ടാ ഞാൻ ചുമ്മാ പറഞ്ഞതാ...അവന്റെ ദേഹത്ത് ഞാൻ കൈ വെക്കില്ല...നീ എന്റെ കയ്യിൽ നിന്ന് വിട്...
ഓം അവന്റെ കയ്യിൽ നിന്ന് പിടി വിട്ടു...
അവൻ പിടി വിട്ടതും ജോർജ് ഓമിനെ ഇടിക്കാൻ കൈ പൊക്കി...അത് കണ്ടതും അജിൻ അവന്റെ കൈ പിടിച്ച് തിരിച്ചു...

ഞാൻ ഇവിടെയുള്ളപ്പോൾ എന്റെ ബോസ്സിനെ തൊടുന്നോ നീ...അവൻ ജോർജിനോട് പറഞ്ഞു...

അയ്യോ..കൈ വിട് ചെക്കാ...ഞാൻ ചുമ്മാ ഒരു തമാശ കാണിച്ചതാണ്...

അജിൻ കൈ വിട്ടു...

നിന്റെ ബോഡിഗാർഡാണോ ഇവൻ...
നിനക്കൊരു ആക്സിഡന്റ് പറ്റിയെന്ന് വെച്ച് ബോഡിഗാർഡിനെയും വെച്ചോ...എന്തായാലും കൊള്ളാം... എനിക്കങ്ങ് ഇഷ്ട്ടപെട്ടു ഇവനെ...!!
ജോർജ് ഓം മിനോട് പറഞ്ഞു...

ഓം അവനെ സൂക്ഷിച്ച് നോക്കി...

പക്ഷേ എനിക്കങ്ങ് പിടിച്ചില്ല നിന്നെ...അജിൻ ജോർജിനോട് പറഞ്ഞു...

അത് ഞാൻ പിടിപ്പിച്ചോളാം..പിന്നെ എനിക്ക് നിന്നെ തിരിച്ച് തല്ലാൻ അറിയാത്തത് കൊണ്ടല്ല ഞാൻ തിരിച്ച് തരാതിരുന്നത്...നിന്നെ എനിക്കിഷ്ട്ടയിപ്പോയി ഫസ്റ്റ് സൈറ്റിൽ തന്നെ അതാണ്...!!
അപ്പോൾ നമുക്ക് പിന്നെ കാണാം ഞാൻ ഇവിടൊക്കെ തന്നെയുണ്ട്...

ഹ..നമുക്ക് കാണാം... അജിൻ അവനോട് പറഞ്ഞു...
ഓം അജിന്റെ കൈ പിടിച്ച് വലിച്ചു കൊണ്ട് നടന്നു...

ഓം..നിനക്ക് എന്ത് ആക്സിഡന്റ് പറ്റി..?
അവനാരാണ്..?
എന്തിനാണ് നിന്നെ ഇടിക്കാൻ വന്നത് ?
നിന്റെ ശത്രുവാണോ അവൻ..?
എനിക്കവനെ അത്ര പിടിച്ചിട്ടില്ല...!! ഒരു ഇടി കൊടുക്കായിരുന്നു...

ഓം അവന്റെ കയ്യിൽ നിന്ന് പിടി വിട്ടു...

നിന്നോട് ആരു പറഞ്ഞ് അവന്റെ കൈ തിരിക്കാൻ...എന്റെ കാര്യം നോക്കാൻ എനിക്കറിയാം...നീ ഇടപെടണം എന്നില്ല...

നീ എന്റെ ഫ്രണ്ടല്ലേ അതാ..

ഞാൻ പറഞ്ഞോ ഞാൻ നിന്റെ ഫ്രണ്ടാണെന്ന്...

