🍁അനന്തഭദ്രം🍁 ഭാഗം 18

അനന്തന്റെ നോട്ടം അവളുടെ കാലിലേക്ക് പാളി വീണു... രക്തം പൊടിഞ്ഞ അവളുടെ പാതവും ആ സർപ്പത്തെയും അവൻ മാറിമാറി നോക്കി.....

 അവന്റെ സാന്നിധ്യം അറിഞ്ഞതുപോലെ ആ സർപ്പം പുറ്റിനുള്ളിലേക്ക് തിരിച്ചു കയറി.. അനന്തൻ ഒരു അത്ഭുതത്തോടെ ആ രംഗം നോക്കി നിന്നു....

\" ഭദ്ര.... മോളെ കണ്ണ് തുറക്ക്....\"\"

 അവൾക്ക് മുന്നിൽ മുട്ടുകുത്തിയിരുന്ന് അനന്തൻ ഭദ്രയുടെ കവിളിലായി തട്ടിക്കൊണ്ടു വിളിച്ചു.....

\" ഭദ്ര... \"\"അനന്തൻ വീണ്ടും വിളിച്ചതും ഭദ്ര ആയാസപ്പെട്ട് കണ്ണുകൾ ചിമ്മി തുറന്നു......

 മുന്നിൽ അനന്തനെ കണ്ടതും അവളുടെ മുഖത്ത് ആശ്വാസം നിഴലിച്ചു...

\"\" അനന്തേട്ടാ... എന്നെ..... പാമ്പ്... \'\"\"എന്തെല്ലാമോ വ്യക്തമല്ലാത്ത രീതിയിൽ അവൾ പുലമ്പി...

 \"\"ഒന്നുമില്ലെടാ... കാലിൽ ഒരു മുള്ള് കൊണ്ടതാ... നീ വെറുതെ പേടിച്ചതാ... പാമ്പ് ഒന്നുമല്ല.\"\"\"അനന്തൻ ഭദ്രയെ ചേർത്തുപിടിച്ചു.....

\"\" ഭാമ... എന്നോട്...\"\"

 ഭദ്ര പറയാൻ തുടങ്ങിയതും അനന്തൻ അവളെ തടഞ്ഞു....

 \"\"വേണ്ട.. എനിക്ക് എല്ലാം അറിയാം.. ആരെങ്കിലും എന്തെങ്കിലും പറഞ്ഞു എന്ന് വെച്ച് നീ ഈ അബദ്ധം കാണിക്കുവാണോ വേണ്ടത്.....?\"\"

\"\" അനന്തേട്ടാ ഞാൻ...\'\'

\'\' സാരമില്ല.... ഒന്നും സംഭവിച്ചില്ലല്ലോ... വാ നമുക്ക് പോകാം.. തറവാട്ടിൽ എനിക്ക് ഒരാളെ കാണാനുണ്ട്... \"\"അനന്തൻ വീറോടെ പറഞ്ഞതും ഭദ്ര അവനെ തന്നെ നോക്കി.

 അവൻ സർപ്പക്കാവിലേക്ക് ഒന്നു നോക്കി... ദൈവങ്ങൾ പോലും തന്റെ പ്രണയത്തിന് കാവലാണ് എന്ന് അവന് തോന്നി...

 അനന്തൻ ഭദ്രയെ ചേർത്തുപിടിച്ച് തറവാട്ടിലേക്ക് നടന്നു.... വഴിയിൽ ആകെ ഇരട്ടുപടർന്നിരുന്നു.... വിളക്ക് വെക്കാൻ പോയ ഭദ്രേ ഏറെനേരമായിട്ടും കാണാഞ്ഞിട്ട് ഉമ്മറത്ത് വന്ന് മുറ്റത്തേക്ക് നോക്കി നിൽക്കുകയായിരുന്നു സുഭദ്ര...

ഭദ്രേ ചേർത്തുപിടിച്ചു കൊണ്ടുവരുന്ന അനന്തനെ കണ്ടതും സുദ്രയ്ക്ക് ആശ്വാസമായി...

\"\' എന്താ... എന്താ എന്റെ മോൾക്ക് പറ്റിയത്...? \"\"സുഭദ്ര വ്യാകുലതയോടെ അവർക്കരിക്കിലേക്ക് ചെന്നു കൊണ്ട് ചോദിച്ചു....

 അനന്തൻ സുഭദ്രയ്ക്ക് മറുപടി കൊടുക്കാതെ ഭദ്രയും കൊണ്ട് ഉമ്മറത്തേക്ക് കയറി...

\"\" ഭമേ....ഡീ ഭമേ...\"\'.അനന്തൻ ഉമ്മറത്ത് കയറി അലറി...

 അവന്റെ അലച്ചയിൽ ഭാമയും മഹേശ്വരനും പിന്നാലെ ഉമാ മഹേശ്വരിയും ഇറങ്ങിവന്നു.....

