പാർട്ട് 9 

ജാനി റൂമിലേക്ക്‌ചെല്ലുമ്പോൾ ഭദ്രൻ തിരിഞ്ഞുനിന്ന് ഷർട്ട് അഴിച്ചുമാറ്റുകയായിരുന്നു ... തിരിഞ്ഞുനിൽക്കുന്നതുകാരണം ജാനി വന്നതും അവൻ കണ്ടില്ല .....

അവൻ തന്റെ ശരീരത്തിലുണ്ടാരുന്ന ഷർട്ട് അഴിച്ചുമാറ്റിയതും ഭദ്രന്റെ മുതുക്ഭാഗം  മുഴുവനുംജാനിയുടെമുന്നിൽ വെളിവായി .... കുഞ്ഞുന്നാളിൽ അനാഥാലയത്തിൽ അനുഭവിച്ച ക്രൂരതയുടേതടക്കം അവസാനമായി മുതുകിൽഏറ്റ വലിയ വെട്ടിന്റെ പാടുവരെ മായാതെ കിടപ്പുണ്ടാരുന്നു ..... കത്തിവച്ചു ആഴത്തിൽ വരഞ്ഞപാടുമുതൽ എന്തോക്കെയോവച്ച് ക്രൂരമായി പൊള്ളൽഏൽപ്പിച്ചിരുന്ന വളരെ പഴകിയ പാടുവരെ അവന്റെ പുറംഭാഗത്തുണ്ടാരുന്നു .......... അതൊക്കെ ചിലപ്പോ അനാഥാലയത്തിൽവച്ച് ആ കുഞ്ഞുശരീരത്തിൽ ഏറ്റ ക്രൂരതയുടെ കാലം ബാക്കിവച്ച ഒരിക്കലും മായാത്ത പാടുകളായിരിക്കും ......

ആ കാഴ്ചകണ്ട് ജാനി ഒരുനിമിഷം തറഞ്ഞുനിന്നുപോയി ...... തലയൊക്കെ പെരുക്കുന്നപോലെ തോന്നിയവൾക്ക് ....... ഇതുവരെ പറഞ്ഞുകേട്ടതേ ഉളളൂ എങ്കിലും ഈ നിമിഷം ജാനിഅറിയുകയായിരുന്നു കുഞ്ഞുന്നാളുമുതൽ ഭദ്രൻ അനുഭവിച്ചുവന്ന ആ ഇരുൾനിറഞ്ഞ പേടിപ്പെടുത്തുന്ന ക്രൂരമായ ജീവിതം .......... ഒരുനിമിഷത്തേയ്ക്ക് ഒന്ന് ശ്വസിക്കാൻ പോലും മറന്നുയപോയി അവൾ ........പക്ഷെ പെട്ടെന്നുതന്നെ സ്വായബോധം വീണ്ടെടുത്ത് ജാനി അടുക്കളയിലേക്ക് ഒരൊറ്റ ഓട്ടമായിരുന്നു ....... എന്നാൽ ഭദ്രൻ ഇതൊന്നും അറിയാതെ ഒരുതോർത്തും എടുത്തു കുളിക്കാനായി ബാത്റൂമിലേക്കുകയറിപ്പോയി ...

ജാനി അടുക്കളയിൽ എത്തിയതും ഇത്രേംനേരം പിടിച്ചുവച്ചിരുന്ന കണ്ണുനീർ അവളുടെപോലും നിയന്ത്രണം ലങ്കിച് പുറത്തേക്കൊഴുകാൻതുടങ്ങി .... താൻ കുറച്ചുമുന്നെക്കണ്ട രംഗം മനസിലേക്ക് വന്നതും വാവിട്ട്‍ കരഞ്ഞുപോയി അവൾ ....... തന്റെ പ്രാണനായവൻ അനുഭവിച്ചത്ഓർക്കുംതോറും ആ പെണ്ണിനത് സഹിക്കാനായില്ല ........ തന്റെ പരുതിയിൽ നിൽക്കാത്ത കരച്ചിലിന്റെ ശബ്ബ്ദം ഒരുവേള ഭദ്രൻ കേട്ടാലോ എന്നുപേടിച് അവൾ തന്റെ കൈകൊണ്ട് വായ് പൊത്തിപ്പിടിച്ചു ....... 

ഈശ്വരാ ഞാൻ ...... ഞാൻ ..... എന്താ കണ്ടത് ..... ഏട്ടൻ .... ഏട്ടൻ ...... ഇത്രയൊക്കെ അനുഭവിക്കാൻ ആ മനുഷ്യൻ എന്തുതെറ്റാ ഈശ്വരാ ചെയ്തത് ....... ആ മുറിവിന്റെ പാടുകൾ കണ്ടിട്ട് എനിക്ക് സഹിക്കാൻ പറ്റുന്നില്ലെങ്കിൽ അതനുഭവിച്ച ഏട്ടന്റെ അവസ്ഥ എന്തായിരിക്കും ....... അതും പൊടിക്കുഞ്ഞായിരുന്നപ്പോൾ മുതൽ ......  ഭദ്രൻ അനുഭവിച്ചതൊക്കെ ഒന്ന് ചിന്തിക്കാൻപോലുമുള്ള ശക്തിഉണ്ടായിരുന്നില്ല ജാനിക്ക് ......

