പാർട്ട്‌  8 

ഭദ്രന്റെ മുന്നിൽനിന്നും ജാനി ഓടിനേരെ പോയത് അടുക്കളയിലേക്കാണ് 

അയ്യേ ഏട്ടൻഎന്ത് കരുതിക്കാണും .... ശേ ... അങ്ങനെ ചോദിക്കണ്ടാരുന്നു ..... എന്നാലും ഏട്ടൻ എങ്ങനാ ഇത്ര കൃത്യമായിട്ട് എടുത്തത് ...... ഓരോന്നും ആലോചിച്ചു നഖവും കടിച്ചു പിറുപിറുത്തുകൊണ്ട് നിന്നപ്പോഴാണ് ഭദ്രൻ അങ്ങോട്ടേക്കുവന്നത് .. അവളുടെയാ നിൽപ്പുകണ്ട്‌ അവനും ചിരിവരുന്നുണ്ടാരുന്നു 

അതേ പെണ്ണെ നീ കഴിക്കാൻവല്ലതും ഉണ്ടാക്കിയിരുന്നോ ?

ഭദ്രന്റെ ശബ്ദം കേട്ടപ്പോഴാണ് കൊച്ചിന് ബോധം വന്നത് 

 ആ .... ഏട്ടാ .... ഉണ്ടാക്കി .....

എന്നാപ്പിന്നെ പെട്ടെന്നെടുക്കു നല്ല വിശപ്പ്  ....... അതുംപറഞ്ഞു ചെക്കൻ കൈകഴുകി കഴിക്കാൻ ചെന്നിരുന്നു 

ജാനി പെട്ടെന്നുതന്നെ ഉണ്ടാക്കിയതെല്ലാം ടേബിളിൽ കൊണ്ടുവച്ചു , ശേഷം ഒരു പ്ലേറ്റ് എടുത്തു ഭദ്രനുമുന്നിൽ വച്ച് അതിലേക്ക് ചോറും , തീയലും , ക്യാരറ്റ് തോരനും , വിളമ്പി

 .......മീനൊന്നും ഇല്ലാരുന്നു അതാ ......

അതുസാരമില്ല ഇന്നകറി വേണമെന്നൊന്നും എനിക്ക് നിർബന്ധമില്ല , ചമ്മന്തി മാത്രമാണെങ്കിലും ഞാൻ ചോറുണ്ണും ... ......

അതുകേട്ടതും ജാനിക്കും ഒരുപാട് സന്തോഷമായി 

അല്ല നീ കഴിച്ചോ 🤨?

അതുകേട്ടതും പെണ്ണ് പിന്നേം തലകുനിച്ചു ..... അതുകണ്ടപ്പോഴേ അവള് കഴിച്ചില്ലാ എന്ന്ചെക്കനും മനസിലായി .......

ദേഷ്യം വന്നെങ്കിലും കൈമുഷ്ടി ചുരുട്ടിപിടിച്ചു ഒരു ദീർഘശ്വാസം എടുത്തു വന്ന ദേഷ്യം അവൻ കണ്ട്രോൾ ചെയ്തു . ശേഷം അവളെ പിടിച്ചു തന്റെ തൊട്ടടുത്തിരുത്തി ഒരു പ്ലേറ്റ് എടുത്ത് അവൻ തന്നെ അവൾക്ക് വിളമ്പികൊടുത്തു 

മ്മ്മ്മ്.....കഴിക്ക്..... അതുകേൾക്കാൻ നിന്നപോലെ ഒരു ചിരിയോടെ അവളും കഴിക്കാൻ തുടങ്ങി 

ജാനി ...... ഞാൻ വരുന്നവരെ ഇങ്ങനെ വിശന്നിരിക്കരുത് ..... എന്റെ ടൈം ഒന്നും പറയാൻ പറ്റില്ല ....... ഇപ്പൊത്തന്നെ കണ്ടില്ലേ 3 :30 യായി ...... ചിലപ്പോ ഞാൻ ഉച്ചക്കൊന്നും വന്നില്ലാന്നുമിരിക്കും ..... അപ്പൊ താനും ഉച്ചക്ക് കഴിക്കാതിരിക്കുമോ ?

അതിന് മറുപടി പറയാതെ അവൾ ഭദ്രന്റെ മുഖത്തേയ്ക്ക് നോക്കി 

ഭർത്താവ് കഴിച്ചിട്ടേ ഭാര്യമാര് കഴിക്കാവൂ അങ്ങനൊന്നും ഇല്ല ...... വിശക്കുമ്പോൾ കഴിക്കാനാ ആഹാരം ...... ഞാൻ വരുന്നതുവരെ കാത്തിരിക്കുകയൊന്നും വേണ്ട ..... വിശപ്പുതോന്നുമ്പോൾ കഴിച്ചോണം കേട്ടല്ലോ 🤨

മനസിലായി എന്നപോലെ അവൾ തലയാട്ടി .......... മ്മ്മ്മ്മ് 

അങ്ങനെ അവൾ വിളമ്പിയത് ,മുഴുവൻ അവൻ ആസ്വദിച്ച് കഴിച്ചു . അവൻ കൈകഴുകാനായി എഴുന്നേറ്റതും അവളും കഴിപ്പുമതിയാക്കി കൂടെ ചാടിയെഴുനേറ്റു 

നീ ഇത് എങ്ങോട്ടാ 🤨?

കൈ .....കൈ കഴുകാൻ 

അപ്പൊ പ്ലേറ്റിലുള്ള ബാക്കി ആര് കഴിക്കും ...... ഇട്ട ചോറിന്റെ പകുതിപോലും കഴിച്ചില്ലലോ ?

അത് ഏട്ടൻ ഒരുപാട് ചോറിട്ടുണ്ടല്ലേ ... ഞാൻ അത്രയും കഴിക്കില്ല .... വയറുനിറഞ്ഞു അതാ 

അപ്പൊ ഇടാൻ നേരത്തു പറഞ്ഞൂടാരുന്നോ 😠..... അവന്റെ ശബ്ദം ഉയർന്നതും ജാനി പേടിച്ചുപോയി 

ശേ ..... അവൻ പെട്ടെന്നുതന്നെ വന്ന ദേഷ്യം നിയന്ത്രിക്കാൻ കണ്ണിറുക്കിയടച്ചു ദീർഘശ്വാസം എടുത്തു 

ജാനി ഒരുകാര്യം വേണ്ടെന്നുണ്ടെങ്കിൽ അപ്പൊത്തന്നെ നമ്മൾ വേണ്ടെന്ന് പറയാൻ പഠിക്കണം . അതിന് മറ്റുള്ളവർ എന്ത് വിചാരിക്കും എന്നൊന്നും കരുതണ്ട ... ആർക്കുവേണ്ടിയും നമുക്കിഷ്ടമല്ലാത്തത് ഒന്നും ചെയ്യരുത് , അതിപ്പോ എനിക്കുവേണ്ടിആണെങ്കിലും ഇഷ്ടമില്ലെങ്കിൽ ഇഷ്ടമില്ലന്നുതന്നെ പറയണം കേട്ടോ ...

മ്മ്മ്മ്മ്മ് , മനസിലായി 😔

മ്മ്മ്മ് , എന്തായാലും ആഹാരം വെറുതേ കളയണ്ട അതിന്റെ വില ആരെക്കാളും എനിക്ക് നന്നായിട്ടറിയാം , നിനക്കും അറിയാമല്ലോ ..... അപ്പൊ ബാക്കി ചോറും കൂടി പതിയെയിരുന്നു കഴിച്ചു തീർത്തോ .... ഒരു കുഞ്ഞുശിക്ഷയായിട്ട് കരുതിയാമതി 😉...... അതുംപറഞ്ഞു ചെക്കൻ കയ്യുംകഴുകി അവിടുന്ന് പോയി 

വേറെ വഴിയില്ലാതെ ജാനിക്ക് അതുമുഴുവൻ കഴിക്കേണ്ടിവന്നു ..... പക്ഷെ അവൾക്കെന്തോ സങ്കടം ഒന്നും തോന്നിയില്ല പകരം സന്തോഷമായിരുന്നു , ചെറിയ പുഞ്ചിരിയോടെ അവൾ അതുമുഴുവൻ കഴിച്ചുതീർത്തു . ശേഷം പാത്രങ്ങൾ എല്ലാം കഴുകിവച്ചു അടുക്കളയും ഒതുക്കി ഹാളിലേക്കുവന്നപ്പോൾ അവളെ കാത്തെന്നപോലെ ഭദ്രൻ റെഡിയായി ഇരുപ്പുണ്ടാരുന്നു . ഒരു റെഡ് ഷർട്ടും , അതേകരയുള്ള മുണ്ടുമാണ് വേഷം , ഷർട്ടിന്റെ ആദ്യത്തെ രണ്ടുബട്ടൺ തുറന്നിട്ടുണ്ട് ... അതിൽകൂടി നല്ല കട്ടിരോമമുള്ള നെഞ്ച് നന്നായി കാണാം , കഴുത്തിലായിട്ട് ഒരു ഗോൾഡ് ചെയിൻ കിടപ്പുണ്ട് ... എല്ലാംകൊണ്ടും ചെക്കനെ കാണാൻ പൊളിയാരുന്നു ..... നല്ല വെളുത്തശരീരമാണ് ഭദ്രന് .... വെളുത്ത മുഖത്തു നല്ല കറുത്ത കട്ടി മീശയും കട്ട താടിയും .........

