ഞാൻ ഇവിടെ ഉണ്ട് , ആനി ചേച്ചി ...
അമ്മു അങ്ങോട്ട് കടന്നു വന്നുകൊണ്ട് പറഞ്ഞു.

നിനക്ക് ഇപ്പോൾ കുഴപ്പം ഒന്നുമില്ലല്ലോ ആനി ... താരമ്മ പറഞ്ഞു നിന്നെ രണ്ട് ദിവസം ഹോസ്പിറ്റലിൽ അഡ്മിറ്റ് ചെയ്തുവെന്ന് ...
ജാനി ചോദിച്ചു.

അത് ... അത് പിന്നെ ജാനി...
ആനി വാക്കുകൾക്കായി തപ്പി .

ആരോട് പറയാനാ ജാനി... നേരെ ച്ചൊവേ ഫുഡ് പോലും കഴിക്കില്ല ... ശർദ്ദിക്കും എന്ന് പറഞ്ഞ് കഴിക്കാതിരുന്നാൽ എങ്ങനെയാ...

അലക്സ് അവന്റെ വിഷമം ജാനിയോട് പറഞ്ഞു.

എന്താ ഡോക്ടറെ ഇങ്ങനെ ...
അമ്മു കിട്ടിയ അവസരം പാഴാക്കാതെ ആനിയെ കളിയാക്കി.

ദേവ് ഒന്നും സംസാരിക്കാതെ അവരെ വീക്ഷിച്ച് കൊണ്ടിരിക്കുകയാണ്. അമ്മു പെട്ടെന്ന് തിരിഞ്ഞ് നോക്കിയപ്പോഴാണ് തന്നെ തന്നെ നോക്കിയിരിക്കുന്ന ദേവിനെ കണ്ടത്. അവരുടെ കണ്ണുകൾ ഉടക്കിയതും അമ്മുവിന്  എന്തനില്ലാത്ത പരിഭ്രമം തോന്നി.

ഞാ... ഞാൻ നിങ്ങൾക്ക് കോഫി എടുക്കാം ...
അമ്മു അവിടെ നിന്ന് തടി തപ്പാൻ നോക്കി.

പക്ഷേ അപ്പോഴാണ് ആനി അമ്മുവിന്റെ മുഖം ശ്രദ്ധിക്കുന്നത്. കലങ്ങിയ കണ്ണുക്കളും വീർത്ത കൺപോളകളും ... ഒറ്റ നോട്ടിൽ നിന്ന് തന്നെ മനസ്സിലാക്കാം അവൾ കരഞ്ഞിട്ടുണ്ടെന്ന് .

അമ്മു ,നിന്റെ മുഖം എന്താ വല്ലാതെ ഇരിക്കുന്നേ ...
ആനി ചോദിച്ചു. അപ്പോഴാണ് അലക്സും അവളെ ശ്രദ്ധിക്കുന്നത്.

അമ്മു എന്ത് പറയണമെന്ന് അറിയാതെ കുഴഞ്ഞു. എന്തൊക്കെയോ കാരണങ്ങൾ പറഞ്ഞ് അമ്മു അവസാനം തലവേദനയിൽ എത്തി. ആനിയുടെയും അലക്സിന്റെയും മുഖ ഭാവത്തിൽ നിന്ന് വ്യക്തമാണ് അവരൊന്നും വിശ്വസിച്ചിട്ടില്ലയെന്ന്. എന്നാലും അവർ കൂടുതൽ ഒന്നും ചോദിച്ചില്ല. അത് അമ്മുവിന് ആശ്വാസമായി.

ഞാൻ കോഫി എടുക്കാം ... നിങ്ങൾ സംസാരിച്ച് ഇരിക്ക്.
ജാനിയൊരു ദീർഘനിശ്വാസം എടുത്തു കൊണ്ട് പറഞ്ഞു. അവൾ നേരെ അടുക്കളയിലേക്ക് പോയി.

ജാനി അടുക്കളയിലേക്ക് പോയതും ദേവും അവളുടെ പുറകെ പോയി. ദേവ് വന്നത് അറിഞ്ഞാലും ജാനി അത് ശ്രദ്ധിക്കാതെ കോഫി ഇടുക്കയാണ് .

ജാനി.. നീ അമ്മു പറഞ്ഞതൊന്നും കേട്ടില്ലേ ...
കുറച്ച് നേരം ജാനിയെ നോക്കി നിന്ന ശേഷം ദേവ് അവളോട് ചോദിച്ചു.

എന്റെ ചെവിക്ക് കുഴപ്പമൊന്നുമില്ല ...

പിന്നെ എന്താ നിനക്ക് അവൾ അത്രയൊക്കെ പറഞ്ഞിട്ടും ഒരു ഭാവ വ്യത്യാസവുമില്ലാതിരുന്നെ ...

