🍁അനന്തഭദ്രം🍁 ഭാഗം 15

ഭദ്ര... മോളെ ഡി കരയാതെ ടി.... ലീന ഭദ്രയെ ആശ്വസിപ്പിച്ചു...... അവരെ ഒന്ന് നോക്കിയശേഷം ഭദ്ര കണ്ണുകൾ തുടച്ചു...


 ഭദ്രയുടെ ഓർമ്മകൾ വർഷങ്ങൾ പിന്നിലേക്ക് സഞ്ചരിച്ചു.... അവളുടെ ഓരോ വാക്കുകൾക്കായി ലീനയും പൂജയും കാതോർത്തു...

🍁🍁🍁🍁🍁

\" ദേ അമ്മായി ഒന്ന് പറ... ഇത്തവണത്തെ ഉത്സവത്തിന് എങ്കിലും അനന്തേട്ടൻ വരുമോ...?\"

 അടുക്കളയിലെ ഓരോ പണിയിൽ മുഴുകിയിരിക്കുകയാണ് ഗായത്രി... അവൾക്ക് പിന്നാലെ ചുറ്റും ഓരോന്നും പറഞ്ഞ് കൂടിയിരിക്കുകയാണ് ഭദ്ര.....

 ചുമലയും കറുപ്പും ഇടകലർന്ന നിറത്തിലുള്ള ദാവണിയാണ് അവളുടെ വേഷം... കയ്യിൽ നിറയെ ചുവന്ന കുപ്പിവളകൾ... നെറ്റിയിൽ ഒരു കുഞ്ഞു കറുത്ത പൊട്ട്... നീളൻ മുടി അഴിച്ചിട്ടിരിക്കുകയാണ്.... ഭദ്ര ഗായത്രിയെ ദയനീയതയോടെ നോക്കി...

\" എനിക്കറിയില്ല കുട്ടി... എന്നോട് അവൻ ഒന്നും പറഞ്ഞില്ല....\"\"

\" ചുമ്മാ കള്ളം പറയരുത് കേട്ടോ... കള്ളം പറയുന്നത് എന്റെ അമ്മായിക്ക് ഒട്ടും ചേരത്തില്ല.... അനന്തേട്ടൻ എന്തായാലും അമ്മായിയോട് പറയാതിരിക്കില്ല.....\"\"

 ഭദ്രയ്ക്ക് മുഖം കൊടുക്കാതെ പറയുന്ന ഗായത്രിയുടെ മുഖം പിടിച്ചുയർത്തിക്കൊണ്ട് ഭദ്ര പറഞ്ഞു....

\"\" സത്യാ കുട്ടി ഞാൻ പറയണേ.... നിനക്കറിയില്ലേ അവന്റെ കാര്യങ്ങൾ... ഒരുപാട് പഠിക്കാനുണ്ട് അവന്... ഇപ്പൊ വീട്ടിലേക്കുള്ള വിളിയും കുറവാ....\"\"

\"\" എന്നെയും വിളിച്ചിട്ട് കുറച്ചു ദിവസായി... അങ്ങോട്ടേക്ക് വിളിക്കാം എന്ന് വെച്ചാൽ എനിക്ക് ഫോൺ ഇല്ലല്ലോ...?... അമ്മായി ഒന്ന് പറ അനന്തേട്ടനോട് ഇത്തവണയെങ്കിലും ഒന്ന് വരാൻ.... കഴിഞ്ഞ തവണ ഒരുപാട് ആഗ്രഹിച്ചതാ ഞാൻ എന്നിട്ടും വന്നില്ല....\"\"

\"\" ഭദ്ര മോളെ നീ എന്താ ഒന്നും അറിയാത്തതുപോലെ സംസാരിക്കുന്നത് .അവൻ നിനക്കു കൂടി വേണ്ടിയല്ലേ ഇത്രയും ദൂരെ ചെന്ന് ഡോക്ടർ ആകാൻ പഠിക്കുന്നത്.... അവൻ വലിയ ഡോക്ടറായിട്ട് വേണ്ടേ എന്റെ ഈ സുന്ദരിക്കുട്ടിയെ ഈ വീട്ടിലേക്ക് അമ്മായിക്ക് കൈപിടിച്ച് കയറ്റാൻ...\"\"

 ഗായത്രി അത് പറഞ്ഞപ്പോൾ ഭദ്രയുടെ കവിളുകൾ ചുമന്നു തുടുത്തു.... നാണത്താൽ അവൾ നിലത്തേക്ക് തലകുനിച്ചു നിന്നു....

