Green eyed butterfly💚~11
          ~ഫർഹാന

****

\"യാൻ നിനക്ക് പോവാനുള്ള സമയം ആയിട്ടോ\"

കുറേ ദിവസങ്ങൾക്ക് തേൻ കുടിക്കുന്നത് കൊണ്ട് തന്നെ അത് പതിയെ പതിയെ നുണഞ്ഞിരിക്കുന്നവളെ തട്ടി ഓർമ്മപ്പെടുത്തി കൊണ്ട് ബദിമ്മ പറഞ്ഞു.

\"ഇതൊന്ന് കഴിയട്ടെ ബദിമ്മാ\"

കുറച്ചൂടെ തേനെടുത്ത് പാത്രത്തിലേക്കൊഴിച്ചു കൊണ്ട് റൊട്ടി അതിലേക്ക് മുക്കി കഴിക്കുകയാണ് യാൻ. അവളുടെ എതിർ വശത്തിരുന്ന് ദിനുവും കഴിക്കുന്നുണ്ട്.
അവരെ രണ്ട് പേരെയും നോക്കി കൊണ്ട് ബദിമ്മ അടുക്കളയിലേക്ക് പോയി.

\"ദിനൂ,വെറുതെ അടി ഉണ്ടാക്കി ദേഹം നശിപ്പിക്കാൻ നിൽക്കരുത്.\"

\"നീ വേറെ എന്തെങ്കിലും പറഞ്ഞോ അനുസരിക്കാം.ഇത് ഞാൻ കേൾക്കില്ല\"

അവൾ പറഞ്ഞ ആ നിമിഷം തന്നെ അതിനുള്ള മറുപടി കൊടുത്ത് ദിനു കഴിക്കുന്നതിലേക്ക് ശ്രദ്ധിച്ചു.
അവളോട് ഇനി പറഞ്ഞിട്ട് കാര്യമില്ലെന്ന് മനസ്സിലായത് കൊണ്ട് തന്നെ യാൻ പിന്നൊന്നും പറയാൻ നിന്നില്ല.

\"യാൻ,റൂഹി എന്നും ഇനി ഇവിടേക്ക് വരും. ഞാൻ തടയും. പക്ഷെ അപ്പോഴേക്ക് നീ ജിഹമ്മയെ കണ്ട് പിടിച്ചേ തീരു.\"

\"അത് ഞാൻ നോക്കിക്കോളാം. നീ സൂക്ഷിക്കണം\"

അവളെ ഓർമ്മപ്പെടുത്തി കൊണ്ട് യാൻ മുറ്റത്തേക്കിറങ്ങി.അവളേ യാത്രയാക്കാൻ ദിനുവും മുറ്റത്തേക്കിറങ്ങി.

\"ബദിമ്മാ,ഞാൻ പോയി\"

നീട്ടി വിളിച്ചു കൊണ്ടവൾ ചിറക് വിടർത്തി വാനിലേക്ക് പറന്നു. അപ്പോഴേക്കും ബദിമ്മ അടുക്കളയിൽ നിന്നും മുറ്റത്തക്ക് വന്നിരുന്നു.

\" നോക്കി പോ യാൻ.സൂക്ഷിക്കണം, അവർ അവരുടെ ലക്ഷ്യത്തിന് വേണ്ടി എന്തും ചെയ്യും\" 

യാനിന് ഓർമ്മപ്പെടുത്തി കൊണ്ടവർ അവളെ യാത്ര അയച്ചു.

യാൻ കണ്ണു കൊണ്ട് എല്ലാവരോടും യാത്ര പറഞ്ഞു കൊണ്ട് ഭൂമിയിലേക്ക് പറന്നു.

വീട്ടിലേക്ക് എത്തിയപ്പോഴേക്കും അവൾ മനുഷ്യ സ്ത്രീയിലേക്ക് മാറിയിരുന്നു.ഇന്നൂടെ ഓഫീസിൽ ലീവ് പറഞ്ഞത് കൊണ്ട് തന്നെ കുറച്ചു നേരം റെസ്റ്റ് എടുക്കാനായി റൂമിലേക്ക് പോന്നു.

