🍁 അനന്തഭദ്രം🍁 ഭാഗം 5

\"ഈ വെള്ളിയാഴ്ച നിങ്ങൾ എല്ലാരും വരുന്നോ വീട്ടിലേക്ക്..... ഷാഹിർക്കാ ബാംഗ്ലൂരിൽ നിന്നും വരുന്നുണ്ട്.... ഉമ്മ എന്തൊക്കെയോ സ്പെഷ്യൽ ഉണ്ടാക്കാൻ പ്ലാൻ ചെയ്യുന്നുണ്ട്.... ശനിയും ഞായറും ലീവ് അല്ലേ? രണ്ടുദിവസം വീട്ടിൽ നിൽക്കാം...\"

 ഷഹന പറയുന്നത് കേട്ട് ജോയ് ചങ്കത്ത് കൈവച്ച് അവളെ ഉറ്റു നോക്കി... അവന്റെ ഇരിപ്പ് കണ്ടതും ഷഹന അവനെ നോക്കി ഒന്നു പുഞ്ചിരിച്ചു....

\" സ്പെഷ്യലോ എന്ത് സ്പെഷ്യൽ.....\" (ലീന ചോദിച്ചു )

\" എടി പോത്തേ.... സ്പെഷ്യൽ എന്ന് പറഞ്ഞാൽ കനത്തിൽ എന്തെങ്കിലും കാണും.... ഇവളുടെ ഉമ്മ ഉണ്ടാക്കുന്ന ഫുഡിനാണെങ്കിൽ ഒടുക്കത്തെ ടേസ്റ്റും... ഭദ്ര നമുക്ക് പോകാം.... \"(പൂജ)

 \"എഡീ.... രണ്ട് ദിവസം ഒന്നും എന്നെക്കൊണ്ട് പറ്റില്ലടി... ഞാൻ വരാം പക്ഷേ അന്ന് തന്നെ തിരിച്ചു പോരും... മോനെ കൊണ്ട് വന്നുനിന്നാൽ അത് എല്ലാർക്കും ബുദ്ധിമുട്ടാവും.... നിങ്ങൾ നിന്നിട്ട് വാ...\"

\" ഇവൾ ഇല്ലെങ്കിൽ വേണ്ട.... ഞാനും ലീനേയും എന്തായാലും ഉണ്ടാവും...\"

\"\"\"\"Goodmorng sir..\"\"\'\'\'\'\'\'


 ക്ലാസ്സിൽ കോറസ് ഉയർന്നതും എല്ലാവരും ഞെട്ടി വാതിൽക്കലോട്ട് നോക്കി.. അപ്പോഴേക്കും ഋഷി ക്ലാസിനുള്ളിൽ പ്രവേശിച്ച് കഴിഞ്ഞിരുന്നു.

 റെഡ് കളർ പ്ലെയിൻ ഷർട്ടും... ബ്ലാക്ക് പാന്റുമാണ് അവന്റെ വേഷം... ഷർട്ട് ഇൻ ചെയ്തിട്ടുണ്ട്... മുന്നിലേക്ക് നീണ്ട കിടക്കുന്ന നീളൻ മുടി ഒരു വശത്തേക്ക് ഒതുക്കി വെച്ചിട്ടുണ്ട്... കയ്യിൽ ബ്ലാക്ക് കളർ വാച്ചും ..

 ഋഷിയെ കണ്ടതും ക്ലാസിലെ പെൺകുട്ടികൾ അവനെ കണ്ണിമ വെട്ടാതെ നോക്കിക്കൊണ്ടുനിന്നു...


\" എന്റെ പൊന്നോ... എന്തുവാടി... ഇങ്ങേര്.... ഓരോ ദിവസവും ലുക്ക് കൂടിക്കൂടി വരുവാണല്ലോ....?\"

 ഋഷിയെ വായും പൊളിച്ച് നോക്കിക്കൊണ്ട് പറയുന്ന ലീനേ കണ്ടതും പൂജ അവളുടെ കാലിനിട്ട് ഒരു ചവിട്ടു കൊടുത്തു....

ആ..\'\' ലീന അലറിയതും ഋഷിയുടെ ശ്രദ്ധ അങ്ങോട്ടേക്ക് പതിഞ്ഞു...

