🍁 അനന്തഭദ്രം🍁 ഭാഗം 6 

നാണത്തോടെ പറയുന്ന പൂജയെ കണ്ടതും ഭദ്രയും ലീനയും പരസ്പരം നോക്കി....


ക്ലാസ് എടുക്കുന്നതിനിടയിൽ പലതവണയും ചെറിയാൻ സാറിന്റെ നോട്ടം പൂജയിൽ പതിക്കുന്നത് അവൾ ശ്രദ്ധിക്കുന്നുണ്ടായിരുന്നു..

\"വൃത്തികെട്ടവൻ... അവൾ മനസ്സിൽ പറഞ്ഞു..\"

 ക്ലാസ്സ് കഴിഞ്ഞ് ബ്രേക്ക് ടൈം ആയപ്പോൾ തന്നെ പൂജയെയും കൊണ്ട് എല്ലാവരും ക്യാന്റീനിലേക്ക് നടന്നു... അവിടെ ചെന്ന് അധികം കുട്ടികൾ ഒന്നും ഇല്ലാത്ത ഒരിടത്ത് എല്ലാവരും സ്ഥാനം പിടിച്ചു

\"നീ പറയാനുള്ള കാര്യം പറ...ക്ലാസിൽ നിന്നും ഋഷി സാർ ഇറക്കിവിട്ട ആളല്ല പിന്നെ തിരിച്ചുവന്നത്... ഒരു നാണവും ചിരിയും ഒക്കെ.... സത്യം പറ... നീ ആ കുറച്ച് സമയം കൊണ്ട് എന്താ നടന്നത്...?\"

 ലീന പൂജയെ വിടാൻ ഒരുക്കമില്ലാത്തത് പോലെ പറഞ്ഞു... പൂജ ആണെങ്കിൽ എങ്ങനെ തുടങ്ങും എന്നോർത്ത് വിഷമിച്ചിരിക്കുകയാണ്..

\"ലീന പറഞ്ഞതിൽ കാര്യമുണ്ട് എന്താടി... \"ഭദ്രയാണ് അത് ചോദിച്ചത്...

 അരുണും ജോയിയും ഷഹനയും ഒന്നും മിണ്ടാതെ പൂജ എന്താണ് പറയാൻ പോകുന്നത് എന്നറിയാൻ അക്ഷമരായി കാത്തു നിന്നു...

\" ക്ലാസ്സ് കഴിഞ്ഞ് ഋഷി സാറ് എന്നെക്കൊണ്ട് കാന്റീനിലേക്ക് വന്നിരുന്നു...\"

... പൂജ അത് പറഞ്ഞതും എല്ലാവരും അമ്പരപ്പോടെ പരസ്പരം നോക്കി..

\"ഇവൾക്ക് തീറ്റ പ്രാന്ത് ആണെന്നുള്ള കാര്യം അയാൾ തിരിച്ചറിഞ്ഞു എന്നു തോന്നുന്നു..\" അരുൺ സ്വകാര്യം പറയുന്നതുപോലെ ജോയിയുടെ കാതിൽ പറഞ്ഞു... പക്ഷേ കുറച്ച് ശബ്ദം കൂടി പോയതിനാൽ അത് എല്ലാവരും കേട്ടു...

\"ഒന്ന് പോടാ അതൊന്നുമല്ല... കാര്യം പുതിയതല്ല... പഴയതുതന്നെയാ... അന്ന് എന്നോട് പറഞ്ഞത് ഇന്ന് പിന്നെയും സാറ് ആവർത്തിച്ചു..\"പൂജ എങ്ങനെയൊക്കെയോ പറഞ്ഞു ഒപ്പിച്ചു..


