കവിതയുടെ ബാലപാഠങ്ങൾ ഭാഗം 25

കുട്ടികൾ കടങ്കഥകൾ ചോദിക്കാറുണ്ട്. മാവാണോ, മാങ്ങയാണോ ആദ്യം ഉണ്ടായതെന്ന്. ആർക്കും ശരിയുത്തരം പറയാൻ കഴിയാത്ത ചോദ്യം.
എന്നാൽ,
കവിതയാണോ, വൃത്തമാണോ ആദ്യം ഉണ്ടായതെന്നു ചോദിച്ചാൽ; ഉത്തരം കവിതയെന്നുതന്നെയാണ്. പക്ഷേ, കവിതയോ, താളമോ എന്നു ചോദിച്ചാൽ;
താളം എന്നു പറയേണ്ടിവരും.

കവിത എഴുതിയതിനു ശേഷമാണ് അതിന്റെ നിയമങ്ങളെക്കുറിച്ച് പഠിച്ചതും എഴുതിയതും.

കവിതയിൽ ഉപയോഗിക്കേണ്ട വൃത്താലങ്കരങ്ങൾ തീർച്ചപ്പെടുത്തിയിട്ടാണോ, എഴുത്താരംഭിക്കുക? ഒരിക്കലുമല്ല. കവിതയുടെ പ്രവാഹം നൈസർഗികമാണ്. അതിനെ എഡിറ്റ് ചെയ്ത് ഭംഗി കൂട്ടാമെന്നേയുള്ളൂ.

കവിതയെഴുത്തിനെപ്പറ്റി വിവരിച്ച കാര്യങ്ങൾ അറിഞ്ഞിരുന്നാൽ നല്ലത്. അതറിയാതെയും കവിതകളെഴുതാം.

വൃത്തം, അലങ്കാരം, സന്ധി, സമാസം ഒക്കെ പഠിച്ചിട്ടുണ്ടെങ്കിൽ അത് കവിതയുടെ ഭാഷയെയും ശൈലിയേയും സ്വാധിനിക്കാം, നിലവിരമുള്ള രചനകൾക്ക് സഹായകമാകാം.

കവിയാകാൻ പ്രതിഭതന്നെ പ്രധാന മൂലധനം.

കവിതയുടെ രൂപവും ശൈലിയും മാറിക്കൊണ്ടിരിക്കുന്നു. അതുകൂടി തിരിച്ചറിയുന്നതിനാണ് പരക്കെ വായനവേണമെന്ന് പറഞ്ഞത്.

എന്തൊക്കെയായാലും എഴുതുക എന്നതാണ് പ്രധാനം. എഴുതാൻ കഴിവുണ്ടെങ്കിൽ, എഴുതണമെന്നു തോന്നുന്നുണ്ടെങ്കിൽ മടികൂടാത
എഴുതുക. തെറ്റുകളും കുറവുകളും പരിഹരിക്കാവുന്നവയാണ്.

               ..............................