\"\" അയ്യട എന്താ പെണ്ണിന്റെ നാണം എന്ന് നോക്കിയേ....?\"\"

\"\" ഒന്ന് പോ അമ്മായി... ഞാൻ പോവാ.... അച്ഛൻ അറിയാതെയാ ഇങ്ങോട്ടേക്ക് വന്നേ... അറിഞ്ഞാൽ എന്നെ കൊല്ലും..... ഞാൻ പോട്ടെ...\"\"

 ഭദ്ര അത്രയും പറഞ്ഞ് ഓടാൻ ഒരുങ്ങിയതും ഗായത്രി അവളുടെ കൈകളിൽ കയറി പിടിച്ചു...

\"\" ഡി നിക്കെടി പോകാതെ... നല്ല വിളഞ്ഞ കരിക്ക് കിടപ്പുണ്ട് അനന്തൂട്ടൻ കയറിയിട്ടതാ...?\"\"

\"\" അമ്മായി എന്താ പറഞ്ഞേ അനന്തേട്ടനോ..?\"\"

 അപ്പോഴാണ് അബദ്ധം പറ്റിയ വിവരം ഗായത്രിയും തിരിച്ചറിയുന്നത്... ഗായത്രി പല്ല് കടിച്ച് ചമ്മലോടെ നിന്നു...

\" അമ്മായി സത്യം പറ ഇനി എന്നിൽ നിന്നും ഒളിക്കണ്ട... അനന്തേട്ടൻ വന്നിട്ടുണ്ടോ...?...\"

 ഗായത്രി ഒന്നും മിണ്ടിയില്ല....

\" അമ്മായി പറയണ്ട എനിക്ക് മനസ്സിലായി...\"\" ഭദ്ര അടുക്കളയിൽ നിന്നും നേരെ പോയത് അനന്തന്റെ മുറിയിലേക്ക് ആയിരുന്നു.... കോണിപ്പടികൾ ഓരോന്നും കയറുമ്പോൾ അവളുടെ കൊലുസിന്റെ കിലുക്കം ആ വീട് ആകെ തളം കെട്ടി നിന്നു....


 മഹേശ്വരൻ കൃഷ്ണമൂർത്തിയെയും ഭാര്യ ഗായത്രിയെയും കുഞ്ഞ്അനന്തനെയും തറവാട്ടിൽ നിന്നും ഇറക്കിവിട്ട ശേഷം അവർ മൂന്ന് പേരും ആ നാട്ടിൽ തന്നെ ഒരു കൊച്ചു വീട് എടുത്ത് താമസിക്കുകയായിരുന്നു....... 


 ഈ സമയത്തിനിടയിൽ അനന്തനും ഭദ്രയും പിരിയാൻ കഴിയാത്ത വണ്ണം അടുത്തു.. അനന്തന്റെ പ്ലസ് ടു ജീവിതം കഴിഞ്ഞ് അവൻ എം ബി ബി എസ് പഠനത്തിന് വേണ്ടി ബാംഗ്ലൂർക്ക് വണ്ടി കയറി... അതോടെ തീർത്തും ഒറ്റപ്പെട്ടത് ഭദ്രയായിരുന്നു.... 

ആദ്യമൊക്കെ ഇടയ്ക്കിടയ്ക്ക് നാട്ടിലേക്ക് വന്നിരുന്ന അനന്തൻ പിന്നീട് വർഷത്തിൽ ഒന്നായി ആ വരവ് ചുരുക്കി.... കഴിഞ്ഞ ഉത്സവത്തിന് അനന്തൻ നാട്ടിലേക്ക് വരുമെന്ന് പറഞ്ഞിരുന്നു എങ്കിലും അവൻ വന്നിരുന്നില്ല... ഇപ്പോ ഏതാണ്ട് അനന്തനും ഭദ്രയും തമ്മിൽ കണ്ടിട്ട് രണ്ടുവർഷം കഴിയുന്നു....


 അനന്തന്റെ മുറിയുടെ വാതിൽ ചാരിയിട്ടേ ഉണ്ടായിരുന്നുള്ളൂ... അവൾ പതിയെ തള്ളിയതും അത് മലർക്കെ തുറന്നു.... മുറിയിൽ കയറി ചുറ്റും നോക്കിയെങ്കിലും ആരെയും കാണാൻ കഴിഞ്ഞില്ലങ്കിൽ കൂടെ തന്റെ പ്രിയപ്പെട്ടവന്റെ സാന്നിധ്യം അവൾ തിരിച്ചറിയുന്നുണ്ടായിരുന്നു.... അവനിൽ മാത്രം നിറഞ്ഞുനിൽക്കുന്ന ശരീരഗന്ധം അവളുടെ നാസികയിലേക്ക് തുളച്ചു കയറി....

