയിൽ ഉറക്കം വരാതെ ജനലഴികൾക്കുള്ളിലൂടെ പുറത്തേക്ക് നോക്കി നിൽക്കേ തന്റെ മിഴികൾ നിറഞ്ഞൊഴുകുന്നത് അവൾ അറിയുന്നുണ്ടായിരുന്നു. ചെയ്ത തെറ്റിന്റെ കുറ്റബോധമെന്നോണം ആത്മനിന്ദയാൽ അവളൊന്നു ചിരിച്ചു. ......ജീവിതം എന്ന പുസ്തകത്തിന്റെ കഴിഞ്ഞ അധ്യായങ്ങൾ ചികഞ്ഞു കൊണ്ട് ഓർമ്മകളിലേക്ക് അവൾ ചേക്കേറി. എന്തായിരുന്നു തങ്ങൾക്കിടയിലെ പ്രശ്നം ?. എവിടെ മുതലാണ് നമ്മൾ എന്നതിൽ നിന്ന് \"നീ\" \" ഞാൻ\" എന്ന വ്യത്യാസമുണ്ടായത്. ?...... അറിയില്ല ഒന്നും തനിക്കറിയില്ല. അന്നതറിയാൻ ശ്രമിച്ചില്ല എന്നതാണ് സത്യം. എന്നാൽ ഇന്ന് തനിക്കത് അറിയേണ്ടിയിരിക്കുന്നു.