 \"എന്താ അവിടെ..? പൂജ സ്റ്റാൻഡ് up
 ഇത് ക്ലാസ് റൂം ആണ് അല്ലാതെ ചന്തയല്ല.....\"

 പൂജ എഴുന്നേറ്റു നിന്നു.
\"Sorry sir..\"
 
\" എന്തുപറഞ്ഞാലും കുറെ സോറിയായിട്ട് ഇറങ്ങും.. തനിക്കൊന്നും ഒരു നാണവും ഇല്ലേ..?.\"

 എല്ലാവരുടെയും മുന്നിൽ വെച്ച് തന്നോട് ദേഷ്യപ്പെടുന്ന ഋഷിയെ കണ്ടതും പൂജയ്ക്ക് ആകെ വല്ലാണ്ടായി.... ഭദ്രയും ലീനയും ഷഹനയും ചിരി അടക്കിപ്പിടിച്ച് ഇരിപ്പാണ്..... ഇതിപ്പോ സ്ഥിരം കാഴ്ചയാണ്... എന്ന് ഋഷി ക്ലാസിൽ വന്നാലും പൂജയെ പൊക്കും കുറച്ചു വഴക്ക് പറയും... പറയുന്ന അയാൾക്കും കേൾക്കുന്ന ഇവൾക്കും ഇപ്പോൾ നാണമില്ലാണ്ടായി....

\"Ok... Then tell me what is..risperidone..?\"

ഋഷി പൂജയോട് ചോദിച്ച ചോദ്യം കേട്ടതും ലീനേയും ഷഹനയും മുഖാമുഖം നോക്കി ഇതെന്തു സാധനം എന്ന രീതിയിൽ നോക്കി നിന്നു....

 പൂജ ഒരു നിമിഷത്തേക്ക് മിണ്ടിയില്ല.... അവൾ മിണ്ടാതെ നിൽക്കുന്നത് കണ്ടതും ഋഷി വീണ്ടും ദേഷ്യപ്പെടാൻ തുടങ്ങി...

\"അറിയില്ല...അല്ലേ?.. താനൊക്കെ എന്തിനാണ് ഇങ്ങോട്ടേക്ക് കെട്ടിയെഴുന്നള്ളി വരുന്നത്. ...\"

\"\"Its an antipsychotic drug sir...\"\"

 പൂജ ഉത്തരം പറഞ്ഞതും അത്രയും നേരം ദേഷ്യപ്പെട്ട ഋഷി പെട്ടെന്ന് മിണ്ടാതെയായി... ലീനേയും പൂജയും വായും തുറന്ന് പൂജയെ നോക്കി ഇരിപ്പുണ്ട്...

\"\" ഓ താൻ ഉപയോഗിക്കുന്ന ഡ്രഗ് ആയിരിക്കും അല്ലേ...? അതുകൊണ്ടായിരിക്കും ഇത്ര കൃത്യമായി ഉത്തരം പറഞ്ഞത്...\"\"

 ഋഷി പറയുന്നത് കേട്ടതും പൂജയ്ക്ക് ദേഷ്യം വന്നു എങ്കിലും അവൾ അത് കടിച്ചമർത്തി..

 \"\"അല്ലടോ തനിക്ക് തരാൻ വേണ്ടി ഞാൻ കുറച്ച് വീട്ടിൽ മേടിച്ച് വെച്ചിട്ടുണ്ട്...\"\" മനസ്സിലാണ് അവളത് പറഞ്ഞതെങ്കിലും ശബ്ദം പുറത്തു വന്നു.... അത് കേട്ടതും ഋഷി അലറി...

\" Get out from my class...\"

 അവന്റെ അലർച്ചയിൽ പൂജ ഒന്ന് പേടിച്ചു..
 പിന്നെ കൈയിൽ കിട്ടിയ ബുക്കും എടുത്ത് അവന് മുഖം കൊടുക്കാതെ പൂജ ക്ലാസിൽ നിന്നും ഇറങ്ങിപ്പോയി... പൂജ ക്ലാസ്സ് വിട്ടു പുറത്തു പോയതും ഋഷി ക്ലാസ് എടുക്കാൻ തുടങ്ങി...