 ബാത്റൂമിൽ വെള്ളം വീഴുന്ന ശബ്ദം കേട്ടതും അവൾ ഡോറിന് അരികിലേക്ക് നടന്നു.... വാതിലേക്ക് ചേർന്ന് നിന്ന് കാതു കൂർപ്പിച്ച് വെള്ളത്തിന്റെ ശബ്ദം കേട്ടതും വാതിൽ തുറന്നതും ഒരേസമയമായിരുന്നു.... അനന്തൻ അവളുടെ കൈകളിൽ പിടിച്ച് അവളെ ഉള്ളിലേക്ക് കയറ്റി... ആദ്യം ഭദ്ര ഒന്നു ഭയന്നുവെങ്കിലും അനന്തൻ ആണെന്ന് മനസ്സിലായതും അവൾ നാണത്തോടെ തല ഉയർത്തി നോക്കി.....


 അനന്തന്റെ പ്രണയാർദ്രമായ നോട്ടത്തിന്റെ തീക്ഷ്ണത അധികനേരം സഹിക്കാൻ ഭദ്രയ്ക്ക് അഴിഞ്ഞിരുന്നില്ല.... അവളുടെ ശരീരമാകെ തളരുന്നത് പോലെ തോന്നി അവൾക്ക്.അവൻ അവളെ ചുമരിനോട് ചേർത്ത് നിർത്തി....

ഭദ്രയുടെ ദാവണിക്കിടയിലൂടെ അനന്തന്റെ കൈകൾ മൃദുലമായി സഞ്ചരിച്ച് ഒടുവിൽ അവളുടെ നഗ്നമായ അടിവയറ്റിൽ ചുറ്റിപ്പണഞ്ഞു...... പെണ്ണൊരു ആവേശത്തോടെ ഉയർന്നുപൊങ്ങി.... ഇരു മിഴികളും ഇറുക്കിയടച്ച് അവന്റെ ചുംബനത്തിനായി അവൾ കൊതിച്ചു......

 ഈ സമയം അത്രയും അനന്തൻ ഭദ്രയെ നോക്കി കാണുകയായിരുന്നു..... കണ്ണുകൾ ഇരുക്കി അടച്ച് തന്റെ പ്രണയത്തിൽ തളർന്നു നിൽക്കുന്ന അവളെ കണ്ടതും അനന്തന് ചിരി വന്നു.....

\" ഭദ്ര....\"\" അവൻ ആർദ്രമായി വിളിച്ചതും അവൾ കണ്ണുകൾ ചിമ്മി തുറന്നു.... മുന്നിൽ നിൽക്കുന്ന അനന്തനെ കണ്ടതും ഒരുവേള സത്യമാണോ മിഥ്യയാണോ എന്നവൾ സംശയിച്ചു.......

\"\" അനന്തേട്ടാ.... എനിക്ക്... എനിക്കിത് വിശ്വസിക്കാമോ...?:.\"\" അവളുടെ കൈവിരലുകൾ അവന്റെ താടി രോമങ്ങൾക്കിടയിലൂടെ പരതി നടന്നു.... മിഴികൾ അറിയാതെ നിറഞ്ഞു....

\"\" അയ്യേ എന്റെ പെണ്ണ് കരയാ.... ഞാൻ ഇങ്ങ് വന്നില്ലേ.....\"\" അനന്തൻ ഭദ്രയെ ചേർത്തുപിടിച്ച് മുറിയിലേക്ക് നടന്നു....

\"\" അമ്മായിയോട് ഇപ്പോ കൂടി ഞാൻ ചോദിച്ചതേയുള്ളൂ അനന്തേട്ടന്റെ കാര്യം.... അമ്മായി ഒന്നും മിണ്ടിയില്ല.... എന്നെ പറ്റിച്ചു... അതിനുള്ളത് ഞാൻ അമ്മായിയ്ക്ക് വെച്ചിട്ടുണ്ട്......\"\"

\"\" ഞാനാ പറഞ്ഞത് അമ്മയോട്.... ഞാൻ വരുന്ന കാര്യം നിന്നോട് പറയേണ്ട എന്ന്.. ഒരു സർപ്രൈസ് ആയിട്ട് വരാമെന്നാ ഞാൻ കരുതിയത്... പക്ഷേ നീ അത് പൊട്ടിച്ചു... ഇനി അതിന്റെ പേരിൽ അമ്മയോട് പോയി നിന്റെ കുരുത്തക്കേട് ഒന്നും കാണിക്കേണ്ട....\"\"