ജാനിയുടെ മറുപടി ഇഷ്ടപ്പെട്ടില്ലെങ്കിലും പരമാവധി തന്റെ ദേഷ്യം അടക്കി പിടിച്ച് ദേവ് ചോദിച്ചു. എന്നാലും അവന്റെ സ്വരത്തിൽ മാറ്റമുണ്ട്.

എനിക്ക് അറിയാമായിരുന്നു.
ജാനി പറഞ്ഞു. ആനിയും അലക്സും ഉള്ളത് കൊണ്ട് നന്നായി ശബ്ദം കുറച്ചാണ് അവരുടെ സംസാരം.

എന്ത് അറിയാമായിരുന്നു എന്നാ ... നീ എന്നിട്ട് ഇതൊന്നും എന്നോട്ട് എന്താ പറയാതിരുന്നേ ... ജാനി... സത്യം പറ.. നീ എന്തൊ ഒളിപ്പിക്കുന്നുണ്ട് ... നീ പറഞ്ഞില്ലെങ്കിലും നിന്റെ കണ്ണുകളിൽ നിന്നത് വ്യക്തമാണ്.

ദേവിന്റെ ശബ്ദം കടുക്കുന്നുണ്ട്. അവന്റെ ദേഷ്യം മുഖത്ത് നിന്ന് വ്യക്തമാണ്.

എനിക്ക് പറയാൻ തോന്നിയില്ല , അത്ര തന്നെ ... മുന്നിൽ നിന്ന് മാറ് ദേവ്... എനിക്കിപ്പോ ഇതിനെ കുറിച്ച് സംസാരിക്കാൻ താല്പര്യമില്ല.

ജാനിയും വിട്ട് കൊടുത്തില്ല.

ഇതും കൂടെ കേട്ടത്തോടെ ദേവിന്റെ കൺട്രോൾ പോയി. അവൻ അവിടെ ഇരുന്നിരുന്ന കോഫി കപ്പ് നിലത്തേക്ക് വലിച്ച് എറിഞ്ഞു. തറയിൽ വീണ കപ്പ് ക്ഷണങ്ങളായി ചിന്നി ചിതറി.

നിനക്ക് വേണമെങ്കിൽ അമ്മുവിനോട് ചോദിക്കാം ... എനിക്ക് തോന്നാതെ എന്റെ നാവിൽ നിന്ന് അതിനെ കുറിച്ച് നീ അറിയില്ല.

ജാനിക്കും ദേഷ്യം വരുന്നുണ്ടായിരുന്നു.

എന്താ ചേച്ചിമ്മ ... എന്താ പറ്റിയെ ...
എന്തോ വീഴുന്ന ശബ്ദം കേട്ട് അങ്ങോട്ട് വന്നതാണ് അമ്മു.

ഒന്നുല്ലാ... എന്റെ കയ്യിൽ നിന്ന് പെട്ടെന്ന് കപ്പ് താഴെ വീണതാ...
താഴെ പൊട്ടി കിടക്കുന്നു കപ്പിലേക്ക് നോക്കി ദേവ് തന്റെ മനസ്സിനെ ശാന്തമാക്കാൻ ശ്രമിച്ച് കൊണ്ട് പറഞ്ഞു.

അമ്മു... നീയിത് അവർക്ക് കൊടുക്ക്... ഞാനിത് ക്ലീൻ ചെയ്തിട്ട് വരാം...
ജാനി അവിടെ ഒന്നും നടന്നിട്ടില്ല എന്ന പോലെ പറഞ്ഞു.

അമ്മു കോഫിയും എടുത്ത് ഹാളിലേക്ക് പോയി.
എന്താ അമ്മു... എന്താ ശബ്ദം കേട്ടേ ...
അലക്സ് ചോദിച്ചു.

അത് കപ്പ് വീണതാ...
അമ്മു പറഞ്ഞു.

ജാനി നിനക്ക് അറിയാമായിരുന്നോ അമ്മുവിന് ഇതെല്ലാം അറിയുന്നത്.

ദേവ് മനസ്സിനെ ശാന്തമാക്കി ചോദിച്ചു.

ഇല്ല്യ ...
അവൾ പറഞ്ഞു.


🌼തുടരും🌼


കുഞ്ഞി പാർട്ടാണ് ... അതോണ്ട് ഇന്ന് ഒരു പാർട്ട് കൂടി തരാം ... സന്തോഷായില്ലേ☺️


✨ഏവർക്കും എന്റെ ഹൃദയം നിറഞ്ഞ ചെറിയ പെരുന്നാൾ ആശംസകൾ✨🤍

Eid Mubarak ✨❣️