അജിൻ അവനെ നോക്കി...
ഫ്രണ്ട് അല്ലല്ലേ...സോറി...എന്റെ കൂടെ നടന്നപ്പോൾ ഞാൻ വിചാരിച്ചു നീ എന്റെ ഫ്രണ്ടാണെന്ന്..
ഫ്രണ്ടല്ലെങ്കിൽ പിന്നെ ഞാൻ സംസാരിച്ചപ്പോൾ കേട്ടിരുന്നത് എന്തിനാണ്...
ഓഹ്...ഇനിയെന്റെ അമ്മ നിന്റെ ആന്റി ആയത് കൊണ്ടാകും അല്ലേ...
ഞാൻ പോകുവാണ്...എന്ന് പറഞ്ഞ് അജിൻ നടന്നു...

അവന്റെ പുറകെ ഓമും നടന്നു...

എനിക്ക് വഴി അറിയാം..എന്റെ ഫ്രണ്ടല്ലാത്തവർ എന്റെ കൂടെ വരണം എന്നില്ല...എന്ന് പറഞ്ഞ് അജിൻ പോയി...

ഓം അവൻ പോകുന്നതും നോക്കി നിന്നു...
അങ്ങനെ പറയാണ്ടായിരുന്നു...എന്ന് സ്വയം പറഞ്ഞ് അവനൊരു ബെഞ്ചിൽ ഇരുന്നു...

എന്തിനാ കുഞ്ഞേ നീ അവനെ ദേഷ്യപ്പെടുത്തിയത്...? ആ കൈനോട്ടക്കാരി അവനോട് വന്ന് ചോദിച്ചു..

അത്... അവനെന്തെങ്കിലും അപകടം സംഭവിച്ചാലോ എന്ന് പേടിച്ചിട്ടാണ്...
ജോർജ് അവനുമായി വഴക്ക് ഉണ്ടാക്കിയാൽ അവൻ അജിനെ വെറുതെ വിടില്ല...
ഒരുപാട് കാത്തിരുന്ന് കിട്ടിയതാണ് എനിക്കവനെ... ഈ ജന്മതും അവനെ നഷ്ടപ്പെടുമോ എന്നെനിക്ക് ഭയം ഉണ്ട്....

കുഞ്ഞേ... ദൈവം ഇനി നിങ്ങളെ പിരിക്കുമെന്ന് തോന്നുന്നുണ്ടോ നിനക്ക്...?

അറിയില്ല...അവൻ ഒരുപാട് ദൈവത്തെ ഇഷ്ട്ടപ്പെടുന്ന ആളായിരുന്നു എന്നും അമ്പലത്തിൽ പോകാമെന്ന് പറയുമായിരുന്നു...അവിടെ എത്തുന്നത് വരെ അവനിടക്ക് മൗനവൃതമെടുക്കും...എന്നിട്ടും അവസാനം ആ ദൈവം തന്നെ ഞങ്ങളെ കൊന്നില്ലേ...എനിക്ക് അതുകൊണ്ട് ദൈവത്തെ വിശ്വാസമില്ല ഇപ്പോൾ...

അങ്ങനെ പറയരുത് കുഞ്ഞേ...ദൈവം ഒന്ന് കണ്ടാൽ മറ്റൊന്നും കണ്ടിരിക്കും...

ഞങ്ങളെ കൊല്ലാനാണോ ദൈവം കണ്ടത്...?

കുഞ്ഞേ...നീ അത് പിന്നെ മനസ്സിലാക്കും...പിന്നെ അവനെല്ലാം വൈകാതെ അറിയും...അവൻ പഴയ നിന്റെ ഐ തന്നെയാണ്...നീ ചൂടായാൽ അവന് പെട്ടെന്ന് ഹൃദയത്തിൽ കൊള്ളും...
പിന്നെ വിധി നിങ്ങളെ ഇനി പിരിയിക്കില്ല...നിങ്ങളുടെ പേര് എന്നോ ദൈവത്തിന്റെ താളിൽ എഴുതപ്പെട്ടിരിക്കുന്നു... നിങ്ങൾ ഒരുമിക്കും...ഒരിക്കലും പിരിയാൻ കഴിയാത്ത കടലിനെയും കരയെയും പോലെ...
എന്ന് പറഞ്ഞ് അവർ പോയി..

ഓം അവർ പറഞ്ഞതോർത്ത് അവിടെ തന്നെയിരുന്നു...