\"\" അനന്തേട്ടൻ വലിയ വക്കാലത്ത് കൊണ്ടൊന്നും വരണ്ട.... എന്നെ പറ്റിച്ചതല്ലേ..? അതിനുള്ളത് എന്തായാലും ഞാൻ അമ്മായിയ്ക്ക് കൊടുത്തിരിക്കും..... അല്ല എപ്പോഴാ വന്നേ...?\"\"

 \"\"ഇന്നലെ ഉച്ചതിരിഞ്ഞ് വന്നു.... വന്നതേ കിടന്നുറങ്ങി..\"\"

\"\" ഇന്നലെ ഉച്ച ആയപ്പോൾ വന്നിട്ട് എന്നെ ഒന്ന് കാണണമെന്ന് തോന്നിയില്ലല്ലോ അനന്തേട്ടാ നിങ്ങൾക്ക്... അത്രയേ ഉള്ളൂ അപ്പോ ഞാൻ... ആ മറന്ന് കാണുമായിരിക്കും ബാംഗ്ലൂരിൽ നല്ല പരിഷ്കാരികളായ പെണ്ണുങ്ങൾ ഉണ്ടല്ലോ... എന്നെക്കാളും ഭംഗിയും കാശും ഉള്ള കൂട്ടം.... അപ്പോ പിന്നെ ഞാൻ ഇത്രയൊക്കെ പ്രതീക്ഷിക്കുന്നുള്ളൂ...\"\"

 \"\"തുടങ്ങി പെണ്ണ്.... എനിക്ക് എന്റെ ഭദ്ര കുട്ടി കഴിഞ്ഞിട്ടല്ലേ വേറെ ആരുമുള്ളൂ....\"\"

\"\" വേണ്ട എന്നോട് മിണ്ടണ്ട അനന്തേട്ടൻ.... ചുമ്മാതാ ....പറയുമ്പോൾ പാല്, തേന് , കരള് എന്നൊക്കെ പറയും... പക്ഷേ പ്രവർത്തി അങ്ങനെയല്ലല്ലോ...... ?ഏതെങ്കിലും കൊച്ചമ്മ മനസ്സിൽ കയറി കൂടിയോ..? ഭദ്ര പുച്ഛത്തോടെ മുഖം തിരിച്ചു...\"\"

\"\"ആ കയറി.... നല്ല അസ്സൽ ഒരു കൊച്ചമ്മ മനസ്സിൽ കയറി കൂടിയിട്ടുണ്ട്... കാണാൻ നല്ല സുന്ദരിയാ... എന്നെ ആണെങ്കിൽ അവൾക്ക് വലിയ ഇഷ്ടവും....\"\"

 അനന്തൻ പറയുന്നത് കേട്ടതും ഭദ്രയുടെ നെറ്റി സംശയത്താൽ ചുളിഞ്ഞു...... മുഖം വീർപ്പിച്ച് നിൽക്കുന്ന ഭദ്രയെ കണ്ടതും അനന്തന് ചിരി അടക്കാൻ കഴിഞ്ഞില്ല... അവൻ പൊട്ടിച്ചിരിക്കുന്നത് കണ്ടതും ഭദ്രക്ക് ദേഷ്യം വന്നു...

\"\" ഞാൻ പോവാ.... എന്താന്ന് വെച്ചാൽ കാണിച്ചോ... ഞാൻ ആർക്കും ഒരു ഭാരമാകുന്നില്ല .....\"\"

 അനന്തനോടത്രയും പറഞ്ഞ് മുഖവും വീർപ്പിച്ച് ഭദ്ര മുന്നിലേക്ക് നടന്നതും അവൻ അവളുടെ ഇടുപ്പിലൂടെ കൈകൾ ഇട്ട് തന്നിലേക്ക് ചേർത്തുപിടിച്ചു.... പെണ്ണ് അവന്റെ ബലിഷ്ടമായ കൈകൾക്കുള്ളിൽ കിടന്ന് പിടഞ്ഞു....

\"വിട് എന്നെ.. എനിക്ക് പോണം....?\" ഭദ്ര അവനെ തള്ളി മാറ്റാൻ ഒരു ശ്രമം നടത്തി നോക്കി...

\" നീ അല്ലേ എന്റെ കൊച്ചമ്മ....\"അനന്തൻ തന്റെ മുഖം ഭദ്രയുടെ പിൻകഴുത്തിൽ അമർത്തി..... ഭദ്ര തളർന്ന് അവനിലേക്ക് ചേർന്നു.... അവൻ മൃദുലമായി പിൻകഴുത്തിലെ മുടികൾ ഒതുക്കി ചുംബിച്ചതും അതുവരെ ഉണ്ടായിരുന്ന ദേഷ്യവും പരിഭവവും മഞ്ഞുപോലെ അലിഞ്ഞു പോയിരുന്നു ഭദ്രയിൽ അപ്പോൾ.... അവൾ ഒരു പിടച്ചിലോടെ തിരിഞ്ഞ് അവനെ ഇറക്കി കെട്ടിപ്പിടിച്ചു....

