ഒട്ടും പ്രതീക്ഷിക്കാതിരുന്ന നേരത്താണ് അരവിന്ദന് പ്രമോഷൻ കിട്ടുന്നത്.ആഗ്രഹിച്ചപ്പോഴൊന്നും അയാൾക്കത് കിട്ടിയില്ല.തനിക്കൊപ്പം ജോയിൻ ചെയ്തവരൊക്കെ ഉയരത്തിലെത്തിയപ്പോൾ അരവിന്ദനും ആഗ്രഹിച്ചതാണ് ഒരു സ്ഥാനക്കയറ്റം. ഇതിപ്പോൾ ഏറെ വൈകിയെങ്കിലും അനവസരത്തിലായെങ്കിലും അരവിന്ദൻ ആ ഓഫർ സ്വീകരിച്ചു.അതിനയാൾക്ക് മറ്റൊരു കാരണം കൂടിയുണ്ടായിരുന്നു.തൻ്റെ യൗവ്വനകാലത്ത് ചേക്കേറി, രണ്ടു വർഷത്തോളം ജോലി ചെയ്തിരുന്ന അതേ നഗരത്തിലേക്കാണ്, പ്രമോഷനോടൊപ്പം അയാളുടെ ഈ സ്ഥലംമാറ്റം. നോസ്റ്റാൾജിയ എന്നത് ചിലർക്ക് സ്വന്തം നാടിനോട് മാത്രമല്ല, മറുനാട്ടിലെ ജീവിത കാലത്തോടും ഉണ