മഴ അവൾക്കെന്നും ഭ്രാന്തായിരുന്നു തിമർത്തു പെയ്യുന്ന മഴ നനഞ്ഞും നടന്നും ഉറങ്ങിയും അവൾ മഴയെ. ആസ്വദിക്കുന്നത് ഞാൻ നോക്കി കണ്ടിട്ടുണ്ട്. അവൾ കുഴിമാടത്തിലേക്കു ഇറങ്ങുമ്പോൾ ആ മഴ വീണ്ടും പെയ്യ്തു. കുഴിമാടത്തിനു മുകളിൽ വലിച്ചു കെട്ടിയ നീല പടുത കാറ്റിൽ ആഞ്ഞു വീശി. അതൊന്നു അഴിച്ചു കളയൂ ആൾ കൂട്ടത്തിൽ നിന്നും ഞാൻ വിളിച്ചു പറഞ്ഞു. എന്റെ ശബ്‌ദം ഉയർന്നതിനാലാവാം എല്ലാവരും തന്നെ തിരിഞ്ഞു നോക്കി. കൂട്ടത്തിൽ ഒരു സ്ത്രീ പറയുന്നത് കേട്ടു അത് അവളുടെ ഭർത്താവ് ആണ് എന്ന്. ചിലർ മുഖം കടുപ്പിച്ചു. അവൾ ഇഷ്ട്ടപെട്ടിരുന്ന മഴയെ ഞാനും ഇന്ന് ഇഷ്ട്ടപെട്ടു തുടങ്ങിയിരിക്കുന്നു. അപ്പോഴും കേൾക്കാം ആ സ്ത്രീ ശബ്ദം. അയാൾ മറ്റൊരു പെണ്ണിനെ കെട്ടി കുടുംബമായി ജീവിക്കുന്നു പിന്നെ ഇയാൾ എന്തിനു ഇവിടേയ്ക്ക് വന്നിരിക്കുന്നു ഞാൻ തിരിഞ്ഞു നോക്കിയതെ ഇല്ല. അഴിച്ചു മാറ്റിയ നീല പടുത ആരോ ദൂരേക്ക് മാറ്റിയിട്ടു അവൾ ഈ മഴയും ആസ്വദിക്കുന്നുണ്ടാവും എന്നെനിക് ഉറപ്പായിരുന്നു. നീ ഓർത്തോ ഞാൻ വരില്ല എന്ന്. അവൾ അവനു കേൾക്കാൻ മാത്രമായി ആ മഴയുടെ നിലയ്ക്കാത്ത ശബ്ദത്തിലെന്നോണം അവനോടായി പറഞ്ഞു ഈ ഭൂമിയിൽ ഞാൻ ആദ്യമായും അവസാനമായും പ്രണയിച്ചത് നിന്നെ മാത്രമാണ്. മറ്റു എല്ലാത്തിന്റെയും പുറകെ നീ അലഞ്ഞു നടന്നപ്പോൾ പലപ്പോഴും നീ എന്നെ മറന്നു. ചിലപ്പോൾ ചിലർ അങ്ങനെ ആണ് സ്നേഹിക്കുന്നവരെ അകറ്റി ഒറ്റയ്ക്ക് നടക്കും പരിഭവം അല്ലാട്ടോ എന്റെ മനസ് അവസാനമായി നിന്നോട് പറഞ്ഞു എന്ന് മാത്രം. മഴയുടെ നേർത്ത വിങ്ങൽ അവളുടെ വാക്കുകൾക്ക് വിരാമം ഇട്ടപ്പോൾ എന്റെ മിഴികളിൽ നിന്നും മിഴിനീർക്കണം ഇറ്റ് വീണു.അവളെ നോക്കി നിൽക്കെ ഒരു തണുത്ത വിരലുകൾ എന്നെ തൊട്ടു പോകാം നമുക്ക്  ആളൊഴിഞ്ഞു തുടങ്ങിയ കുഴിമാടത്തിൽ നിന്നും അവളോട്‌ യാത്ര പറഞ്ഞു അവൻ നടന്നു അപ്പോഴും മഴ അതിന്റെ പൂർണതയിൽ പെയ്യ്തു കൊണ്ടേ ഇരുന്നു. ഈ നശിച്ച മഴക്ക് ഇപ്പോഴും അവളോട്‌ അടങ്ങാത്ത പ്രണയമാണല്ലോ എന്നവൻ പിറുപിറുത്തു. തന്നെ പ്രണയിച്ചവളെ അവസാനമായി ഒരു നോക്ക് കാണാൻ എനിക്ക് വരാതിരിക്കാൻ ആവില്ലല്ലോ എന്ന് മഴയും.🌧️