 ഭദ്രയും അനന്തനും തന്റെ മാത്രം പ്രണയ നിമിഷത്തിൽ പരസ്പരം മതിമറന്ന് ഒരു നിമിഷം നിന്നു....

 പെട്ടെന്ന് എന്തോ ഓർത്ത പോലെ അവൾ അവനിൽ നിന്നും അകന്നുനിന്നു... 

\"\"അനന്തേട്ടാ... ഞാൻ പോട്ടെ അച്ഛൻ അറിയാതെയാ വന്നത് അറിഞ്ഞാൽ എന്നെ തല്ലും....\"\"
  ഭയത്തോടെ ഭദ്ര പറഞ്ഞു നിർത്തി...

\"\" എന്റെ മുന്നിൽ വീരശൂരപരാക്രമി ആണെങ്കിലും.. നിന്റെ രണ്ടാം അച്ഛന്റെ മുന്നിൽ നീ കാറ്റുപോയ ബലൂണ് പോലെ ആകും അല്ലേ പെണ്ണേ....\"\" അനന്തൻ അത് ചോദിച്ചതും ഭദ്ര തലകുനിച്ചു നിന്നു...

 അത് അനന്തൻ പറഞ്ഞത് ശരിയാണ്.... ഈ ലോകത്ത് അവൾക്ക് ഏറ്റവും ഭയം മഹേശ്വരനെയാണ്... സ്നേഹത്തിന്റെ ചായം പൂശി അമ്മയെ അയാൾ വശത്താക്കി വെച്ചിരിക്കുകയാണ്. ഒന്നും അറിയാതെ ആ കാലടിയിൽ കിടന്ന് അമ്മ അനുഭവിക്കുന്നത് ഓരോന്നും കണ്ടു വളർന്നതു കൊണ്ടായിരിക്കും അയാളോട് തനിക്ക് പുച്ഛമാണ്.... തന്റെ ആഗ്രഹങ്ങളെയെല്ലാം പിടിച്ചടക്കി വെച്ചിരിക്കുകയാണ് മഹേശ്വരൻ..... കുഞ്ഞനാളിൽ തനിക്ക് കിട്ടിയുരുന്ന ചൂരൽ കഷായത്തിന്റെ വേദന ഇന്നും അവളിൽ ഭയം ഉള്ളവയാണ്.... സ്വന്തം അച്ഛന്റെ മരണം അയാളുടെ കൈ കൊണ്ടാണെന്ന് അറിഞ്ഞപ്പോൾ ആ ഭയം ഇരട്ടിച്ചതേയുള്ളൂ....

\" നീ പേടിക്കണ്ടടി... നിനക്ക് 18 വയസ്സായാൽ ഞാൻ കൊണ്ടുവരും ഇങ്ങോട്ടേക്ക്... ഈ കൊച്ചു വീട്ടിൽ നീ എന്റെ ഭാര്യയായി എന്റെ കുട്ടികളുടെ അമ്മയായി നമ്മൾ സുഖമായിട്ട് ജീവിക്കും... നിന്നെ കഷ്ടപ്പെടുത്താൻ ഞാൻ വിട്ടു കൊടുക്കില്ല... ഈ കണ്ണ് നനയാതെ ഞാൻ നോക്കും എന്റെ പെണ്ണിനെ. \"\"

അനന്തന്റെ വാക്കുകൾ ഒരേസമയം അവളിൽ സന്തോഷവും ഭയമുള്ളവയും ആക്കി...

\"\" എനിക്ക് പേടിയാ അനന്തേട്ടാ.... ചിലപ്പോഴൊക്കെ ഞാൻ ഓർക്കും എനിക്ക് 18 വയസ്സ് വരെ ആയുസ്സുള്ളു എന്ന്.... ആ നിമിഷം ബലം പ്രയോഗിച്ചിട്ടാണെങ്കിൽ അങ്ങനെ അയാൾ എന്നിൽ നിന്നും സ്വത്തുക്കൾ എല്ലാം എഴുതി വാങ്ങും .... വേണ്ടിവന്നാൽ എന്നെ കൊല്ലാനും അയാൾ മടിക്കില്ല..... ഈ ജീവൻ ഇപ്പോൾ നിലനിൽക്കുന്നത് ആ സ്വത്തുക്കളുടെ ബലത്തിൽ മാത്രമാ.... 18 വയസ്സ് തികഞ്ഞാൽ പിന്നെ എന്റെ ജീവിതത്തിൽ നടക്കാൻ പോകുന്നത് എന്താണെന്ന് എനിക്ക് ഒരു നിശ്ചയവുമില്ല അനന്തേട്ടാ...\"\"