\" എന്ത് നിന്നെ ഇഷ്ടമാണ് എന്നുള്ള കാര്യമോ..\" (ലീന)

\"ആ അതുതന്നെ... \"പിന്നെ അവിടെ സംഭവിച്ച ഓരോ കാര്യങ്ങളും പൂജ അവർക്ക് പറഞ്ഞു കൊടുത്തു.. അവൾ പറഞ്ഞതെല്ലാം കേട്ട് കഴിഞ്ഞതും... ഭദ്രയുടെ ചുണ്ടുകളിൽ ഒരു ചെറിയ പുഞ്ചിരി വിരിഞ്ഞു... അരുണിനെ നോക്കിയപ്പോൾ അവനിപ്പോൾ കരയും എന്ന അവസ്ഥയിലാണ്...


\" ഡാ അരുണേ. നീയെന്താടാ.. ഈ പശു ചാണകം ഇടാൻ പോകുന്ന എക്സ്പ്രഷൻ ഇട്ട് നിൽക്കുന്നത്... ഇവള് കമ്മിറ്റഡായി എന്നു പറഞ്ഞപ്പോൾ നിനക്കെന്താ ഇത്ര വിഷമം...?\"

\"നിനക്കൊന്നും അത് പറഞ്ഞാൽ മനസ്സിലാകില്ല... എന്നാലും എന്റെ പൂജ നീ എന്നോട് ഈ ചതി ചെയ്യരുതായിരുന്നു....\"

\" എന്താടാ നീ പറയുന്നത് എനിക്കൊന്നും മനസ്സിലാകുന്നില്ല ...\"

 \"എടി പൂജ... നമ്മുടെ ഗ്യാങ്ങില് ഞാനും നീയും മാത്രമായിരുന്നു സിംഗിൾ... ഇതിപ്പോ നീ കൂടി എന്നെ ചതിച്ചില്ല ? ഇനിയിപ്പോൾ ഞാൻ മാത്രമേ ഉള്ളൂ സിംഗിൾ...\"

\" അയ്യോ അതിനാണോ എന്റെ കൊച്ചു സങ്കടപ്പെട്ടിരിക്കുന്നത്... അതിന് എന്റെ മോൻ ആദ്യം ഈ കോഴിത്തരം ഒന്നു നിർത്തണം... ഏത് പെൺപിള്ളേരെ കണ്ടാലും അവൻ ഒലിപ്പിച്ചുകൊണ്ട് ചെല്ലും.. പിന്നെങ്ങനെയാടാ നിനക്ക് ഒരു പെണ്ണ് സെറ്റ് ആവുന്നത്... ഈ ഒന്നര വർഷത്തിനിടയിൽ എത്ര പെൺപിള്ളാരുടെ കയ്യിൽനിന്നു ചെരുപ്പിനടി കിട്ടിയിട്ടുണ്ടെന്ന് ഇവന് പോലും നിശ്ചയില്ല..\"

 ലീന അരുണിന്റെ താടിയിൽ പിടിച്ചു കൊണ്ട് പറയുന്നത് കേട്ടതും എല്ലാവർക്കും ചിരി വന്നു...


\"നീ എന്നെ അങ്ങനെ കളിയാക്കണ്ട ....എന്റെ പെണ്ണ് എന്നെയും കാത്ത് എവിടെയെങ്കിലും ഇരിപ്പുകാണും.. അധികം വൈകാതെ എനിക്ക് അവളെ കണ്ടു പിടിക്കണം.\".. അരുൺ മുകളിലേക്ക് നോക്കി പറഞ്ഞു...



 ബ്രേക്ക് കഴിഞ്ഞ് എല്ലാവരും പോയത് ലാബിലേക്കായിരുന്നു... എല്ലാവരും എത്തുന്നതിനു മുൻപ് തന്നെ ചെറിയാൻ സാർ ലാബിൽ ഉണ്ടായിരുന്നു... പൂജയെ കണ്ടതും അയാളുടെ കണ്ണുകൾ വിടർന്നു...