 ശോ ..... ഏട്ടനെ കാണാൻ എന്ത് ഗ്ലാമറാ .... എന്നെ നോക്ക് ഏട്ടന്റെ അത്ര പോലും നിറമില്ല ..... ☹️ ..... ഇനിയിപ്പോ അതുകൊണ്ടാകുമോ എന്നെ വിവാഹം കഴിക്കാൻ ഇഷ്ടമില്ലെന്ന് പറഞ്ഞേ ..... പാവം ഞാൻ പറ്റിച്ചു കെട്ടിയതല്ലേ ...... ഇനിയിപ്പോ എന്നെ ജീവിതകാലം മുഴുവൻ സഹിക്കണ്ടേ ...... ഈശ്വരാ ഇനി ഈ കഥകളിലൊക്കെ വായിക്കുംപോലെ എന്നെ 6 മാസം കഴിഞ്ഞു ഡിവോഴ്സ് ചെയ്യുമോ  😨 ..... അയ്യോ പിന്നെ ഞാൻ എന്തുചെയ്യും .... ഞാൻ ചത്തുകളയും സത്യമായിട്ടും ചത്തുകളയും ....

പെണ്ണ് വേണ്ടാത്തതൊക്കെ ചിന്തിച്ചു ചിന്തിച്ചു ആമസോൺ കാടുവരെയെത്തി 

ഭദ്രനെ ഫുൾ സ്കാൻ ചെയ്തുകൊണ്ടിരിക്കുമ്പോഴാണ് അവന്റെ കയ്യിലെ മുറിവ് അവൾ കാണുന്നത് ... അയ്യോ ഏട്ടന്റെ കയ്‌ക്കെന്തുപറ്റി ... ഇന്നലെ ഒന്നും ഉണ്ടായിരുന്നില്ലല്ലോ ..... പെട്ടെന്നെന്താ പറ്റിയെ .... ശോ ....എങ്ങനാ ചോദിക്കുന്നെ .... ചോദിച്ചാ ഇഷ്ടമാകുമോ ....

ഹോയ് പെണ്ണെ 🤨....

എ....എന്താ ഏട്ടാ ....😰..... തൊട്ടടുത്തുനിന്ന് ഭദ്രൻ വിളിച്ചതും പെണ്ണ് ഞെട്ടിപ്പോയി .... അഗാധമായ ചിന്തയിലായതുകാരണം അവൻ അടുത്തുവന്ന് നിന്നതൊന്നും പുള്ളിക്കാരി അറിഞ്ഞില്ല 

ഞാൻ ഒന്ന് പുറത്തേയ്ക്കുപോകുവാ .. എനിക്ക് ഒരു തടിമില്ലുണ്ട് ....ഡാനിച്ചായൻ തന്നതാ .... അല്ല തനിക്ക് അവരെയൊന്നും അറിയില്ലല്ലോ ... നമുക്ക് വഴിയേ പരിചയപ്പെടാം ..... തിരക്കുകാരണം കുറെ ദിവസമായി അങ്ങോട്ടൊക്കെ പോയിട്ട് ... ഞാൻ ചെന്നില്ലേ ശരിയാകില്ല ... അപ്പോ ഞാൻ പോയേച്ചും വരാം ചിലപ്പോ വരാൻ താമസിക്കും .... ഞാൻ അപ്പുവിനെ ഇങ്ങോട്ട് പറഞ്ഞുവിടാം ..ഞാൻ വരുന്നതുവരെ ഇവിടെ തനിക്കൊരു കൂട്ടിന് അവൻ കാണും ... പിന്നെ അത്താഴത്തിന് എന്നെ കാത്തിരിക്കണ്ട വിശക്കുമ്പോൾ കഴിച്ചോണം കേട്ടല്ലോ 🤨..

മ്മ്മ്മ്മ്മ് , കേട്ടു ......... ഏ ... ഏട്ടാ ..

മ്മ്മ് എന്താ 🤨

അത് ...... അതുപിന്നെ ..... 

കാര്യം പറ ജാനി എനിക്ക് പോയിട്ട് അത്യാവശ്യമുണ്ട് 😠...... അവൻ ചെറുതായി ദേഷ്യപ്പെട്ടതും അവൾ ഒന്ന് പേടിച്ചു ... എങ്കിലും ചോദിക്കാമെന്ന് കരുതി 

അത് .... പിന്നേ ഏ .. ഏട്ടന്റെ കൈക്ക് എന്തുപറ്റി ........... ജാനി അതുചോദിച്ചതും എന്തുപറയണമെന്നറിയാതെ ഭദ്രൻ ഒന്ന് പതറി 

അത് ..... അതുപിന്നെ ... ഞാൻ ഇന്ന് രാവിലെ ഒന്ന് വീ...വീണതാ ...... അത്ര വലിയ മുറിവൊന്നുമില്ല പിന്നെ പൊടിയൊന്നും കയറാതിരിക്കാൻ കെട്ടിവച്ചെന്നേയുള്ളൂ ....... വേറെ എന്തെങ്കിലും പറയാനുണ്ടോ 🤨

ഇല്ല ഏട്ടാ 

മ്മ്മ്മ് , അപ്പൊ ശരി ഞാൻ പോയിക്കഴിഞ്ഞു കതക് അടച്ചേരെ അപ്പുവന്നു വിളിക്കുമ്പോൾ തുറന്നാമതി .. അതും പറഞ്ഞു പുറത്തേയ്ക്കിറങ്ങി ജീപ്പുമെടുത്തു ഭദ്രൻ പോയി , അവന്റെ ജീപ്പ് മറയുന്നവരെ അതും നോക്കി അവൾ മുറ്റത്തു നിന്നു .. ജീപ്പിന്റെ സൈഡ് ഗ്ലാസ് വഴി അവൻ അത്കാണുകയും ചെയ്തു .... ആ കാഴ്ച്ച കണ്ടതും അവന് വലിയ സന്തോഷമായി ... 

 ഞാൻ ഇനി തിരികെ വരുന്നതുവരെ തന്നെ കാത്തിരിക്കാൻ തന്റെ വീട്ടിൽ ഞാൻ താലികെട്ടിയ എന്റെ സ്വന്തം പെണ്ണ് 😊 ..... ആ ചിന്തപോലും അവന് വല്ലാത്തൊരു കുളിരുപോലെ തോന്നി .....

ഭദ്രൻ ജീപ്പുംകൊണ്ട് ആദ്യം പോയത് അപ്പുവിന്റെ വീട്ടിലേക്കാണ് . ഭദ്രന്റെ ജീപ്പിന്റെ ശബ്ദം കേട്ടതും ചെക്കൻ ചാടിത്തുള്ളി പുറത്തേയ്ക്കുവന്നു .

 അണ്ണാ ഏട്ടത്തികുട്ടിഎന്തിയെ , കുഴപ്പമൊന്നും ഇല്ലല്ലോ  ..... വന്നപാടെയുള്ള ചെക്കന്റെ ചോദ്യം കേട്ട് ഭദ്രന് പെരുത്ത്കേറി  😠

അവൾക്ക് കുഴപ്പംവരാൻ ഞാൻ എന്താടാ അവളെ കൊല്ലാൻ കൊണ്ടുപോയതാണോ 😡...