\"യാൻ\"

ഷിൻ വന്ന് വിളിച്ചപ്പോഴാണ് യാൻ ഉറക്കിൽ നിന്നും എഴുന്നേൽക്കുന്നത്.

\"വെറുതെ വിളിച്ചത, ഇങ്ങനെ കിടക്കുന്നത് കണ്ടപ്പോൾ.ഇനി പോയി എന്തെങ്കിലും കഴിച്ചോ\"

അവളുടെ എന്തിനാ വിളിച്ചേ എന്ന രീതിയിലുള്ള ചോദ്യത്തിന് ഉത്തരം നൽകി കൊണ്ട് ഷിൻ ജനലിന്റെ ഓരത്തായി ഉള്ള പൂവിലേക്ക് പറന്നു.

യാൻ വിശക്കുന്നുണ്ട് എന്ന് മനസ്സിലായപ്പോൾ അടുക്കളയിലേക്കും നടന്നു.തൽക്കാലത്തേക്ക് തട്ടിക്കൂട്ട് ഭക്ഷണം ഉണ്ടാക്കി കഴിച്ചു.
പിന്നെ വെറുതെ പുറത്തേക്കിറങ്ങാം എന്ന് പറഞ് ഷിൻനെയും കൂട്ടി നടക്കാനിറങ്ങി.

ഓരോ കടയുടെ മുമ്പിലും തൂക്കിയിട്ടുള്ളതെല്ലാം നോക്കി നടന്നു കൊണ്ട് യാനും അവളുടെ പിറകെ തന്നെ ഷിൻനും പറന്നു.
അവളുടെ കണ്ണുകൾ പിന്നീട് പോയത് അന്ന് മാല വാങ്ങിയ കടയിലേക്കായിരുന്നു.അയാൾ ഇന്നും അവളെ തന്നെ നോക്കി നിൽക്കുന്നുണ്ട്. പതിയെ അവൾ അയാളുടെ അടുത്തേക്ക് നടന്നു.

\"എന്താ മോളെ എന്തേലും വേണോ\"

റാശിയെ തന്നെ നോക്കി നിന്ന അവളുടെ നേർക്ക് അവന്റെ ചോദ്യം വീണു.

\"അന്ന് ഞാൻ വാങ്ങിയില്ലേ അതിന്റെ ബ്ലൂ കളർ മാല ഉണ്ടോ\"

അത് കണ്ടിട്ട് ദിനു അവൾക്കും വേണം അങ്ങനെത്തെ എന്ന് പറഞ്ഞത് ഓർത്തു കൊണ്ടവൾ ചോദിച്ചു.

\"ഉണ്ട് കുഞ്ഞേ, ഇതാ\"

അത് പോലുള്ളത് ഒന്ന് അവൾക്ക് കൊടുത്തു. അവളതിനുള്ള പൈസ കൊടുത്തു കൊണ്ട് തിരിഞ്ഞു നടന്നു.

അവൾ നീട്ടിയ കൈകളിലേക്ക് നോക്കിയത് മുതൽ അയാളിൽ ഞെട്ടലും വെപ്രാളവും ഭയവുമെല്ലാം ഒരുമിച്ചായിരുന്നു. പെട്ടെന്ന് തന്നെ കട പൂട്ടി കൊണ്ടയാൾ വീട്ടിലേക്കോടി.

                            💚

\"ജിഹാ..\"

എവിടെയും അവളെ നോക്കിയിട്ട് കാണാതായപ്പോഴാണ് ഷാൻ കുറച്ചൂടെ ശബ്ദത്തിൽ വിളിച്ചു നോക്കിയത്. അപ്പോഴും മറുപടിയൊന്നുമില്ല. ഇനി നോക്കാൻ ബാക്കിയുള്ളത് എല്ലാ ഓർമ്മകളും അടങ്ങുന്ന മുറി മാത്രമാണ്.
അവൻ പതിയെ അങ്ങോട്ടേക്ക് വെച്ചു പിടിച്ചു.