 അനന്തന്റെ കണ്ണുകൾ ദേശ്യത്താൽ ചുവന്നിരുന്നു.... ശരീരമാകെ വിറപൂണ്ട് നിൽക്കുന്ന അനന്തനെ ഭാമ ഒരു വേള നോക്കി.. അവന്റെ ദേഷ്യത്തിന്റെ അർത്ഥം അറിയാവുന്നതുകൊണ്ട് ഭാമ ഒന്നും മിണ്ടാതെ ഉമ്മറത്തിന്റെ ഒരറ്റത്തേക്ക് മാറിനിന്നു...


 \"\'എന്താടാ നിനക്ക് വേണ്ടത്... ?നിന്നോട് ഇവിടെ വരരുതെന്ന് പറഞ്ഞിട്ടുള്ളതല്ലേ ഞാൻ..\"\' മഹേശ്വരൻ അനന്തനമുന്നിലായി തടസ്സം സൃഷ്ടിച്ചു...

\"\" എന്റെ മുന്നിൽ തടസ്സം സൃഷ്ടിക്കാതെ മാറി നിൽക്കുന്നതായിരിക്കും നിങ്ങൾക്ക് നല്ലത്..... മാറിനിൽക്കടോ അങ്ങോട്ട്.\"\".. അനന്തൻ അലറിയതും മഹേശ്വരൻ രണ്ടു പടിപിന്നിലേക്ക് മാറി....

 അനന്തൻ പതിയെ ഭാമക്കരയിലേക്ക് ചെന്നു...

\"\' ഇത് നിന്റെ ആരാടി.... ഭദ്രയെ ചൂണ്ടിക്കാണിച്ച് അനന്തൻ ചോദിച്ചതും ഭാമ ഒന്നും മിണ്ടാതെ തലകുനിച്ചു നിന്നു ....

\"ചോദിച്ചത് കേട്ടില്ലേ...? ആരാന്ന് പറയാൻ...\"\"

 \"ചേ... ചേച്ചി..\"\".. അവൾ ഇടറിയ ശബ്ദത്തിൽ പറഞ്ഞു...

ഭാമ പറഞ്ഞു നിർത്തിയതും. അവൾക്കു മറുപടി എന്നവണ്ണം അനന്തൻ കൈവീശി അവളുടെ കവിളത്ത് ആഞ്ഞുതല്ലി... അടിയുടെ പകപ്പിൽ ഭാമ കവിളത്ത് കൈവെച്ചു പോയി..... ഈ കാഴ്ച കണ്ടതും ബാക്കിയെല്ലാവരും ഒരുപോലെ ഞെട്ടി....

\"\" അനന്തേട്ടാ വേണ്ട.....\"\' ഭാമയെ അവൻ വീണ്ടും തല്ലാൻ ശ്രമിച്ചതും ഭദ്ര അവന്റെ കയ്യിൽ കയറി പിടിച്ചു...

\"\" ഭദ്രേ നീ മാറി നിൽക്ക്... നിന്നോട് ഇത് ചെയ്തവളെ വെറുതെ വിടണോ ഞാൻ.. \"\"കത്തുന്ന കണ്ണുകളോടെ അനന്തൻ പറഞ്ഞതും ഭദ്ര പിന്നിലേക്ക് മാറി...

\"\" ഈ നിൽക്കുന്ന സുഭദ്രമ്മയുടെ വയറ്റിൽ പിറന്നത് തന്നെയാണോടി നീ.... തന്ത രണ്ടാണെങ്കിലും ഒരു അമ്മയുടെ വയറ്റിൽ പിറന്നത് തന്നെയല്ലേ നിങ്ങൾ....എന്നിട്ടും നിനക്ക് എങ്ങനെ ച്ഛേ.....\"\"

 സുഭദ്ര ഒന്നും മനസ്സിലാക്കാതെ അനന്തനെ നോക്കി......

\"\" മോനെ അനന്താ..എന്താടാ.... എന്താ കുഴപ്പം..?\"\"

\"\' എന്താ കുഴപ്പമെന്നോ.... അപ്പച്ചിക്ക് അറിയോ ഇവൾ എന്താ ചെയ്തു വെച്ചിരിക്കുന്നത് എന്ന്... സ്വന്തം ചേച്ചിയെ കൊല്ലാൻ നോക്കിയിരിക്കുന്നു... തെക്കേ സർപ്പക്കാവിലേക്ക് ഇവൾ ഭദ്രയെ പറഞ്ഞുവിട്ടു.......\"\'\'

 സുഭദ്ര ഒരു ഞെട്ടലോടെ ഭാമയെ നോക്കി....

\"\' സത്യമാണോ ഇവൻ ഈ പറഞ്ഞത്...? ഭമേ നിന്നോടാ ചോദിക്കുന്നത് സത്യമാണോ എന്ന്..\"\'

\"\"മം.\'\' ശബ്ദം താഴ്ത്തി അവൾ ഒന്നു മൂളി....

\"\"എന്റെ ദൈവങ്ങളെ... ഞാനെന്താ ഈ കേൾക്കണേ.. ഇങ്ങനെ തോന്നി അസത്തെ നിനക്കിത് ചെയ്യാൻ....\"\". സുഭദ്ര തളർന്ന് ചാരുകസേരയിലേക്ക് ഇരുന്നു....