അല്ല .. അങ്ങനല്ല .. സിംഹത്തിന്റെ മടയിലേക്കല്ലേ ആ പാവം മുയൽകുട്ടി ചെന്ന്കയറിയത് അതാ 😁😁

ഡാ.....ഡാ.... കൂടുതൽ ഇളിച്ചുകാണിച്ചാലേ നിന്റെ പല്ല് മുപ്പത്തിരണ്ടും താഴെകിടക്കും ... വാ അടച്ചുവെക്കടാ പുല്ലേ 😡😡😡

ചെക്കൻ ടെറർ ആയതും അപ്പു ഡീസന്റ് ആയി ... ഇല്ലെങ്കിൽ പറഞ്ഞതുപോലെ പല്ല് 32 ഡും ചെക്കൻ അടിച്ചു താഴെയിടുമെന്ന് അവനറിയാം

ഡാ ഞാൻ മില്ലുവരെ പോകുവാ...... വീട്ടിൽ ജാനി ഒറ്റക്കെ ഉളളൂ ... ഞാൻ വരുന്നവരെ അവിടെകാണണം കേട്ടല്ലോ. വായിനോക്കനങ്ങാനം പോയാൽ 😡 .... ഒരു താക്കീതോടെ ഭദ്രൻ പറഞ്ഞതും അപ്പു പേടിച്ചു ഉമിനീരിറക്കി 😰

ഇല്ല അണ്ണാ ഞാൻ എങ്ങും പോകില്ല സത്യം 😁 

മ്മ്മ്മ് പോയില്ലേ നിനക്കുകൊള്ളാം വെറുതേ എന്റെ കൈ മിനക്കെടുത്തരുത് 😠 ഇപ്പൊത്തന്നെ വിട്ടോ , വീട്ടിൽ എത്തിയിട്ട് എത്തിയെന്ന് എന്നെ വിളിച്ചുപറയണം കേട്ടല്ലോ .... അതും പറഞ്ഞു ഭദ്രൻ ജീപ്പും എടുത്ത് നേരെ മില്ലിലേക്ക്വച്ച്പിടിച്ചു .... 

ഹോ ... ഒരു മഴ പെയ്തു തോർന്നപോലെ ... ഇതിന് മരിയാധക്ക് സംസാരിക്കാൻ അറിയില്ലേ ... കടിച്ചുകീറാൻ വരുന്നപോലെയാ സംസാരം .... പാവം എന്റെ ഏട്ടത്തികുട്ടീടെ അവസ്ഥ എന്തായോ എന്തോ 😨

ഇതേസമയം ഭദ്രൻ പോയതും ജാനിക്ക് ഒരു സന്തോഷമില്ലാത്തപോലെ , കാര്യം അവനെ കാണുമ്പൊൾ പേടിയാണെങ്കിലും എപ്പോഴും അവൻ അടുത്തുവേണമെന്നാണ് ..

ആദ്യം ഒന്ന് കുളിക്കാം ഇന്നലെ ഉടുത്ത സാരിയാ .... എന്തോപോലെ..... അവൾ റൂമിൽ ചെന്ന് ഭദ്രൻ ഇന്നലെ വണ്ടികൊണ്ടുവന്ന ഡ്രെസ്സിൽ നിന്നും ഒരു റെഡ് കുർത്തയും റെഡ്  സ്കർട്ടും എടുത്തു 👇🏻👇🏻👇🏻



ശേഷം ഇന്നർ എടുത്തതും അവൾക്ക് ചെറിയൊരു ചമ്മൽ 

ശോ ..... എന്നാലും ഇത്ര കൃത്യമായിട്ട് എങ്ങനെ എടുത്തോ എന്തോ 😌...... ഓർക്കുംതോറും പെണ്ണിന്റെ മുഖം നാണം കാരണം ചുവക്കാൻ തുടങ്ങി 

അങ്ങനെ കുളിയൊക്കെക്കഴിഞ്ഞു ഡ്രസ്സ്ഒക്കെ ഇട്ടു പുറത്തേയ്ക്കിറങ്ങി അവൾ നേരെ കണ്ണാടിയുടെ മുന്നിൽവന്നുനിന്നു 

ഡ്രസ്സ് കൊള്ളാല്ലോ , അടിപൊളി .... അപ്പൊ നല്ലോണം സെലക്ട് ചെയ്യാനൊക്കെ അറിയാം ...... 😊... പക്ഷെ സ്വഭാവം മാത്രം കണ്ടാമൃഗത്തിന്റെയാ ☹️

തലയിലെ ടവൽ അഴിച്ചു മുടി നന്നായി തുവർത്തി കുളിപ്പിന്നൽ ഇട്ടു , ശേഷം ഭദ്രൻ വാങ്ങികൊണ്ടുവന്ന കരിമഷി എടുത്ത് കണ്ണെഴുതി , പിന്നെ ഒരു ചുവന്ന പൊട്ടുകൂടിവച്ചു ..... അത്രേ ഉണ്ടാരുന്നുള്ളു ഒരുക്കം , എങ്കിലും കാണാൻ നല്ല ഐശ്വര്യം ആയിരുന്നു അവളെ , ഭദ്രൻ കെട്ടിയ താലിച്ചരട് എടുത്തു പുറത്തേയ്ക്കിട്ടു കുറച്ചുനേരം അവൾ അതിൽനോക്കിനിന്നു ..... 

എനിക്കിതിന് അർഹതയുണ്ടോ ഈശ്വരാ .... ഞാൻ ഇത് ചോദിച്ചു വെടിച്ചതല്ലേ .... ശരിക്കുംപറഞ്ഞാ സാഹചര്യം മുതലെടുത്തതല്ലേ .... ആ സമയത്ത് ഞാൻ എന്റെ കാര്യം മാത്രമേ നോക്കിയുള്ളൂ .... ഏട്ടന്റെ മനസ്സിലെന്തെന്നോ എന്നെ വിവാഹം കഴിക്കാൻ ഇഷ്ടമാണെന്നോ ഒന്നും ഞാൻ ചിന്തിച്ചില്ല ..... എന്തായാലും ആ ദേഷ്യം എന്നോട് കാണും .... പക്ഷെ ആ സമയത്ത് ഈ താലി എന്റെ സുരക്ഷക്ക് മാത്രമായിരുന്നെങ്കിൽ ഇപ്പോൾ ഇതെനിക്ക് എന്റെ ജീവനാ ..... ഇനി എന്തുവന്നാലും ഞാൻ ഇത് നഷ്ടപെടുത്തില്ല .... എനിക്കുവേണം എന്റെ ഏട്ടനെ ...... ആർക്കും വിട്ടുകൊടുക്കില്ല നോക്കിക്കോ 😠.... എന്റെയാ ...

കൊച്ചുകുട്ടികൾ കളിപ്പാട്ടത്തിന് വാശിപിടിക്കുന്നപോലെ പെണ്ണ് ഇപ്പഴേ ചെക്കനുവേണ്ടി വാശിപിടിക്കാൻ തുടങ്ങിയിട്ടുണ്ട് .......... എന്നാൽ ഇതിനെക്കാളും വലിയവാശിയിലാണ് ഭദ്രനെന്ന് ജാനിയുണ്ടോ അറിയുന്നു 😁

നന്നായിട്ട് ഒരുങ്ങി ഒന്നുകൂടി കണ്ണാടിയിൽ നോക്കിയപ്പോഴാണ് എന്തോ ഒരുകുറവുപോലെ അവൾക്കുതോന്നിയത് 

അതുതന്നെ .. സിന്ദൂരം തൊട്ടില്ലല്ലോ .സിന്ദൂരം വേടിക്കാൻ പറയണ്ടതാരുന്നു .... അയ്യോ വേണ്ട ഇനി അതുപറഞ്ഞിട്ടുവേണം എന്റെ നേരെ ചാടാൻ ...ശോ ഇനിയിപ്പം എന്താ ചെയ്യാ ... 

ഇതേസമയം ഭദ്രൻ പറഞ്ഞതുപോലെ വീട്ടിലേക്ക് വരുവായിരുന്നു അപ്പു , വീടിന്റെ ഗേറ്റ് കഴിഞ്ഞു അകത്തേക്കുകയറിയപ്പഴേ ചെക്കന് എന്തൊക്കെയോ മാറ്റങ്ങൾ തോന്നി 

മ്മ്മ്മ് ഇതെന്താ ഇങ്ങനേ , ഇത്രേം വൃത്തിയായിട്ട് ഇതിനുമുന്നെ ഈ മുറ്റം ഞാൻ കണ്ടിട്ടേ ഇല്ല ..... പാവം ജാനി ജോലിയെടുത്തു നടുവൊടിഞ്ഞുകാണും ☹️...മ്മ്മ്മ്മ് എന്തായാലും കൊള്ളാം 

സിറ്റ്ഔട്ടിലേക്കുകയറി 2 തവണ കാളിങ് ബെൽ അടിച്ചതും ജാനി വന്നുവാതിൽ തുറന്നു 

ഹാ ... ആരിത് എന്റെ ഏട്ടത്തികുട്ടി അകെ മാറിപ്പോയല്ലോ 😊

ഏട്ടൻ പറഞ്ഞിരുന്നു അപ്പു വരുമെന്ന് .. അകത്തുവാ ☺️

അകത്തേക്ക് കയറിയ അപ്പു ഞെട്ടിപ്പോയി 😳😳😳

അയ്യോ ....😰😰 ഇതെന്താ ഇങ്ങനേ 

എങ്ങനേ .. എന്താ അപ്പു എന്തുപറ്റി 

അല്ല ഈ.... ഈ .. വീട് .... ശെടാ എനിക്കിനി വീടുമാറിപ്പോയോ .... ചെക്കൻ ഉറപ്പിക്കാൻ വേണ്ടി ഒന്നുകൂടി പുറത്തേയ്ക്കിറങ്ങി വീടൊന്നുനോക്കി 

ഇതുതന്നെ .... വീടിതുതന്നെ ... പക്ഷെ .. ഇതെങ്ങനേ .... 