ദൈവം....!!
ഐ.... എനിക്ക് ദൈവത്തെ വിശ്വാസമായിരുന്നു...നീ എന്റെ ജീവിതത്തിൽ വന്ന നാൾ മുതൽ ഞാനൊരുപാട് വിശ്വസിച്ചു ദൈവത്തെ...പക്ഷേ.. ആ ദൈവം തന്നെ നമ്മളെ പിരിയിച്ചില്ലേ...
എന്ത് തെറ്റാണ് നമ്മൾ ചെയ്തത്...പരസ്പരം സ്നേഹിച്ചതാണോ...?
ഓം കൂടുതൽ ചിന്തിക്കാതെ അവിടുന്ന് എഴുന്നേറ്റ് വീട്ടിൽ പോയി...

ആന്റി... അജിൻ...

അവൻ വന്നപാടെ മുകളിലോട്ട് പോയി...ഞാൻ വിളിക്കണോ ?

വേണ്ട...ഞാൻ അവനെ നോക്കിക്കോളാം...

ചേട്ടാ..ചേട്ടന് എന്താ പറ്റിയത്...വന്നപാടെ എന്നെ ചീത്ത വിളിച്ചിട്ട് പോയി...

ഒന്നുമില്ല ടീ...

മ്.. ഒന്നും കാണില്ല... ചേട്ടന് എന്നോട് ചൂടാവാൻ പ്രത്യേകിച്ച് കാരണമൊന്നും വേണ്ട...എന്ന് പറഞ്ഞ് അവൾ മെൽവിന്റെ അടുത്തോട്ട്‌ പോയി... ഓം നേരെ അജിന്റെ മുറിയിലോട്ടും പോയി...!!

അജിൻ ഓമിനെ ചീത്ത വിളിച്ചുകൊണ്ട് വൃത്തിയാക്കുകയാണ്...

അജിൻ...ഓം പതിയെ അവനെ വിളിച്ചു...

അജിൻ അവന് മൈൻഡ് കൊടുക്കാതെ നിന്നു...അതുകണ്ട് ഓം അവന്റെ അടുത്ത് വന്നു സോറി പറഞ്ഞു...

സോറി എനിക്കെന്തിനാ...ഞാൻ ആരുമല്ലല്ലോ...വെറും പരിചയക്കാരല്ലേ...ഇനിയതുമല്ലേ..?!

ഞാൻ അപ്പോഴത്തെ ദേഷ്യത്തിൽ പറഞ്ഞതാണ്...സോറി...
നീ മിണ്ടാതെ ഇരിക്കല്ലേ എന്നോടിങ്ങനെ... പ്ലീസ്...

നീയല്ലേ എന്നോട് ദേഷ്യപ്പെട്ടത്...എന്നിട്ട് ഞാൻ മിണ്ടാതിരിക്കുന്നതാണോ നിനക്ക് പ്രശ്നം...
ഞാൻ ചെയ്ത തെറ്റ് എന്താണ്...???
ഞാൻ അവന്റെ കൈ പിടിച്ചതാണോ...
അത് നിനക്ക് ഇഷ്ടമായെങ്കിൽ പറഞ്ഞാൽ പോരേ...അതിനു എന്തൊക്കെയാ നീ പറഞ്ഞത്...

ടാ..ഞാൻ...

എനിക്കൊന്നും കേൾക്കണ്ട...

അജി...അവനെ നിനക്ക് അറിയില്ല...ചെറിയൊരു കാര്യത്തിന് പോലും അവൻ വലിയ പ്രശ്നം ഉണ്ടാക്കും...എനിക്ക് നിന്നെ അപകടത്തിൽ വലിച്ചിടാൻ കഴിയില്ല അതാണ്...സോറി...

എനിക്ക് എന്നെ ശ്രദ്ധിക്കാനറിയാം...

അറിയായിരിക്കും..പക്ഷേ എനിക്ക് പറ്റില്ല നിന്നെ അപകടത്തിലോട്ട്‌ വിടാൻ...

അതെന്താണ് ??

അതെനിക്ക്....

അജിൻ അവനെ നോക്കി...