 \"എടി ഭദ്രേ ഇങ്ങേർക്ക് ശരിക്കും വട്ടാണോ?.... ക്ലാസിൽ നാലാളുടെ മുന്നിൽ വെച്ച് പൂജയെ വഴക്ക് പറയും..തരം കിട്ടിയാൽ ഇങ്ങനെ get out അടിക്കും... ഒരുമാതിരി കാട്ടുമാക്കാന്റെ സ്വഭാവം. ഇയാൾ തന്നെയാണോ പണ്ടൊരിക്കൽ ഇവളെ പ്രൊപ്പോസ് ചെയ്തത്.\"

 ഋഷി ക്ലാസിൽ പഠിപ്പിക്കുന്നതിനിടയിൽ .... ഭദ്രയുടെ അടുത്തേക്ക് നീങ്ങി ഇരുന്നുകൊണ്ട് ലീന പതിഞ്ഞ ശബ്ദത്തിൽ പറഞ്ഞു....

\"\" സ്നേഹം ചിലപ്പോൾ ഇങ്ങനെയൊക്കെയാടി... മറ്റുള്ളവർക്ക് അത് വട്ടായിട്ടൊക്കെ തോന്നും... പക്ഷേ പിന്നിട് അടുത്ത് കഴിയുമ്പോൾ മനസ്സിലാവും ഒരിക്കലും അകലാൻ കഴിയില്ലന്ന്....\"\"

ഭദ്ര പറയുന്നത് കേട്ടതും ലീനാ അവളെ തന്നെ ഉറ്റു നോക്കി....

\"\" ഇവള് ഇത് എന്ത് തേങ്ങയാ ഈ പറയുന്നേ...\"\". ഭദ്രയെ നോക്കിക്കൊണ്ട് ലീന പറഞ്ഞതും ഋഷി അത് കണ്ടു....

\"\" ലീന തനിക്കും പോണോ പുറത്ത്...? ഋഷി വിളിച്ച് ചേദിച്ചു.. \"

\" വേണ്ട സാർ... \"പിന്നെ അവൾ ഒന്നും മിണ്ടിയില്ല........

🍁🍁🍁🍁🍁🍁


ജയിൽ വിസിറ്റേഴ്സ് ഏരിയയിൽ ചന്ദ്രശേഖരൻ അക്ഷമനായി മകനുവേണ്ടി കാത്തു നിന്നു.. ഏറെ നേരത്തെ കാത്തിരിപ്പിനൊടുവിൽ പോലീസ് അകമ്പടിയോടെ അവൻ അയാൾക്ക് മുന്നിലേക്ക് വന്നു.... ഒരു ഭ്രാന്തനെപ്പോലെ തന്റെ മുന്നിൽ നിൽക്കുന്നവനെ കണ്ടതും അയാളുടെ ഉള്ളിൽ ഭയം എന്ന വികാരം ഉടലെടുത്തു....... ജയിൽ അഴകിടയിലൂടെ ചന്ദ്രശേഖരൻ തന്റെ മകനെ നോക്കി കാണുകയായിരുന്നു...

\"മം... എന്തായി..\".. അവന്റെ ഗാംഭീര്യം നിറഞ്ഞ ശബ്ദം അവിടെ ആകെ മുഴങ്ങി കേട്ടു....


\"\" അധികം വൈകാതെ തന്നെ ജയിലിൽ മോചിതനാകാൻ കഴിയും എന്നാണ് വക്കീല് പറയുന്നത്......!.\"\"

\"മം....ഭദ്ര.... \"\"അവൻ ചോദിച്ചതും ചന്ദ്രശേഖരൻ ഒന്നു പതറി....


 \"കഴിയും പോലെ അന്വേഷിക്കുന്നുണ്ട്. ഒരു വിവരവും ഇതുവരെ ലഭിച്ചിട്ടില്ല.\'\'.... ചന്ദ്രശേഖരൻ അത് പറഞ്ഞതും അയാളെ ചുട്ടെരിക്കാൻ പാകത്തിന് ഒരു നോട്ടമായിരുന്നു അവൻ തിരിച്ചു നൽക്കിയത്....