ഡാ ചെക്കാ കാര്യം പറ നീ എന്താനിന്ന് പൊട്ടത്തരം പറയുന്നേ 😠

അല്ല ഇത് എന്റെ ഭദ്രേണ്ണന്റെ വീടല്ല ....... അണ്ണന്റെ വീട് .. ഇങ്ങനെയല്ല ....😭😭😭

അവന്റെ പറച്ചില്കേട്ട് ജാനിക്ക് ചിരിവന്നു ...... അല്ല അപ്പുവിനെ കുറ്റം പറഞ്ഞിട്ടും കാര്യമില്ല , ഇന്നലത്തെ ഇവന്റെ വിവരണം കേട്ട് അതും പ്രതീക്ഷിച്ചു ഇവിടെവന്ന് ഇതൊക്കെ കണ്ട ഞാൻവരെ ഞെട്ടി അപ്പോപ്പിന്നെ അതൊക്കെ നേരിട്ടുകണ്ട അപ്പുവിന്റെ അവസ്ഥ പറയണ്ടല്ലോ ....

അപ്പുവാണെങ്കിൽ വീടുമുഴുവനും ഓടിനടന്ന് നോക്കുവാന് 

അടുക്കള കണ്ടപ്പൊത്തന്നെ ചെക്കൻ ഷോക്കടിച്ച കാക്കപോലെയായി .... എങ്ങനെ ആകാതിരിക്കും ഇന്നലെവരെ ഈ അടുക്കളയിൽ 2 പ്ലേറ്റും 1 ഗ്ലാസും മാത്രേ ഉണ്ടാരുന്നുള്ളു പക്ഷെ ഇന്നോ .... ഉപ്പുതൊട്ട് കർപ്പൂരം വരെയുണ്ട് , മിക്സി , ഫ്രിഡ്ജ് ,ഗ്യാസ് പത്രങ്ങൾ .... ഹോ ചെക്കന്റെ കണ്ണുതള്ളിപ്പോയി 

അനക്കമില്ലാതെ നിൽക്കുന്നതുകണ്ട്‌ ജാനി തട്ടിവിളിച്ചപ്പോഴാണ് അവന് ബോധം വന്നത് 

ഡീ ഏട്ടത്തികൂട്ടി അണ്ണൻ നിന്നെ വല്ലതും ചെയ്‌തോ ?

എന്നെ എന്ത്ചെയ്യാൻ ?

അല്ല ആ കണ്ടാമൃഗത്തിന്റെ സ്വഭാവം വച്ച് അംഗഭംഗം വരേണ്ടതാണല്ലോ അതാ ചോദിച്ചേ 😁😁

ഏട്ടൻ എന്നെ ഒന്നും ചെയ്തില്ല , എന്നോട് ദേഷ്യവും കാണിച്ചില്ല .... പിന്നെ നിനക്കൊരു കാര്യം അറിയുമോ അപ്പു ഇന്നലയെ ഞാൻ ഏട്ടന്റെ കൂടാ കിടന്നത് 🥰

ശരിക്കും 😳😳😳

മ്മ്മ്മ്മ് 🥰🥰

ഭാര്യമാര് ഭർത്താവിന്റെ കൂടെയാണ് കിടക്കേണ്ടത് പക്ഷെ അണ്ണന്റെ കാര്യത്തിൽ അതിന് ചാൻസ് തീരെ ഇല്ലാലോ .....മ്മ്മ്മ്മ്മ് ...... നിന്നെ ഈ വീട്ടിൽ കയറ്റുമെന്നുപോലും ഞാൻ കരുതിയില്ല .. അങ്ങനെയുള്ളപ്പോ  അണ്ണന്റെ കൂടെ കിടക്കാൻ സമ്മതിച്ചിട്ടുണ്ടെങ്കിൽ സംതിങ് ഫിഷി ....🤔🤔

 എന്ത് 😳😳

പറയാൻ പറ്റില്ല മോളെ അത് ഭദ്രൻആണ് ആ മനസ്സിൽ എന്താ ചിന്തിക്കുന്നേന്ന് പോലും നമുക്ക് മനസിലാക്കാൻ പറ്റില്ല .... ഒന്ന് സൂക്ഷിച്ചോ ഏട്ടത്തികുട്ടി ..ഉറക്കത്തില് അറിയാതെപോലും കയ്യും കാലുമെടുത്തു ദേഹത്തിട്ടേക്കല്ലേ ... അങ്ങേരുടെ സ്വഭാവം വച്ച് വാക്കത്തിയെടുത്തു വെട്ടാനുംമതി 

പേടിപ്പിക്കല്ലേ അപ്പു 😰😰

പേടിപ്പിക്കാൻ പറഞ്ഞതല്ല സത്യം ☹️ പണ്ട് അച്ചായന്റെ വീട്ടിലെ ഒരു പാർട്ടി കഴിഞ്ഞു ഞങ്ങളെല്ലാരും കൂടി ഒരുമിച്ചാ കിടന്നത് അന്ന് ഉറക്കത്തില് അറിയാതെ ഞാൻ കാലെടുത്തു അങ്ങേരുടെ ദേഹത്തിട്ടെന്നും പറഞ്ഞു എന്റെ ആ കാല് പിടിച്ചു തിരിച്ചു കളഞ്ഞു കാലൻ 😭😭😭 ഒരാഴ്ചയെടുത്തു ആ കാലൊന്ന് ശരിയാകാൻ 

ശരിക്കും 😳 ഹേയ് അങ്ങനെ ഉറക്കത്തില് അറിയാതെ കാലുവച്ചതിന് ആരെങ്കിലും ഇങ്ങനെ ചെയ്യുമോ .. നീ എന്തെകിലും ഉടായിപ്പ് കാണിച്ചു കാണും 

ഓ ... കെട്ടിയോനെ പറഞ്ഞപ്പോ സഹിച്ചില്ല 😏😏

സത്യം പറ അപ്പു നീ എന്തോ ഉടായിപ്പ് കാണിച്ചില്ലേ 

😁😁 കണ്ടുപിടിച്ചു അല്ലെ , ഞാൻ ആദ്യം അറിയാതെയാ കാല് ദേഹത്തിട്ടത് അണ്ണൻ അതുപിടിച്ചു മാറ്റിയപ്പോ ഞാൻ കണ്ണുതുറന്നാരുന്നു ,അപ്പൊ തോന്നിയ ഒരു തമാശക്ക് പിന്നേം പിന്നേം അറിയാത്തപോലെ കാലെടുത്തു  അണ്ണന്റെ പുറത്തിട്ട് ... കാലൻ അത് കൃത്യമായി കാണുകയും ചെയ്തു 😭😭

ആ അപ്പൊ നിനക്കത് കിട്ടണം 😏

ഓ പിന്നെ എന്റെ  ഭദ്രേണ്ണനായി പോയി ഇല്ലെങ്കിൽ കാണിച്ചുകൊടുത്തേനെ ഞാൻ 😏

നിനക്ക് നിന്റെ അണ്ണനെ അത്രയ്ക്ക് ഇഷ്ടമാണോ അപ്പു 

അതെന്ത് ചോദ്യമാ ഏട്ടത്തിക്കുട്ടി എന്റെ അമ്മക്കഴിഞ്ഞാൽ ഞാൻ ഏറ്റവും ബഹുമാനിക്കുകയും സ്നേഹിക്കുകയും ചെയ്യുന്നത് എന്റെ അണ്ണനെയാ , അച്ഛനില്ലാത്ത എനിക്ക് എന്റെ അച്ഛന്റെ സ്ഥാനത്തുതന്നയാ അണ്ണൻ , ഒരച്ഛൻ മകനുവേണ്ടി എന്തൊക്കെ ചെയ്യുമോ അതൊക്കെ എനിക്കുവേണ്ടി ചെയ്തുതരാറുണ്ട് ..... ദേ ഇപ്പൊ പഠിക്കാൻ മടിപിടിച്ചിരുന്ന എന്നെ പിടിച്ഛ് ഡിഗ്രിക്ക് ചേർത്തതും അണ്ണനാ ..... പക്ഷെ ഒരുകാര്യത്തിൽ മാത്രമേ എനിക്ക് പരാതിയുള്ളൂ 