നിന്റെ അമ്മക്കും എലീനക്കും നീ മാത്രമേ ഉള്ളല്ലോ അതാണ്..!!

ഓഹ്...എന്റെ അമ്മക്കും എലിക്കും ഇപ്പോൾ നിങ്ങളൊക്കെ ഉണ്ട്...അപ്പോൾ എന്താ കുഴപ്പം...

നിനക്ക് എന്തൊക്കെ അറിയണം...!!

ദേ കണ്ടോ..പിന്നെയും എന്നോട് ചൂടാവുന്നു...

ചൂടായതല്ല...

പിന്നെ എന്നെ സ്നേഹിച്ചതാണോ...?
ഒാം...എനിക്കിഷ്ടമുള്ളവർ എന്നോട് ചൂടായാൽ എനിക്ക് പെട്ടെന്ന് വിഷമം വരും...

സോറി..ഞാൻ എന്ത് വേണമെങ്കിലും ചെയ്യാം...

ചെയ്യുമോ...?

ഹ..ചെയ്യാം...

പ്രോമിസ് !!

പ്രോമിസോ... അതെന്തിനാ...

നീ വാക്ക് മാറ്റിയാലോ...?
വാക്ക് മാറ്റിയാൽ നിനക്ക് ഇഷ്ടമുള്ള ഒരു സാധനം ദൈവം എനിക്ക് തരും...അതുകൊണ്ട് പ്രോമിസ് ചെയ്യ്...

ഓം അത് കേട്ടതും ചിരിച്ചു...

ഞാൻ കോമഡി പറഞ്ഞോ ചിരിക്കാൻ...ആവശ്യമുള്ളപ്പോൾ ചിരിക്കില്ല...ചിരിക്കാതെ പ്രോമിസ് ചെയ്യ്...

ഓക്കേ...പ്രോമിസ്... പോരേ...

അപ്പോൾ നീ എന്നെ നിന്റെ ബോഡിഗാർഡാക്കണം..

എന്ത്...?

ബോഡിഗാർഡ്...🤗

അത് പറ്റില്ല...😑

എന്താ..പറ്റാത്തത്...?🤨

ഞാൻ നിന്നോട് പറഞ്ഞില്ലേ...എനിക്ക് നിന്നെ അപകടത്തിലോട്ട്‌ വലിച്ചിടാൻ കഴിയില്ലെന്ന്...

അത് തന്നെയാണ് എനിക്കും പറയാനുള്ളത്...നിന്നെയും എനിക്ക് അപകടത്തിലോട്ട്‌ വലിച്ചിടാൻ പറ്റില്ല...അതുകൊണ്ട് മര്യാദക്ക് എന്നെ ബോഡിഗാർഡാക്കിക്കോ നീ...
ഇങ്ങോട്ടൊന്നും പറയണ്ട...നീ സത്യം ചെയ്തതാണ്....!!

ഓം ഒന്നും മിണ്ടാതെ കട്ടിലിൽ പോയിരുന്നു...

അജിനവന്റെ അടുത്ത് പോയിരുന്നു...

ഓം...എനിക്കറിയില്ല ഞാനെന്താണ് ഇങ്ങനെ നിന്റെ കാര്യത്തിൽ വാശി പിടിക്കുന്നതെന്ന്...ഞാൻ ഇങ്ങനെ അല്ലായിരുന്നു...വേണ്ട എന്ന് ആരെങ്കിലും പറഞ്ഞാൽ പിന്നെ അങ്ങോട്ടേക്ക് തിരിഞ്ഞ് നോക്കില്ല...പക്ഷേ നിന്റെ കാര്യത്തിൽ എനിക്കെന്തോ അതിനു സാധിക്കുന്നില്ല...
നീ എന്റെ ആരാണെന്ന് എനിക്കറിയില്ല...പക്ഷേ നിന്നെ ഞാൻ ആദ്യം കണ്ട നിമിഷം മുതൽ എന്തോ...നീ എന്റെ ആരോ ആണെന്ന് എന്റെ മനസ്സ് പറയുന്നു...എന്റെ അടുത്ത ആരോ...!!!
സോറി...നിനക്കെന്നെ ബോഡിഗാർഡാക്കാൻ കഴിയില്ലെങ്കിൽ ഞാൻ വരുന്നില്ലിനി...നീ പറഞ്ഞല്ലോ ഞാൻ നിന്റെ ഫ്രണ്ടല്ലെന്ന്...
എനിക്ക് നീയായിട്ട് ഫുൾ ടൈമും ചിലവഴിക്കാൻ ആഗ്രഹം ആയിരുന്നു...സോറി...എന്ന് പറഞ്ഞ് അജിൻ എഴുന്നേറ്റ് നടന്നു...