 നാലു ഗ്രൂപ്പുകളായി ക്ലാസ്സിനെ ലാബിനു വേണ്ടി തിരിച്ചിട്ടുള്ളതിനാൽ.. ലാബിലേക്ക് കയറിയതും നാല് ഗ്രൂപ്പുകളായി തിരിഞ്ഞ് അവർ പല വശത്തിലേയ്ക്ക് പോയി... പൂജയുടെ ഗ്രൂപ്പിലെ സാറാണ് ചെറിയാൻ സാർ... അവൾ മടിച്ചു മടിച്ച് ചെറിയാൻ സാറിന്റെ അരികിലേക്ക് വന്നു നിന്നു..

\"ഇന്ന് ഇഞ്ചക്ഷൻ ടെക്നിക് ആണ് പഠിപ്പിക്കുന്നത്..\". വട്ടം കൂടി നിൽക്കുന്ന കുട്ടികളോടായി ചെറിയാൻ പറഞ്ഞു തുടങ്ങി... പൂജ അയാൾക്ക് മുഖം കൊടുക്കാതെ.. മുന്നിൽ വച്ചിരിക്കുന്ന ഡെമ്മിയിലേക്ക് മാത്രം ശ്രദ്ധ കേന്ദ്രീകരിച്ചു..

 ചെറിയാൻ കുറച്ചുനേരം ക്ലാസ്സ് എടുത്തതിനുശേഷം എല്ലാവരോടും പ്രാക്ടീസ് ചെയ്യാൻ പറഞ്ഞു.... ഒന്ന് രണ്ട് തവണ പ്രാക്ടീസ് ചെയ്തതിനു ശേഷം തിരിച്ച് ക്ലാസ്സിലേക്ക് പോകാൻ കുട്ടികളോട് ചെറിയാൻ ആവശ്യപ്പെട്ടു.. പൂജ പലതവണ മുന്നിലേക്ക് വന്നപ്പോഴും അയാൾ അതിനെ തടഞ്ഞു.... അയാളുടെ ആ പ്രവർത്തിയിൽ പൂജയ്ക്ക് എന്തോ സംശയം തോന്നി.... ലാബിൽ നിന്നും കുട്ടികൾ പതുക്കെ ഒഴിഞ്ഞു തുടങ്ങി... അവസാനം പൂജയും ചെറിയാൻ സാറും മാത്രമായി ലാബിൽ....


 പൂജയ്ക്ക് വല്ലാത്ത ഒരു ഭയം അനുഭവപ്പെടുന്നുണ്ടായിരുന്നു.... അവൾ പതിയെ സിറിഞ്ച് എടുത്ത് ഡമ്മിക്കരികിലേക്ക് നടന്നു... ഈ സമയം ചെറിയാൻ പതിയെ പൂജയുടെ പുറകിലേക്ക് വന്നു നിന്നു... പൂജ ആകെ വിയർത്തിരുന്നു... അവൾ പതിയെ ഡമ്മിയിലേക്ക് സിറിഞ്ച് കയറ്റാൻ ഒരുങ്ങിയതും ഇങ്ങനെയല്ല ചെയ്യേണ്ടത് എന്നും പറഞ്ഞ് അയാൾ അവളെ തടഞ്ഞു... പൂജ ഒരു നിമിഷത്തേക്ക് എന്ത് ചെയ്യണമെന്ന് അറിയാതെ നിന്നു..


 അയാൾ പൂജയുടെ പിന്നിലായി സ്ഥാനം പിടിച്ച്.. അവളുടെ കൈക്കിടയിലൂടെ അയാളുടെ കൈ കൊണ്ടുവന്ന സിറിഞ്ചിലും അവളുടെ കൈപ്പത്തിയിലും ചേർത്ത് പിടിച്ചു..... പൂജയുടെ പിൻകഴുത്തിലായി അയാളുടെ മുഖം അയാൾ അമർത്തിയതും പൂജ ഒരു പിടച്ചിലൂടെ അയാളിൽ നിന്നും കുതറി മാറി...