\"\" നിനക്ക് അറിയണം അല്ലേ ഇവൾ എനിക്ക് എന്ത് കൈവശമാണ് തന്നിരിക്കുന്നത് എന്ന്.. ഇത്രനാളും അകന്നു നിന്നിട്ടും ഞങ്ങളുടെ സ്നേഹം കുറയാത്തത് എന്തുകൊണ്ടാണ് എന്ന്...? അതിനുള്ള ഉത്തരം അന്വേഷിച്ച് തിരഞ്ഞ് നടക്കേണ്ട നീ... ഞാൻ തന്നെ പറഞ്ഞു തരാം.......\"\'\'

 അനന്തൻ ഭദ്രയുടെ കയ്യിൽ പിടിച്ച് ഭാമയ്ക്ക് മുന്നിലേക്ക് അവളെ പിടിച്ച് നിർത്തി...... \"\"സ്നേഹിക്കാൻ മാത്രം അറിയാവുന്ന ഇവളുടെ ഈ മനസ്സ്... അതിനുള്ളിലെ എന്നോടുള്ള കളങ്കമില്ലാത്ത സ്നേഹം .അതാ ഇവൾ എനിക്ക് തരുന്ന കൈവശം.... നീയെന്നല്ല ആരു വിചാരിച്ചാലും എന്നെയും ഭദ്രയും പിരിക്കാൻ കഴിയില്ല...\"\'

 അവസാന വരി അനന്തൻ പറഞ്ഞത് മഹേശ്വരനെ നോക്കിയായിരുന്നു... അയാൾ പുച്ഛത്തോടെ തല വെട്ടിച്ചു....

\"\" എന്റെ കുഞ്ഞനിയത്തിക്കും അപ്പുറമായി നിന്നെ ഞാൻ കണ്ടിട്ടില്ല... ഇനി കാണുകയുമില്ല... അതുകൊണ്ട് ഏട്ടന്റെ അനിയത്തി ചെയ്ത ഒരു കുഞ്ഞു തെറ്റായി ഞാൻ ഇത് അങ്ങ് ക്ഷമിക്കുവാ.... എന്ന് കരുതി ഇനി ഭദ്രയുടെ മേൽ ഒരു തുള്ളി മണ്ണ് വീഴക്കാൻ നീ വിശ്രമിച്ചാൽ ഈ കണ്ട അനന്തനെ ആയിരിക്കില്ല ഇനി നീ കാണാൻ പോകുന്നത്.... പത്തിലെ പരീക്ഷയല്ലേ വരുന്നത് പഠിച്ച് പാസാകാൻ നോക്ക്.....\"\'


 ഭാമയോട് അത്രയും പറഞ്ഞ് അനന്തൻ മഹേശ്വരനു മുന്നിൽ പോയി നിന്നു....... \"\'ഇവൾ ഇങ്ങനെ ചെയ്തതിന് അത്ഭുതമൊന്നും എനിക്ക് തോന്നുന്നില്ല... കാരണം തന്റെ അല്ലേ വിത്ത്... വിത്തുഗുണം കാണിക്കാതിരിക്കില്ലല്ലോ....?.... \"\"അത്രയും പറഞ്ഞ് ഭദ്രയെ ഒന്ന് നോക്കി കണ്ണടച്ച് കാണിച്ച് അനന്തൻ തറവാട്ടിൽ നിന്നും ഇറങ്ങി....

 ഭാമ കരഞ്ഞുകൊണ്ട് അകത്തേക്ക് പോയി... ഭാമയ്ക്ക് പിന്നാലെ ഭദ്രയും സുഭദ്രയും... പോയി..

 എന്തുകൊണ്ടോ ഭാമ ഇങ്ങനെ ചെയ്തതിന്റെ കാരണം വെളിപ്പെടുത്താൻ അനന്തന് തോന്നിയില്ല.... ഭാമയുടെ ഉള്ളിൽ ഇങ്ങനെ ഒരു കാര്യമുണ്ടെന്ന് ഭദ്രയും അപ്പച്ചിയും അറിഞ്ഞാൽ തളർന്നു പോകും ഇരുവരും.... മാത്രവുമല്ല ഭാമ തന്നോട് കാണിച്ച അടുപ്പത്തിന് ഇങ്ങനെ ഒരു അർത്ഥം ഉണ്ടായിരുന്നു എന്ന് അവൻ ഒരിക്കലും തോന്നിയിട്ടില്ല...... എന്തെല്ലാമോ ആലോചിച്ച് അനന്തൻ ഇരുട്ടിൽ മുന്നോട്ട് നടന്നു.

 അനന്തൻ പോയ വഴിയെ നോക്കി നിന്നു മഹേശ്വരൻ.... അയാളുടെ മനസ്സിലൂടെ കഴിഞ്ഞതെല്ലാം ഒരു തിരശ്ശീല പോലെ കടന്നുവന്നു....