അവൻ പോകുന്നത് കണ്ടതും ഓം അവനെ വിളിച്ചു

ഓം വിളിക്കണ്ട താമസം അജിൻ തിരികെ വന്നു...

ഫ്രണ്ട്സ്... അവന്റെ നേർക്ക് കൈ നീട്ടി അജിൻ ചോദിച്ചു...

ഓം അവന് കൈ കൊടുത്തു..

അപ്പോൾ ഇനി മുതൽ ഞാൻ നിന്റെ ബോഡിഗാർഡ്...എന്ന് പറഞ്ഞ് അജിൻ അവനെ കെട്ടിപ്പിടിച്ചു...അവൻ കെട്ടിപ്പിടിച്ചതും ഓമിന് തിരിച്ചൊന്നും പറയാൻ തോന്നിയില്ല...

പിന്നീട് അജിനും ഓമും കൂടി അവിടെല്ലാം വൃത്തിയാക്കിയിട്ട് താഴോട്ട് പോയി...അവിടെ എല്ലാവരും ഉണ്ടായിരുന്നു...

അടിപൊളി ആയിട്ടുണ്ട് അമ്മേ വീട്... എലീന പറഞ്ഞു...

ഞാൻ പോയി നിനക്ക് ബാൽക്കണി ശരിയാക്കാനുള്ള സാധനം വാങ്ങി വരാം..എന്ന് പറഞ്ഞ് ഓം പോകാൻ പോയി...

അത് വേണ്ട മോനേ...ഞാൻ ഓർഡർ ചെയ്തിട്ടുണ്ട് അതൊക്കെ...വൈകിട്ട് വരും മോൻ അപ്പോൾ ശരിയാക്കി കൊടുത്താൽ മതി...എനിക്ക് കുറച്ച് സമാധാനം കിട്ടും അജിന്റെ അമ്മ അവനോട് പറഞ്ഞു...

ചേട്ടാ...ചേട്ടന് ബോഡിഗാർഡ് നോക്കാൻ പോകുന്നു എന്ന് കേട്ടു..!!
എലീന അവനോട് ചോദിച്ചു...

മ്...അച്ഛന് ഒരേ നിർബന്ധം...

മോനേ...ബോഡിഗാർഡ് ഒരെണ്ണം നല്ലതാണ്...അജിന്റെ അമ്മ അവനോട് പറഞ്ഞു!!

അങ്കിൾ ഇനി നോക്കണ്ട...ഇവന് ബോഡിഗാർഡ് കിട്ടി...?അജിൻ പറഞ്ഞു...

അതാര്...?

ഞാൻ...

നീയോ...എന്ന് ചോദിച്ച് ക്രിസ്റ്റിഫർ ഓമിനെ നോക്കി...

ഓം അവന്റെ അച്ഛനെ കണ്ണടച്ച് കാണിച്ച് ശരിയാണെന്ന് പറഞ്ഞു.!!

അത് കൊള്ളാം..എന്റെ ചേട്ടനായത് കൊണ്ട് പറയുകയല്ല...എന്റെ ചേട്ടനെ ചേട്ടന്റെ ബോഡിഗാർഡാക്കിയാൽ ചേട്ടന് ഒരു പരുക്കും പറ്റില്ല...അതിനു ഞാൻ ഗ്യാരന്റി...എലീന അവനോട് പറഞ്ഞു....

