കഴിഞ്ഞ രണ്ടു മാസം കളിയും ചിരിയും മാത്രം നിറഞ്ഞു നിന്ന വീട്ടിൽ ഇന്ന് ശൂന്യത മാത്രം നിറഞ്ഞു നിൽക്കുന്നു. ചുറ്റും ആരൊക്കെയോ ഉണ്ടെങ്കിലും ആരുമില്ലാത്തതു പോലെ . ഒരാളുടെ അഭാവം സൃഷ്ടിച്ച ഗർത്തം അത്രത്തോളമുണ്ട്. ഒന്നിലും മനസ്സുറക്കുന്നില്ല.അമ്മയും നാത്തൂനും മോളുമുണ്ട്. മക്കൾ രണ്ടും ട്യൂഷനു പോയി. മഞ്ജു രാവിലെ ഉപ്പുമാവ് ഉണ്ടാക്കി കൊടുത്തു അവർക്ക്. ഇതിപ്പോ നേരം ഒരുപാടായി. പന്ത്രണ്ട് മണിയോടുക്കുന്നു. അങ്ങ് എത്തേണ്ട നേരം കഴിഞ്ഞു. എയർപോർട്ടിൽ നിന്ന് ഇറങ്ങുമ്പോൾ ഒന്ന് വിളിക്കുന്നതാണ് സാധാരണ . ഇന്ന് ഇതുവരെ വിളിച്ചിട്ടില്ല. അങ്ങോട്ട് വിളിച്ചിട്ട് കിട്ടുന്