 \"\"ഏട്ടാ അവൻ പറഞ്ഞിട്ട് പോയതിന്റെ അർത്ഥം എന്താ....? അവൻ പറഞ്ഞതെല്ലാം മിണ്ടാതെ നിന്ന് കേൾക്കുന്നത് കണ്ടല്ലോ... അപ്പോ എന്റെ മോനോ...?\"\" ഉമ്മറത്ത് ഒരു ശില കണക്കെ നിൽക്കുന്ന മഹേശ്വരനോട് ഉമ ചോദിച്ചു..

\"\" അവൻ എന്തെങ്കിലും വായി തോന്നിയത് പറഞ്ഞു എന്ന് വെച്ചിട്ട് ഞാൻ ഭദ്രയെ അവന് കെട്ടിച്ചു കൊടുക്കുമെന്ന് തോന്നുന്നുണ്ടോ നിനക്ക്.... അവന്റെ കൈ എന്റെ കുഞ്ഞിന് നേരെ പൊങ്ങിയിട്ടുണ്ടെങ്കിൽ അവനുള്ളത് ഞാൻ തിരിച്ചു കൊടുത്തിരിക്കും...\"\' മഹേശ്വരൻ വല്ലാത്തൊരു വികാരത്തോടെ പറഞ്ഞു...

\"\' എന്റെ മോൻ സതീഷന് ഉള്ളതാണ് ഭദ്ര എന്ന് ഏട്ടൻ പറഞ്ഞതല്ലേ..?. പറഞ്ഞുപറഞ്ഞ് അവനും അവളോട് ഒരു ആഗ്രഹമൊക്കെ തോന്നിത്തുടങ്ങി..... ഏട്ടൻ ആഗ്രഹിച്ചത് പോലെ അവളുടെ പേരിലുള്ള സ്വത്തുക്കൾ നമ്മുടെ കയ്യിലേക്ക് കിട്ടണമെങ്കിൽ അവളെ എന്റെ മകൻ തന്നെ വിവാഹം കഴിക്കണം.....\"\'

\"\" സതീഷന്റെ ആഗ്രഹം എന്താണെന്ന് എനിക്കറിയാം.... തള്ളയെപ്പോലെ തന്നെ നല്ല ശരീരം അല്ലേ അവൾക്കും....\"\'\'

\"\" എന്താണെങ്കിൽ എന്താ.... ഏട്ടന്റെ ആഗ്രഹവും എന്റെ മോന്റെ ആഗ്രഹവും നടക്കണമെങ്കിൽ സതീഷനും ഭദ്രയും ആയുള്ള വിവാഹം നടക്കണം....\"\'

\"\" നീയൊന്ന് പിടക്കാതെ നിക്ക് ഉമേ... ആദ്യം ഇപ്പോൾ ഇവിടെ നിന്നിറങ്ങി പോയവനെ ഒതുക്കണം.... ഇനി ഒരു മാസം കൂടിയെ ബാക്കിയുള്ളൂ... അതിനുള്ളിൽ എന്തെങ്കിലും ചെയ്ത് അനന്തനെ ഒഴിവാക്കണം... അതിന് എന്നെക്കൊണ്ട് ഒറ്റയ്ക്ക് കഴിഞ്ഞു എന്ന് വരില്ല. നീ സതീഷനെ കൂടി ഒന്ന് വിളിക്ക്....\"\'

\"\" അതോർത്ത് ഏട്ടൻ പേടിക്കണ്ട... ഇക്കാര്യം പറഞ്ഞ് ഞാൻ അവനെ വിളിച്ചാൽ കുറഞ്ഞത് രണ്ടുദിവസത്തിനുള്ളിൽ എങ്കിലും സതീഷൻ ഇവിടെ എത്തും......\"\"


\"\' ഇനി എന്നാൽ സതീശൻ വരട്ടെ.. എന്നിട്ട് ബാക്കി തീരുമാനിക്കാം...\"\' മഹേശ്വരന്റെ ചുണ്ടുകളിൽ പുച്ഛത്തോടെയുള്ള ഒരു ചിരി വിരിഞ്ഞു....


🍁🍁🍁🍁

\"\" വേദനയുണ്ടോ മോളെ...?\"\' ഭദ്രയുടെ കാലിലെ മുറിവിൽ ശ്രദ്ധയോടെ മരുന്നു പുരട്ടുകയായിരുന്നു സുഭദ്ര... ആ വേദനയിൽ ഭദ്ര ഒന്ന് എരിവ് വലിച്ചു...