മോനേ... നല്ല തീരുമാനമാണ് മോന്റേത്...ക്രിസ്റ്റിഫർ എന്നോട് പറഞ്ഞു മോന്റെ നേരെ ഒരു കാർ പാഞ്ഞു വന്നെന്ന്...ഭാഗ്യം കൊണ്ടല്ലേ നീ രക്ഷപെട്ടത്...

എന്തിന് കാർ പാഞ്ഞു വന്നു ? അജിൻ ചോദിച്ചു...!

അതിവിടെ ഒരു കോളനിയുണ്ട് അവിടെ കുറേ പയ്യന്മാർ കഞ്ചാവ് ഉപയോഗിക്കുന്നുണ്ട് എന്നിട്ട് പെൺകുട്ടികളോട് മോശം രീതിയിൽ പെരുമാറും അതിനു ചേട്ടൻ അവരുമായി ഒന്ന് മുട്ടി... പിറ്റേ ദിവസം ചേട്ടന്റെ നേർക്ക് ഒരു കാർ വന്നു...ഭാഗ്യത്തിന് കാലു മാത്രമേ കാറിൽ കൊണ്ടുള്ളൂ....( മെൽവിൻ )

ഇവിടെ പോലീസൊന്നും കേസ് എടുക്കില്ലേ...( എലീന )

ഇല്ല...ഇവിടെയുള്ള പോലീസൊക്കെ അവർക്ക് സൈഡാണ്...കൈക്കൂലി കിട്ടിയാൽ എല്ലാവരും മാറും പെണ്ണേ...!!! ( മെൽവിൻ )

അജിൻ ഓമിനെ നോക്കി...എന്നിട്ട് അവിടെ നിന്ന് അവന്റെ മുറിയിലോട്ട്‌ ഓടി....!!! അവൻ പോകുന്നത് കണ്ടതും ഓമും പതിയെ അവിടുന്ന് മുങ്ങി അവന്റെ മുറിയിലിട്ടു പോയി

അജിന്റെ കണ്ണുകൾ നിറഞ്ഞൊഴുകിയിരുന്നു....
അജിൻ നിലത്തിരുന്നു...

അജിൻ....എന്ന് പറഞ്ഞ് ഓം അവനെ ചേർത്ത് പിടിച്ചു...

എനിക്ക് ഭയങ്കര വിഷമം...കണ്ണൊക്കെ നിറയുന്നു...
എന്ന് പറഞ്ഞ് ഓമിനെ അവൻ മുറുകെ പിടിച്ചു...

എനിക്ക് നിന്നെ ഇനി നഷ്ടപ്പെടുത്താൻ കഴിയില്ല ഓഫ്... അജിൻ പതിയെ പറഞ്ഞു...
അവൻ അങ്ങനെ പറഞ്ഞത് കേട്ടതും ഓം ഐ എന്ന് പറഞ്ഞ് അജിനെ നോക്കി...
പക്ഷേ അജിൻ അപ്പോൾ മയക്കത്തിലോട്ട്‌ പോയിരുന്നു...

ഓം അവനെയെടുത്ത് കട്ടിലിൽ കിടത്തി...അവന്റെ നെറ്റിത്തടങ്ങളിൽ ഒരു ചുംബനം കൊടുത്തു...

ഐ...നിനക്കിപ്പോഴും വാശിയുണ്ട്...ഒരു മാറ്റവുമില്ല...!!
എനിക്ക് പേടിയാണ്.. ആ ജോർജ്ജ് നിന്നെ നോട്ടമിട്ടിട്ടുണ്ട്...അവന്റെ സ്വഭാവം ഒട്ടും ശരിയല്ല...
പക്ഷെ നീ പേടിക്കണ്ട എന്റെ തൊണ്ടക്കുഴിൽ ജീവന്റെ ഒരു തുടിപ്പുള്ളിടത്തോളം കാലം വരെ നിന്നെയാരും തൊടില്ല...അതിനു ഞാൻ സമ്മതിക്കില്ല....അതിനി മുത്തശ്ശി ആയാലും....

തുടരും...🥀🥀🥀