7. സിതാര



 മാളിലേക്കു കയറവേ കാലൊന്ന് സ്ലിപ്പായി. ഗായു വണ്ടി പാർക്ക്‌ ചെയ്യാൻ പോയതാണ്. ഇന്നെന്റെ നടുവിന്റെ കാര്യത്തിലൊരു തീരുമാനമായെന്നുറപ്പിച്ചു.
പക്ഷെ വീഴും മുന്പേ ആരോ താങ്ങിപ്പിടിച്ചിരുന്നു. കണ്ണ് തുറന്ന് മുന്നിൽ നിൽക്കുന്ന വിച്ചുവേട്ടനെ കണ്ടപ്പോൾ എന്തോ പറഞ്ഞറിയിക്കാനാവാത്ത സന്തോഷം തോന്നി.

സീതു നിനക്ക് കുഴപ്പമൊന്നുമില്ലല്ലോ?

അച്ഛൻ മാത്രമാണങ്ങനെ വിളിക്കാറ് പതിവ്.മാറ്റാരങ്ങനെ വിളിച്ചാലും ദേഷ്യപ്പെടുന്ന ഞാൻ ആ വിളിയിൽ ലയിച്ചു പോയി.
ആൾടെ നോട്ടം കണ്ടപ്പോഴാണ് സ്ഥലകാല ബോധം വന്നത്.

ഇല്ല വിച്ചുവേട്ടാ. കൊഴപ്പൊന്നുമില്ല.

മ്മ്. വാ നടക്ക്.

ആൾക്കൊപ്പം മുന്നോട്ട് നീങ്ങി. എന്റെ കയ്യിൽ കോർത്തു പിടിച്ച വിച്ചേട്ടന്റെ കൈകൾ കണ്ടതും ഉള്ളിലാകെയൊരു സന്തോഷം.
ഞങ്ങളെക്കാത്തു അക്ഷമയോടെ ഇരിക്കുന്ന അഭിയേട്ടനും വീണക്കുമരികിലായി ഞങ്ങൾ സ്ഥാനം പിടിച്ചു.
അപ്പോഴേക്കും വിച്ചേട്ടന്റെ കൈകൾ എന്നിൽ നിന്നും വിട്ടിരുന്നു. അതിൽ പരിഭവിച്ച് തിരിഞ്ഞപ്പോഴാണ് അരികിൽ വന്നിരിക്കണ ഗായുന്നേ കാണണെ.
മുഖത്തെ ഭാവം കണ്ടപ്പോൾ മനസിലായി അവളെ വെയിറ്റ് ചെയ്യാതെ പോന്നതിന്റെ പരിഭവമാണെന്ന്.
പക്ഷെ അവളുടെ ദൃഷ്ട്ടി എതിർവശത്തിരിക്കുന്നയാളിലായിരുന്നു.
ഞാനും സംശയ പൂർവം ആളെ വീക്ഷിച്ചു.

അപ്പൊ മക്കളെ, ഇതാണ് ഞങ്ങടെ അച്ചു, അക്ഷിത് ചന്ദ്രശേഖർ. അഭിയേട്ടൻ ആളെ പരിചയപ്പെടുത്തി.
പണ്ടെപ്പോഴോ പറഞ്ഞതോർക്കുന്നു .
ഇവർ മൂന്നുപേരുടെ സൗഹൃദകഥകൾ.
അഞ്ചാം ക്ലാസ്സിൽ തുടങ്ങിയതാ.ഇപ്പോഴും കട്ട ചങ്ക്‌സ്.

എന്നിട്ടും ഇവിടൊരാളുടെ മുഖം തെളിഞ്ഞിട്ടില്ല. എന്താപ്പോ കഥ??
എന്റെ അതെ അമ്പരപ്പ് മറ്റെല്ലാവർക്കുമുണ്ട്. ഒടുവിൽ അച്ചുവേട്ടൻ തന്നെ അതിന്റെ കാരണം വെളിപ്പെടുത്തി. മറ്റൊന്നുമല്ല, പാർക്ക്‌ ചെയ്യുന്നതിന്റെ ഇടയിൽ രണ്ടാൾടേം വണ്ടി തമ്മിലൊന്ന് മുട്ടി. വണ്ടിക്കൊ ആളിനോ പരിക്കൊന്നുമില്ല. പിന്നെന്താ??
പ്രേശ്നമെന്നല്ലേ.
അച്ചുവേട്ടൻ അവളുടെ വണ്ടിയെ പാട്ട വണ്ടിയെന്ന് സംബോധന ചെയ്തത്രേ.
അതവൾ സഹിക്കില്ല, അത്രക്ക് ജീവനാ ആ വണ്ടിയവൾക്ക്. അതുകഴിഞ്ഞേ ഉള്ളൂ ഈ ഞാൻ പോലുമവൾക്.

സംഭവം നിസാരമല്ലെന്ന് ബോധ്യ്പ്പെട്ടപ്പോൾ ആ മനുഷ്യൻ സോറി പറയാൻ തയ്യാറായി.
എന്നിട്ടും ഗായുവിനൊരു കുലുക്കമില്ല.

പിന്നെ അതിനു വല്യ ശ്രെദ്ധ കൊടുക്കാതെ ഞങ്ങൾ ഭക്ഷണത്തിൽ കോൺസെൻട്രേറ്റ് ചെയ്തു.
ഇതിനിടക്ക് അച്ചുവേട്ടൻ ഞങ്ങളെല്ലാവരും ചേർന്നുള്ള വാട്സാപ്പ് ഗ്രൂപ്പ്‌ തുടങ്ങി.
വിച്ചുവേട്ടന്റെ നമ്പർ കിട്ടാനൊരുപായം തേടി നടന്ന എനിക്ക് അപ്പോൾ അച്ചുവേട്ടനെ രൂപക്കൂട്ടിൽ എടുത്ത് വെക്കാന തോന്നിയെ.
മനസിലായില്ലേ മാലാഖയുടെ സ്ഥാനമായിരുന്നെന്ന്.
പക്ഷെ അടുത്ത നിമിഷം എവീടെ നിന്നോ വേറൊരു കുരിശും ലാൻഡ് ആയി. വിച്ചുവേട്ടനോടൊപ്പം ജോലി ചെയ്യുന്ന ഗ്രീഷ്മ.
രണ്ടും പൊരിഞ്ഞ വർത്തമാനം. ഡെയിലി കണ്ടോണ്ടിരുന്ന ഈ മനുഷ്യനോട് ഇവൾക്കിതിനും മാത്രം പറയാനെന്തുവാ ഉള്ളെ?
എന്നിലെ കുശുമ്പത്തി സട കുടഞ്ഞെഴുന്നേറ്റു. അവൾ പോയപ്പോഴാണ് ശരിക്കൊരു വറ്റ് വായിലേക്കിറക്കാൻ കഴിഞ്ഞത്. 
ഒടുവിൽ എല്ലാവരോടും യാത്ര പറഞ്ഞവിടെ നിന്നും ഇറങ്ങിയപ്പോൾ ഞാൻ തിരിച്ചറിഞ്ഞു,എനിക്ക് വിച്ചുവേട്ടനോട് തോന്നുന്ന വികാരം അത് ,വെറുമൊരു ഇൻഫെക്റ്റുവേഷൻ അല്ലെന്ന് ചങ്കിൽ തട്ടിയ ഒരൊന്നൊന്നര പ്രണയമാണെന്ന്.