അൽപ്പനേരം അങ്ങനെതന്നെ നിന്നിട്ട് ജാനി പെട്ടെന്നുതന്നെ വെള്ളംവച്ച് നന്നായിട്ട് മുഖം കഴുകി .... താൻ ആ പാടുകൾ കണ്ടെന്ന് ഭദ്രൻ അറിയരുതെന്നുണ്ടായിരുന്നു ജാനിക്ക് ...... എന്നെങ്കിലും അവനായിട്ടുതന്നെ തന്നോടെല്ലാം പറയുന്നവരെ കാത്തിരിക്കാൻ അവൾ തയ്യാറായിരുന്നു ...... ഇപ്പൊ ഈ നിമിഷം അവനെ ഒന്ന് കാണാനും അവന്റെ നെഞ്ചിലേക്ക് ചേർന്നുനിൽക്കാനും വല്ലാത്ത ആഗ്രഹം തോന്നിയവൾക്ക് 

ഇതേസമയം ഭദ്രൻ കുളിച്ചിറങ്ങി ഒരു കാവിമുണ്ടും ഒരു വെള്ള വി നെക് ബനിയനും എടുത്തിട്ട് ശേഷം കണ്ണാടിനോക്കി മുടിചീകി ഒതുക്കി തിരിഞ്ഞതും തന്നെ നോക്കി വാതിലിൽ നിൽക്കുന്ന ജാനിയെയാണ് കാണുന്നത് ..... അവളെ പെട്ടെന്ന് അങ്ങനെകണ്ടതും ആദ്യം അവനൊന്ന് ഞെട്ടി ... പക്ഷെ അവളെ ഒന്ന് ശ്രദ്ധിച്ചപ്പോ കരഞ്ഞുകലങ്ങിയ കണ്ണുകളും ചുവന്ന് തുടുത്ത മുഖവും കണ്ടതും ഭദ്രന്റെ മുഖം മാറി അവിടെ പേടിയും , ആശങ്കയും  നിറഞ്ഞു . അവൻ പെട്ടെന്നുതന്നെ അവളുടെ അടുത്തേക്ക് ഓടിച്ചെന്നു 2 കൈകൊണ്ടും അവളുടെ മുഖം കൈകുമ്പിളിലെടുത്തു 

ഏന്താ ജാനി .... എന്തുപറ്റി .... എന്തിനാ മോള് കരഞ്ഞത് ..... പറ പൊന്നാ എന്തുപറ്റി .....😨

എന്നാൽ അതിനുമറുപടി പറയാതെ ജാനി നിറകണ്ണുകളുമായി ഭദ്രന്റെ മുഖത്തേക്കുതന്നെ നോക്കിനിന്നതും അവന് ദേഷ്യവും ടെൻഷനും കൂടി വന്നു 

ഡീ .... നിന്നോടാ ചോദിച്ചത് ..... എന്തിനാ കര ..........

ഭദ്രൻ പറഞ്ഞുപൂർത്തിയാക്കുന്നതിനുമുന്നേ ഒരു കാറ്റുപോലെ ജാനി അവനെ വരിഞ്ഞുമുറുക്കി ശക്തിയായി കെട്ടിപിടിച്ചു  ...... അവളുടെ ശരീരം മുഴുവനും അവന്റെ ശരീരത്തോട് ഒട്ടിനിന്നു ...... അവളുടെ മാറുകൾ ശക്തിയിൽത്തന്നെ ഭദ്രന്റെ നെഞ്ചിൽ ഇടിച്ചുനിന്നു ......ആ നിമിഷം അവന്റെ ശരീരത്തിലൂടെ ഒരു മിന്നൽപിണർ പാഞ്ഞുപോകുന്നതുപോലെ തോന്നി ഭദ്രന് .......ശരീരമൊക്കെ ഒരു സുഖമുള്ള തുണപ്പ് വ്യാപിക്കും പോലെ ..... നെഞ്ചോക്കെ നെഞ്ചാംകൂടും പൊളിച്ചു ഇപ്പൊ പുറത്തുവരുമെന്ന അവസ്ഥയായിരുന്നു ചെക്കന്റെ .......

ജാനിയുടെ കരച്ചിലാണ് അവനെ ബോധത്തിലേക്ക് കൊണ്ടുവന്നത് ..... പെട്ടെന്നുതന്നെ സ്വബോധം വീണ്ടെടുത്ത് അവനും അവളെ രണ്ടുകൈകൊണ്ടും തിരികെ പൊതിഞ്ഞുപിടിച്ചു ...... തന്റെ പിടിമുറുക്കി അവൾക്ക്‌ വേദനിക്കാതിരിക്കാൻ അവൻ പ്രതേകം ശ്രദ്ധിച്ചിരുന്നു ...... തന്റെ നെഞ്ചിൽ മുഖമമർത്തി കരയുന്ന പെണ്ണിനെ അവൻ വാത്സല്യത്തോടെ നോക്കിനിന്നു ...... സങ്കടമെല്ലാം കരഞ്ഞുതീർക്കട്ടെ എന്നവൻ കരുതി ...... ഒരു ആശ്വാസത്തിനെന്നോണം അവൻ അവളുടെ മുടിയിൽകൂടി തലോടിക്കൊണ്ടിരുന്നു ..... 