\"സാർ ഇത് എന്താ ഈ കാണിക്കുന്നേ... \'പൂജ കൈ ഉയർത്തി ചെറിയാനോട് ചോദിച്ചതും അയാൾ പൂജയുടെ കയ്യിൽ കയറി പിടിച്ചു...

\" താൻ പേടിക്കണ്ട ഇപ്പോൾ താനും ഞാനും മാത്രം ഇവിടെ ഉള്ളൂ ആരും ഒന്നും അറിയില്ല..\".

 പതിഞ്ഞ ശബ്ദത്തിൽ ചെറിയാൻ പറഞ്ഞത് കേട്ടതും പൂജയ്ക്ക് അയാളോട് വെറുപ്പ് തോന്നി...

 അയാൾ കൈയെടുത്ത് പൂജയുടെ തോളിലായി വച്ചതും പൂജ അയാളുടെ കരണത്തിൽ ആഞ്ഞു തല്ലി....... അടി കിട്ടിയതും എരിവ് വലിച്ച് അയാൾ വലതു കൈകൊണ്ട് അടികിട്ടിയിടം തലോടികൊണ്ട്... കണ്ണുകൾ ഇറുക്കി അടച്ചു തല കുടഞ്ഞു.അയാൾ കണ്ണുതുറന്നതും പൂജ അവിടുന്ന് പോകാൻ ഒരുങ്ങിയതും ഒരേ സമയമായിരുന്നു... അയാൾ അതിവേഗത്തിൽ അവളുടെ കയ്യിൽ പിടുത്തമിട്ടു....

\" എങ്ങോട്ടാടീ.... \"പൂജ ഇതുവരെ കണ്ടിട്ടില്ലാത്ത ഒരു ഭാവമായിരുന്നു അയാളിലപ്പോൾ നിറഞ്ഞു നിന്നിരുന്നത്.... പൂജ ഒരു പകപോടെ അയാളെ നോക്കി....

 \"കൈവിട് എനിക്ക് പോകണം...\'\". അയാളുടെ പിടുത്തം അപ്പോഴേക്കും ഒന്നുകൂടി മുറുകി... പൂജ അയാളുടെ കൈക്കുള്ളിൽ കിടന്നു പിടഞ്ഞു....

🍁🍁🍁🍁🍁🍁🍁

\" ഭദ്ര പൂജയെ കണ്ടിരുന്നോ ...?\"

 പൂജയെ അന്വേഷിച്ച് ക്ലാസ്സിലേക്ക് വന്ന ഋഷി ഭദ്രയോട് ചോദിച്ചു.....

\" അവൾ ലാബിൽ ഉണ്ട് സാർ.... ഈ ഹവർ ലാബായിരുന്നു... ഞങ്ങടെ നേരത്തെ കഴിഞ്ഞതുകൊണ്ട് ഞങ്ങളെ ഇങ്ങോട്ടേക്ക് പറഞ്ഞു വിട്ടു ചെറിയാൻ സാർ... അവളും സാറും ലാബിൽ ഉണ്ട്....\"

 ഭദ്രാ അത് പറഞ്ഞതും ഋഷി ഒരു നിമിഷത്തേക്ക് പതറി... ചെറിയാന്റെ സ്വഭാവം മറ്റാരെക്കാളും ഋഷിക്ക് നല്ലതുപോലെ അറിയാം അതിനൊരു കാരണവും ഉണ്ട്... ഋഷി പെട്ടെന്ന് ലാബിലേക്ക് പോകാൻ ഒരുങ്ങിയതും ഭദ്ര അവനെ പുറകിൽ നിന്നും വിളിച്ചു...

\" സാർ... പൂജ പറഞ്ഞു എല്ലാം.... \"ഭദ്ര ഒരു പുഞ്ചിരിയോടെ അത് പറഞ്ഞതും വരുത്തിയ ഒരു പുഞ്ചിരി ഭദ്രക്ക് സമ്മാനിച്ച് അവൻ ലാബിലേക്ക് ഓടി...