\"\' ഒരു നീറ്റൽ പോലെ അമ്മേ... എന്നാലും കുഴപ്പമില്ല...\'\'\"

\"\' എന്നാലും ഭാമ എന്തിനാ ഇങ്ങനെ ചെയ്തതെന്ന് എത്ര ആലോചിച്ചിട്ടും എനിക്ക് മനസ്സിലാകുന്നില്ല.... എന്റെ കുട്ടിയോട് അവൾക്ക് എന്തിനാ ഇത്ര പക... ദൈവാനുഗ്രഹം ഉള്ള കുട്ടിയാ നീ അല്ലെങ്കിൽ ഇത്രയും വലിയ ആപത്തീന്ന് നീ കരകയറുമോ...?\"\"

\"\" നിനക്കറിയാവുന്നതല്ലേ ഭദ്ര... ആ കാവിനോടുള്ള എന്റെ വിശ്വാസം എല്ലാം പോയി എന്ന്... അങ്ങനെയുള്ള ഞാൻ നിന്നെ അങ്ങോട്ടേക്ക് പറഞ്ഞുവിടും എന്ന് നിനക്ക് തോന്നുന്നുണ്ടോ...? ഒരിക്കൽ ആ കാവിൽ വിളക്ക് വെച്ച് ഞാൻ പ്രാർത്ഥിച്ചിരുന്നു നിന്റെ അച്ഛന് വേണ്ടി.... ആ പ്രാർത്ഥന ദൈവം കേട്ടു പക്ഷേ അതിനായുസ്സ് നീട്ടി തന്നില്ല .. അതോടെ പോയതാ എനിക്ക് ആ കാവിനോടുള്ള വിശ്വാസം....\"\"

\" അറിയാം അമ്മേ.. എന്നാലും ഭാമ വന്നു പറഞ്ഞപ്പോൾ....?.\"\".. ഭദ്രയുടെ കണ്ണുകൾ നിറഞ്ഞു....

\"\" സാരമില്ല.... ചുറ്റും ശത്രുക്കളാ എന്റെ കുട്ടിക്ക്... ഒരു കാര്യത്തിൽ മാത്രമേ അമ്മയ്ക്ക് സമാധാനം ഉള്ളൂ.... അനന്തൂട്ടൻ ഇപ്പോൾ നാട്ടിൽ ഉണ്ടല്ലോ... അവൻ ഉണ്ടാകും എന്റെ കുട്ടിക്ക് കാവൽ ആയിട്ട്....\"\'

 സുഭദ്ര അത് പറഞ്ഞതും ഭദ്രയുടെ ചുണ്ടുകളിൽ ഒരു പുഞ്ചിരി വിരിഞ്ഞു.... ഇതുവരെ അനുഭവിച്ച വേദന എല്ലാം അലിഞ്ഞ് പോകുന്നതായി അവൾക്ക് തോന്നി....

🍁🍁🍁🍁🍁

\"\" താൻ അവളെ കണ്ടിട്ടില്ലല്ലോ...? അപ്സരസ്സ് എന്നൊക്കെ പറഞ്ഞാൽ അത് ആ പെണ്ണാണ്... എന്താ ഒരു ശരീരവടിവ്.... കടിച്ചെടുക്കാൻ തോന്നുമെടോ... കൈക്കുള്ളിലേക്ക് ഒതുക്കി പിടിക്കാൻ തോന്നും....\"\"

 കയ്യിലെ മദ്യം നിറഞ്ഞ ഗ്ലാസ് കറക്കി കൊണ്ട് ചുണ്ട് കടിച്ച് വല്ലാത്തൊരു വികാരത്തോടെ രുദ്രൻ മുന്നിലിരിക്കുന്ന പി എ ആയ രമേഷിനോട് പറഞ്ഞു...

 \"\"സാറിന് ഇങ്ങനെ തോന്നുന്നത് അല്ലല്ലോ..? ഒരു പെണ്ണിനെക്കുറിച്ചും സാർ ഇങ്ങനെ പറയുന്നത് ഞാൻ കേട്ടിട്ടില്ല....\"\"

\"\" ഒരുതവണ മാത്രം അനുഭവിച്ച് ഞാൻ വലിച്ചെറിയുന്ന മറ്റു പെണ്ണുങ്ങളെപ്പോലെ അല്ല അവൾ... വീണ്ടും വീണ്ടും ആസ്വദിക്കാൻ തോന്നുന്ന രീതിയിലാണ് അവളെ സർവ്വേശ്വരൻ പടച്ചുവിട്ടിരിക്കുന്നത്... അതിൽ ഒരു തവണയെങ്കിലും കൈവെക്കാൻ അവസരം കിട്ടിയില്ലെങ്കിൽ പിന്നെ ഞാൻ ഒരാണാന്ന് പറഞ്ഞിട്ട് എന്താടോ കാര്യം...\"\"

\"\"മം.. മം.. മനസ്സിലാകുന്നുണ്ട്... ഇപ്പോ ഇവിടത്തെ താമസം പറഞ്ഞതിലും അധികമാകും എന്നർത്ഥം...\"\'

\"\" Exactly...താനെന്നെ മനസ്സിലാക്കി കളഞ്ഞു...ഇപ്പോൾ ലക്ഷ്യം രണ്ടായി.. എന്റെ ആദ്യ പ്രൊജക്റ്റും ആദ്യം ഇഷ്ടം അല്ല കാമം തോന്നിയ പെണ്ണും..\"\'

 രുദ്രൻ ഒരു ചിരിയോടെ കസേരയിലേക്ക് ചാഞ്ഞു...