കുറച്ചുനേരം കഴിഞ്ഞു ജാനി ഓക്കേ ആയെന്നുതോന്നിയതും അവൻ അവളെ ഒന്നുകൂടി പൊതിഞ്ഞുപിടിച്ചു ചേർത്തുനിർത്തി 

\"ഇനി പറ എന്റെപെണ്ണെന്തിനാ കരഞ്ഞത്\"

അവന്റെയാ ചോദ്യം കേട്ടപ്പോഴാണ് താൻ എന്താ ചെയ്തതെന്ന് ജാനിക്ക് ബോധം വന്നത് , അവൾ പെട്ടെന്ന് അടർന്നുമാറാൻ നോക്കിയതും അതിനുസമ്മതിക്കാതെ അവൻ ഒന്നുകൂടി അവളെ ചേർത്തുനിർത്തി 

ഇങ്ങനെ ...... ഇങ്ങനെ എന്നോട് ചേർന്നുനിന്ന് പറഞ്ഞാമതി ...... പറ എന്തിനാ എപ്പോ എന്റെ മോള് കരഞ്ഞത് 

അതിന് എന്തുത്തരം പറയണമെന്നറിയാതെ അവൾ കുഴങ്ങി ...... ഒന്ന് കാണണം എന്ന ആഗ്രഹത്തോടെ ഓടിവന്നതാ ..... പക്ഷെ ഏട്ടനെ കണ്ടപ്പോ സങ്കടം നിയന്ത്രിക്കാനായില്ല ..... ആ നെഞ്ചിൽ ചേർന്നുനിന്ന് പൊട്ടിക്കരയാൻ തോന്നിപോയി അതാ അങ്ങനെ ചെയ്തേ ..... ഇനിയിപ്പോ ഞാൻ എന്തുമറുപടി പറയും ഈശ്വരാ 

\"ജാനി എന്താണേലും പറഞ്ഞോ ഇപ്പൊ ഇത്ര കരയാനുംമാത്രം എന്തുണ്ടായി \"

അത് ..... അത് ..... ഞാൻ .... എനിക്ക് ...... എനിക്ക് പെട്ടെന്ന് അച്ഛനെയും അമ്മയെയും ഓർമവന്നു അതാ ......  ആ നിമിഷം അവൾക്കു അങ്ങനെ പറയാനാണ് തോന്നിയത് 

മ്മ്മ്മ്മ്മ് ....... അതൊക്കെ കഴിഞ്ഞുപോയില്ലേടാ ഇനി അതിനെപ്പറ്റിആലോചിച്ചു സങ്കടപ്പെട്ടിട്ട് എന്താ കാര്യം .... കഴിഞ്ഞത് കഴിഞ്ഞു ഇനി അതിനെപ്പറ്റിയൊന്നും ആലോചിക്കേണ്ട ....... ആരും ഇല്ലെന്നുള്ളതോന്നലാണെങ്കിൽ അതൊന്നും വേണ്ട , ഇനി നിനക്ക് ഞാനുണ്ട് ..... ഒരിക്കലും കൈവിടില്ല ഞാൻ .... ഈ ഭദ്രന് ജീവനുള്ളിടത്തോളം കാലം എന്റെ ഈ ഞെഞ്ചിൽ ഇതുപോലെ പൊതിഞ്ഞുപിടിച്ചോളാം ഞാൻ ..... ആർക്കും ഒന്നിനും വിട്ടുകൊടുക്കില്ല ............

അതുംപറഞ്ഞു അവൻ അവളെ ഒന്നുംകൂടി വരിഞ്ഞുമുറുക്കി അവളുടെ മൂർദ്ധാവിൽ പ്രണയത്തോടെ സ്നേഹത്തോടെ വാത്സല്യത്തോടെ ആദ്യചുംബനം നൽകി ..... ജാനി രണ്ടുകണ്ണുകളും അടച്ചു ആ ചുംബനം സ്വീകരിച്ചു ........... കുറച്ചുകഴിഞ്ഞതും അവൻ അവളെ അടർത്തിമാറ്റി .......

\"ഇപ്പൊ സങ്കടമൊക്കെ മാറിയോ \"

\"മ്മ്മ്മമ്മ്മ്മ്\"

\"എന്നാലേ എന്റെപെണ്ണ് ചെന്ന് കഴിക്കാൻ എന്തെങ്കിലും എടുത്തുവക്ക് നല്ല വിശപ്പ്\"

അവൻ എന്റെപെണ്ണെന്നു പറഞ്ഞതും ജാനിക്ക് ഒരുപാടുസന്തോഷം തോന്നി  ...... അവൾ പെട്ടെന്നുതന്നെ അടുക്കളയിലേക്കു ചെന്ന് അവന് കഴിക്കാനുള്ളതൊക്കെയെടുത്തു ഡൈനിങ്ങ് ടേബിളിൽ കൊണ്ടുവച്ചു ..... അപ്പോഴേക്കും കൈകഴുകി ഭദ്രനും വന്നിരുന്നു 