 അവന്റെ പോക്ക് കണ്ടതും ഭദ്ര സംശയത്തോടെ അവനെ നോക്കി നിന്നു....

🍁🍁🍁🍁🍁🍁

 \"തന്നോടാ പറഞ്ഞത് എന്നെ വിടാൻ... ഇല്ലെങ്കിൽ ഞാൻ ഇവിടെ കിടന്നു ബഹളം ഉണ്ടാക്കും....\"


 \"നീ എന്തൊക്കെ പറഞ്ഞാലും എനിക്ക് കിട്ടിയ ഈ അവസരം നഷ്ടപ്പെടുത്താൻ ഞാൻ ഒരുക്കമല്ല... ഇത്ര നാളായിട്ട് നിന്നെ ഞാൻ നോട്ടമിട്ട് വെച്ചിരിക്കുകയായിരുന്നു എന്നറിയോ....\"

 ചെറിയാന്റെ വാക്കുകൾ പൂജയിൽ അസ്വസ്ഥത ഉണർത്തി... അവൾ വെറുപ്പോടെ മുഖം തിരിച്ചു.....

 അയാൾ തന്റെ വലതു കൈകൊണ്ട് അവളുടെ ഇടുപ്പിലൂടെ ചേർത്ത് അയാളിലേക്ക് ഒരിക്കൽ കൂടി അവളെ ചേർത്തുപിടിച്ചു.... പൂജയാളുടെ കൈക്കുള്ളിൽ കിടന്നു കുതിർന്നുണ്ടെങ്കിലും അയാളുടെ ബലിഷ്ടമായ കൈക്കുള്ളിൽ ഒന്ന് അനങ്ങാൻ പോലും കഴിയാതെ അവൾ നിന്നു....

\" സാർ പ്ലീസ് എന്നെ വിട്.....\"


 പൂജയുടെ യാചന കണ്ടതും അയാളിൽ ഒരു പുച്ഛചിരി വിരിഞ്ഞു... അയാൾ തന്റെ ചുണ്ടുകൾ അവളുടെ ചുണ്ടോട് ചേർക്കാൻ ഒരുങ്ങിയതും... വാതിലിൽ ആരോ ശക്തിയായി മുട്ടിയതും ഒരേ സമയമായിരുന്നു....... ചെറിയാൻ ഒരു ഞെട്ടലോടെ അങ്ങോട്ടേക്ക് നോക്കിയെങ്കിലും പിന്നീട് അത് ശ്രദ്ധിക്കാതെ വീണ്ടും പൂജയിലേക്ക് അടുത്തു.....


 അപ്പോഴേക്കും വാതിൽ ചവിട്ടി തുറന്ന് ഋഷി ലാബിനുള്ളിലേക്ക് പ്രവേശിച്ചു കഴിഞ്ഞിരുന്നു... ഋഷിയെ കണ്ടതും പൂജയുടെ മേൽ ഉണ്ടായിരുന്ന അയാളുടെ കൈകൾ അയഞ്ഞു.... പൂജയെയും ചെറിയാനെയും ഋഷി ഒരു നിമിഷത്തേക്ക് മാറിമാറി നോക്കി നിന്നു....

 ഈ സമയം പൂജ ആകെ വല്ലാണ്ടയിരുന്നു.... ഒരാശ്രയത്തിൽ എന്ന വണ്ണം പൂജ ഋഷിയെ നോക്കി.....


\" ഋഷി ഞാൻ.....\"

 ചെറിയാൻ വാക്കുകൾക്ക് വേണ്ടി പരതി.

 \"മിണ്ടരുത് താൻ.... \"ഋഷി ഒരു കാറ്റ് പോലെ ചെറിയാന് അരികിലേക്ക് വന്നു അയാളെ ആഞ്ഞ് ചവിട്ടി....