\"\" അങ്ങനെ മരണത്തിന് കൊടുക്കുമോടി ഞാൻ നിന്നെ... നീ എന്റെ പെണ്ണാ... ഈ അനന്തന്റെ പെണ്ണ്..... നിന്റെ ദേഹത്ത് ഒരു തരി മണ്ണ് വീഴാൻ ഞാൻ സമ്മതിക്കില്ല......... നിനക്ക് എന്നെ വിശ്വാസമില്ലേ...?\"\"

\"\" എനിക്ക് അനന്തേട്ടനെ മാത്രമേ വിശ്വാസമുള്ളു... ഈ ആയുസ്സ് മുഴുവൻ എനിക്ക് അനന്തേട്ടന്റെ കൂടെ ജീവിക്കണം... ഇനി മരിക്കാൻ ആണെങ്കിലും അത് ഈ മടിയിൽ കിടന്ന് വേണം......\"\" അവൾ അനന്തനിലേക്ക് ഒരിക്കൽ കൂടി ചേർന്നുനിന്നു.... മറ്റാർക്കും വിട്ടുകൊടുക്കില്ല എന്ന് അർത്ഥത്തിൽ അനന്തൻ അവളെ ചേർത്തുപിടിച്ചു....

 പെട്ടെന്ന് എന്തോ ഓർത്ത പോലെ അവന്റെ നെറ്റിയിൽ ചുംബിച് അവൾ പടികൾ ഇറങ്ങി താഴേക്ക് വന്നു.... അടുക്കളയിൽ ഗായത്രി എന്തോ പണിയിലാണ്.... \"\"അമ്മായിക്കുള്ളത് ഞാൻ വെച്ചിട്ടുണ്ട് കേട്ടോ... \"\"

അടുക്കളയിലേക്ക് നോക്കി വിളിച്ചുപറഞ്ഞ ശേഷം ഭദ്ര വേഗത്തിൽ വീട് വിട്ടിറങ്ങി...... അവൾ മുറ്റത്തൂടെ ഓടി ഇടവഴിയിലേക്ക് കയറുന്നത് ഗായത്രി അടുക്കളയിൽ നിന്നും അനന്തൻ മുകളിലത്തെ മുറിയിലെ ജനൽ പാളിയിലൂടെയും കണ്ടു....


 തറവാടിന്റെ ഉമ്മറത്തെ ചാരുകസേരയിൽ നുവർന്ന് കിടക്കുന്ന മഹേശ്വരനെ കണ്ടതും അവൾ പുച്ഛത്തോടെ തലവെട്ടിച്ചു....

\"\" എവിടെയായിരുന്നു ഇത്രയും നേരം....\"?അയാളുടെ ഗാംഭീരം നിറഞ്ഞ ശബ്ദം കേട്ടതും അകത്തേക്ക് കയറിയ അവളുടെ കാലുകൾ പിടിച്ചുകെട്ടിയത് പോലെ നിന്നു....

\" ഞാ...ൻ കാവ്യയുടെ വീട്ടി..ല്.... കുറച്ച് പഠിക്കാൻ ഉണ്ടായിരുന്നു...\". വിക്കി വിക്കി ഭദ്ര എങ്ങനെയോ പറഞ്ഞു ഒപ്പിച്ചു...

\"\"മം... + 2 വര മതി പടുപ്പും പത്രാസും .... അതുകഴിഞ്ഞ് ഞാൻ പറയുന്നത് അനുസരിച്ച് അടങ്ങി ഒതുങ്ങി ഇവിടെ നിന്നോണം..\'\". മഹേശ്വരൻ ആജ്ഞാപിക്കുന്നത് പോലെ പറഞ്ഞു നിർത്തി..