\"ജിഹാ..\"

ചാരിയിട്ടിരിക്കുന്ന വാതിൽ പതിയെ തുറന്നു കൊണ്ടവൻ വിളിച്ചു.
നിറഞ്ഞ കണ്ണുകളാൽ അവനെ നോക്കാതെ തല കുനിച്ചിരിക്കുന്നവളെയായിരുന്നു അവൻ കണ്ടത്.
ആദ്യമൊന്ന് പതറിയെങ്കിലും പിന്നെയവൻ അവളുടെ അടുത്തേക്ക് നടന്നു. അവളുടെ കൂടെ നിലത്ത് മുട്ട് കുത്തിയിരുന്നു.

\"ജിഹാ,ഞാൻ..

ബാക്കിയവനെ പറയാൻ സമ്മതിക്കാതെ അവളവനെ ഇറുക്കെ പുണർന്നിരുന്നു.
ഉയർന്ന തേങ്ങലോടെ കരയുന്നവളെ കാണെ ഇത് വരെ ആശ്വസിച്ചു കൊണ്ടിരിന്നതെല്ലാം അവളുടെ കണ്ണുനീരിനോപ്പം ഒലിച്ചു പോയിരുന്നു.
കുറ്റബോധത്താൽ അവന്റെ തല കുനിഞ്ഞു.

\"ജിഹാ,അത്രക്കിഷ്ടായോണ്ടാടാ..നിന്നെ അവരിൽ നിന്നും തട്ടിയെടുത്തത് തെറ്റാണെന്നറിയാം, നിന്നെ കൊണ്ട് പോകാൻ അവർ വരുമെന്നും അറിയാം..എങ്കിലും..\"

പാതി പറഞ്ഞു കൊണ്ടവൻ നിർത്തി.

\"വേ..ണ്ട ഷാൻ..എനിക്കെവിടേക്കും പോവേണ്ട\"

പറഞ്ഞു തീർന്നതും അവൾ തളർന്നു കൊണ്ട് ഷാനിന്റെ കൈകളിലേക്ക് വീനിരുന്നു. അവളുടെ കൈകളിലുണ്ടായിരുന്ന തിതലീ കിതാബ് അതിന്റെ പെട്ടിയിൽ തന്നെ വെച്ചു പൂട്ടി അവളെയും എടുത്ത് റൂമിലേക്ക് നടന്നു. അപ്പോഴും അവളുടെ കൈകൾ അവനിൽ പിടി മുറുക്കി തന്നെയായിരുന്നു.


                                        (തുടരും)

ഞാൻ പറഞ്ഞിരുന്നു, ഇത് നന്മയുടെ രണ്ട് വശങ്ങൾ തമ്മിലുള്ള യുദ്ധമാണെന്ന്. അതിനാൽ ചിലപ്പോൾ മെയിൻ ക്യാരക്ടറിന്റെ ഭാഗം തന്നെ വിജയിക്കണമെന്നില്ല.
ഇരുവർക്കും അവരുടെ ശെരികൾ ഉണ്ട്.

പിന്നെ,ഇതൊരു പ്രണയകഥ ആക്കാതിരിക്കാൻ തന്നെയാണ് പ്ലാൻ. പക്ഷെ ചില സന്ദർഭങ്ങളിൽ കഥയുടെ മുന്നോട്ട് കൊണ്ട് പോവലിന് പ്രണയം എഴുതേണ്ടി വന്നേക്കാം.

അപ്പോൾ ചോദിക്കും പ്രണയം എഴുതിയാൽ എന്താ, അത്രയും മോശം ആണോ അതെന്ന്.
അല്ല, ഞാനിത് കുറച്ച് സ്പെഷ്യൽ ആക്കാൻ ശ്രമിക്കുകയാണ്. 🤍