🍁🍁🍁🍁🍁

ദിവസങ്ങൾ കടന്നുപോയി... രുദ്രൻ ഭദ്രകായി കാത്തിരുന്നു.... ഇതൊന്നുമറിയാതെ
 🍁അനന്തഭദ്രം🍁... പൂർവാധികം ശക്തിയോടെ പ്രണയിച്ച് മുന്നോട്ടേക്ക് പോയി......

 ഭദ്ര കണ്ണാടിക്ക് മുന്നിൽ ഒരു നിമിഷം നോക്കി നിന്നു.... തന്റെ പിന്നിലായി വന്ന് അനന്തൻ തന്നെ ചേർത്തുപിടിക്കുന്നത് കണ്ണുകൾ അടച്ചു നിന്നവൾ സ്വപ്നം കണ്ടു...

\"\"വിട്... അനന്തേട്ടാ \"\".... പെണ്ണ് മറ്റേതോ ലോകത്ത് എന്നപോലെ കണ്ണാടിക്ക് മുന്നിൽ ഇന്ന് ചെണുങ്ങി....

 ഈ സമയമാണ് ആ രണ്ടു കൈകൾ തന്റെ ദാവണിക്കിടയിലൂടെ അണിവയറിൽ അമർന്നത്... എന്തോ അരുതാത്തത് സംഭവിച്ചത് പോലെ ഭദ്ര കണ്ണുകൾ തുറന്നു. കണ്ണാടിയിലൂടെ തന്നെ പുണർന്നു നിൽക്കുന്ന ആ രൂപം കണ്ടതും അവൾ ഒന്നു കുതറാൻ ശ്രമിച്ചു.......

 അവളുടെ ശ്രമത്തിന്റെ ശക്തി എന്ന വണ്ണം അവന്റെ കൈകൾ വയറിൽ മുറുക്കി കൊണ്ടിരുന്നു സതീഷൻ....

\"\" വിട് സതീഷേട്ടാ എന്നെ.....\"\" ഭദ്രയുടെ കണ്ണുകൾ ചുവന്നു...

 \"\"അടങ്ങി നിൽക്ക് പെണ്ണേ അവിടെ... നീ എങ്ങോട്ടാ ഈ ഓടാൻ ശ്രമിക്കുന്നത്...\"\"

 സതീഷന്റെ ഒരു കൈ അവളുടെ മാറിലൂടെ മുകളിലേക്ക് സഞ്ചരിച്ച് ദാവണിയുടെ തുമ്പിൽ കുത്തിയിരുന്ന പിന്നു പൊട്ടിച്ചു...

 കൈകൊണ്ട് ആ ദാവണി തുമ്പു പിടിച്ച് മാറ്റി കണ്ണാടിയിലൂടെ അവളുടെ വിരിഞ്ഞ മാറിടം സതീഷൻ നോക്കി കണ്ടു....

 ഭദ്രയ്ക്ക് ശ്വാസം മുട്ടുന്നത് പോലെ തോന്നി.... പൂർവാധികം ശക്തിയോടെ അവനെ തള്ളാൻ അവൾ ഒരു ശ്രമം നടത്തി എങ്കിലും അവന്റെ പിടുത്തത്തിന്റെ ശക്തിയിൽ ആ ശ്രമം പരാജയപ്പെട്ടു...

\'\"\" നീ എന്തിനാ ഭദ്ര എന്നെ ഇങ്ങനെ ഭയക്കുന്നത്... എത്രയായാലും ഞാൻ കാണാനുള്ളത് തന്നെയല്ലേ നിന്നെ കൂടിപ്പോയാൽ രണ്ടാഴ്ച അതിനുള്ളിൽ ഞാൻ നിന്റെ കഴുത്തിൽ താലികെട്ടും....\"\"

 ആ വാക്കുകൾ ഒരിടത്തി പോലെ അവളിൽ പ്രവഹിച്ചു.... ഇനിയും താൻ ധൈര്യം കാണിച്ചില്ലെങ്കിൽ സതീഷൻ അവസരം മുതലെടുക്കുമെന്ന് മനസ്സിലാക്കിയ ഭദ്ര അവനെ പിന്നിലേക്ക് ആഞ്ഞു തള്ളി.... സതീഷൻ പിന്നിലേക്ക് പോയ സമയം കൊണ്ട് ഭദ്ര വീണ ദാവണി തുമ്പെടുത്ത് തന്റെ മാറിടം പൊതിഞ്ഞുപിടിച്ചു....

 \"\"അത് സതീഷേട്ടൻ മാത്രം തീരുമാനിച്ചാൽ പോരാ....\"\'

ഹാ...ഹാ ഹാ...ഹാ... സതീഷൻ അട്ടഹസിച്ചു...