\"\" അത് അച്ഛൻ അല്ല തീരുമാനിക്കുന്നത്.... എനിക്ക് പഠിക്കണം എന്ന് തോന്നിയാൽ ഞാൻ പഠിക്കും.... എല്ലാവരെയും കാൽച്ചുവട്ടിൽ ആക്കുന്നതുപോലെ എന്നെ ഒതുക്കി നിർത്താം എന്ന് അച്ഛൻ കരുതണ്ട.... അച്ഛാ എന്ന് ഞാൻ വിളിക്കുന്നത് നിങ്ങൾ എന്റെ അമ്മയുടെ കഴുത്തിൽ താലികെട്ടിയത് കൊണ്ട് മാത്രമാ.... ആ വിളിക്കുള്ള അർഹത പോലും ഇല്ല നിങ്ങൾക്ക്....\"\" എവിടുന്നു കിട്ടിയ ധൈര്യത്തിൽ ഭദ്ര പറഞ്ഞു

\"ച്ഛീ... നിർത്തടി അസത്തെ.... എന്റെ നേരെ നിന്ന് കൊരക്കാൻ ആയോടി നീ...\"\"

 മഹേശ്വരൻ കയ്യെടുത്ത് അവളെ തല്ലാൻ ഒരുങ്ങിയതും സുഭദ്ര ഉമ്മറത്തേക്ക് വന്നതും ഒരേ സമയമായിരുന്നു....

\"\" തൊട്ടുപോകരുത് എന്റെ കുഞ്ഞിനെ.... \"\"

 ശബ്ദം കേട്ട ഭാഗത്തേക്ക് നോക്കിയ ഇരുവരും കണ്ടത് കത്തുന്ന കണ്ണുമായി നിൽക്കുന്ന സുഭദ്രയാണ്...

\"\"അവള് പറഞ്ഞതിൽ എന്താ തെറ്റ്.... എന്റെ കുട്ടിക്ക് പഠിക്കാൻ തോന്നിയാൽ അവൾ പഠിക്കും.... ഭാമയ്ക്ക് കൊടുക്കുന്ന സൗകര്യം ഇവൾക്കും വേണം ഇവിടെ... ഭാമേക്കാളേറെ അവകാശം ഉള്ളവളാ ഭദ്ര.... അത് നിങ്ങൾ ഇടയ്ക്ക് മറന്നുപോകുന്നു....\"\"

 സുഭദ്രയുടെ വാക്കുകൾ കേട്ടതും സ്നേഹത്തിന്റെ മുഖംമൂടി അണിഞ്ഞ് സൗമ്യമായി അയാൾ ഓരോന്നും പറഞ്ഞു തുടങ്ങി....

\"\" എന്റെ സുഭദ്ര നീ ഇത് എന്തറിഞ്ഞിട്ടാ.... ഭദ്ര മോള് പഠിക്കാൻ പോകുന്നതിൽ എനിക്ക് എന്താ കുഴപ്പം.... ഞാൻ അതിനൊന്നുമല്ല അവളെ തല്ലാൻ പോയത്.... രണ്ടാനച്ചൻ ആണെങ്കിലും എനിക്ക് അവളുടെ അച്ഛന്റെ സ്ഥാനമല്ലേ .... നീ കേട്ടില്ലേ അവള് പറഞ്ഞത്...?എന്നെ അച്ഛനായി കാണാൻ കഴിയില്ല എന്ന് അവൾ പറഞ്ഞപ്പോൾ എനിക്ക് ദേഷ്യം വന്നു... അത്രയേ ഉള്ളൂ... അങ്ങനെ പറയാൻ പാടുണ്ടോ ഇവള്...\"\"


 ഭദ്ര അയാളെ അത്ഭുതത്തോടെ നോക്കി കണ്ടു.... അഭിനയത്തിന്റെ 17 അടവും അയാളുടെ കയ്യിൽ ഉണ്ടെന്ന് ഭദ്രയ്ക്ക് നന്നായി അറിയാമായിരുന്നു... എങ്കിലും അവൾ ഇത്രയും പ്രതീക്ഷിച്ചില്ല......

 സുഭദ്ര അയാളെ അതേ കത്തുന്ന കണ്ണുകളോടെ നോക്കി നിന്നു....... അത് കണ്ടതും അയാൾ ഒന്നും മിണ്ടാതെ അകത്തേക്ക് പോയി....

\"\" ഇപ്പോ അയാള് പറഞ്ഞിട്ട് പോയതെല്ലാം കള്ളമാണെന്ന് ഈ അമ്മയ്ക്ക് അറിയാം മോളെ.... പക്ഷേ എനിക്ക് എന്ത് ചെയ്യാൻ കഴിയും... സഹിക്കാല്ലാതെ വേറെ വഴിയില്ല....\"\"

 മഹേശ്വരൻ പോയ വഴിയെ നോക്കി സുഭദ്ര ഭദ്രയോട് പറഞ്ഞു ......