അതെന്താ 🤔

ഈ അണ്ണൻ കാരണം എനിക്ക് കോളേജിൽ ഒര് ഉഡായിപ്പുപോലും എടുക്കാൻ പറ്റില്ല , എന്തുചെയ്താലും എങ്ങനേലും അറിയും 😭😭 , ആ കോളേജിൽ ഉള്ള സകലർക്കും അറിയാം അണ്ണനെ ..... പിന്നെയുള്ള അകെ ആശ്വാസം അണ്ണനെ പേടിച്ചു ഒരെണ്ണം പോലും എന്റെയടുത്തു ഉടക്കിനുവരില്ല ..... അത്രയ്ക്ക് ഫേമസ് അല്ലെ അണ്ണൻ .... ആ കോളേജിൽ ഉള്ള സകലയന്നതിനും പേടിയാ ഭദ്രനെ ... ആ ഒരു പേടി അവിടെയുള്ളവർക്ക് എന്നോടും ഉണ്ട് 😎😎😎

നിനക്കെ അങ്ങനെതന്നെ വേണം 😁

ഹലോ കൂടുതൽ സന്തോഷിക്കണ്ട , പേടിമാത്രമല്ല അണ്ണനോട് കടുത്ത ആരാധനയുള്ളവരും ഉണ്ട് അവിടെ ..... അതും നല്ല സുന്ദരികളായ തരുണീമണികൾ 😌😌 .... ഹോ അണ്ണന്റെ ജീപ്പിന്റെ ശബ്ദം വരെ അതുങ്ങൾക്കു കാണാപാഠമാ .... എന്തിനധികം കല്യാണം കഴിക്കാത്ത ടീച്ചർമാര് വരെയുണ്ട് ആ കൂട്ടത്തിൽ ... എത്രപേരാ എന്നോടുവന്നു അണ്ണന്റെ നമ്പർ ചോദിച്ചേക്കുന്നേ 

പിന്നെന്താ കൊടുക്കാഞ്ഞേ കുറേനാളുകൊണ്ട് പെണ്ണന്വേഷിക്കുവല്ലാരുന്നോ അണ്ണനുവേണ്ടി 😠😠 

അപ്പുനോക്കുമ്പോൾ പെണ്ണ് മുഖമൊക്കെ വീർപ്പിച്ചു ഇപ്പൊ കരയുമെന്നും പറഞ്ഞിരിപ്പുണ്ട് 

ഒട്ടും കുഷിമ്പില്ല അല്ലെ ഏട്ടത്തിക്കുട്ടി 😁😁

ഓ ... എനിക്കെന്തിനാ കുശുമ്പ് നിന്റെ അണ്ണൻ ഇഷ്ടമില്ലാതെയല്ലേ എന്നെ കെട്ടിയെ ... എന്നെക്കാളും സുന്ദരികളായ എത്ര പെൺപിള്ളേരെ കിട്ടുമാരുന്നു ... അതും നിന്റെ അണ്ണന്റെ ഒരു നോട്ടം കിട്ടാൻ വേണ്ടി പിറകേ നടക്കുന്നവര് ... അവരൊക്കെ ഉള്ളപ്പോ പിന്നെന്തിനാ ആരുമില്ലാത്ത എന്നെ തിരഞ്ഞെടുത്തേ .... 🥺

കണ്ണൊക്കെ നിറച്ചാണ് പെണ്ണിന്റെ ചോദ്യം അതുകണ്ട് അപ്പുവിന് ശരിക്കും സന്തോഷമാണ് വന്നത് ... തന്റെ അണ്ണനെ വേറെ പെണ്പിള്ളേര് നോക്കുന്നെന്ന് പറഞ്ഞപ്പഴേ ജാനിയുടെ കുശുമ്പ് കണ്ട് അവന് ശരിക്കും സന്തോഷം തോന്നി 

അതോ ... അതില്ലേ .... വേറെ ഏത് സുന്ദരിക്കോതവന്നാലും എന്റെ ഏട്ടത്തികുട്ടിയെപ്പോലെ അവരാരും എന്റെ അണ്ണനെ സ്നേഹിക്കില്ലലോ അതല്ലേ ..... പിന്നെ എന്റെ ജാനകികുട്ടി എന്ത് സുന്ദരിയാണെന്നോ , ഗ്ലാമറിൽ എന്റെ അണ്ണന്റെ അത്ര വരില്ലെങ്കിലും കട്ടക്ക് പിടിച്ച നിന്നോളും ....

ശരിക്കും 🙂🙂

മ്മ്മ്മ് ശരിക്കും ..... പിന്നെ എന്റെ ഏട്ടത്തിക്കുട്ടി ഒരു കാര്യം എപ്പഴും ഓർക്കണം തൊലിവെളുപ്പിലും സൗന്ദര്യത്തിലുംഒന്നുമല്ല കാര്യം സ്നേക്കിക്കാനുള്ള മനസ്സില്ലാ കാര്യം .... അങ്ങനെ നിഷ്ക്കളങ്കമായി സ്നേഹിക്കപ്പെടാനും ഒരു ഭാഗ്യം വേണം .. ഇപ്പൊ ആ ഭാഗ്യം കിട്ടിയിരിക്കുന്നതേ എന്റെ അണ്ണനാ അല്ലെങ്കിൽ ഇത്രേം സൗന്ദര്യമുള്ള മനസ്സിനുടമയായ എന്റെ ഏട്ടത്തികുട്ടിയെ കിട്ടുമോ ☺️☺️.... പിന്നെ ഞാൻ നേരുത്തേ പറഞ്ഞ തരുണീമണികളൊക്കെ ഇല്ലേ അവരൊക്കെ അണ്ണന്റെ തൊലിവെളുപ്പും പൗരുഷവും മാത്രംകണ്ട് പിറകേ നടക്കുന്നവരാ .... അവരെ കുറ്റം പറഞ്ഞിട്ടും കാര്യമില്ല ജീപ്പീന്ന് ഇറങ്ങി മുണ്ടും മടക്കിയുടുത്തു മീശയും പിരിച്ചൊരു വരക്കമുണ്ട് ... യാ മോനേ .. ആൺപിള്ളേരുവരെ ആ സമയത് അണ്ണനെ നോക്കിനിന്നുപോകും പിന്നല്ലേ പെണ്പിള്ളേര് 😉😉

അവന്റെയാ പറച്ചിൽ കേട്ട് ജാനിയുടെ ചുണ്ടിൽ ഒരു പുഞ്ചിരി തെളിഞ്ഞു അപ്പുവത് കാണുകയും ചെയ്തു 

പിന്നെഅണ്ണനെപറ്റി  ഏട്ടത്തിക്കുട്ടി അറിയാൻ കുറച്ചു കാര്യം കൂടിയുണ്ട് 

എന്താ അപ്പു  ......

കല്യാണത്തിനുമുന്നേ ഞാൻ അണ്ണനെപറ്റി കുറച്ചുകാര്യങ്ങൾ പറഞ്ഞില്ലേ ..... എന്നുവച്ചാ അണ്ണന്റെ മാനസികമായിട്ടുള്ള ചില പ്രശ്നങ്ങളെപറ്റി ,....

മ്മ്മ്മ്മ് ഓർമയുണ്ട് .....

ആ ... ഏട്ടത്തിക്കുട്ടി ഇനി അണ്ണന്റെ കാര്യത്തിൽ ഏറ്റവും ശ്രദ്ധിക്കേണ്ടത് അതാണ് ...... പ്രധാനമായിട്ടും അണ്ണന് പെട്ടന്നാണ് ദേഷ്യം വരുന്നത് ...... അമിതമായ ദേഷ്യം നിയന്ത്രിക്കാൻ പറ്റാത്തപ്പഴും .... കണ്ട്രോൾ ചെയ്യാൻ പറ്റാത്തപോലെ .... അഥവാ മനസ്സിന് നിയന്ത്രിക്കാൻ ആവാത്തപോലത്തെ സങ്കടങ്ങൾ വരുന്നസമയത്തുമാണ് അണ്ണൻ ഏറ്റവുംകൂടുതൽ സ്വയം ശരീരം വേദനിപ്പിക്കാൻ ശ്രമിക്കുന്നത് .... ..... കാണുന്നവർക്ക് അണ്ണൻ വേദനിക്കുന്നതുപോലെയായിരിക്കും തോന്നുന്നത് ... പക്ഷെ ശരിക്കും അണ്ണന് ആ സമയത് ഒട്ടും വേദനിക്കുന്നില്ല , പകരം ഒരുതരം ഉന്മാദമായ അവസ്ഥയായിരിക്കും .... എന്നുവച്ചാ ഈ ഡ്രഗ്‌സോക്കെ ഉപയോഗിക്കുമ്പോൾ കിട്ടുന്ന ലഹരിപോലെ ..... ചിലപ്പോ അതിനേക്കാളൊക്കെ കൂടിയ അവസ്ഥയിലായിരിക്കുമെന്നാ അണ്ണനെ നോക്കിയ ഡോക്ടർ പറഞ്ഞത് 

അപ്പോ ഡോക്ടറെ കാണിച്ചായിരുന്നോ ......