 \"\"പിന്നെ ആരാടീ തീരുമാനിക്കേണ്ടത്...? നീയോ..മ്.. അതോ നിന്റെ മറ്റവനോ....?\"\"അതിനവൻ ജീവനോടെ ഉണ്ടെങ്കിൽ അല്ലേ... അവനെ ഇല്ലാതാക്കാനുള്ള ഏർപ്പാടുകൾ എല്ലാം അമ്മാവൻ ചെയ്തു കഴിഞ്ഞു....\"\'

 സതീശൻ പറഞ്ഞതും ഭദ്ര ഞട്ടലോടെ അവനെ നോക്കി... ഒരു നിമിഷത്തേക്ക് കാലുകൾ പോലും ചലനമറ്റതായി.... ഈ സമയം മതിയായിരുന്നു സതീഷിന് വീണ്ടും അവളിലേക്ക് അടുക്കാൻ....

\"\" അമ്മേ...\"\". അവൾ ഉറക്കെ വിളിച്ചതും സതീഷൻ ഭദ്രയുടെ വാ പൊത്തിപ്പിടിച്ചു...


 അപ്പോഴേക്കും വാതിലിൽ ആരോ ശക്തിയായി മുട്ടിയിരുന്നു... ഈ സമയം കൊണ്ട് തന്നെ സതീഷിനയിൽ നിന്നും കുതറി മാറി ഭദ്ര വാതിൽ തുറന്നു.... മുന്നിൽ സുഭദ്രയെ കണ്ടതും ഭദ്ര സുഭദ്രയെ കെട്ടിപ്പിടിച്ചു പൊട്ടിപറഞ്ഞു...

\"\' നീയെന്താ സതീഷാ ഇവളുടെ മുറിയിൽ....?\"

\"\'അത്.. പിന്നെ... ഞാൻ ... \"\'സതീഷൻ വാക്കുകൾക്ക് വേണ്ടി പരതി... ഈ സമയം കൊണ്ട് ഭദ്രേ മാറ്റിനിർത്തി സുഭദ്ര സതീശൻ അരികിലേക്ക് വന്നു അവന്റെ കവിളിൽ ആഞ്ഞ് തല്ലി....

\"\' നിന്റെ ഉദ്ദേശം എന്താണെന്ന് എനിക്കറിയാം പക്ഷേ അത് നടക്കില്ലടാ..\'\' അപ്പോഴേക്കും മഹേശ്വരനും ഉമയും അങ്ങോട്ടേക്ക് എത്തിയിരുന്നു......

\"\"ഏട്ടത്തി എന്തിനാ എന്റെ കുഞ്ഞിനെ തല്ലുന്നത്...?.\"\'. ഈ കാഴ്ച കണ്ട ഉമ സുദ്രയോട് ചോദിച്ചു....

\"\' തല്ലുക അല്ലാതെ പിന്നെ ഇവനെ എന്താ വേണ്ടത്... ?ആരുമില്ലാത്ത സമയത്ത് എന്റെ കുഞ്ഞിന്റെ മുറിയിൽ കയറി ഇവൻ.. ച്ചേ..\"\'..

\"\' അതിന് ഏട്ടത്തി ഇത്ര ദേഷ്യപ്പെടാൻ എന്താ ഉള്ളത്... ? അവന് അവകാശമുള്ള മുറിയിൽ തന്നെയല്ലേ അവൻ കയറിയത്... എത്രയായാലും ഭദ്ര സതീഷൻ ഉള്ളതാ... അവളുടെ ദേഹത്ത് അവൻ ഒന്നു തൊട്ടു എന്ന് വെച്ച് ഒന്നും സംഭവിക്കാൻ പോകുന്നില്ല...\'\'\"

 ഉമ വീറോടെ പറഞ്ഞു......

\"\' നിങ്ങൾ ഏട്ടനും അനിയത്തിയും അങ്ങനെ പലതും കരുതിക്കൂട്ടി വച്ചിട്ടുണ്ടാവും... പക്ഷേ അതല്ല നടക്കാൻ പോകുന്നത്...... എന്റെ കുഞ്ഞിന്റെ ആഗ്രഹപ്രകാരം ആയിരിക്കും ഇവിടെ കാര്യങ്ങൾ നടക്കാൻ പോകുന്നത്....\'\'

\"\" സുഭദ്ര.... നീ ആരോടാ ഈ എതിർത്ത് സംസാരിക്കുന്നത് എന്ന് അറിയുമോ..? നീ പറഞ്ഞതുപോലെ ഞാനും എന്റെ പെങ്ങളും എന്തെങ്കിലും തീരുമാനിച്ചിട്ടുണ്ടെങ്കിൽ അത് തന്നെ നടക്കും. അറിയാലോ നിനക്ക് എന്നെ.. എതിർത്തു നിൽക്കാൻ നിന്നെക്കൊണ്ടു നിന്റെ ഈ മോളെ കൊണ്ടോ കഴിയില്ല..\"\'.

 അവസാനത്തെ വാചകം ഭദ്രയെ ചൂണ്ടി കാണിച്ചുകൊണ്ട് മഹേശ്വരൻ പറഞ്ഞു....