 \"\"എനിക്ക് മനസ്സിലാകാത്തതും അതാ.... അമ്മ എന്തിനാ ഇതെല്ലാം ഇങ്ങനെ സഹിക്കണേ...? വേണ്ടാന്നുവെച്ച് ഇട്ടിട്ട് പോയിക്കൂടെ അമ്മയ്ക്ക്....\"\"

 നനവാർന്ന ഒരു പുഞ്ചിരി സുഭദ്രയുടെ മുഖത്ത് ഈ സമയം വിടരുന്നത് ഭദ്ര നോക്കി കണ്ടു....

\"\" ആഗ്രഹമില്ലാഞ്ഞിട്ടല്ല മോളെ... ഇനി അമ്മയ്ക്ക് അതിന് കഴിയും എന്ന് തോന്നുന്നില്ല..... ദേവേട്ടൻ പോയപ്പോൾ നിന്നെയും ചേർത്ത് പിടിച്ചിരുന്ന് കരഞ്ഞ എന്നോട് ഏട്ടനും ഏട്ടത്തിയും ഒറ്റ കാര്യമേ ആവശ്യപ്പെട്ടുള്ളു..ഞാൻ വീണ്ടും ഒരു വിവാഹം കഴിക്കണമെന്ന്.... അച്ഛൻ ഇല്ലാത്ത കുഞ്ഞിനെ വളർത്താൻ എന്നെക്കൊണ്ട് കഴിയില്ല എന്ന്.... അവരുടെ നിർബന്ധത്തിന് വഴങ്ങിയ ഞാൻ ഇയാളെ വിവാഹം കഴിക്കുന്നത്......\"\"

\"\" പക്ഷേ എല്ലാ ആണുങ്ങളും ഒരുപോലെ അല്ല മോളെ.... ദേവേട്ടനെ പോലെ നല്ല ഒരാളെ പിന്നീട് ഞാൻ കണ്ടിട്ടില്ല... അത്രയ്ക്ക് നല്ലവൻ ആയിരുന്നു നിന്റെ അച്ഛൻ... പക്ഷേ ഇപ്പോൾ ഭാമയ്ക്ക് വേണ്ടിയെങ്കിലും ഇയാളുടെ കൂടെ എനിക്ക് ജീവിച്ചേ മതിയാവൂ......\"\"

 അവസാന വാചകം പറഞ്ഞപ്പോൾ സാരി തുമ്പു കൊണ്ട് സുഭദ്ര മുഖം തുടച്ചു...... ആ കണ്ണ് നിറഞ്ഞത് നോക്കി നിൽക്കാനേ ഭദ്രയ്ക്ക് കഴിഞ്ഞുള്ളൂ....

\"\" അമ്മ ഒരു കാര്യം പറയട്ടെ എന്റെ മോളോട്.... എന്നെങ്കിലും ഒരിക്കൽ ഈ നരകത്തിൽ നിന്ന് രക്ഷപ്പെടാൻ നിനക്കൊരു അവസരം കിട്ടിയാൽ... എന്റെ കുട്ടി പോണം.... പിന്നീട് ഒരിക്കലും ഈ നാട്ടിലേക്ക് തിരിച്ചു വരരുത്.... എവിടെയെങ്കിലും സുഖമായിട്ട് ജീവിച്ചിരിപ്പുണ്ട് എന്നറിഞ്ഞാൽ മാത്രം മതി ഈ അമ്മയ്ക്ക്....\"\"

 സുഭദ്ര ഭദ്രയുടെ നെറുകയിൽ അമർത്തി ചുംബിച്ചു....


 🍁🍁🍁🍁🍁🍁

 മുറിയിലെ ബാൽക്കണിയിൽ കഴിഞ്ഞുപോയ നിമിഷങ്ങൾ അയവിറക്കുകയായിരുന്നു അനന്തൻ... ഓരോന്നോർത്തതും അവന്റെ ചുണ്ടുകളിൽ ഒരു പുഞ്ചിരി വരിഞ്ഞു...

 അവന്റെ ഇരിപ്പ് കണ്ട് ഇടയ്ക്ക് ഗായത്രി വന്ന് അവനെ കളിയാക്കിയിട്ട് പോയി.... ഭദ്രേ ഒന്നുകൂടി കാണാൻ അവന്റെ ഹൃദയം വാശി പിടിച്ചു.......


 അപ്പോഴാണ് അവന്റെ ഫോൺ ശബ്ദിച്ചത്.... ഡിസ്പ്ലേയിൽ തെളിഞ്ഞ പേര് കണ്ടതും അവന്റെ നെറ്റിയിൽ സംശയത്തിന്റെ വരകൾ വീണു...

 ആശങ്കയോടെ അതിലേറെ സംശയത്തോടെ അനന്തൻ ഫോൺ എടുത്ത് കാതോട് ചേർത്തു....

തുടരും.....