ജാനി ഒരു പ്ലേറ്റ് എടുത്ത് ഭദ്രന്റെ മുന്നിലേക്കുവച്ചു അതിലേക്ക് ചോറും കറികളും വിളമ്പിതീർന്നതും ഭദ്രൻ ജാനിയുടെ കൈ പിടിച്ചു തൊട്ടടുത്ത സീറ്റിൽ ഇരുത്തി ശേഷം ഒരു പ്ലേറ്റ് എടുത്തു അതിലേക്ക് ചോറും കറികളും വിളമ്പി കൊടുത്തു . ജാനിയാണെങ്കിൽ അന്തംവിട്ട് അവനെ നോക്കുകയാണ് 

നോക്കണ്ട നീ കഴിച്ചില്ലെന്ന് എനിക്കറിയാം ..... നിന്നോട് ഞാൻ പറഞ്ഞതല്ലേ ജാനി എന്നെ കാത്തിരിക്കരുതെന്ന് 😠

അതല്ല ഏട്ടാ സത്യമായിട്ടും എനിക്ക് വിശക്കാഞ്ഞിട്ടാ അല്ലാതെ അനുസരണക്കേട് കാട്ടിയതല്ല സത്യം ☹️

മ്മ്മ്മ്മ്മ് .... കഴിക്ക് 

അങ്ങനെ ഭദ്രന്റെ കൂടെത്തന്നെ അവളും കഴിക്കാൻതുടങ്ങി 

ജാനി +2 കഴിഞ്ഞു പിന്നെ പഠിക്കാൻ പോയില്ലേ ......... അവന്റെ ചോദ്യം കേട്ടതും അവൾ കഴിപ്പുനിർത്തി ഒരമ്പരപ്പോടെ അവന്റെ മുഖത്തേക്ക് നോക്കി 

ഇല്ല ഞാൻ +2 കഴിഞ്ഞുനിൽക്കുന്ന സമയത്താ അച്ഛന് വയ്യാണ്ടായേ ....... പിന്നെ ചികിത്സക്ക് പുറമേ വീട്ടുചിലവിനും പൈസയില്ലാണ്ടായപ്പോ........ \'അമ്മ ചെറിയ ജോലിക്കൊക്കെ പോകുമാരുന്നു ,ആ സമയത് അച്ഛനെ ഒറ്റക്കാക്കാൻ തോന്നിയില്ല അതാ ഞാൻ പിന്നെ പഠിക്കാൻ പോകഞ്ഞേ ....... അച്ഛനും അമ്മയും കുറെ നിർബന്ധിച്ചു തുടർന്ന് പഠിക്കാൻ ........ പക്ഷെ വീട്ടിലെ അവസ്ഥ അറിയാവുന്നതുകൊണ്ട് വേണ്ടാന്ന് വച്ചു .......   ചികിത്സക്ക് പോലും പൈസ ഇല്ലാത്തപ്പോ പിന്നെ എന്റെ പഠിത്തത്തിനെ ചിലവ് എങ്ങനെ താങ്ങാനാ ........ 

മ്മ്മ്മ്മ്മ്മ്മ് ........ ഒരുപക്ഷെ തുടർന്നുപഠിക്കാൻ പറ്റുമായിരുന്നെങ്കിൽ താൻ ഏത് വിഷയംതിരഞ്ഞെടുക്കുമാരുന്നു?

ഞാൻ പഠിച്ചത് കോമേഴ്‌സാ ...... അതുകൊണ്ട് ബി കോം പഠിച്ചുകഴിഞ്ഞു  പി ജി എടുക്കണം പിന്നെ സെറ്റ് എക്സാം എഴുതി ഒരു ഹയർ സെക്കന്ററി ടീച്ചർ അവേണമെന്നാരുന്നു എന്റെ ആഗ്രഹം ........ 

എന്നായിരുന്നു ആഗ്രഹം എന്ന് പറഞ്ഞാ അതിന്റെ അർത്ഥമെന്താ  ഇപ്പൊ ആഗ്രഹം ഇല്ലെന്നാണോ 🤨?

അഗ്രംഉണ്ട് പക്ഷെ ......... ഇനിയിപ്പോ 

ഇനിയെന്താ 🤨🤨........ ഞാൻ സമ്മതിക്കില്ലെന്ന് കരുതിയാണോ ?

അതിന് മറുപടിപറയാതെ ജാനി തലകുനിച്ചിരുന്നു അതുകണ്ടതും ഭദ്രന് ദേഷ്യം വരാൻ തുടങ്ങി .....