മ്മ്മ്മ് കാണിച്ചു ഒരുവർഷം മുന്നേ ...... കുറെകൗൺസിലിങ്ഒക്കെ ചെയ്തതാ .... പക്ഷെ വലിയമാറ്റമൊന്നും ഉണ്ടായില്ല ..... ചില കൂടിയ അളവിലുള്ള മരുന്നുകൾ ഉണ്ട് , ഇങ്ങനെ വരുന്ന അവസരങ്ങളിൽ മനസ്സിനെ നമ്മുടെ പരിധിയിലാക്കാൻ അത് സഹായിക്കും ... പക്ഷെ high ഡോസ് ആണ് .... അതുകൊണ്ടുതന്നെ കഴിച്ചുകഴിഞ്ഞാൽ തലവെട്ടിപൊളിയുന്ന വേദനയായിരിക്കും ...... എന്നാൽ അണ്ണന്റെകാര്യത്തിൽ ആ വേദനപോലും പുള്ളിക്കാരൻ ആസ്വദിക്കുകയേ ഉളളൂ ..... ഒരുതരത്തിൽ പറഞ്ഞാൽ നമ്മൾതന്നെ അണ്ണനെ മയക്കുമരുന്ന് കഴിക്കാൻ നിർബന്ധിക്കുന്നത് പോലെയാകും ...... ഉപകാരത്തേക്കാൾ ഏറെ അത് ദോഷമേ ചെയ്യൂ ....... അണ്ണന്റെ കാര്യമായതുകൊണ്ട് ഒന്നും പറയാൻ പറ്റില്ല ..... വേണമെങ്കിൽ ആ വേദന ആസ്വദിക്കാൻ വേണ്ടി അളവിൽ കൂടുതൽ മരുന്ന് കഴിച്ചാലോ ..... ഹൈ ഡോസ് ആയതുകൊണ്ടുതന്നെ അളവിൽ അധികമായാൽ സമനില തെറ്റിപ്പോകും ചിലപ്പോ മരണംവരെ സംഭവിക്കും ..... മരിക്കാൻ പോലും പേടിയില്ലാത്ത മനുഷ്യനാ അത് ...... ഒരുഭാഗ്യ പരീക്ഷണത്തിന് ഞങ്ങൾ ആരും തയ്യാറായില്ല ....ഈ മെഡിസിനെ പറ്റി അണ്ണനോട് പറഞ്ഞിട്ട്കൂടിയില്ല 

അപ്പോ ഇത് മാറ്റാൻ പറ്റില്ലേ ..............

പറ്റും പക്ഷെ അണ്ണൻ വിചാരിക്കണം ........ നമ്മുടെ മനസ്സിനെ കണ്ട്രോൾ ചെയ്യാൻ നമുക്കേ സാധിക്കൂ ...... അതുപോലെ ഇവിടെയും അണ്ണൻ തന്നെ വിചാരിക്കണം ...... 4 മുതൽ 10 വയസ്സുവരെ ... ഒര് 6 വർഷം ... അനാഥാലയത്തിൽ കൊടിയ പീഡനങ്ങൾ അനുഭവിച്ഛ് ഒരു കുഞ്ഞുശരീരത്തിൽ താങ്ങാവുന്നതിലും അധികം വേദനകൾ സഹിച് ....... ഏട്ടത്തിക്കുട്ടിക്കറിയുമോ അനാഥാലയത്തിൽ ആയിരുന്നപ്പോ 5 ദിവസത്തോളം ആഹാരം കൊടുക്കാതിരുന്നിട്ടുണ്ട് അണ്ണന് ...... വിശപ്പ് സഹിക്കാൻ കഴിയാഞ് ആ കുഞ്ഞു നിലവിളിച്ച സമയത്തു ആ കുഞ്ഞിന്റെ കരച്ചിൽകേട്ട് സഹിക്കാനാകാതെ അവിടെയുണ്ടായിരുന്ന മറ്റൊരു കുട്ടി  ആരും കാണാതെ അണ്ണന് ആഹാരം കൊടുത്തു പക്ഷെ അത് കഴിച്ചുകൊണ്ടിരുന്നപ്പഴാ കൃത്യമായി ആ സ്ത്രീ വന്നത് .... അപ്പൊത്തന്നെ ഒരു ദാക്ഷണ്യവും ഇല്ലാതെ അവരാ ആഹാരം തട്ടിത്തെറിപ്പിച്ചു ... ആ പൊടിക്കുഞ്ഞിനെ എന്തോരം ആ സ്ത്രീ തല്ലിചതച്ചെന്നറിയാമോ .... പക്ഷെ എത്ര അടികൊണ്ടിട്ടും തനിക്ക് വിശപ്പിന് ആഹാരംതന്നെ ആ കുട്ടിയെ അണ്ണൻ കാട്ടിക്കൊടുത്തില്ല ..... അതും ആ സ്ത്രീയുടെ ദേഷ്യം കൂട്ടി ... എത്രതല്ലിയാലും അണ്ണൻ പറയില്ലായെന്നു കണ്ടപ്പോ കുഞ്ഞായിരുന്ന അണ്ണന്റെകയ്യിലെ 10 വിരലിലും അവർ മൊട്ടുസൂചി കുത്തിയിറക്കി ...... ഏട്ടത്തിക്കുട്ടി ഒന്ന് ഓർത്തുനോക്കെ ആ കുഞ്ഞുസഹിച്ച വേദന ... മുതിർന്നവർക്കുപോലും സഹിക്കില്ല .... പക്ഷെ അണ്ണൻ സഹിച്ചു .... ഒരുതരം വാശിയായിരുന്നു എത്രവേദനിപ്പിച്ചാലും കരയില്ലായെന്ന് ... അന്നുമുതലാ ആ സ്ത്രീ നൽകുന്ന അതികഠിനമായ വേദനകൾ അണ്ണൻ സഹിച്ചു തുടങ്ങിയത് .... പിന്നീടങ്ങോട്ട് കരയുകയേ ഇല്ലായിരുന്നു ..... അതിനനുസരിച്ചു ആ സ്ത്രീ അതികഠിനമായ വേദനകൾ കൊടുക്കാൻ തുടങ്ങി ... അത്രേം വലിയ വേദന സഹിച്ചു സഹിച്ചു കുഞ്ഞു വേദനകൾഒന്നും അറിയതായിതുടങ്ങി ....പിന്നീടങ്ങോട്ട് വേദനകളെ സ്നേഹിച്ചുതുടങ്ങി ...... അതുപിന്നെ വേദനിപ്പിക്കപ്പെടാൻ വേണ്ടിയുള്ള കാത്തിരിപ്പായി ........ അവസാനം എത്രകഠിനമായ വേദനകളും ഒരു ലഹരിപോലെ ആസ്വദിക്കാൻ തുടങ്ങി ......അനാഥാലയത്തിന് പുറത്തെത്തിയ ശേഷവും അതിന് ഒരു മാറ്റവും ഉണ്ടായില്ല ....

ഭദ്രൻ അനുഭവിച്ച കാര്യങ്ങൾ കേട്ടതും ജാനി വല്ലാത്തൊരവസ്ഥയിലായി . ഹൃദയം പൊട്ടുന്നപോലത്തെ വേദന തോന്നി അവൾക്ക് .. കരഞ്ഞുപോയി അവൾ 

 ഒരിക്കൽ ഡാനിച്ചായന്റെകൂടെ എവിടെയോ പോകുന്നസമയത് കുറെ ഗുണ്ടകളുമായി അടിയുണ്ടയായിരുന്നു അന്ന് കത്തിയുമായി കുത്തികൊല്ലാൻ വന്നവന്റെ മുന്നിൽപോലും അണ്ണൻ സ്വയംമറന്ന് നിന്നുകൊടുത്തു ..... ഡാനിച്ചായൻ കണ്ടില്ലാരുന്നെങ്കിൽ .... ഹോ ... അത് ഓർക്കാൻ കൂടി പറ്റുന്നില്ല .... അന്നാ ഞങ്ങൾക്ക് അണ്ണന്റെ ഈ അവസ്ഥയുടെ ഭീകരത മനസിലായത് .... പിടിച്ച പിടിയാലേ ഹോസ്പിറ്റലിൽ കൊണ്ടുപോയി ..... ആദ്യം ഒന്നും അണ്ണൻ സമ്മതിച്ചില്ല പിന്നെ ഡാനിച്ചായൻ .... അച്ചായന്റെ വൈഫ് റീത്താമ്മയെക്കൊണ്ട് സംസാരിപ്പിച്ചു .... അവസാനം റീത്താമ്മയുടെ കണ്ണീരുകണ്ടാ ആള് ഡോക്ടറെ കണ്ടത് ... ഞാൻ നേരുത്തെ പറഞ്ഞ അനാഥാലയത്തിലെ കാര്യങ്ങളൊക്കെ അണ്ണൻ ഡോക്ടറോട് പറഞ്ഞതാ ..... അണ്ണൻ അനുഭവിച്ചതൊക്കെ അറിഞ്ഞപ്പോ ശരിക്കും ഞങ്ങൾ തകർന്നുപോയി ..... അവസാനം ഞാനൊക്കെ കരഞ്ഞുകാലുപിടിച്ചിട്ടാ അണ്ണൻ സ്വയം മാറാമെന്ന് സമ്മതിച്ചത് ..... ഇപ്പൊ ഒരുപാട് മാറ്റമുണ്ട് ..... ഒര് വർഷമെങ്കിലുമായി കാണും ഇപ്പൊ അണ്ണൻ സ്വയം വേദനിപ്പിക്കുന്നത് നിർത്തിയിട്ട് .... 