 \"\" രണ്ടുവർഷമായില്ലേ താൻ ഉണ്ടാക്കാൻ തുടങ്ങിയിട്ട്... ഒരു കാര്യം ഞാൻ പറഞ്ഞേക്കാം ഇവിടുന്ന് ഇറങ്ങുമ്പോൾ ആദ്യം എനിക്ക് ആവശ്യം അവളെയാണ്..... എന്റെ കയ്യിൽ നിന്നും രക്ഷപ്പെട്ടതല്ലേ അവൾ... ഇനിയൊരു രക്ഷപ്പെടലിന് ഇടവരുത്താതെ തീർക്കും ഞാൻ....\"\" അവന്റെ കണ്ണുകളിൽ പക എരിഞ്ഞു കയറി........


🍁🍁🍁🍁🍁🍁🍁

 ഋഷി ക്ലാസ് കഴിഞ്ഞ് ക്ലാസ്സ് റൂമിന് വെളിയിലേക്ക് ഇറങ്ങിയപ്പോൾ പൂജ ചുമരിൽ ചാരി നഖവും കടിച്ച് നിൽപ്പുണ്ടായിരുന്നു... അവളുടെ നിൽപ്പ് കണ്ടതും ഋഷിക്ക് ചിരി വന്നു......

\"\" പൂജാ... താൻ എന്റെ കൂടെ ഒന്ന് വരു .എനിക്ക് കുറച്ച് സംസാരിക്കാൻ ഉണ്ട്..\"

ഋഷി അതും പറഞ്ഞു മുന്നോട്ടേക്ക് നടന്നു ...പിന്നാലെ പൂജയും... അവരുടെ നടത്തം ചെന്നെത്തിയത് കോളേജ് കാന്റീനിലായിരുന്നു... ബ്രേക്ക് ടൈം അല്ലാതിരുന്നത് കൊണ്ട് കുട്ടികൾ ആരും തന്നെ കാന്റീനിൽ ഉണ്ടായിരുന്നില്ല... അവൻ അവളെയും കൊണ്ട് ഒഴിഞ്ഞ ഒരിടത്തേക്ക് നടന്നു

\"\" സാർ...... എന്താ ഇവിടെ....?\" പൂജ സംശയത്തോടെ ചോദിച്ചു.

\" താൻ ഇവിടെ ഇരിക്ക് ഞാൻ പറയാം...\"
അവൻ അവൾക്ക് മുന്നിലേക്ക് ഒരു ചെയർ നീട്ടിയിട്ടു. തൊട്ടടുത്തുള്ള ചെയറിൽ കൃഷിയും സ്ഥാനം പിടിച്ചു....

\" തന്നോട് ഞാൻ പെരുമാറുന്നത് കുറച്ച് റൂഡ് ആയിട്ടാണ് എന്നെനിക്കറിയാം.... അതിന്റെ കാരണം എന്താണെന്ന് മറ്റാരെക്കാളും തനിക്ക് മനസ്സിലാകുന്നുണ്ട് എന്നാണ് ഞാൻ വിശ്വസിക്കുന്നത്...\"\"

 അവൻ പറഞ്ഞു തുടങ്ങിയതും പൂജ ആകെ വല്ലാണ്ടായി... അവളുടെ ചെന്നിയിൽനിന്നും വിയർപ്പ് കണങ്ങൾ താഴേക്ക് ഒഴുകി....

\"\" പണ്ടൊരിക്കൽ ഞാൻ തന്നോട് പറഞ്ഞിട്ടുള്ളതാണ്..... തന്നെ കാണുമ്പോൾ എനിക്ക് നിയന്ത്രിക്കാൻ കഴിയുന്നില്ലടോ... എന്റെ ഹൃദയമിടിപ്പ് ക്രമാതീതമായി ഉയരുകയാണ്.... തന്റെ കണ്ണിലേക്ക് നോക്കുമ്പോൾ എന്റെ ശരീരം തളരുകയാണ്...പരിസരം മറന്ന് ഞാൻ എന്തെങ്കിലും പറഞ്ഞു പോകുമോ എന്ന് ഭയന്നിട്ടാണ്.. തന്നോട് ഞാൻ ഈ ദേഷ്യമൊക്കെ കാണിക്കുന്നത്....\"\"

 പൂജ ഒന്നും മിണ്ടിയില്ല... അവൻ പറയുന്ന ഓരോ വാക്കുകളും സൂക്ഷ്മതയോടെ കേട്ടിരിക്കുകയായിരുന്നു അവൾ:.


