"ഉണ്ണി ഇന്ന് വരുവല്ലേ...."
 എന്ന അയൽവാസിയുടെ ചോദ്യം 
ആ അമ്മയെ ഞൊടിയിടയിൽ 25 കൊല്ലം പുറകോട്ട് കൊണ്ടുപോയി 

•°•°•°•°•°•°•°•°•°•°•°•°•°•°•°•

"ഒരുപാട് ദിവസായില്ലേ ഇന്ദ്രന് കത്തയച്ചിട്ട്.. ഇതുവരെ മറുപടി ഒന്നും വന്നില്ല്യാലോ കുട്ട്യേ..."
 അമ്മ പറഞ്ഞത് അപ്പോൾ അത്ര കാര്യം ആക്കിയില്ലെങ്കിലും പിന്നീട് ആലോചിച്ചപ്പോൾ ശെരി ആണെന്ന് തോന്നി.. 

തനിക്ക് ഒമ്പതാം മാസം ആണ്... ഈ ആഴ്ച്ച അവസാനം അദ്ദേഹം വരും എന്നാണ് അറിഞ്ഞത്... 

"അർപ്പണ ബോധമുള്ള രാജ്യസ്നേഹിയുടെ ഹൃദയം ആണ് സ്വാതന്ത്ര്യവൃക്ഷത്തിന്റെ വിത്ത്.."
 എന്ന് വായിച്ചത് അദ്ദേഹം എന്നും പറയും..  

••••••••••••••

"ആഹ് വരും... "
ആ അമ്മ ബോധാവസ്ഥയിൽ എത്തിയതും മറുപടി നൽകി 

"അവന് ഇഷ്ടപെട്ടത് ഉണ്ടാക്കി വക്കണം... ഞാൻ ചെല്ലട്ടെ... "
ഇത്രയും പറഞ്ഞ് അവർ അകത്തേക്ക് പോയി.. 

എല്ലാ ജോലികളും തീർത്ത് ഉമ്മറപ്പടിയിൽ അമ്മ മകനെ കാത്തിരുന്നു.. 

ചിന്തകൾ മനസ്സിൽ നിന്ന് ഒഴിഞ്ഞിരുന്നില്ല.. 

"സുജേ.. നാളെ ഇന്ദ്രൻ ഇങ്ങെത്തില്ലേ..."
അപ്പുറത്തെ ചേട്ടന്റെ ചോദ്യം തന്നിൽ സന്തോഷം ഉണർത്തിയിരുന്നു... 

"നീ ഇങ്ങനെ നടക്കാതെ പോയി വല്ലിടത്തും ഇരിക്ക് കുട്ട്യേ "അമ്മ പറഞ്ഞു 

താൻ മുറിയിലേക്കു പോയി 

" ങ്ങനെ ജീവിക്കണ്ട കുട്ടിയ... ഇങ്ങനെ ഇവിടെ വയ്യാത്ത എന്നെയും നോക്കി കഴിയണേ.."
അമ്മ പറയുന്നത് തനിക്ക് കേൾക്കാമായിരുന്നു.. 

കിടന്നതും ക്ഷീണംകൊണ്ട് എപ്പോഴോ മയങ്ങിപ്പോയി.. 

ബോധം വന്നതും മെല്ലെ എണീറ്റ് താൻ ഉമ്മറത്തേക്ക് ചെന്നു 
വീട് ആളുകൾ കൊണ്ട് നിറഞ്ഞിരുന്നു.. 

ഏട്ടൻ വന്ന് കാണും.. ആകാംഷയോടെ അവൾ ഉമ്മറത്തേക്ക് നടന്നു.. പല കണ്ണുകളും തന്നെ സഹതാപത്തോടെ നോക്കുന്നത് അവൾ ശ്രദ്ധിച്ചു 

"മോളെ നീ അങ്ങോട്ട്‌ ചെല്ലണ്ട..." സീതേച്ചിടെ വാക്കുകൾ അവളിൽ ആശക സൃഷ്ടിച്ചു.. അവൾ ഉമ്മറത്തേക്ക് ഓടി... 

ഉമ്മറത്ത് ഒരു ഫ്ലെക്സ് വച്ചിരിക്കുന്നു.. 

ആദരാഞ്ജലികൾ... 

പട്ടാള യൂണിഫോമിലുള്ള ഇന്ദ്രേട്ടന്റെ ചിത്രവും... 
താൻ കണ്ണുനീർ പോലും പുറത്ത് വരാതെ നടുങ്ങി നിലത്തേക്ക് ഊർന്ന് ഇരുന്നുപോയി... 

"അമ്മേ... "

ആർദ്രമായ മകന്റെ വിളി കേട്ടാണ് ആ അമ്മ ചിന്തകളിൽ നിന്ന് ഉണർന്നത്.. 

അവർ കണ്ണുനിറയെ കണ്ടു... താന്റെ മകനെ... 
പട്ടാള യൂണിഫോമിൽ തിളങ്ങി നിൽക്കുന്ന മകനെ... ❣️

"ഉണ്ണി... "
അമ്മ മകന്റെ നെറുകയിൽ ചുംബിച്ചു... 

           
   ©✍️❤️ശിവാങ്കി ❤️