ജാനി ......😡............ അവന്റെ ദേഷ്യത്തോടെയുള്ള വിളികേട്ടതും അവൾ ഞെട്ടിക്കൊണ്ട് മുഖമുയർത്തി ഭദ്രനെ നോക്കി

ഞാൻ നിന്നോട് പറഞ്ഞിട്ടുണ്ട് എന്തുണ്ടെങ്കിലും മുഖത്തുനോക്കി സംസാരിക്കണം ....... നിനക്ക് ഇനിയും പഠിക്കാൻ താല്പര്യം ഉണ്ടെങ്കിൽ അത് തലയുയർത്തി എന്റെ മുഖത്തുനോക്കി പറ ...... ഇതെന്നല്ല ഇനിയുള്ള നിന്റെ എന്ത് ആഗ്രഹമായാലും അത്പറയേണ്ടത് എന്റടുത്താണ് , അതൊക്കെ സാധിച്ചുതരേണ്ടത് എന്റെ ഉത്തരവാദിത്വവും ....... ഞാൻ എന്തുവിചാരിക്കുമെന്നോ വഴക്കുപറയുമെന്നൊകരുതി ഒരാഗ്രഹങ്ങളും മനസ്സിൽ വച്ചേക്കരുത് എന്നോട് പറഞ്ഞാമതി ...... എന്നെകൊണ്ട് സാധിച്ചുതരാൻ പറ്റുന്നതാണെങ്കിൽ ഞാൻ അത് സാധിച്ചുതന്നിരിക്കും മനസ്സിലായോ 😡

പെട്ടെന്ന് അവന്റെ ഭാവം മാറിയതും ജാനി പേടിയോടെ സമ്മതമെന്ന രീതിയിൽ തലകുലുക്കി ........ മ്മ്മ്മ്മ് 

ഇനി പറ നിനക്ക് ഇനിയും പഠിക്കാൻ താൽപ്പര്യമുണ്ടോ , കുറച്ചുമുന്നേ പഠിച്ചു ഒരു ടീച്ചർ ആവണമെന്നല്ലേ പറഞ്ഞത് , ആ ആഗ്രഹം ഇപ്പഴും ഉണ്ടോ ............... ഇത്തവണ ശാന്തമായിട്ടായിരുന്നു അവന്റെ ചോദ്യം 

മ്മ്മ് ഉണ്ട് ....... ഇപ്പഴും പഠിക്കാൻ ആഗ്രഹം ഉണ്ട് 

മ്മ്മ്മ്മ്മ്മ് എങ്കിൽ അപ്പു പഠിക്കുന്ന കോളേജിൽത്തന്നെ നോക്കാം അതാകുമ്പോൾ നിങ്ങൾക്ക് ഒരുമിച്ചു പോകുകയും വരുകയും ചെയ്യാല്ലോ ...........

അവൻ പറഞ്ഞതുകേട്ടതും വിശ്വാസം വരാതെ ജാനി അവന്റെ മുഖത്തേക്കുതന്നെ നോക്കിയിരുന്നു ....... ജാനിയുടെ സ്വപ്‍നമായിരുന്നു ഒരു ടീച്ചർ ആവണമെന്നുള്ളത് ...... ഇനിഒരിക്കലും നടക്കില്ലെന്നുകരുതിയതന്റെ സ്വപനത്തിനാണ് വീണ്ടും ചിറകുമുളച്ചിരിക്കുന്നത് ........ വിശ്വാസം വരാതെ അവൾ അവന്റെ മുഖത്തേക്കുതന്നെ ഉറ്റുനോക്കിയിരുന്നു 

ജാനി ......... നീ ഒന്നും കഴിച്ചില്ലല്ലോ ...... വേഗം കഴിക്ക് ........ ഭദ്രനത് പറഞ്ഞതും ജാനി പെട്ടെന്ന് നോട്ടം മാറ്റി പ്ലേറ്റിൽ നോക്കി കഴിക്കാൻ തുടങ്ങി ....... അതുകണ്ടതും ഒരു ചെറുപുഞ്ചിരിയോടെ ഭദ്രൻ എഴുനേറ്റ് കൈകഴുകാൻ പോയി , അവൻ പോയതും അവളും വേഗം കഴിച്ചെഴുനേറ്റ് രണ്ടുപേരും കഴിച്ച പ്ലേറ്റുമായി അടുക്കളയിലേക്കും പോയി 

ജോലിയെല്ലാം ഒതുക്കി കുടിക്കാനുള്ള വെള്ളവുമായി ജാനി റൂമിലേക്കുവന്നു ..... വെള്ളം ടേബിളിൽ വച്ച ശേഷം അവൾ ഒന്ന് ഫ്രഷ് അകാൻ വേണ്ടി ബാത്റൂമിലേക്ക് കയറിയപ്പോഴാണ് ഭദ്രനും റൂമിലേക്കുവന്നത് ..... ജാനി ബാത്‌റൂമിൽ ഉണ്ടെന്നുകണ്ടതും അവൻ റൂമിന്റെ ഡോർഅടച്ചു വന്ന് ബെഡിന്റെ ഒരു സൈഡിലായിവന്ന് കൈ കണ്ണിനുമുകളിൽ വച്ച് കണ്ണുമടച്ചു കിടന്നു . അൽപ്പം കഴിഞ്ഞതും ജാനിയും ഫ്രഷ്ആയി ബാത്റൂമിൽനിന്നും റൂമിലേക്കുവന്നു . അവൾനോക്കുമ്പോൾ ഭദ്രൻ കണ്ണടച്ചുകിടക്കുവായിരുന്നു . അവൻ ഉറങ്ങിയെന്നുകണ്ടതും അവൾക്ക് ആശ്വാസമായി ..... അവൾ ശബ്ദം ഉണ്ടാക്കാതെ ചെന്ന്റൂമിലെ ലൈറ്റും അണച്ച് ബെഡിന്റെ മറ്റേസൈഡിലായി വന്നു കിടന്നു .പക്ഷെ എത്രകിടന്നിട്ടും ജാനിക്ക് ഉറക്കം വരുന്നില്ല ........ ഭദ്രൻ അടുത്തുകിടക്കുന്നതുകാരണം അവൾക്ക് എന്തോപോലെ ....... 