 അത്രയും പറഞ്ഞ് മഹേശ്വരൻ മുറിവിട്ട് പുറത്തേക്ക് പോയപ്പോൾ സതീഷനും ഉമയും അയാൾക്ക് പിന്നാലെ പോയി.... സുഭദ്ര ഭദ്രയെ ചേർത്തുപിടിച്ചു... അവൾ പൊട്ടി കരഞ്ഞുകൊണ്ട് സുഭദ്രയുടെ മാരോട് ചേർന്നു..

\"\" നീ എന്തു പണിയാ സതീഷാ ഈ കാണിച്ചേ.... ?ഇത്ര പോലും വകതിരിവില്ലാതായോ നിനക്ക് .... അവളെ പിടിച്ച് ഞാൻ നിനക്ക് തന്നെയല്ലേ തരാൻ പോകുന്നത് ...രണ്ടാഴ്ച കൂടി നീയൊന്ന് ക്ഷമിക്ക്....\"\"


\"\" അമ്മാവൻ എന്താ കരുതിയത് എനിക്ക് അവളോടുള്ള ഇഷ്ടം മൂത്തിട്ടാ ഞാൻ അവളെ കയറി പിടിച്ചതെന്നോ....? എനിക്ക് അവളെ ഇഷ്ടമാ പക്ഷേ അവളുടെ ശരീരത്തിനോട് മാത്രമാ ആ ഇഷ്ട്ടം ...ഹോ എന്താ പെണ്ണിന്റെ ഒരു അഴക്....\"\"

 \"\"എനിക്ക് മനസ്സിലാകുമെടാ സതീഷാ നിന്നെ... വർഷങ്ങൾക്കു മുൻപ് നിന്റെ അമ്മായിക്ക് മുന്നിൽ ഞാൻ വീണതും ഇതുപോലെ തന്നെയാണ്.... പക്ഷേ പിന്നീടാ മനസ്സിലായത് ആ ശരീരം മാത്രമല്ല കോടിക്കണക്കിന് സ്വത്തിന്റെ അവകാശി കൂടിയാണ് അവൾ എന്ന്.... അതോടെ എനിക്ക് വാശിയായി....അവള് മറ്റൊരുത്തനെ കെട്ടിയിട്ടും ഞാൻ അവളെ വിട്ടില്ല...... അന്നെനിക്ക് സുഭദ്രയോട് ഉണ്ടായിരുന്ന അതേ വികാരമാണ് ഇന്ന് നിനക്ക് ഭദ്രയോട് എന്ന മറ്റാരെക്കാളും നന്നായി എനിക്കറിയാം...\"\'

\"\" ചരിത്രം വീണ്ടും ആവർത്തിക്കാൻ പോകുകയാണല്ലോ അമ്മാവാ....\"\'

\"\' നീ പറഞ്ഞത് ശരിയാ... ചരിത്രം വീണ്ടും ആവർത്തിക്കണം... അന്നെനിക്ക് മുന്നിൽ തടസ്സം വാസുദേവൻ ആയിരുന്നു എങ്കിൽ ഇന്ന് നിനക്ക് മുന്നിൽ തടസ്സമായി നിൽക്കുന്നത് അനന്തനാണ്..... മുന്നോട്ടുള്ള വഴിയിൽ തടസ്സമായി നിൽക്കുന്നത് എന്താണെങ്കിലും അത് പൊന്നു കായ്ക്കുന്ന മരം ആണെങ്കിലും വെട്ടി വീഴ്ത്തേണ്ടേ...?\"\'

\" വേണം..\"\'.. സതീശൻ വല്ലാത്തൊരു വികാരത്തോടെ പറഞ്ഞു.....

\"\' പക്ഷേ ഏട്ടാ... അനന്തനെ എന്തെങ്കിലും ചെയ്യാൻ ഭാമ സമ്മതിക്കുമെന്ന് തോന്നുന്നുണ്ടോ...?\"\'

 ഉമ ഇവർക്കിടയിൽ തടസ്സം സൃഷ്ടിച്ചു കൊണ്ട് ചോദിച്ചു....

\"\" അമ്മ എന്താ വിചാരിച്ചത് അനന്തനെ ഞാൻ കൊല്ലാൻ പോവുകയാണെണോ.. ഒരിക്കലുമല്ല.... പഴയ കാലമല്ല ഇപ്പോൾ.... അവനെ കൊന്നു ഞാൻ ജയിലിൽ പോയിട്ട് എന്ത് കാര്യം....... എന്റെ മനസ്സിൽ മറ്റൊരു ലക്ഷ്യമുണ്ട്... അനന്തനും ഭദ്രയും എന്നെന്നേക്കുമായി പിരിയാൻ ഇട വരുത്തുന്ന ഒരു ലക്ഷ്യം..... അവസാനം ഭദ്ര എന്റെ ആകും... ആവശ്യം കഴിഞ്ഞ് ഒരു പൂച്ച കുഞ്ഞിനെ കളയുന്ന ലാഘവത്തോടെ ഞാൻ അവളെ വലിച്ചെറിയും....\"\'\'

തുടരും...

 അഭിപ്രായങ്ങൾ അറിയിക്കണം.. 😊😊