അപ്പു അതുപറഞ്ഞപ്പോഴാണ് ജാനിക്ക് ഇന്ന് ഭദ്രന്റെ കയ്യിലെ മുറിവ് ഓർമവന്നത് ....... ചിലപ്പോ ഭദ്രൻ പറഞ്ഞതുപോലെ വീണപ്പോൾ പറ്റിയതായിരിക്കുമെന്ന് അവളും കരുതി 

ഏട്ടത്തിക്കുട്ടി ഇനി അണ്ണനെ നന്നായിട്ടൊന്ന് ശ്രദ്ധിക്കണേ ..... മനസികമായിട്ട് അണ്ണന് എന്തെങ്കിലും ബുദ്ദിമുട്ട്  ഉണ്ടെന്ന് തോന്നുകയാണെങ്കിൽ കൂടെനിന്ന് സമാധാനിപ്പിക്കണം .... ഇതുവരെ അണ്ണന്റെ ജീവിതത്തിൽ ചേർത്തുനിർത്തി ആശ്വസിപ്പിക്കാൻ ആരും ഉണ്ടായിട്ടില്ല ..... ഞങ്ങൾക്ക് ആഗ്രഹമുണ്ടെങ്കിലും അണ്ണൻ അടുപ്പിക്കത്തുകൂടിയില്ല ..... പക്ഷെ ഏട്ടത്തിക്കുട്ടിക്ക് അതിനുപറ്റും എന്ന് എന്തോ മനസ്സുപറയുന്നു .... തന്നെ സ്നേഹിക്കാനും തനിക്ക് സ്‌നേഹിക്കാനും ആരെങ്കിലും ഉണ്ടെന്നുതോന്നിയെ തീർച്ചയായിട്ടും അണ്ണൻ മാറും എനിക്കുറപ്പാ .... 

എന്നെകൊണ്ട് പറ്റുമോ അതിന് .... ഏട്ടൻ എന്നെ വിവാഹം കഴിച്ചതുപോലും ഇഷ്ടമാല്ലതല്ലേ ...

ഞാനും ആദ്യം അങ്ങനെയാ കരുതിയത് ... പക്ഷെ ഇപ്പൊ ഇവിടെവന്നു ജാനിക്കുട്ടിയെയും ഈ വീടും കണ്ടപ്പോ എന്റെ സകല സംശയവും മാറി 

അതെങ്ങനെ 🤔

എന്റെ പൊന്ന് ഏട്ടത്തിക്കുട്ടി ഇന്നലെവരുള്ള ഈ വീടിന്റെ അവസ്ഥ എനിക്കല്ലേ അറിയൂ ..... അങ്ങനെകിടന്ന വീട് ഒറ്റദിവസം കൊണ്ട് അണ്ണൻ ഇങ്ങനെ ആക്കിയിട്ടുണ്ടെങ്കിലേ അതാർക്കുവേണ്ടിയാ ..... ഏട്ടത്തിക്കുട്ടിക്കുവേണ്ടി ....

ശരിക്കും 😳😳

മ്മ്മ്മ് ശരിക്കും .... അണ്ണനെ എനിക്കറിയില്ല ... ഈ വീടിന്റെ അവസ്ഥകണ്ട്‌ ഞാൻ ഒരുദിവസം വൃത്തിയാക്കാൻ നോക്കിയതാ . അന്ന് അങ്ങേരെന്നെ കൊന്നില്ലന്നെഉളളൂ ... 

അതെന്തിനാ വൃത്തിയാക്കുന്ന നല്ല കാര്യമല്ലേ 

അതേ പക്ഷെ അണ്ണന് സ്വന്തം പ്രോപ്പർട്ടിയിൽ കയറി മറ്റൊരാള് അധികാരം കാണിക്കുന്നത് ഇഷ്ടമല്ല ... എന്നെ എത്രയൊക്കെ ഇഷ്ടമാണെന്ന് പറഞ്ഞാലും അണ്ണൻ എനിക്കും ഒരു പരുതി വച്ചിട്ടുണ്ട് ... അതിനപ്പുറം കടക്കുന്നത് ഇഷ്ടമല്ല ... അണ്ണന്റെ കാര്യത്തിൽ മറ്റൊരാള് ഇടപെടുന്നതും ഇഷ്ടമല്ല .... അങ്ങനെയുള്ളപ്പോ ഏട്ടത്തിക്കുട്ടിക്കുവേണ്ടി ഒറ്റദിവസം കൊണ്ട് ഈ വീട് ഇങ്ങനെ മാറണമെങ്കിൽ ... ആ ഒറ്റക്കൊമ്പൻ ഭദ്രന്റെ നെഞ്ചാംകൂട് ചവിട്ടിപൊളിച്ചു ഈ പാവം ജാനിക്കുട്ടി അവിടെക്കയറി താമസമായെന്നാ തോന്നുന്നേ . ഇല്ലെങ്കിൽ ഈ വീടിന്റെ പടികടത്തില്ലായിരുന്നു ... എന്നാൽ സ്വന്തം ബെഡ്‌റൂമിൽവരെ കയറ്റിയില്ലേ ..പിന്നെ എന്തൊക്കെ വാങ്ങിത്തന്നു..., ഇപ്പൊത്തന്നെ ജാനിക്കുട്ടി ഒറ്റക്കായതുകൊണ്ടല്ലേ എന്നോട് അണ്ണൻ വരുന്നതുവരെ കവലിരിക്കണമെന്ന് പറഞ്ഞത് ..... .ഇതിനർത്ഥം അണ്ണന് ഏട്ടത്തിക്കുട്ടിയെ പെരുത്തിഷ്ടായെന്നാ 🥰

അപ്പു പറഞ്ഞതുകേട്ടതും ജാനിക്ക് അകെ വെപ്രാളം തോന്നാൻതുടങ്ങി ......... ശരിക്കും എന്നെ ഇഷ്ടാണോ ..... അപ്പോ എന്നോട് ഒട്ടും ദേശ്യമില്ലേ .... ഇഷ്ടമായതുകൊണ്ടാണോ കൂടെകിടത്തിയെ .... ഓരോന്ന് ചിന്തിച്ചു ചിന്തിച്ചു പെണ്ണിന്റെ മനസ്സ് കാടുകയറി തുടങ്ങി 

ഹലോ എന്താ ഇത്ര ആലോചന .. ഞാൻ പറഞ്ഞതൊക്കെ സത്യമാണോന്ന് ചിന്തിക്കുവാണോ ?

മ്മ്മ്മ് , 

എന്നിട്ട് എന്തുതോന്നി 

ഇഷ്ടമുണ്ടായിട്ടാണോ എപ്പഴും എന്നോട് ചാടിക്കടിച്ചു സംസാരിക്കുന്നേ .... ഒന്ന് മയത്തിൽ സംസാരിച്ചാൽ അടുത്തനിമിഷം ചാടിക്കടിക്കാൻ വരും 🥺

അതാ ഏട്ടത്തിക്കുട്ടി ഞാൻ നേരുത്തേ പറഞ്ഞത് അണ്ണന് പെട്ടെന്ന് ദേഷ്യം വരും , അതൊക്കെ അണ്ണന്റെ ഈ അവസ്ഥയുടെ ഭാഗമാ ... പിന്നെ സംസാരം .... അതെപ്പഴും ഇങ്ങനെതന്നാ ...... കുഞ്ഞുന്നാളുമുതൽ ഏട്ടനോടുള്ള പെരുമാറ്റവും അതുപോലല്ലാരുന്നോ .... അപ്പൊ അണ്ണനും അതുപോലെ ശീലിച്ചുപോയതാ .... പണ്ട് ഇത്രേം ഒന്നും സംസാരിക്കില്ലായിരുന്നു പുള്ളി എന്തേലും ചോദിക്കൽ മറുപടിമാത്രം പറയും .... പിന്നെ ഡാനിച്ചായനാ ഇങ്ങനെങ്കിലും മാറ്റിയെടുത്തേ .... അണ്ണന്റെ ഈ സംസാരമൊക്കെ കുഞ്ഞുന്നാളിൽകിട്ടിയ വേദനകളിൽ നിന്നും ഉണ്ടായതാ ഏട്ടത്തികുട്ടി ... അല്ലാതെ ജാനിക്കുട്ടിയോട് എന്റെ അണ്ണന് ദേഷ്യം ഒന്നും ഉണ്ടായിട്ടല്ല ..... അതൊക്കെ ഏട്ടത്തികുട്ടിത്തന്നെ പതിയെ പതിയെ മാറ്റിയെടുക്കണം ...... എനിക്കുറപ്പുണ്ട് ജാനിക്കുട്ടിയുടെ സ്നേഹം കിട്ടിയാൽ അണ്ണൻ ഉറപ്പായിട്ടും മാറും .... അല്ലെങ്കിൽ മാറ്റണം 