കുറേകഴിഞ്ഞതും ജാനി പതിയെ ഭദ്രന്റെ വശത്തേയ്ക്കുതിരിഞ്ഞു അവന്റെ മുഖത്തേയ്ക്കുനോക്കികിടന്നു . അവനപ്പോഴും കണ്ണടച്ചുകിടക്കുവാണ് .......... അവന്റെ കണ്ണുകളിലേക്കും അവിടുന്ന് അവന്റ ഇളം പിങ്ക് ചുണ്ടിലേക്കും കട്ടമീശയിലേക്കും പിന്നെ കട്ട താടിയിലേക്കും ജാനിയുടെ നോട്ടം പോയി ....... ആ താടിയിലൊന്ന് പിടിച്ചു വലിക്കാനും ആ ചുണ്ടുകളിൽ ഒന്ന് ചുണ്ടുചേർക്കാനും അവൾക്ക് നല്ല ആഗ്രഹംതോന്നി ........ പിന്നീട് അവളുടെ നോട്ടം പോയത് ശ്വാസം എടുക്കുന്നതിനനുസരിച്ചു ഉയർന്നുതാഴുന്ന അവന്റെ നെഞ്ചിലേക്കാണ് ....... 

എന്തുരസമായിരിക്കും ആ നെഞ്ചിൽ തലവച്ചുറങ്ങാൻ ...... ഒന്നിനെയും പേടിക്കാതെ സുരക്ഷിതമായും സുഖമായും എനിക്കുറങ്ങാൻ പറ്റുന്നയിടം ........ ശ്ശെടാ ഈ ഏട്ടൻ എന്തിനാ കിടക്കാൻനേരം ഷർട്ട്ഇട്ടേക്കുന്നേ , ആ നെഞ്ചോന്നുകാണാൻ കൂടി പറ്റുന്നില്ല ....... അവന്റെ നെഞ്ചിലേക്കുനോക്കി ഇങ്ങനെ ഓരോ കാര്യങ്ങളും പിറുപിറുത്തിരിയ്ക്കുകയാണ് പെണ്ണ് ....... അൽപ്പം കഴിഞ്ഞു അവൾ വീണ്ടും ഭദ്രന്റെ മുഖത്തേയ്ക്കുനോക്കിയതും അവൾ ഞെട്ടിപ്പോയി ......... എന്താന്നുവച്ചാ അവൻ ദേ കണ്ണുംതുറന്ന് അവളുടെ മുഖത്തേയ്ക്കുനോക്കി കിടക്കുന്നു ....... എന്തുവേണമെന്നറിയാതെ അവൾ പെട്ടെന്ന് കണ്ണടച്ചുകിടന്നു ...... താൻ ഇത്രേം നേരം ഭദ്രന്റെ നെഞ്ചിൽനോക്കികിടന്നത് അവൻ കണ്ടുകാണുമോന്നാണ് അവളുടെ ടെൻഷൻ ..... എന്നാൽ ചെക്കൻ അതൊക്കെ നല്ല വെടിപ്പായിട്ടു കണ്ടെന്ന് കൊച്ചറിഞ്ഞില്ല ........ കുറേക്കഴിഞ്ഞിട്ടും അവൻ ഒന്നും മിണ്ടാത്തതുകാരണം അവൾ പതിയെ കണ്ണുതുറന്നുനോക്കി ........ കൊച്ചു പിന്നേം ഞെട്ടി ...... അവൻ ഇപ്പഴും അവളുടെ മുഖത്തേയ്ക്കുനോക്കിയാണ് കിടക്കുന്നത് 

\"എന്താ പെണ്ണേ ഉറക്കം വരുന്നില്ലേ ..... കുറേനേരമായല്ലോ ഇങ്ങനെ \"

അവന്റെയാ ചോദ്യം കേട്ട് അവൾക്കുപറയണമെന്നുണ്ടാരുന്നു തന്റെആഗ്രഹം ...... പക്ഷെ പറഞ്ഞാൽ അവൻ ദേഷ്യപെടുമോ , അവന് അതിഷ്ടമാകുമോ എന്നൊക്കെയായിരുന്നു അവളുടെ പേടി ..... അതുകാരണം ഭദ്രന്റെ മുഖത്തേയ്ക്കുനോക്കാനാകാതെ കള്ളം കാണിച്ചകുട്ടിയെപോലെ അവൾ തലതാഴ്ത്തി ........ അതുകണ്ടതും അവൾക്ക് തന്നോടെന്തോ പറയാനുണ്ടെന്ന് ഭദ്രനും മനസ്സിലായി , അതുമനസിലായതും അവൻ തന്റെ വലതുകൈയിലെചൂണ്ടുവിരൽ കൊണ്ട് അവളുടെ മുഖം പതിയെപിടിച്ചു ഉയർത്തി 

