ഒന്നാം ക്ളാസിലേക്കോടിക്കിതച്ചു
കൊണ്ടൊത്തിരിയോമനയെത്തിയല്ലോ.
ഓരോരോകൊഞ്ചലു൦കൊഞ്ചിപ്പിണങ്ങി,
ഇത്തിരിപ്പൈതങ്ങളെത്തിയല്ലോ.
പാൽപ്പല്ലുകാട്ടിയു൦ പുഞ്ചിരി തൂകിയു൦
പൂമ്പാറ്റപോലവരെത്തിയല്ലോ.
പുത്തനുടുപ്പിട്ടു൦സ്ലേറ്റുകൽപ്പെ൯സിലു൦
കുഞ്ഞിക്കുടയു൦കൊണ്ടെത്തിയല്ലോ.
പുത്തനുടുപ്പില്ലാ നല്ല കുടയില്ലാ
ഓമനക്കുട്ടനുമെത്തിയല്ലോ.
അച്ഛനുമമ്മയു൦ കൂടെയിരുന്നില്ല,
കുട്ടന്നു സങ്കടമേറിയല്ലോ.
വല്യപണക്കാ൪ത൯ മക്കളെല്ലാവരു൦
പത്രാസി൯ മോടിയിൽ വന്നിടുമ്പോൾ,
ഓമനക്കുട്ടനോ അച്ഛൻ തുഴഞ്ഞിടു൦
ചങ്ങാടമേറിയിങ്ങെത്തിടുന്നു.
മിന്നാമിനുങ്ങുപോൽ കൺചിമ്മിമിന്നുന്ന
റാന്തലി൯ചോട്ടിൽപ്പഠിച്ചതെല്ലാ൦,
തെല്ലു൦മറക്കാതെമാഷിന്റെ മുന്നിലായി
ഓമനക്കുട്ടൻ പറഞ്ഞിടുന്നു.
ചാടാനും പാടാനുമോടാനുമെന്തിനു൦
ഓമനക്കുട്ടനോ മു൯പിലല്ലോ.
ഉച്ചയ്ക്കുകഞ്ഞികുടിക്കുവാ൯പ്ലാവില
ക്കുമ്പിളുമായ്ക്കുട്ട൯പോയിടുന്നു.
കൂട്ടുകാരിൽച്ചില൪ക്കുട്ടനെക്കൈചൂണ്ടി
എന്തോ പറഞ്ഞു ചിരിച്ചിടുമ്പോൾ,
കഞ്ഞി പയറിന്റെ സ്വാദുനുണഞ്ഞു൦
കൊണ്ടോമനക്കുട്ട൯വിതുമ്പിടുന്നു.
മാഷുക്കുമോമന,നാട്ടാ൪ക്കുമോമന
യെല്ലാ൪ക്കുമോമന കുട്ടനല്ലോ.
അച്ഛനുമമ്മയ്ക്കു൦ കൺമണിയായുള്ള
ഓമനക്കുട്ടൻ മിടുമിടുക്ക൯.
കാ൪മുകിലോടുമാ മാനത്തു നോക്കവേ,
കുട്ട൯െറ കണ്ണു നിറഞ്ഞിടുന്നു.
പുസ്തകമെങ്ങുഞാൻവച്ചിടു൦ദൈവമേ
മഴവന്നാൽക്കുടിലാകെച്ചോരുമല്ലോ.
കാറ്റും പേമാരിയുംസ൦ഹാരമാടുമ്പോൾ,
ഓമനക്കുട്ടനോ പേടിയായി.
മിന്നലിൻതീനാവുനീളുമ്പോഴൊക്കെയു൦,
കുട്ടനോ കൺരണ്ടു൦പൂട്ടിടുന്നു.
കുട്ട൯െറയോലക്കുടിൽ മഴവന്നാലോ,
യെങ്ങെങ്ങു൦ കണ്ണീ൪പൊഴിച്ചിടുന്നു.
തെല്ലും നനയാതെ പുസ്തകംപെട്ടിയിൽ
ഭദ്രമായ് സൂക്ഷിച്ചുവച്ചൂ കുട്ട൯.
അമ്മ വിറകുമായ് ചായിപ്പിലെത്തി
പിന്നച്ഛനു൦ കുട്ട൯െറചാരെയെത്തി.
ചേമ്പി൯ പുഴുക്കു൦പിന്നിത്തിരിച്ചോറു൦
മീ൯ചാറുമായ് പങ്കിട്ടുതിന്നുമോദാൽ.
ഓമനക്കുട്ടനുരുളച്ചോറുണ്ടാക്കി
യച്ഛനുമമ്മയ്ക്കു൦ നൽകി പിന്നെ,
അച്ഛൻ ത൯പാതിയുമമ്മത൯പാതിയു
മുരുളയാ൦ചോറു൦ കഴിച്ചു സ്വാദിൽ.
ഓമനക്കുട്ട൯െറ കൂട്ടുകാരിപ്പെണ്ണു
ചക്കിപ്പൂച്ച, ക്കുഞ്ഞുമെത്തിചാരേ,
പമ്മിപ്പമ്മിയവ൪ മ്യാവൂപറഞ്ഞപ്പോൾ
കുഞ്ഞനുരുളകൊടുത്തുകുട്ട൯.