എങ്ങനെ 

ഡോക്ടർ പറഞ്ഞത് ശരീരം വേദനിപ്പിക്കാൻ തോന്നുന്ന അവസരങ്ങളിൽ പ്രിയപ്പെട്ടവരുടെ രൂപം മനസിലേക്ക് കൊണ്ടുവരണമെന്നാണ് ... താൻ ശരീരം വേദനിപ്പിച്ചാൽ തനിക്ക് പ്രിയപ്പെട്ടവർക്കും വേദനിക്കും എന്നതോന്നൽ ഉണ്ടാകണം ... അങ്ങനെയുണ്ടായാൽ മനസിനെ നിയന്ത്രിച്ചു വേദനിപ്പിക്കണം എന്ന തോന്നൽ ആ സമയം ഇല്ലാതാക്കാൻ പറ്റുംഎന്നാ ..... അങ്ങനെയാണെങ്കിൽ അണ്ണന് സ്വയം വേദനിപ്പിക്കാൻ തോന്നുന്ന സമയത് ജാനിക്കുട്ടിയുടെ മുഖം ഓർമവരണം ..... താൻ അങ്ങനെചെയ്താൽ തന്റെ ജാനിക്കും വേദനിക്കും എന്ന അവസ്ഥവരണം അണ്ണന് .... അങ്ങനെയൊരു തോന്നൽ ഉണ്ടാക്കാൻ പറ്റിയാൽ നമ്മൾ വിജയിച്ചു ..... അങ്ങനത്തെ അവസ്ഥയിൽ അണ്ണനെ ആക്കിമാറ്റേണ്ടത് ഏട്ടത്തിക്കുട്ടിയുടെ മിടുക്കാണ് .....

ഞാൻ ശ്രമിക്കാം അപ്പു 

ശ്രമിച്ചാൽ മാത്രം പോരാ നടത്തണം കേട്ടോ 

മ്മ്മ്മ്മ് ..... ........ ഭദ്രനെകുറിച്ച് കൂടുതൽഅറിഞ്ഞതും അവനോടുള്ള ഇഷ്ടം പഴയതിലും ഇരട്ടിയായതുപോലെ തോന്നി ജാനിക്ക് ........ അവനെ ഒരുനോക്കുകാണാൻ അവളുടെ ഹൃദയം തുടികൊട്ടാൻ തുടങ്ങി 

ആ.... അപ്പു ഇപ്പഴാ ഓർത്തത് എന്റടുത്തേ സിന്ദൂരമില്ല ..... നീ ഇപ്പോ കടയിലോട്ടുപോയി ഒരെണ്ണം വാങ്ങിതാടാ 

നോ ... ഏട്ടത്തി .... നെവർ .... അണ്ണൻ വരുന്നവരെ ഈ വീടിന് പുറത്തുപോകരുതെന്നാ ഓർഡർ .... എനിക്കേ എന്റെ ജീവനിൽ കൊതിയുണ്ട് ... അതുകൊണ്ട് SO..... SORRY

 അപ്പു .. PLZZ ... 

നടക്കില്ല മോളെ ... അല്ലെങ്കിൽ ഒരു കാര്യം ചെയ്യ് ഭർത്താവിനോടുതന്നെ പറ വേടിച്ചുതരാൻ .... ജാനിക്കുട്ടിയോട് അണ്ണന് ഇഷ്ടമുണ്ടെങ്കിൽ  വേടിച്ചുതരും ഉറപ്പ് 

അയ്യോ ഞാൻ എങ്ങനാ ഏട്ടനോട് പറയാ .. ഇഷ്ടമായില്ലെങ്കിലോ .... എന്നോട് ദേഷ്യപെടില്ലേ 

പഷ്ട്ട് .... ഇത്രേം നേരം ഞാൻ പോത്തിന്റെ ചെവിയിലാണോ ഭഗവാനേ വേദംഓതിയത് ....... എന്റെ ഏട്ടത്തിക്കുട്ടി ആദ്യം ഈ പേടിമാറ്റിവക്ക് .... ഞാൻ പറഞ്ഞില്ലേ പേടിച്ചാൽ ഒന്നും നടക്കില്ല .... ഒരുപക്ഷെ അണ്ണൻ ഇത്തിരി ദേഷ്യപ്പെട്ടാലും പേടിക്കരുത് ..... ജാനിക്കുട്ടിയെ എന്റെ ഭദ്രേണ്ണൻ ഒന്നും ചെയ്യില്ല ... ഒന്ന് നുള്ളിപോലും വേദനിപ്പിക്കില്ല ..ഉറപ്പ് .... അതുകൊണ്ട് ഈ സിന്ദൂരം വച്ചുതന്നെ തുടങ്ങാം .... ഇന്ന് അണ്ണൻ വരുമ്പോൾ ഒന്ന് പറഞ്ഞുനോക്ക്  അപ്പോ അറിയാല്ലോ ...

പറഞ്ഞുനോക്കാം അല്ലേ .....

പിന്നല്ലാതേ .............. പിന്നേയും രണ്ടുപേരും കുറെ സംസാരിച്ചിരുന്നു 

രാത്രി 8 : 30 ആയപ്പോഴാണ് ഭദ്രൻ വന്നത് ... ഭദ്രനെയും കാത്തു അപ്പുവും ജാനിയും പുറത്തുതന്നെ ഇരുപ്പുണ്ടാരുന്നു

ജീപ്പിൽനിന്നും ഇറങ്ങിവരുന്ന ഭദ്രനെ കണ്ടതും ജാനിയുടെ നെഞ്ച് പടാപടാന്നു ഇടിക്കാൻ തുടങ്ങി .. ദേഹമൊക്കെ ഒരുവിറയൽപോലെ ... അവൻ അടുത്തേക്ക് വരുംതോറും ശരീരം തണുത്തു മരവിക്കുന്നതുപോലെതോന്നി അവൾക്ക് 

ഭദ്രന്റെയും അവസ്ഥ മറിച്ചായിരുന്നില്ല താൻ വേടിച്ചുകൊടുത്ത ഡ്രെസ്സിൽ അവൾ കുറച്ചുകൂടി സുന്ദരിയായതുപോലെതോന്നി അവന് . ഒരുനിമിഷം പരിസരം മറന്ന് അവളെത്തന്നെ നോക്കിനിന്നുപോയി ഭദ്രൻ 

അണ്ണാ അപ്പോ ഞാൻ ഇറങ്ങുവാന്നെ വീട്ടിൽ \'അമ്മ ഒറ്റക്കല്ലേ ഉള്ളു 

വീട്ടിലോട്ട് തന്നെ പൊയ്ക്കോണം കള്ളം പറഞ്ഞു കവലയിലേക്കെങ്ങാനം പോയാൽ 😡

അയ്യോ സത്യമായിട്ടും വീട്ടിലേക്കാ 😰

എങ്കിൽ നിനക്കികൊള്ളം ......... ആ പിന്നെ നീ വല്ലതും കഴിച്ചാരുന്നോ 🤨

അതൊക്കെ അണ്ണന്റെ ജാനിക്കുട്ടി വിസ്തരിച്ചു ഊട്ടിയിട്ടുണ്ട് 😁..... പിന്നെ പാലിന്റെയും , മീനിൻന്റെയും കാര്യവും ശരിയാക്കിയിട്ടുണ്ട് , നാളെത്തൊട്ട് എല്ലാം റെഡി 😎

മ്മ്മ് അപ്പൊശരി വിട്ടോ ....

ഓക്കേ അണ്ണാ GOODNIGHT..................... പക്ഷെ അതിന് മറുപടികൊടുക്കാതെ ജാനിയെ ഒന്ന് നോക്കിയിട്ട് ഭദ്രൻ അകത്തേക്കുകയറിപ്പോയി ... ഭദ്രൻ പോയതും ജാനി അപ്പുവിനെ കൈവീശികാണിച്ചു , തിരികെ അവനും ......

🦋🦋🦋🦋🦋🦋🦋🦋🦋🦋🦋

തുടരും