\"\" തന്നോട് തുറന്നു പറയുന്നതിൽ എനിക്ക് മടി ഒന്നുമില്ല.... പത്ത് .. 32 വയസ്സുണ്ട് എനിക്ക്... ഇത്രയും കാലത്തിനിടയിൽ പ്രേമം കല്യാണം എന്നുള്ള ചിന്തയൊന്നും എന്റെ മനസ്സിൽ ഉണ്ടായിട്ടില്ല... എനിക്ക് നാല് വയസ്സുള്ളപ്പോഴാണ് അച്ഛൻ മരിച്ചത്... എന്നെയും ചേച്ചിയെയും വളർത്താൻ അമ്മ ഒരുപാട് കഷ്ടപ്പെട്ടിട്ടുണ്ട്... ആ കഷ്ടപ്പാട് കണ്ട് വളർന്നതു കൊണ്ടായിരിക്കും ഒരു ജോലി മാത്രമായിരുന്നു എന്റെ ലക്ഷ്യം... അമ്മ ഒരുപാട് നിർബന്ധിച്ചു ഒരു കല്യാണത്തിന്.. പക്ഷേ എനിക്ക് എന്തോ അതിനോട് ഒരു താല്പര്യം തോന്നിയില്ല...പക്ഷേ ഇവിടെ വന്ന് തന്നെ കണ്ടപ്പോഴാണ്... ആദ്യമായിട്ട് പ്രേമമെന്ന വികാരം ഞാൻ തിരിച്ചറിഞ്ഞത്...\"\"

\" എനിക്ക് ഒന്നു മാത്രമാണ് അറിയേണ്ടത്... ഞാൻ കാത്തിരിക്കുന്നതിൽ എന്തെങ്കിലും അർത്ഥമുണ്ടോ...? തന്റെ മനസ്സിൽ ആരെങ്കിലുമുണ്ടെങ്കിൽ പറഞ്ഞാൽ മതി... പിന്നീട് തന്റെ കൺമുന്നിൽ പോലും വരാത്തവണ്ണം ഞാൻ ഒഴിഞ്ഞു തരാം.... ഇനി അതല്ലെങ്കിൽ എന്റെ അമ്മയുടെ മരുമോൾ ആയിട്ട് ഞാൻ തന്നെ കൂട്ടിക്കോട്ടെ....\"\"\"

 ഇപ്പോഴും അവൾ മൗനം പാലിച്ചിരിക്കുകയാണ്.... ഋഷി അവളെ തന്നെ കണ്ണിമ വെട്ടാതെ ഒരു നിമിഷത്തേക്ക് നോക്കി നിന്നു...

\"\" പൂജ താൻ ഒന്നും പറഞ്ഞില്ല...\"

 അവളും അവനെ ഒരു നിമിഷത്തേക്ക് നോക്കി.. എന്നിട്ട് പറഞ്ഞു തുടങ്ങി.

\" സാറിനോട് ഒരു കാര്യത്തിൽ എനിക്ക് ബഹുമാനമുണ്ട്..... ഒരു വർഷം മുൻപ് സാറിന് എന്നോട് ഉള്ള ഇഷ്ടം തുറന്ന് പറഞ്ഞതാണ്..പക്ഷെ സാറി പറയുന്ന ഇഷ്ടത്തിന്റെ പേരും പറഞ്ഞ് പിന്നിട്ട് ഒരിക്കൽ പോലും സാറിന്റെ ശല്യപ്പെടുത്തിയിട്ടില്ല....... പിന്നെ സാറി കാണിക്കുന്ന ദേഷ്യമൊക്കെ ...അതെനിക്ക് മനസ്സിലാകും...\"

  പറയുന്നതിനിടയ്ക്ക് അവൾ അവനെ ഒന്നു നോക്കി.... പൂജ പറയുന്നത് എന്താണെന്ന് അറിയാൻ കാതോർത്തിരിക്കുകയാണ് ഋഷി.... അവളുടെ നോട്ടത്തിൽ ഇരുവരുടെയും കണ്ണുകൾ ഒന്നിടഞ്ഞു.....

 പൂജ ഒന്നും പറയാതെ ഇരുന്നടുത്തുനിന്നും എഴുന്നേറ്റു.... പിന്തിരിഞ്ഞ് നടക്കാൻ ഒരുങ്ങിയതും ഋഷി അവളെ പിന്നിൽ നിന്നും വിളിച്ചു...