 അവന്റെ ചവിട്ടിൽ അയാൾ അലറിക്കൊണ്ട് നിലത്തേക്ക് വീണു....

 ഋഷി തന്റെ ഷർട്ടിന്റെ സ്ലീവ്സ് ഒരല്പം മുകളിലേക്ക് ആക്കി നിലത്തു വീണു കിടക്കുന്ന ചെറിയാന്റെ അരികിലേക്ക് നടന്നു.... അയാളുടെ കോളറിൽ കുത്തിപ്പിടിച്ച് എഴുന്നേൽപ്പിച്ച് ഋഷി അയാളുടെ കവിളിൽ മാറിമാറി അടിച്ചു....


 തനിക്ക് എങ്ങനെ ധൈര്യം വന്നെടോ ഇവളെ തൊടാൻ... ഋഷി അതും ചോദിച്ച് മുട്ടുമടക്കി അയാളുടെ അടിവയറ്റിൽ ചവിട്ടി:.... ആ ചവിട്ടിൽ ചെറിയാൻ എരിവ് വലിച്ച് നിലത്തേക്ക് ഊർന്നിരുന്നു...

🔸🔸🔸🔸🔸🔸🔸

🍁ശ്രീ ദേവി ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് തൃശൂർ......🍁 എന്നെഴുതിയിരിക്കുന്ന കവാടം കടന്ന് ഒരു ബുള്ളറ്റ് അതിവേഗത്തിൽ കോളേജ് ക്യാമ്പസിൽ പ്രവേശിച്ചു.... സ്റ്റാഫ് പാർക്കിംഗ് ഏരിയ എന്നെഴുതിയിടത്ത് ബുള്ളറ്റ് ഒതുക്കി വലതുകാൽ ഉയർത്തി അവൻ ബുള്ളറ്റിൽ നിന്നും ഇറങ്ങി.... കൂളിംഗ് ഗ്ലാസ് തന്റെ ബ്ലാക്ക് ഷർട്ടിന്റെ ബട്ടൺസിൽ കൊളുത്തിയിട്ടു.... ബുള്ളറ്റിന്റെ സൈഡ് മിററിലൂടെ നോക്കി കൈ കൊണ്ട് മുടി പിന്നിലേക്ക് ആക്കി...... അരയിലെ ബെൽറ്റ് ഒന്നുകൂടി ശരിയാക്കി കൈയിലെ സ്ലീവ് ഒരല്പം മുകളിലേക്ക് ഉയർത്തി.... ബാഗിൽ നിന്നും ഒരു പേപ്പറും എടുത്ത് അവൻ സ്റ്റാഫ് റൂം ലക്ഷ്യമാക്കി നടന്നു....

🔸🔸🔸🔸🔸🔸🔸


 \"സാർ... മതി ഇനി തല്ലിയാൽ അയാൾ ചത്തുപോകും.... \"പൂജ ഓടിവന്നയുടെ കൈകളിൽ പിടിച്ചു....

 അപ്പോഴേക്കും ശബ്ദം കേട്ട് മറ്റു കുട്ടികളും അങ്ങോട്ടേക്ക് എത്തിയിരുന്നു.....

 പക്ഷേ അതൊന്നും വകവയ്ക്കാതെ ഋഷി ഇപ്പോഴും ചെറിയാനെ തല്ലാനുള്ള ശ്രമത്തിലാണ്..... നിലത്തേക്ക് വീണ ചെറിയാനെ പിടിച്ചുയർത്തി... അയാളുടെ കവിളിലായി കുത്തിപ്പിടിച്ച്... അവൻ കൈമുട്ട് ചുരുട്ടി അയാളുടെ മൂക്കിലേക്ക് വീണ്ടും വീണ്ടും ഇടിച്ചു...... അയാളുടെ മൂക്കിൽ നിന്നും രക്തം ഒലിച്ചിറങ്ങി....