\"എന്നോടെന്തെങ്കിലും പറയാനുണ്ടോ നിനക്ക് \"...... ചോദ്യം കേട്ട് അവൾ അവന്റെ മുഖത്തേയ്ക്കുനോക്കിയെങ്കിലും ഒന്നും പറഞ്ഞില്ല 

പറ ജാനി എന്താണെങ്കിലും പറ , ഞാൻ അടുത്തുകിടക്കുന്നതുകൊണ്ട് തനിക്കെന്തെങ്കിലും ബുദ്ധിമുട്ടുണ്ടോ.... അതാണോ നിനക്ക് ഉറക്കം വാരാത്തെ ?  ....  അവന്റെയാ ചോദ്യം കേട്ട് അവൾ ശരിക്കും ഞെട്ടി ... അവൾ മനസ്സിൽപോലും ചിന്തിക്കാത്ത കാര്യങ്ങളായിരുന്നു അത് 

അവൾ മിണ്ടുന്നില്ലായെന്നുകണ്ടതും അവൻ വീണ്ടും തുടർന്നു ........ ശരി തനിക്ക് എന്റെ മുഖത്തുനോക്കിക്കിപറയാൻ ബുദ്ധിമുട്ടാണെങ്കിൽ വേണ്ട താൻ ഓക്കേ ആകുന്നതുവരെ ഞാൻ അപ്പുറത്തെ റൂമിൽ കിടന്നോളാം ......  അതുംപറഞ്ഞു അവൻ എഴുനേൽക്കാൻപോയതും അവൾ പെട്ടെന്ന് അവന്റെ കയ്യിൽപിടിച്ചുനിർത്തി 

\"ഏട്ടൻ എവിടെയും പോകണ്ട ഇവിടെകിടന്നാമതി എനിക്ക് ഒരു പ്രശനവും ഇല്ല\"

\"എങ്കിൽപറ എന്നോടെന്താ പറയാനുള്ളത് \"

അത് .... അത് ..... അതുപിന്നെ 

ഹ ..... പറയടോ , എന്താണേലും പറ 

അത് .... ഞാൻ അതുപറഞ്ഞാ ഏട്ടൻ ദേഷ്യപെടുമോ ?... എന്നെ ... എന്നെ വഴക്കുപറയുമോ........ കണ്ണും നിറച്ചു പേടിയോടുള്ള അവളുടെ ചോദ്യം കേട്ടതും അവന് അവളോട്‌ വല്ലാത്ത വാത്സല്യം തോന്നി , പ്രണയം തോന്നി 

\"ഇല്ല ഞാൻ വഴക്കുപറയില്ല ദേഷ്യപെടുകയും ഇല്ല \"

അത് .... അത് ..... എനിക്ക് ....... ജാനി തന്റെ ഇടത്തേ കൈ ഉയർത്തി ചൂണ്ടുവിരൽകൊണ്ട് ഭദ്രന്റെ ഇടത്തെ നെഞ്ചിൽ തൊട്ടു ........... അതുകണ്ട് കാര്യം മനസിലാകാതെ അവൻ നെറ്റിചുളിച് അവളുടെ മുഖത്തേക്കുനോക്കി 

ഞാൻ .... ഞാൻ ..... ഇവി .... ഇവിടെ ഈ നെ..... നെഞ്ചിൽ തലവച്ചു ഉറങ്ങിക്കോട്ടെ ...... അതും പറഞ്ഞുഅവൾ പെട്ടെന്ന് തലകുനിച്ചുകളഞ്ഞു ..... ഭദ്രനാണെങ്കിൽ അവൾ പറഞ്ഞതുകേട്ട് ഞെട്ടിയിരിക്കുവാണ് ..... 

അവന് വിശ്വസിക്കാനായില്ല ..... സത്യംപറഞ്ഞാ അവനും അത് ഒരുപാട് ആഗ്രഹിച്ചിരുന്നു , തന്റെ പെണ്ണിനെ തന്റെ മാറോടുചേർത്തുപിടിക്കാൻ ആ നെറുകയിൽ പ്രണയത്തോടെയൊന്ന്  ചുമ്പിക്കാൻ........  പക്ഷെ ജാനിക്ക് ഇഷ്ടമാകില്ലെന്ന് കരുതിയാണ് തന്റെ ആഗ്രഹങ്ങളെല്ലാം ഉള്ളിലടക്കിയത് .... ഒന്നും മിണ്ടാഞ്ഞത് .... എന്നാൽ ഇപ്പൊ ....... ഇപ്പൊ ...... താൻ എന്താണോ ആഗ്രഹിച്ചത് അതാണ്  അവളും പറഞ്ഞേക്കുന്നത് ....... അവന് സന്തോഷം അടക്കാനായില്ല ..... മനസ്സ് തുള്ളിച്ചാടുവായിരുന്നു .......സന്തോഷംകൊണ്ട്  അവന്റെ കണ്ണുവരെ നിറഞ്ഞുപോയി ....... 