\"പൂജാ....\"

 അവന്റെ വിളിയിൽ അവളുടെ കാലുകൾ പിടിച്ചു കെട്ടിയത് പോലെ നിന്നു.... തിരിഞ്ഞുനോക്കിയ അവൾ അവന് ഒരു നിറപുഞ്ചിരി സമ്മാനിച്ചു.... അറിയാതെ ആ പുഞ്ചിരി അവനിലേക്കും പടർന്നു...

\" എടോ ഒന്ന് പറഞ്ഞിട്ട് പോടോ.... \"പിന്നിൽ നിന്നും ഋഷി വിളിച്ചു പറഞ്ഞു...

\" അമ്മയോട് പറ സാറ് മരുമോളെ കണ്ടുപിടിച്ചു എന്ന്. \"\"അത്രയും പറഞ്ഞ് അവന്റെ മറുപടിക്ക് കാത്തു നിൽക്കാതെ പൂജ അവിടെ നിന്നും ഓടി... അവൾ പോയ വഴിയെ കണ്ണുംനട്ട് അവൻ ഇരുന്നു.... സംഭവിച്ചത് എന്താണെന്ന് വിശ്വസിക്കാൻ ഋഷിക്ക് കഴിയുന്നുണ്ടായിരുന്നില്ല....

പൂജ ക്ലാസിലേക്ക് ചെന്നപ്പോൾ.... ചെറിയാൻ സാർ ക്ലാസിൽ ഉണ്ടായിരുന്നു...

 എന്റെ ഈശ്വരാ ഇയാളോട് ഞാൻ ഇനി എന്തു പറയും.... അപ്പോഴാണ് ക്ലാസിന് വെളിയിൽ എന്തെല്ലാമോ ആലോചിച്ചു നിൽക്കുന്ന പൂജയെ ചെറിയാൻ കണ്ടത്....

\"\" പൂജ എവിടെയായിരുന്നു ഇത്രയും നേരം ... .. ഞാൻ ക്ലാസ്സിലേക്ക് വരുന്നതിനു മുൻപേ ഇവിടെ ഉണ്ടാവണം എന്നുള്ള കാര്യം തനിക്കറിയില്ല.... \"\"

പൂജയോട് സംസാരിക്കുമ്പോഴും അയാളുടെ കണ്ണുകൾ അവളുടെ മാറിടത്തിൽ തടഞ്ഞു നിൽക്കുകയാണെന്ന് പൂജ തിരിച്ചറിഞ്ഞു.... കയ്യിലുണ്ടായിരുന്ന പുസ്തകം വെച്ച് അവൾ തന്റെ മാറിടം മറച്ചുപിടിച്ചു.

\"\" സോറി സാർ ...ഞാൻ പ്രോജക്ട് സബ്മിറ്റ് ചെയ്യാൻ....\"\" അവൾ വാക്കുകൾക്ക് വേണ്ടി പരതി.... അപ്പോഴേക്കും ചെറിയാൻ അവൾക്ക് അരികിലേക്ക് വന്നിരുന്നു....

\" സാരമില്ല അകത്തേക്ക് കയറ്... \"പൂജയുടെ തോളിലായി കൈവച്ചുകൊണ്ട് ചെറിയാൻ പറഞ്ഞതും അവൾ ഒഴിഞ്ഞുമാറി.... പൂജ ക്ലാസിലേക്ക് കയറിയതും അയാളുടെ കണ്ണുകൾ അവളുടെ ശരീരമാകെ ഒഴുകി നടന്നു.....

\" നീ എവിടെയായിരുന്നു ഇത്രയും നേരം.. ചെറിയാൻ സാർ വന്നപ്പോഴേ അന്വേഷിച്ചത് നിന്നെയാണ്....\"

 അരികിലേക്ക് വന്ന പൂജയോട് ലീന ചോദിച്ചു....

\"\" ഒരു കാര്യമുണ്ട് പറയാം ....ക്ലാസ് കഴിയട്ടെ...\"\" പൂജ അതും പറഞ്ഞ് മുന്നിലുണ്ടായിരുന്ന ബുക്ക് തുറന്നു വെച്ചു..

 നാണത്തോടെ പറയുന്ന പൂജയെ കണ്ടതും ഭദ്രയും ലീനയും പരസ്പരം നോക്കി....

തുടരും...