 ഭദ്രയും ലീനയും ഓടി പൂജയ്ക്കരികിലേക്ക് വന്നു അവളെ താങ്ങി പിടിച്ചു.... ഈ സമയം പൂജ വല്ലാത്തൊരു അവസ്ഥയിലേക്ക് എത്തിയിരുന്നു.....

 ബഹളം കേട്ട് അങ്ങോട്ടേക്ക് വന്ന പ്രിൻസിപ്പാൾ കുട്ടികളെ വകഞ്ഞു മാറ്റി ഋഷിക്കാരിക്കിലേക്ക് വന്നു.......

 \"ഋഷി...what the hell are you doing here ....\"

പ്രിൻസിപ്പലിന്റെ ശബ്ദം ഉയർന്നതും.. ഋഷി ചെറിയാനിൽ നിന്നും അകന്നുനിന്നു...

 \"ഇതൊരു കോളേജ് ആണ്.... ഇവിടെ എന്തുമാകാം എന്നാണോ തന്റെ വിചാരം... താനെന്തിനാ ഇയാളെ തല്ലിയത്..?\"

 ഋഷിയുടെ നേരെ പ്രിൻസിപ്പൽ ആക്രോശിച്ചു...

 \"\"അത് തന്നെയാണ് സാർ എനിക്കും ചോദിക്കാനുള്ളത് ...ഇതൊരു കോളേജ് ആണ് ഇവിടെ എന്തുമാകാം എന്നാണോ...? ഇയാളുടെ പെഴച്ച കൈ അത് ഇന്ന് അവളുടെ ദേഹത്ത് പതിഞ്ഞു... ഇയാളെ പോലെ ഉള്ളവരുടെ കാമം തീർക്കാൻ അല്ല സാർ ഓരോ അച്ഛനും അമ്മയും കുട്ടികളെ ഇങ്ങോട്ടേക്ക് വിശ്വസിച്ചു പറഞ്ഞു വിട്ടിരിക്കുന്നത്...\"


 ഋഷി പ്രിൻസിപ്പളിന് നേരെ അലറിയതും എല്ലാവരും പരസ്പരം നോക്കി നിന്നു...

\"ഋഷി കൂൾ... എന്താ സംഭവിച്ചത് എന്ന് താൻ ഒന്ന് തെളിച്ചു പറ....\"

പ്രിൻസിപ്പൽ ഋഷിയോട് പറഞ്ഞതും.. അവൻ പൂജയ്ക്ക് അരികിലേക്ക് നീങ്ങി നിന്നു.


\"പറഞ്ഞുകൊടുക്കടി...\"പൂജയുടെ കയ്യിൽ പിടിച്ച് ഋഷി പ്രിൻസിപ്പലിന് മുന്നിലേക്ക് നിർത്തി...


 \"\"ലാബ് കഴിഞ്ഞ് ഇയാൾ എന്നെ... \"\" പൂജ വാക്കുകൾക്കുവേണ്ടി പരതി... അവൾ അപ്പോഴേക്കും പൊട്ടിക്കരഞ്ഞ് കൈകൾ കൊണ്ട് മുഖംപൊതിഞ്ഞു പിടിച്ചു.... ഋഷി അപ്പോഴേക്കും കണ്ണുകൊണ്ട് ഭദ്രേ എന്തോ കാണിച്ചതും ഭദ്ര പൂജയ്ക്ക് അരികിലേക്ക് വന്ന് അവളെ ചേർത്ത് പിടിച്ചു....

\" ഇവിടെ എന്താ സംഭവിച്ചത് എന്ന് സാറിന് ഇപ്പോൾ ഏകദേശം ധാരണയായി കാണുമല്ലോ..?..\"

 ഋഷി അത് പറഞ്ഞതും പ്രിൻസിപ്പൽ ചെറിയാനെ ചുട്ടെരിക്കാൻ പാകത്തിന് ഒരു നോട്ടം അയാൾക്ക് നേരെ പായിച്ചു... ചുണ്ടുകൾ പൊട്ടി ആകെ രക്തം ഒലിപ്പിച്ചു നിൽക്കുന്ന ചെറിയാനെ കണ്ടിട്ടും പ്രിൻസിപ്പലിന് യാതൊരുവിധ സഹതാപവും തോന്നിയില്ല.... കുട്ടികളെല്ലാം പുച്ഛത്തോടെ അയാളെ നോക്കി...