തന്റെ മുഖത്തുനോക്കാതെ താൻ ദേഷ്യപെടുമെന്നുകരുതി പേടിച്ചു തലതാഴ്ത്തിയിരിക്കുന്ന തന്റെ പെണ്ണിനോട് അവന് ഒരുപാട് പ്രണയം തോന്നി ആ നിമിഷം 

അവൻ പതിയെ അവളുടെ താടിത്തുമ്പിൽ പിടിച്ചുയർത്തി ....... അവൾ പേടിയോടെ മുഖമുയർത്തി അവന്റെ കണ്ണുകളിലേക്ക്നോക്കി  

ഇതുപറയാനാണോ ഇത്ര പേടി .........മ്മ്മ്മ്മ് ............ഭദ്രന്റെ  നെഞ്ചിൽകിടക്കാൻ ഈ ലോകത്തു ഒരേഒരു ...... ഒരേഒരു അവകാശിയേഉളളൂ....... അത് ഞാൻ താലികെട്ടിസ്വന്തമാക്കിയ എന്റെ ജാനിപെണ്ണാ ....... നിനക്ക്..... നിനക്ക്  മാത്രമേ അവകാശമുള്ളു ...... അതുംപറഞ്ഞു അവൻ അവളുടെ നെറുകയിൽ പ്രണയത്തോടെ ഒരു ചുംബനം നൽകി , ജാനി പൂർണ്ണമനസ്സോടെ സന്തോഷത്തോടെ തന്റെ പാതിയായവന്റെ ചുംബനം കണ്ണുകൾ അടച്ചു സ്വീകരിച്ചു .......... 

\"പൊന്നാ.......  എന്നെ..... എന്നെ നോക്ക്മോളെ ........... അവന്റെ പ്രണയത്തോടെയുള്ള വിളികേട്ട് അവൾ കണ്ണുകൾ തുറന്ന് അവനെ നോക്കി ........

ഇനി എന്തുകാര്യവും  എന്നോട് ചോദിക്കാൻ മടിക്കരുത്‌ ...... അതിനി എന്തായാലും ...... എങ്ങനെയുള്ളതായാലും ഒരിക്കലും എന്നോടുപറയാൻ ഒരുമടിയും തോന്നല്ലേ ...... കേട്ടോ  ....... ജാനിക്ക് അവന്റെ ആ ഭാവം പുതിയതായിരുന്നു ....... മറ്റെന്തൊക്കെയോ ഭാവങ്ങളായിരുന്നു അവന്റെ മുഖത്ത് 

ഇനി ..... ഇനി പറ  ..... പേടിയില്ലാതെ ..... പൂർണ അവകാശത്തോടെ പറ .......എന്റെ കണ്ണിൽ നോക്കി പറ പൊന്നാ .......വളരെ നേർത്തുപോയിരുന്നു അവന്റെ സ്വരം.........ആ കണ്ണുകളിൽ തന്നോടുള്ള പ്രണയം നിറഞ്ഞുനിൽക്കുന്നത് അവൾകണ്ടു 

\"എനിക്ക് ഏട്ടന്റെ നെഞ്ചിൽ കിടന്ന് ആ ചൂട്പറ്റി ഉറങ്ങണം.... ഇനിയെന്നും ......\"

പ്രണയത്തോടെ അവന്റെ കണ്ണിൽനോക്കി അവളതുപറഞ്ഞതും അവൻ അവളെ വലിച്ചു തന്റെ നെഞ്ചിലേക്ക്ചേർത്തുഅവളുടെ മൂർദ്ധാവിൽ പ്രണയത്തോടെ ആവേശത്തോടെ ചുംബിച്ചു ....... ജാനിയും അവന്റെ നെഞ്ചിലെചൂടുംപറ്റി അവനോട് ഒന്നും കൂടി ചേർന്നുകിടന്നു .....

\"ഉറങ്ങിക്കോ പൊന്നാ \"......... അവൾ ഉറങ്ങുന്നവരെ അവൻ അവളുടെ മുടിയിൽ തഴുകിക്കൊണ്ടിരുന്നു ........ ജാനിയും തന്റെ പ്രിയപ്പെട്ടവൻ   നൽകുന്ന തലോടലിൽ എല്ലാംമറന്ന് അവന്റെചൂടിൽ സുഖമായി സന്തോഷത്തോ കണ്ണുകൾഅടച്ചു ..... പെട്ടെന്നുതന്നെ അവൾ ഉറങ്ങുകയും ചെയ്തു ...... അവൾ ഉറങ്ങിയതും അവൻ അവളെ ഒന്നുകൂടി തന്നോടുചേർത്തു ഇറുകെ പുണർന്ന്കിടന്നു .......ആർക്കും ,ഒരിക്കലും വിട്ടുകൊടുക്കില്ലായെന്നപോലെ ....... അൽപ്പം കഴിഞ്ഞതും അവനും ഉറക്കത്തിലേക്ക് വഴുതിവീണു ...... ഉറങ്ങുമ്പോഴും രണ്ടുപേരുടെയും ചുണ്ടിൽ ഒരു ചെറുപുഞ്ചിരിയുണ്ടാരുന്നു 

തുടരും