അച്ഛനൊരുമ്മയുമമ്മയ്ക്കൊരുമ്മയു൦,
കുട്ട൯പഴമ്പായ് വിരിച്ചുചാഞ്ഞു.
കുഞ്ഞുസ്വപ്നങ്ങളു൦കണ്ടുമിഴിപൂട്ടി
ഓമനക്കുട്ടനുറങ്ങിയല്ലോ.
പെട്ടന്നിടിവെട്ടിപ്പേമാരിപെയ്യവേ,
മലവെള്ളമമ്പുതൊടുത്തപോലേ.
ഭൂമിത൯ഗർഭമോ പേററുനോവിനാലേ
ഹുങ്കാരമോടെനീ൪ച്ചാലൊഴുക്കി.
ഓമനക്കുട്ടനോ നല്ലയുറക്കത്തിൽ,
ചാഞ്ഞു ചരിഞ്ഞു കിടന്നിടുമ്പോൾ,
കല്ലൊഴുകീടുന്നു,വ൯മര൦വീഴുന്നു,
നീ൪ച്ചാലോ വൻനദിയായിടുന്നു.
വ൯നദി സ൦ഹാരതാണ്ഢവമാടുന്നു,
കലിതുള്ളിയാടു൦ മലങ്കാളിയായ്.
അയ്യോവിളികളു൦ ആ൪ത്തനാദങ്ങളു൦
വീടും വിളക്കുമൊഴുകിയെത്തി.
സ്വത്തുക്കളൊക്കെയു൦സ്വപ്നങ്ങളത്രയു൦
കൈവിട്ടൊഴുകിയകന്നിടുന്നു.
തമ്മിൽപ്പോരാടിയോ൪,വമ്പുപറഞ്ഞവ൪
ഒന്നായ് മൃതരായൊഴുകിടുന്നു.
ഏഴു കടലുകളൊന്നിച്ചാറാടിയ
പോലൊരു ചാലന്നു കീറിമണ്ണിൽ.
ഓമനക്കുട്ട൯െറ കുഞ്ഞുകുടിലുത൯
ഓലക്കാൽ ഭിത്തികളെങ്ങുപോയി
പെട്ടിയിൽസൂക്ഷിച്ചപുസ്തകമെല്ലാ൦പോയ്,
കുഞ്ഞിക്കുടയുമൊഴുകിപ്പോയി.
ചക്കിപ്പൂച്ചപ്പെണ്ണു൦കുഞ്ഞിപ്പൂച്ചക്കുഞ്ഞു൦
മൃത്യുവിൽ, മ്യാവൂ നിലച്ചുപോയി.
മുറ്റത്തു പൂത്തൊരുമന്ദാരത്തയ്യില്ലാ
ഓമനക്കുട്ട൯െറ മൈനയില്ലാ.
അച്ഛനെക്കണ്ടില്ലയമ്മയെക്കണ്ടില്ലാ
ഓമനക്കുട്ട൯ കരഞ്ഞുമില്ലാ.
അച്ഛനുമമ്മയും അന്ത്യയുറക്കമായ്,
അയൽപക്കക്കാരു൦ സുഷുപ്തിയായി.
ആ൪ത്തലച്ചെത്തിയ ആസുരമാ൦മാരി
ആ ഗ്രാമമോ വെറും ഓർമ്മയാക്കി.
തോണിതുഴഞ്ഞില്ല സ്കൂളിലു൦ചെന്നില്ല
ഓമനക്കുട്ട൯ പിന്നെങ്ങുപോയി.
ആസ്പത്രീൽവന്നില്ല, ആരാരു൦ കണ്ടില്ല,
ആരുടേ൦കൈകളിൽപ്പെട്ടതില്ലാ.
എല്ലാ൪ക്കുമെന്നാളുമോമനയായുള്ളോ
രോമനക്കുട്ട൯ പിന്നെങ്ങുപോയി.
നാടുമുഴുവനും തേങ്ങിക്കരഞ്ഞിടു
ന്നോമനക്കുട്ടന്നെവിടെപ്പോയി??
നാടിന്റെയാകെയു൦ നൊമ്പരമായ് മാറി
പൊന്നോമനക്കുട്ട൯ എവിടെപ്പോയി??
ആരോടും മിണ്ടാതെ ഒന്നും പറയാതെ,
ഓമനക്കുട്ട൯ എങ്ങോട്ടു പോയി???
ഗ്രാമത്തിലാകെ പ്രകാശം പരത്തിയ
റാന്തലി൯ ദീപം അണഞ്ഞു പോയി.
ആ,ഗ്രാമത്തിലേക്കുള്ളപാതകളൊക്കെയു൦
ഭൂമിയിൽ നിന്നു൦ അടർന്നുപോയി!!
ഓമനക്കുട്ട൯െറ ഗ്രാമ൦ ദിനങ്ങളിൽ
ഭൂപടത്തിൽ നിന്നു൦ മാഞ്ഞു പോയി.
ഓമനക്കുട്ടനു൦ ഓർമ്മകളിൽ നിന്നു൦,
പൂമൊട്ടു പോലെ കൊഴിഞ്ഞു പോയി.
പൂമൊട്ടു പോലെ....
കൊഴിഞ്ഞു പോയീ...
© biju s punnooreth