🔸🔸🔸🔸🔸

\"മെ ഐ കമിങ് സാർ....\"

 വാതിൽക്കൽ ഗാംഭീര്യം നിറഞ്ഞ ശബ്ദം ഉയർന്നതും എല്ലാവരും അങ്ങോട്ടേക്ക് നോക്കി...... കയ്യിൽ ഒരു വെള്ള പേപ്പറും പിടിച്ച് ബ്ലാക്ക് ഷർട്ടും പാന്റും ധരിച്ച് ഒരുവൻ ..ആ ചെറുപ്പക്കാരനെ കണ്ടതും കുട്ടികളുടെ എല്ലാം ശ്രദ്ധ അയാളിലേക്ക് പതിഞ്ഞു....


 പൂജയെ താങ്ങി നിർത്തിയിരുന്ന ഭദ്ര മുഖമുയർത്തി നോക്കിയതും ഒരു നിമിഷത്തേക്ക് ഞെട്ടി... അവളിൽ ഒരു വിറയൽ അനുഭവപ്പെട്ടു.... എന്തുചെയ്യണമെന്ന് അറിയാതെ കൈകാലുകൾ കുഴഞ്ഞു...


അവൻ പതിയെ പ്രിൻസിപ്പലിന് അരികിലേക്ക് നടന്നു... കയ്യിൽ ഉണ്ടായിരുന്ന ലെറ്റർ അയാൾക്കു നേരെ നീട്ടി.... പ്രിൻസിപ്പിൾ ലെറ്റർ തുറന്ന് അതിലൂടെ കടന്നുപോയി..


\" I am അനന്തകൃഷ്ണൻ... New facility of medicine department...\"

 പ്രിൻസിപ്പലിന് നേരെ കയുയർത്തി അവൻ പറഞ്ഞതും പ്രിൻസിപ്പളും അവന് നേരെ കൈ കൊടുത്തു.....

\" Welcome..അനന്തകൃഷ്ണൻ..... താൻ എന്റെ ക്യാബിനിലേക്ക് വരൂ... \"

\" ഋഷി ഇയാളെയും കൂട്ടി താനും വരു.... \"ചെറിയാനെ ചൂണ്ടിക്കാണിച്ച് പ്രിൻസിപ്പൽ പറഞ്ഞു...
.
അത്രയും പറഞ്ഞ് പ്രിൻസിപ്പൽ മുന്നിലേക്ക് നടന്നപ്പോൾ.. അനന്തന്റെ കണ്ണുകൾ ഒരു വേള ഭദ്രയിലേക്ക് വീണു... അവളെ അടിമുടി നോക്കി അവൻ പ്രിൻസിപ്പലിന് പിന്നാലെ പോയി...

 ഭദ്ര എന്തുചെയ്യണമെന്നറിയാതെ തരിച്ചു നിന്നു......

 ഞാൻ വന്നു ഭദ്ര... ഇനിയാണ് യഥാർത്ഥ യുദ്ധം ആരംഭിക്കുന്നത്..... നേർക്കുനേരുള്ള യുദ്ധം...


തുടരും....

 അപ്പോൾ അനന്തൻ ലാൻഡ് ചെയ്തിട്ടുണ്ട്.... ഇനി അനന്തൻ വില്ലൻ ആണോ നായകൻ ആണോ... എന്നൊക്കെ അറിയണ്ടേ..?... അപ്പൊ വായിക്കുന്നവർ രണ്ടു വരി കുറിക്കണം കേട്ടോ...